| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
логуд̇д̇арагусалаван̣н̣анаа
Lokuttarakusalavaṇṇanā
277. логам̣ д̇арад̇ийд̇и зд̇зна логасамад̇иггамабадибад̇д̇имааха. уд̇д̇арад̇ийд̇и зд̇зна логассанд̇аг̇аманам̣ палз бад̇идтаанам̣ палам̣. самад̇иггаммаад̇иаад̣̇инаа ниб̣б̣аанам̣. самад̇иггаммаад̇и хи ниссарид̇ваа. абхибхуяяаад̇и висам̣яуд̇д̇ам̣ худ̇ваад̇и ад̇т̇о. д̇ивид̇хоби жад̇т̇о маг̇г̇аад̣̇ийсу згзгасмим̣ яож̇зд̇аб̣б̣о, маг̇г̇зязва ваа ид̇ха д̇асса ад̇хиббзд̇ад̇д̇аа. згажид̇д̇агкан̣иганд̇и згамаг̇г̇асса д̣̇вз ваарз ануббад̇д̇им̣ санд̇хааяааха. ан̃н̃аман̃н̃ам̣ д̇хаммаанам̣ анад̇ивад̇д̇анаад̣̇исаад̇хигааяа бан̃н̃ааяа вад̣дхзд̇и. ‘‘нияяаад̇ийд̇и нияяаанийяа’’нд̇и вад̇д̇аб̣б̣з ий-гаарасса рассад̇д̇ам̣ яа-гаарасса жа га-гаарам̣ гад̇ваа ‘‘нияяаанига’’нд̇и вуд̇д̇ам̣. нияяаад̇и зд̇знаад̇и нияяаанам̣, нияяаанамзва нияяаанигам̣ взнаяиго вияа. зд̇т̇а ‘‘нзяяаанига’’нд̇и вад̇д̇аб̣б̣з и-гаарасса з-гаарад̇д̇ам̣ агад̇ваа вуд̇д̇ам̣.
277. Lokaṃtaratīti etena lokasamatikkamapaṭipattimāha. Uttaratīti etena lokassantagamanaṃ phale patiṭṭhānaṃ phalaṃ. Samatikkammātiādinā nibbānaṃ. Samatikkammāti hi nissaritvā. Abhibhuyyāti visaṃyuttaṃ hutvāti attho. Tividhopi cattho maggādīsu ekekasmiṃ yojetabbo, maggeyeva vā idha tassa adhippetattā. Ekacittakkhaṇikanti ekamaggassa dve vāre anuppattiṃ sandhāyāha. Aññamaññaṃ dhammānaṃ anativattanādisādhikāya paññāya vaḍḍheti. ‘‘Niyyātīti niyyānīya’’nti vattabbe ī-kārassa rassattaṃ ya-kārassa ca ka-kāraṃ katvā ‘‘niyyānika’’nti vuttaṃ. Niyyāti etenāti niyyānaṃ, niyyānameva niyyānikaṃ venayiko viya. Ettha ‘‘neyyānika’’nti vattabbe i-kārassa e-kārattaṃ akatvā vuttaṃ.
паланд̇и жид̇д̇ажзд̇асигарааси вужжад̇и, д̇ам̣ ан̃н̃аман̃н̃ам̣ самбаяуд̇д̇аанам̣ д̇хаммаанам̣ ад̇д̇ано аваяавабхууд̇аанам̣ ниссаяо ход̇и. палан̃аан̣ам̣ ваа палам̣, саммаад̣̇идтиаад̣̇аяо ан̇г̇аани ваа. логуд̇д̇арабхаавзд̇и логам̣ уд̇д̇ин̣н̣абхаавз. д̇зна паланиб̣б̣аанаани сан̇г̇ан̣хаад̇и. д̇зсу яам̣ бхавад̇и палам̣, д̇ам̣ ‘‘бхуумий’’д̇и вужжад̇и. яат̇аа ваа гамманиб̣б̣ад̇д̇аа гаамабхаваад̣̇аяо д̇ам̣саман̇г̇ино ниссаяабхаавзна ‘‘бхуумий’’д̇и вужжанд̇и, звам̣ маг̇г̇зна ниб̣б̣ад̇д̇ам̣ палам̣ арияасаавагасса гаалзна гаалам̣ самаабаж̇ж̇ид̇аб̣б̣ад̇ааяа ниссаяабхаавад̇о ‘‘бхуумий’’д̇и вужжад̇и, д̇ад̇оязва арияаа жирад̇арам̣ д̇идтанд̇и. самужчзд̣̇авивзгавасзнаад̇и зд̇т̇а абааяаг̇аманийяаанам̣ ажжанд̇асамужчзд̣̇о ид̇арзсан̃жа виж̇ж̇уд̇обхаасзна вияа д̇амасса самужчзд̣̇о д̣̇адтаб̣б̣о. логияаж̇жхаанамби бут̇уж̇ж̇анасса арияасса жа агад̇аад̇хигаарасса на винаа бадибад̣̇ааяа иж̇жхад̇и, гад̇аад̇хигаарасса бана арияасса маг̇г̇знзва самиж̇жханад̇о вибаагаанам̣ вияа гусалзна д̇ат̇аа самид̣̇д̇хасса арияамаг̇г̇зна сад̣̇исад̇ааяа абхаавад̇о ад̇аб̣б̣ибаагад̇д̇аа жа на маг̇г̇абадибад̣̇аа д̇асса жхаанасса бадибад̣̇аад̇и саггаа вад̇д̇унд̇и д̇ад̇т̇а д̇ат̇аа г̇арум̣ гад̇ваа бадибад̣̇аахи зва д̣̇зсанаа на гад̇аа, яат̇аавуд̇д̇аж̇жхаанасан̇г̇ахад̇т̇ам̣ суд̣̇д̇хигад̣̇зсанааби гад̇аа.
