| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
логуд̇д̇арагусалаван̣н̣анаа
Lokuttarakusalavaṇṇanā
277. ‘‘гзнадтзна логуд̇д̇ара’’нд̇иаад̣̇и бадисамбхид̣̇ааважанам̣ (бади. ма. 2.43) адтагат̇ааяа аабхад̇ам̣, д̇асмаа д̇ад̇т̇а ‘‘д̇ивид̇хоби ануд̇д̇арад̇хаммо логам̣ д̇арад̇ий’’д̇иаад̣̇инаа сан̇г̇ахид̇од̇и д̇ам̣ д̇ийхи бад̣̇зхи яож̇зд̇ваа д̣̇ассзд̇ум̣ ‘‘логам̣ д̇арад̇ийд̇и зд̇знаа’’д̇иаад̣̇имааха. згзгасмим̣ яож̇зд̇аб̣б̣о логасса анд̇аг̇аманаад̣̇ид̇ааяа маг̇г̇аад̣̇ийсуби лаб̣бхамаанад̇д̇аа. маг̇г̇зязва ваа д̇ивид̇хоби ад̇т̇о яож̇зд̇аб̣б̣од̇и самб̣анд̇хо. анад̇ивад̇д̇анаад̣̇ийд̇и аад̣̇и-сад̣̇д̣̇зна инд̣̇рияаанам̣ згарасад̇аа д̇ад̣̇убаг̇авийрияавааханам̣ аасзванаад̇и имз д̇аяо бхааванаависзсз сан̇г̇ан̣хаад̇и. яасмаа жзд̇з бхааванаависзсаа сам̣гилзсавод̣̇аанзсу ваддавиваддзсу жа д̇ам̣д̇ам̣аад̣̇ийнаваанисам̣сад̣̇ассанабхууд̇ааяа буб̣б̣абхааг̇абан̃н̃ааяа самбаад̣̇ид̇зна н̃аан̣ависзсзна нибпаж̇ж̇анд̇и, д̇асмаа вуд̇д̇ам̣ ‘‘ан̃н̃аман̃н̃ам̣…бз… вад̣дхзд̇ий’’д̇и.
277. ‘‘Kenaṭṭhena lokuttara’’ntiādi paṭisambhidāvacanaṃ (paṭi. ma. 2.43) aṭṭhakathāya ābhataṃ, tasmā tattha ‘‘tividhopi anuttaradhammo lokaṃ taratī’’tiādinā saṅgahitoti taṃ tīhi padehi yojetvā dassetuṃ ‘‘lokaṃ taratīti etenā’’tiādimāha. Ekekasmiṃ yojetabbo lokassa antagamanāditāya maggādīsupi labbhamānattā. Maggeyeva vā tividhopi attho yojetabboti sambandho. Anativattanādīti ādi-saddena indriyānaṃ ekarasatā tadupagavīriyavāhanaṃ āsevanāti ime tayo bhāvanāvisese saṅgaṇhāti. Yasmā cete bhāvanāvisesā saṃkilesavodānesu vaṭṭavivaṭṭesu ca taṃtaṃādīnavānisaṃsadassanabhūtāya pubbabhāgapaññāya sampāditena ñāṇavisesena nipphajjanti, tasmā vuttaṃ ‘‘aññamaññaṃ…pe… vaḍḍhetī’’ti.
ниссаяо ход̇ийд̇и ругко вияа саакааяа аад̇хаарабхаавзна вохарийяад̇ийд̇и ад̇т̇о. палан̃аан̣апалан̇г̇аанам̣ ниссаяаважанам̣ ниссаяабажжаяад̇д̇аа. д̇ад̇оязва ниссаяабхаавад̇о бад̇идтаабхаавад̇о. арияапаласанниссаязна хи арияаа гад̇агижжаа судту ниб̣б̣иннасаб̣б̣абхавааби жирад̇арам̣ логз барахид̇ааяа д̇идтанд̇и. гилзсаанам̣ од̇хисо баж̇аханагааби арияамаг̇г̇аа ависзсзна саб̣б̣аагусалаанам̣ саб̣б̣агусалабадибагкад̇ааяа ан̃н̃амаг̇г̇аббахаад̇аб̣б̣зсуби гзнажи бахаанаагаарзна бавад̇д̇анд̇ийд̇и д̇ам̣ бахаанаагаарам̣ д̣̇ассзнд̇о ‘‘ид̇арзсам̣ виж̇ж̇уд̇обхаасзна вияа д̇амассаа’’д̇и ааха. язна баал̣ияам̣ хздтимамаг̇г̇ан̃аан̣аанам̣ виж̇ж̇уубамад̇аа д̣̇ассид̇аа. яад̣̇и звам̣ убаримаг̇г̇аваж̇жхаа гилзсаа ид̇арзд̇и ид̇хаад̇хиббзд̇аа. на д̇зсам̣ самужчзд̣̇аважанам̣ яуд̇д̇ам̣. на хи бхааванааяа бахаад̇аб̣б̣з д̣̇ассанамаг̇г̇о самужчинд̣̇ид̇ум̣ саггод̇и. д̇ат̇аа жа сад̇и д̣̇ассанзна бахаад̇аб̣б̣аа зва д̇з сияум̣. ат̇а д̇ад̣̇ан̇г̇аббахаанам̣ ад̇хиббзд̇ам̣, язна ‘‘виж̇ж̇уд̇обхаасзна вияа д̇амассаа’’д̇и вуд̇д̇ам̣, д̇ам̣ буб̣б̣абхааг̇авибассанааяа зва сид̣̇д̇хам̣ на жа яуд̇д̇ам̣ логуд̇д̇арамаг̇г̇о д̇ад̣̇ан̇г̇авасзна гилзсз баж̇ахад̇ийд̇и. вигкамбханзби зсзва наяо, ануломан̃аан̣знзва д̇асса саад̇исаяам̣ саад̇хид̇ад̇д̇аа. ат̇а бана батамамаг̇г̇аваж̇жхаа зва гилзсаа ид̇арзд̇и ад̇хиббзд̇аа, звам̣ санд̇з д̇зсам̣ ид̇арабхаавова на сияаа, на жа анабааяаг̇аманийяаа наама гилзсаа д̣̇ассанзна бахаад̇аб̣б̣аа ад̇т̇и, нааби батамамаг̇г̇аваж̇жхаа гилзсаа д̇зна виж̇ж̇уд̇обхаасзна вияа д̇амо самужчинд̣̇ид̇аб̣б̣аад̇и вад̇д̇ум̣ яуд̇д̇анд̇и убабаригкид̇аб̣б̣ояам̣ ‘‘ид̇арзсам̣…бз… самужчзд̣̇о’’д̇и. логияаж̇жхаанамби на винаа бадибад̣̇ааяа иж̇жхад̇ийд̇и ид̣̇ам̣ ад̇хиббааяавасзна нзд̇аб̣б̣ам̣ нзяяад̇т̇ад̇д̇аад̇и д̇ам̣ ад̇хиббааяам̣ вибхаавзнд̇о ‘‘агад̇аад̇хигаарассаа’’д̇и ааха. д̇зна яат̇аавуд̇д̇аважанасса жа саббад̣̇зсад̇ам̣ д̣̇ассзд̇и. нану жа гад̇аад̇хигаарасса арияасса маг̇г̇зна самиж̇жхамаанамби жхаанам̣ маг̇г̇абадибад̣̇аавасзна бадибад̣̇аасахид̇амзваад̇и. на винаа бадибад̣̇ааяа иж̇жхад̇ийд̇и саггаа вад̇д̇ум̣, д̇знзд̇ам̣ важанам̣ ниббад̣̇зсамзваад̇и ануяог̇ам̣ санд̇хааяааха ‘‘гад̇аад̇хигаарасса банаа’’д̇иаад̣̇и. ид̣̇аани д̇асса важанасса ад̇хиббааяавасзна г̇ахзд̇аб̣б̣ад̇т̇ад̇аа баал̣ид̇оби вин̃н̃ааяад̇ийд̇и д̣̇ассзнд̇о ааха ‘‘яат̇аавуд̇д̇а…бз… гад̇аа’’д̇и.