Phalanti cittacetasikarāsi vuccati, taṃ aññamaññaṃ sampayuttānaṃ dhammānaṃ attano avayavabhūtānaṃ nissayo hoti. Phalañāṇaṃ vā phalaṃ, sammādiṭṭhiādayo aṅgāni vā. Lokuttarabhāveti lokaṃ uttiṇṇabhāve. Tena phalanibbānāni saṅgaṇhāti. Tesu yaṃ bhavati phalaṃ, taṃ ‘‘bhūmī’’ti vuccati. Yathā vā kammanibbattā kāmabhavādayo taṃsamaṅgino nissayabhāvena ‘‘bhūmī’’ti vuccanti, evaṃ maggena nibbattaṃ phalaṃ ariyasāvakassa kālena kālaṃ samāpajjitabbatāya nissayabhāvato ‘‘bhūmī’’ti vuccati, tatoyeva ariyā cirataraṃ tiṭṭhanti. Samucchedavivekavasenāti ettha apāyagamanīyānaṃ accantasamucchedo itaresañca vijjutobhāsena viya tamassa samucchedo daṭṭhabbo. Lokiyajjhānampi puthujjanassa ariyassa ca akatādhikārassa na vinā paṭipadāya ijjhati, katādhikārassa pana ariyassa maggeneva samijjhanato vipākānaṃ viya kusalena tathā samiddhassa ariyamaggena sadisatāya abhāvato atabbipākattā ca na maggapaṭipadā tassa jhānassa paṭipadāti sakkā vattunti tattha tathā garuṃ katvā paṭipadāhi eva desanā na katā, yathāvuttajjhānasaṅgahatthaṃ suddhikadesanāpi katā.
ид̇ха бана гассажи винаа бадибад̣̇ааяа асид̣̇д̇хид̇о г̇арум̣ гад̇ваа д̣̇ассзд̇ум̣ ‘‘д̣̇угкабадибад̣̇а’’нд̇иаад̣̇и вуд̇д̇ам̣. яо гожи ваарод̇и сагим̣ д̣̇вигкад̇д̇ум̣ д̇игкад̇д̇ум̣ жад̇угкад̇д̇ум̣ анзгагкад̇д̇унд̇и звамаад̣̇ийсу вигкамбханаваарзсу яо гожи. сагим̣ д̣̇вигкад̇д̇ун̃жа вигкамбханаваараа сукаа бадибад̣̇аа зва, на жа д̇ад̇о уд̣̇д̇хам̣ сукаа бадибад̣̇аа ход̇ийд̇и д̇игкад̇д̇ум̣ вигкамбханаваарам̣ д̣̇угкаа бадибад̣̇аад̇и рожзсум̣ адтагат̇аажарияаа. д̇асмим̣ д̇ат̇аарожид̇з д̇ад̇о барзсу жад̇угкад̇д̇ум̣ вигкамбханаваараад̣̇ийсу вад̇д̇аб̣б̣амзва над̇т̇ийд̇и. руубааруубаанам̣ лагкан̣аад̣̇ийхи барижчинд̣̇ид̇ваа г̇ахан̣ам̣ руубааруубабариг̇г̇ахо, наамаруубамад̇д̇амзд̇ам̣, на ан̃н̃о гожи сад̇д̇аад̣̇игод̇и вавад̇т̇аабанам̣ наамаруубававад̇т̇аабанам̣. бариг̇г̇ахид̇аруубааруубасса маг̇г̇абаад̇убхаавад̣̇анд̇хад̇аа жа наамаруубававад̇т̇аабанаад̣̇ийнам̣ гижчасид̣̇д̇хид̇о сияаад̇и на руубааруубабариг̇г̇ахагижчад̇ааяа зва д̣̇угкабадибад̣̇ад̇аа вад̇д̇аб̣б̣аад̇и жз? д̇ам̣ на, наамаруубававад̇т̇аабанаад̣̇ийнам̣ бажжанийгагилзсаманд̣̇ад̇ааяа сукасид̣̇д̇хияамби д̇ат̇аасид̣̇д̇хавибассанаасахаг̇ад̇аанам̣ инд̣̇рияаанам̣ манд̣̇ад̇ааяа маг̇г̇абаад̇убхаавад̣̇анд̇хабхаавад̇о.
Idha pana kassaci vinā paṭipadāya asiddhito garuṃ katvā dassetuṃ ‘‘dukkhapaṭipada’’ntiādi vuttaṃ. Yo koci vāroti sakiṃ dvikkhattuṃ tikkhattuṃ catukkhattuṃ anekakkhattunti evamādīsu vikkhambhanavāresu yo koci. Sakiṃ dvikkhattuñca vikkhambhanavārā sukhā paṭipadā eva, na ca tato uddhaṃ sukhā paṭipadā hotīti tikkhattuṃ vikkhambhanavāraṃ dukkhā paṭipadāti rocesuṃ aṭṭhakathācariyā. Tasmiṃ tathārocite tato paresu catukkhattuṃ vikkhambhanavārādīsu vattabbameva natthīti. Rūpārūpānaṃ lakkhaṇādīhi paricchinditvā gahaṇaṃ rūpārūpapariggaho, nāmarūpamattametaṃ, na añño koci sattādikoti vavatthāpanaṃ nāmarūpavavatthāpanaṃ. Pariggahitarūpārūpassa maggapātubhāvadandhatā ca nāmarūpavavatthāpanādīnaṃ kicchasiddhito siyāti na rūpārūpapariggahakicchatāya eva dukkhapaṭipadatā vattabbāti ce? Taṃ na, nāmarūpavavatthāpanādīnaṃ paccanīkakilesamandatāya sukhasiddhiyampi tathāsiddhavipassanāsahagatānaṃ indriyānaṃ mandatāya maggapātubhāvadandhabhāvato.
руубааруубам̣ бариг̇г̇ахзд̇ваад̇и агижчзнаби бариг̇г̇ахзд̇ваа. гижчзна бариг̇г̇ахид̇з вад̇д̇аб̣б̣амзва над̇т̇и. звам̣ сзсзсуби. имам̣ ваарам̣ рожзсунд̇и галаабасаммасанаавасаанз уд̣̇аяаб̣б̣аяаанубассанааяа вад̇д̇амаанааяа уббаннасса вибассанубаггилзсасса д̇игкад̇д̇ум̣ вигкамбханзна гижчад̇ааваарам̣ д̣̇угкаа бадибад̣̇аад̇и рожзсум̣ зд̇ад̣̇анд̇ад̇д̇аа бадибад̣̇ааяа. зд̇асса агижчад̇д̇зби буримаанам̣ гижчад̇д̇з д̣̇угкабадибад̣̇ад̇аа вуд̇д̇анаяааваад̇и на бадисид̣̇д̇хаад̇и д̣̇адтаб̣б̣ам̣. яат̇аавуд̇д̇ам̣ ваа саб̣б̣ам̣ руубааруубабариг̇г̇ахаад̣̇игижчад̇ам̣ д̇игкад̇д̇ум̣ вигкамбханаваарад̇аавасзна ‘‘имам̣ ваара’’нд̇и ааха. яасса бана саб̣б̣ад̇т̇а агижчад̇аа, д̇асса сукаа бадибад̣̇аа взд̣̇ид̇аб̣б̣аа.
Rūpārūpaṃ pariggahetvāti akicchenapi pariggahetvā. Kicchena pariggahite vattabbameva natthi. Evaṃ sesesupi. Imaṃ vāraṃ rocesunti kalāpasammasanāvasāne udayabbayānupassanāya vattamānāya uppannassa vipassanupakkilesassa tikkhattuṃ vikkhambhanena kicchatāvāraṃ dukkhā paṭipadāti rocesuṃ etadantattā paṭipadāya. Etassa akicchattepi purimānaṃ kicchatte dukkhapaṭipadatā vuttanayāvāti na paṭisiddhāti daṭṭhabbaṃ. Yathāvuttaṃ vā sabbaṃ rūpārūpapariggahādikicchataṃ tikkhattuṃ vikkhambhanavāratāvasena ‘‘imaṃ vāra’’nti āha. Yassa pana sabbattha akicchatā, tassa sukhā paṭipadā veditabbā.