Nissayo hotīti rukkho viya sākhāya ādhārabhāvena voharīyatīti attho. Phalañāṇaphalaṅgānaṃ nissayavacanaṃ nissayapaccayattā. Tatoyeva nissayabhāvato patiṭṭhābhāvato. Ariyaphalasannissayena hi ariyā katakiccā suṭṭhu nibbinnasabbabhavāpi cirataraṃ loke parahitāya tiṭṭhanti. Kilesānaṃ odhiso pajahanakāpi ariyamaggā avisesena sabbākusalānaṃ sabbakusalapaṭipakkhatāya aññamaggappahātabbesupi kenaci pahānākārena pavattantīti taṃ pahānākāraṃ dassento ‘‘itaresaṃ vijjutobhāsena viya tamassā’’ti āha. Yena pāḷiyaṃ heṭṭhimamaggañāṇānaṃ vijjūpamatā dassitā. Yadi evaṃ uparimaggavajjhā kilesā itareti idhādhippetā. Na tesaṃ samucchedavacanaṃ yuttaṃ. Na hi bhāvanāya pahātabbe dassanamaggo samucchindituṃ sakkoti. Tathā ca sati dassanena pahātabbā eva te siyuṃ. Atha tadaṅgappahānaṃ adhippetaṃ, yena ‘‘vijjutobhāsena viya tamassā’’ti vuttaṃ, taṃ pubbabhāgavipassanāya eva siddhaṃ na ca yuttaṃ lokuttaramaggo tadaṅgavasena kilese pajahatīti. Vikkhambhanepi eseva nayo, anulomañāṇeneva tassa sātisayaṃ sādhitattā. Atha pana paṭhamamaggavajjhā eva kilesā itareti adhippetā, evaṃ sante tesaṃ itarabhāvova na siyā, na ca anapāyagamanīyā nāma kilesā dassanena pahātabbā atthi, nāpi paṭhamamaggavajjhā kilesā tena vijjutobhāsena viya tamo samucchinditabbāti vattuṃ yuttanti upaparikkhitabboyaṃ ‘‘itaresaṃ…pe… samucchedo’’ti. Lokiyajjhānampi na vinā paṭipadāya ijjhatīti idaṃ adhippāyavasena netabbaṃ neyyatthattāti taṃ adhippāyaṃ vibhāvento ‘‘akatādhikārassā’’ti āha. Tena yathāvuttavacanassa ca sappadesataṃ dasseti. Nanu ca katādhikārassa ariyassa maggena samijjhamānampi jhānaṃ maggapaṭipadāvasena paṭipadāsahitamevāti. Na vinā paṭipadāya ijjhatīti sakkā vattuṃ, tenetaṃ vacanaṃ nippadesamevāti anuyogaṃ sandhāyāha ‘‘katādhikārassa panā’’tiādi. Idāni tassa vacanassa adhippāyavasena gahetabbatthatā pāḷitopi viññāyatīti dassento āha ‘‘yathāvutta…pe… katā’’ti.
‘‘яо гожийд̇и ависзсаважана’’нд̇и д̇асса абаваад̣̇ам̣ д̣̇ассзнд̇о ‘‘сагим̣ д̣̇вигкад̇д̇у’’нд̇и аад̣̇имааха. барижчинд̣̇ид̇ваа г̇ахан̣ам̣ бариж̇аананам̣. наамаруубававад̇т̇аабанаад̣̇ийнанд̇и наамаруубававад̇т̇аабанабажжаяабариг̇г̇ахалагкан̣абадивзд̇ханиганд̇ибарияаад̣̇аанаанам̣ . гижчасид̣̇д̇хид̇од̇и наамаруубававад̇т̇аабанаад̣̇ийнам̣ гзсан̃жи саб̣б̣зсамби ваа гижчасид̣̇д̇хид̇о. зса наяо д̣̇уд̇ияаваараад̣̇ийсуби яат̇аасамбхавам̣. сукасид̣̇д̇хияамбийд̇и наамаруубававад̇т̇аабанаад̣̇ийнам̣ гижчасид̣̇д̇хи маг̇г̇абаад̇убхаавад̣̇анд̇хабхаавасса гааран̣абхаавз анзганд̇игаа. вибассанаасахаг̇ад̇инд̣̇рияаанам̣ бана манд̣̇ад̇аа д̇асса зганд̇агааран̣анд̇и д̣̇ассзд̇и.