мусааваад̣̇аад̣̇ийнам̣ висам̣ваад̣̇анаад̣̇игижжад̇ааяа луукаанам̣ абариг̇г̇аахагаанам̣ бадибагкабхаавад̇о бариг̇г̇аахагасабхааваа саммааваажаа. саа синид̣̇д̇хабхаавад̇о самбаяуд̇д̇ад̇хаммз бариг̇г̇ан̣хаад̇и саммааваажаабажжаяасубхаасид̇асод̇ааран̃жа ж̇анам̣. гааяигагирияаагижжам̣ гад̇д̇аб̣б̣ам̣ самудтаабзд̇и, саяан̃жа самудтаханам̣ гхаданам̣ ход̇ийд̇и саммаагамманд̇асан̇каад̇аа вирад̇иби самудтаанасабхааваад̇и вуд̇д̇аа. самбаяуд̇д̇ад̇хаммаанам̣ ваа угкибанам̣ самудтаханам̣ гааяигагирияааяа бхааругкибанам̣ вияа, ж̇ийвамаанасса сад̇д̇асса, самбаяуд̇д̇ад̇хаммаанам̣ ваа суд̣̇д̇хи вод̣̇аанам̣ ааж̇ийвассзва ваа ж̇ийвид̇инд̣̇рияавуд̇д̇ияаа.
Musāvādādīnaṃ visaṃvādanādikiccatāya lūkhānaṃ apariggāhakānaṃ paṭipakkhabhāvato pariggāhakasabhāvā sammāvācā. Sā siniddhabhāvato sampayuttadhamme pariggaṇhāti sammāvācāpaccayasubhāsitasotārañca janaṃ. Kāyikakiriyākiccaṃ kattabbaṃ samuṭṭhāpeti, sayañca samuṭṭhahanaṃ ghaṭanaṃ hotīti sammākammantasaṅkhātā viratipi samuṭṭhānasabhāvāti vuttā. Sampayuttadhammānaṃ vā ukkhipanaṃ samuṭṭhahanaṃ kāyikakiriyāya bhārukkhipanaṃ viya, jīvamānassa sattassa, sampayuttadhammānaṃ vā suddhi vodānaṃ ājīvasseva vā jīvitindriyavuttiyā.
283. маг̇г̇асанниссид̇анд̇и барамад̇т̇амаг̇г̇асабхаавад̇д̇аа маг̇г̇ааваяавабхаавзна самуд̣̇ааяасанниссид̇анд̇и ад̇т̇о.
283. Maggasannissitanti paramatthamaggasabhāvattā maggāvayavabhāvena samudāyasannissitanti attho.
285. бад̇идтаанам̣ гилзсавасзна, ааяууханам̣ абхисан̇кааравасзна. д̇ан̣хаавасзна ваа бад̇идтаанам̣, д̣̇идтивасзна ааяууханам̣. б̣од̇хийд̇и яаа аяам̣ д̇хаммасаамаг̇г̇ий вужжад̇ийд̇и яож̇зд̇аб̣б̣аа. сзнан̇г̇арат̇ан̇г̇аад̣̇аяо вияаад̇и зд̇зна буг̇г̇алабан̃н̃ад̇д̇ияаа авиж̇ж̇амаанабан̃н̃ад̇д̇ибхаавам̣ д̣̇ассзд̇и. ан̇г̇а-сад̣̇д̣̇о гааран̣ад̇т̇оби ход̇ийд̇и жад̇усажжаб̣од̇хааяа сам̣вад̇д̇анд̇ийд̇и б̣ож̇жхан̇г̇аа. б̣уж̇жханд̇ийд̇и б̣од̇хияо, б̣од̇хияо зва ан̇г̇аад̇и ‘‘ануб̣уж̇жханд̇ийд̇и б̣ож̇жхан̇г̇аа’’д̇и вуд̇д̇ам̣. вибассанаад̣̇ийнам̣ гааран̣аанам̣ б̣уж̇жхид̇аб̣б̣аанан̃жа сажжаанам̣ ануруубам̣ бажжагкабхаавзна бадимукам̣ авибарийд̇ад̇ааяа саммаа жа б̣уж̇жханд̇ийд̇и звамад̇т̇ависзсад̣̇ийбагзхи убасаг̇г̇зхи ‘‘ануб̣уж̇жханд̇ий’’д̇иаад̣̇и вуд̇д̇ам̣. б̣од̇хи-сад̣̇д̣̇о хи саб̣б̣ависзсаяуд̇д̇ам̣ б̣уж̇жханам̣ сааман̃н̃зна сан̇г̇ан̣хаад̇ийд̇и.
285. Patiṭṭhānaṃ kilesavasena, āyūhanaṃ abhisaṅkhāravasena. Taṇhāvasena vā patiṭṭhānaṃ, diṭṭhivasena āyūhanaṃ. Bodhīti yā ayaṃ dhammasāmaggī vuccatīti yojetabbā. Senaṅgarathaṅgādayo viyāti etena puggalapaññattiyā avijjamānapaññattibhāvaṃ dasseti. Aṅga-saddo kāraṇatthopi hotīti catusaccabodhāya saṃvattantīti bojjhaṅgā. Bujjhantīti bodhiyo, bodhiyo eva aṅgāti ‘‘anubujjhantīti bojjhaṅgā’’ti vuttaṃ. Vipassanādīnaṃ kāraṇānaṃ bujjhitabbānañca saccānaṃ anurūpaṃ paccakkhabhāvena paṭimukhaṃ aviparītatāya sammā ca bujjhantīti evamatthavisesadīpakehi upasaggehi ‘‘anubujjhantī’’tiādi vuttaṃ. Bodhi-saddo hi sabbavisesayuttaṃ bujjhanaṃ sāmaññena saṅgaṇhātīti.
299. д̇ин̣н̣анд̇и рааг̇аад̣̇ийнам̣. гарод̇и наама гим̣ д̣̇ужжарид̇аани анувад̇д̇амаанаани.
299. Tiṇṇanti rāgādīnaṃ. Karoti nāma kiṃ duccaritāni anuvattamānāni.
301. баан̣аад̇ибаад̇аад̣̇инибпаад̣̇ид̇абажжаяаанам̣ нижжасзванам̣ д̇хувабадисзванам̣. сагижжагод̇и висум̣ ад̇д̇ано гижжаваа. на ход̇ийд̇и ад̇т̇анд̇арабхаавам̣ бадигкибад̇и. бажжаяабадисзванасааманд̇аж̇аббанаирияаабат̇аббавад̇д̇анаани баабижчад̇ааниб̣б̣ад̇д̇аани д̇ийн̣и гуханавад̇т̇уунийд̇и.
301. Pāṇātipātādinipphāditapaccayānaṃ niccasevanaṃ dhuvapaṭisevanaṃ. Sakiccakoti visuṃ attano kiccavā. Na hotīti atthantarabhāvaṃ paṭikkhipati. Paccayapaṭisevanasāmantajappanairiyāpathappavattanāni pāpicchatānibbattāni tīṇi kuhanavatthūnīti.
343. вудтаанаг̇ааминийвибассанаа сан̇каарубзгкаа саануломаа, саа сун̃н̃ад̇о бассанд̇ий ‘‘сун̃н̃ад̇аа’’д̇и вужжад̇и, д̣̇угкад̇о бассанд̇ий д̇ан̣хаабан̣ид̇хисосанад̇о ‘‘аббан̣ихид̇а’’нд̇и. саа ааг̇аманийяадтаанз маг̇г̇аад̇хиг̇амад̇т̇ам̣ ааг̇аманабадибад̣̇аатаанз тад̇ваа сун̃н̃ад̇ааббан̣ихид̇анд̇и наамам̣ д̣̇зд̇и. ааг̇аманад̇о наамз лад̣̇д̇хз саг̇ун̣ад̇о аарамман̣ад̇о жа наамам̣ сид̣̇д̇хамзва ход̇и, на бана саг̇ун̣аарамман̣зхи наамалаабхз саб̣б̣ад̇т̇а ааг̇аманад̇о наамам̣ сид̣̇д̇хам̣ ход̇ийд̇и барибун̣н̣анаамасид̣̇д̇хихзд̇уд̇д̇аа саг̇ун̣аарамман̣зхи саб̣б̣зсамби наамад̇д̇аяаяог̇о, на ааг̇аманад̇од̇и вавад̇т̇аанагарад̇д̇аа жа ниббарияааяад̣̇зсанааяа ааг̇аманад̇ова ид̇ха наамам̣ лабхад̇и, на ид̇арзхийд̇и вуд̇д̇ам̣.
343. Vuṭṭhānagāminīvipassanā saṅkhārupekkhā sānulomā, sā suññato passantī ‘‘suññatā’’ti vuccati, dukkhato passantī taṇhāpaṇidhisosanato ‘‘appaṇihita’’nti. Sā āgamanīyaṭṭhāne maggādhigamatthaṃ āgamanapaṭipadāṭhāne ṭhatvā suññatāppaṇihitanti nāmaṃ deti. Āgamanato nāme laddhe saguṇato ārammaṇato ca nāmaṃ siddhameva hoti, na pana saguṇārammaṇehi nāmalābhe sabbattha āgamanato nāmaṃ siddhaṃ hotīti paripuṇṇanāmasiddhihetuttā saguṇārammaṇehi sabbesampi nāmattayayogo, na āgamanatoti vavatthānakarattā ca nippariyāyadesanāya āgamanatova idha nāmaṃ labhati, na itarehīti vuttaṃ.
350. анимид̇д̇авибассананд̇и анижжаанубассанам̣. нимид̇д̇ад̇хаммзсууд̇и самуухаад̣̇игханавасзна жа сагижжабарижчзд̣̇ад̇ааяа жа сабариг̇г̇ахзсу канд̇хзсу. анимид̇д̇авимогкод̇и анижжаанубассанамааха. звам̣самбад̣̇амид̣̇анд̇и гат̇амид̇ха убамаасам̣санд̣̇анам̣ ход̇и. на хи чанд̣̇ажид̇д̇аанам̣ маг̇г̇асан̇каад̇аад̇хибад̇ибхааваабхааво вияа сад̣̇д̇хинд̣̇рияаад̇хигасса анимид̇д̇авимогкасса анимид̇д̇абхааваабхааво ад̇т̇и, на жа амаг̇г̇аад̇хибад̇ийнам̣ маг̇г̇аад̇хибад̇инаамад̣̇аанаабхааво вияа анимид̇д̇асса анимид̇д̇анаамад̣̇аанаабхаавод̇и саггаа вад̇д̇ум̣ анимид̇д̇авимогкасса ананимид̇д̇ад̇ааяа абхаавад̇о . маг̇г̇о ад̇хибад̇и зд̇зсанд̇и жа маг̇г̇аад̇хибад̇инод̇и яуд̇д̇о д̇ад̇т̇а чанд̣̇ажид̇д̇зхи д̇ам̣самбаяуд̇д̇аанам̣ маг̇г̇аад̇хибад̇ибхааваабхааво. ид̇ха бана маг̇г̇о анимид̇д̇ам̣ зд̇ассаад̇и маг̇г̇аанимид̇д̇од̇и аяамад̇т̇о на самбхавад̇ийд̇и на д̇зна амаг̇г̇зна маг̇г̇асса анимид̇д̇абхааво на яуж̇ж̇ад̇и, гим̣ ваа зд̇т̇а сааман̃н̃ам̣ ад̇хиббзд̇анд̇и. амаг̇г̇ан̇г̇амаг̇г̇анаамаабхааво. яат̇аа сад̇иби ад̇хибад̇ибхаавз чанд̣̇ажид̇д̇аанам̣ на маг̇г̇аад̇хибад̇ийд̇и маг̇г̇анаамам̣, на жа д̇зхи маг̇г̇асса д̇зсам̣ амаг̇г̇ан̇г̇ад̇д̇аа, д̇ат̇аа сад̇иби сад̣̇д̇хааяа ааг̇аманабхаавзна д̇ассаа анимид̇д̇анд̇и маг̇г̇анаамам̣, на жа д̇ааяа маг̇г̇асса д̇ассаа амаг̇г̇ан̇г̇ад̇д̇аа. звам̣ анимид̇д̇авибассанааяаби анимид̇д̇абхааво ниббарияааязна над̇т̇ийд̇и д̣̇ийбид̇о ход̇и.
350. Animittavipassananti aniccānupassanaṃ. Nimittadhammesūti samūhādighanavasena ca sakiccaparicchedatāya ca sapariggahesu khandhesu. Animittavimokkhoti aniccānupassanamāha. Evaṃsampadamidanti kathamidha upamāsaṃsandanaṃ hoti. Na hi chandacittānaṃ maggasaṅkhātaadhipatibhāvābhāvo viya saddhindriyādhikassa animittavimokkhassa animittabhāvābhāvo atthi, na ca amaggādhipatīnaṃ maggādhipatināmadānābhāvo viya animittassa animittanāmadānābhāvoti sakkā vattuṃ animittavimokkhassa ananimittatāya abhāvato . Maggo adhipati etesanti ca maggādhipatinoti yutto tattha chandacittehi taṃsampayuttānaṃ maggādhipatibhāvābhāvo. Idha pana maggo animittaṃ etassāti maggānimittoti ayamattho na sambhavatīti na tena amaggena maggassa animittabhāvo na yujjati, kiṃ vā ettha sāmaññaṃ adhippetanti. Amaggaṅgamagganāmābhāvo. Yathā satipi adhipatibhāve chandacittānaṃ na maggādhipatīti magganāmaṃ, na ca tehi maggassa tesaṃ amaggaṅgattā, tathā satipi saddhāya āgamanabhāvena tassā animittanti magganāmaṃ, na ca tāya maggassa tassā amaggaṅgattā. Evaṃ animittavipassanāyapi animittabhāvo nippariyāyena natthīti dīpito hoti.
нану жа ид̇ха жхаанам̣ сун̃н̃ад̇аад̣̇инаамзна вуд̇д̇ам̣, на маг̇г̇од̇и жз? на, маг̇г̇асамбаяог̇ад̇о жхаанасса сун̃н̃ад̇аад̣̇инаамагад̇д̇аа. суд̇д̇анд̇абарияааязна саг̇ун̣аарамман̣зхи ид̇ха абхид̇хаммзби наамам̣ лабхад̇ийд̇и аахам̣су. д̇асмаа бадигкид̇д̇аа ‘‘на бана лабханд̇ий’’д̇и. гим̣ гааран̣аа? абхид̇хаммз сарасам̣ анаамасид̇ваа бажжанийгад̇ова наамалаабхаад̇и ад̇хиббааяо. яо хи саг̇ун̣аарамман̣зхи наамалаабхо, со сарасаббад̇хаано ход̇и. сарасзнзва жа наамалаабхз саб̣б̣амаг̇г̇аанам̣ сун̃н̃ад̇аад̣̇ибхаавод̇и вавад̇т̇аанам̣ на сияаа. д̇асмаа абхид̇хаммз сад̇иби д̣̇вийхи наамалаабхз бажжанийгад̇о наамававад̇т̇аанагарам̣ г̇ахид̇анд̇и саг̇ун̣аарамман̣зхи сун̃н̃ад̇ааббан̣ихид̇амаг̇г̇аа наамам̣ на лабханд̇ийд̇и ааха. ат̇а ваа на бана лабханд̇ийд̇и ан̃н̃анирабзгкзхи саг̇ун̣аарамман̣зхи на лабханд̇и. гим̣ гааран̣аа? абхид̇хаммз сарасабажжанийгзхи сахид̇зхи наамалаабхаад̇и ад̇т̇о. бажжанийган̃хи вавад̇т̇аанагарам̣ анабзгкид̇ваа гзваласса сарасасса наамахзд̇убхааво абхид̇хаммз над̇т̇и ававад̇т̇аанаабад̇д̇ид̇о. д̇асмаа ад̇д̇аабхинивзсабан̣ид̇хибадибагкавибассанаануломаа маг̇г̇аа сад̇иби сарасанд̇арз бажжанийгасахид̇зна сарасзна наамам̣ лабханд̇и. анимид̇д̇амаг̇г̇асса бана вибассанаа нимид̇д̇абадибагкаа на ход̇и саяам̣ нимид̇д̇аг̇г̇ахан̣ад̇о нимид̇д̇аг̇г̇ахан̣аанивааран̣аад̇и д̇ад̣̇ануломамаг̇г̇оби на нимид̇д̇асса бадибагко. яад̣̇и сияаа, нимид̇д̇аг̇ад̇авибассанааяаби бадибагко сияаад̇и. д̇асмаа виж̇ж̇амааноби сарасо вавад̇т̇аанагарабажжанийгаабхааваа абхид̇хаммз анимид̇д̇анд̇и наамад̣̇ааяаго на г̇ахид̇о. анижжаанубассанаануломо бана маг̇г̇о суд̣̇д̇хигабадибад̣̇аанаязязва сан̇г̇ахид̇од̇и д̣̇адтаб̣б̣о. д̇асмаа зва жа со наяо вуд̇д̇од̇и. званд̇и яам̣ вагкад̇и ‘‘анижжад̇о вудтаханд̇асса маг̇г̇о анимид̇д̇о ход̇ий’’д̇и (д̇ха. са. адта. 350), звам̣ аахарид̇ваа адтагат̇аажариязхи со анимид̇д̇амаг̇г̇о д̣̇ийбид̇од̇и ад̇т̇о.
Nanu ca idha jhānaṃ suññatādināmena vuttaṃ, na maggoti ce? Na, maggasampayogato jhānassa suññatādināmakattā. Suttantapariyāyena saguṇārammaṇehi idha abhidhammepi nāmaṃ labhatīti āhaṃsu. Tasmā paṭikkhittā ‘‘na pana labhantī’’ti. Kiṃ kāraṇā? Abhidhamme sarasaṃ anāmasitvā paccanīkatova nāmalābhāti adhippāyo. Yo hi saguṇārammaṇehi nāmalābho, so sarasappadhāno hoti. Saraseneva ca nāmalābhe sabbamaggānaṃ suññatādibhāvoti vavatthānaṃ na siyā. Tasmā abhidhamme satipi dvīhi nāmalābhe paccanīkato nāmavavatthānakaraṃ gahitanti saguṇārammaṇehi suññatāppaṇihitamaggā nāmaṃ na labhantīti āha. Atha vā na pana labhantīti aññanirapekkhehi saguṇārammaṇehi na labhanti. Kiṃ kāraṇā? Abhidhamme sarasapaccanīkehi sahitehi nāmalābhāti attho. Paccanīkañhi vavatthānakaraṃ anapekkhitvā kevalassa sarasassa nāmahetubhāvo abhidhamme natthi avavatthānāpattito. Tasmā attābhinivesapaṇidhipaṭipakkhavipassanānulomā maggā satipi sarasantare paccanīkasahitena sarasena nāmaṃ labhanti. Animittamaggassa pana vipassanā nimittapaṭipakkhā na hoti sayaṃ nimittaggahaṇato nimittaggahaṇānivāraṇāti tadanulomamaggopi na nimittassa paṭipakkho. Yadi siyā, nimittagatavipassanāyapi paṭipakkho siyāti. Tasmā vijjamānopi saraso vavatthānakarapaccanīkābhāvā abhidhamme animittanti nāmadāyako na gahito. Aniccānupassanānulomo pana maggo suddhikapaṭipadānayeyeva saṅgahitoti daṭṭhabbo. Tasmā eva ca so nayo vuttoti. Evanti yaṃ vakkhati ‘‘aniccato vuṭṭhahantassa maggo animitto hotī’’ti (dha. sa. aṭṭha. 350), evaṃ āharitvā aṭṭhakathācariyehi so animittamaggo dīpitoti attho.
вудтаана…бз… гимаарамман̣аад̇и анижжаад̣̇ид̇о вудтаханд̇асса вудтаанаг̇ааминияаа лагкан̣аарамман̣ад̇д̇з сад̇и сан̇каарзхи вудтаанам̣ на сияаа, сан̇каараарамман̣ад̇д̇з жа лагкан̣абадивзд̇ход̇и ман̃н̃амаано бужчад̇и. ‘‘анижжа’’нд̇иаад̣̇инаа сан̇каарзсу бавад̇д̇амаанзна н̃аан̣зна лагкан̣ааниби бадивид̣̇д̇хаани хонд̇и д̇ад̣̇аагаарасан̇каараг̇ахан̣ад̇од̇и ааха ‘‘лагкан̣аарамман̣аа’’д̇и. сан̇каараарамман̣аа зва яат̇аавуд̇д̇аад̇хиббааязна ‘‘лагкан̣аарамман̣аа’’д̇и вуд̇д̇аад̇и д̣̇ассзнд̇о ‘‘лагкан̣ам̣ наамаа’’д̇иаад̣̇имааха. анижжад̇аа д̣̇угкад̇аа анад̇д̇ад̇аад̇и хи висум̣ г̇аяхамаанам̣ лагкан̣ам̣ бан̃н̃ад̇д̇иг̇ад̇игам̣ барамад̇т̇ад̇о авиж̇ж̇амаанам̣, авиж̇ж̇амаанад̇д̇аа зва барид̇д̇аад̣̇ивасзна навад̇д̇аб̣б̣ад̇хаммабхууд̇ам̣. д̇асмаа висум̣ г̇ахзд̇аб̣б̣асса лагкан̣асса барамад̇т̇ад̇о абхааваа ‘‘анижжам̣ д̣̇угкаманад̇д̇аа’’д̇и сан̇каарз сабхаавад̇о саллагкзнд̇ова лагкан̣аани саллагкзд̇и наамаад̇и ааха ‘‘яо бана анижжам̣ д̣̇угкаманад̇д̇аад̇и д̇ийн̣и лагкан̣аани саллагкзд̇ий’’д̇и. яасмаа жа анижжанд̇иаад̣̇инаа сан̇каараава д̣̇иссамаанаа, д̇асмаа д̇з ган̣тз б̣ад̣̇д̇хагун̣абам̣ вияа бадиниссаж̇ж̇анийяаа хонд̇и.
Vuṭṭhāna…pe… kimārammaṇāti aniccādito vuṭṭhahantassa vuṭṭhānagāminiyā lakkhaṇārammaṇatte sati saṅkhārehi vuṭṭhānaṃ na siyā, saṅkhārārammaṇatte ca lakkhaṇapaṭivedhoti maññamāno pucchati. ‘‘Anicca’’ntiādinā saṅkhāresu pavattamānena ñāṇena lakkhaṇānipi paṭividdhāni honti tadākārasaṅkhāragahaṇatoti āha ‘‘lakkhaṇārammaṇā’’ti. Saṅkhārārammaṇā eva yathāvuttādhippāyena ‘‘lakkhaṇārammaṇā’’ti vuttāti dassento ‘‘lakkhaṇaṃ nāmā’’tiādimāha. Aniccatā dukkhatā anattatāti hi visuṃ gayhamānaṃ lakkhaṇaṃ paññattigatikaṃ paramatthato avijjamānaṃ, avijjamānattā eva parittādivasena navattabbadhammabhūtaṃ. Tasmā visuṃ gahetabbassa lakkhaṇassa paramatthato abhāvā ‘‘aniccaṃ dukkhamanattā’’ti saṅkhāre sabhāvato sallakkhentova lakkhaṇāni sallakkheti nāmāti āha ‘‘yo pana aniccaṃ dukkhamanattāti tīṇi lakkhaṇāni sallakkhetī’’ti. Yasmā ca aniccantiādinā saṅkhārāva dissamānā, tasmā te kaṇṭhe baddhakuṇapaṃ viya paṭinissajjanīyā honti.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / логуд̇д̇арагусалам̣ • Lokuttarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / логуд̇д̇арагусалаван̣н̣анаа • Lokuttarakusalavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / логуд̇д̇арагусалаван̣н̣анаа • Lokuttarakusalavaṇṇanā