‘‘Yo kocīti avisesavacana’’nti tassa apavādaṃ dassento ‘‘sakiṃ dvikkhattu’’nti ādimāha. Paricchinditvā gahaṇaṃ parijānanaṃ. Nāmarūpavavatthāpanādīnanti nāmarūpavavatthāpanapaccayapariggahalakkhaṇapaṭivedhanikantipariyādānānaṃ . Kicchasiddhitoti nāmarūpavavatthāpanādīnaṃ kesañci sabbesampi vā kicchasiddhito. Esa nayo dutiyavārādīsupi yathāsambhavaṃ. Sukhasiddhiyampīti nāmarūpavavatthāpanādīnaṃ kicchasiddhi maggapātubhāvadandhabhāvassa kāraṇabhāve anekantikā. Vipassanāsahagatindriyānaṃ pana mandatā tassa ekantakāraṇanti dasseti.
зд̇ад̣̇анд̇ад̇д̇аа бадибад̣̇ааяаад̇и зд̇зна ниббарияааяад̇о бадибад̣̇аан̃аан̣ад̣̇ассанависуд̣̇д̇хисан̇каад̇ааяа вибассанаабан̃н̃ааяа жираажираббавад̇д̇ивасзна маг̇г̇асса киббад̣̇анд̇хаабхин̃н̃ад̇аа вуд̇д̇аад̇и д̣̇ассзд̇и. буримаананд̇и буримаваараанам̣, лагкан̣абадивзд̇хаад̣̇ийнам̣язва ваа. хздтимагодияаа д̇игкад̇д̇ум̣ гилзсавигкамбханз сад̇и д̣̇угкаабадибад̣̇аабхааво, на д̇ад̇о хздтаад̇и нижчид̇ад̇д̇аа ааха ‘‘д̇игкад̇д̇ум̣ вигкамбханаваарад̇аавасзнаа’’д̇и. д̇асса сукаабадибад̣̇аа взд̣̇ид̇аб̣б̣аа уггам̣савасзнаад̇и ад̇хиббааяо.
Etadantattā paṭipadāyāti etena nippariyāyato paṭipadāñāṇadassanavisuddhisaṅkhātāya vipassanāpaññāya cirācirappavattivasena maggassa khippadandhābhiññatā vuttāti dasseti. Purimānanti purimavārānaṃ, lakkhaṇapaṭivedhādīnaṃyeva vā. Heṭṭhimakoṭiyā tikkhattuṃ kilesavikkhambhane sati dukkhāpaṭipadābhāvo, na tato heṭṭhāti nicchitattā āha ‘‘tikkhattuṃ vikkhambhanavāratāvasenā’’ti. Tassa sukhāpaṭipadā veditabbā ukkaṃsavasenāti adhippāyo.
яасмим̣ буг̇г̇алз висам̣ваад̣̇анабхзд̣̇анаанидтаанад̇т̇анияож̇анаанам̣ бавад̇д̇и, д̇ад̇т̇а синзхавирахзнзва д̇зсам̣ бавад̇д̇и, со жа буг̇г̇ало асан̇г̇ахид̇о ход̇ийд̇и мусааваад̣̇аад̣̇ийнам̣ висам̣ваад̣̇анаад̣̇игижжад̇ааяа луукад̇аа жа абариг̇г̇ахад̇аа жа вуд̇д̇аа. д̇аббадибагкавируд̣̇д̇хасабхаавад̇д̇аа саммааваажааяа синид̣̇д̇хабхаавад̇аа бариг̇г̇аахагасабхаавад̇аа . сад̣̇д̇хаависзсаяог̇ад̇о ваа д̇ассаа синид̣̇д̇хабхааво д̣̇адтаб̣б̣о. самудтаабзд̇ийд̇и бавад̇д̇зд̇и. ж̇ийвамаано ваа сад̇д̇о, самбаяуд̇д̇ад̇хаммаа ваа вод̣̇ааяанд̇и зд̇зна саяам̣ ваа вод̣̇ааяад̇ийд̇и вод̣̇аанам̣.
Yasmiṃ puggale visaṃvādanabhedanāniṭṭhānatthaniyojanānaṃ pavatti, tattha sinehaviraheneva tesaṃ pavatti, so ca puggalo asaṅgahito hotīti musāvādādīnaṃ visaṃvādanādikiccatāya lūkhatā ca apariggahatā ca vuttā. Tappaṭipakkhaviruddhasabhāvattā sammāvācāya siniddhabhāvatā pariggāhakasabhāvatā . Saddhāvisesayogato vā tassā siniddhabhāvo daṭṭhabbo. Samuṭṭhāpetīti pavatteti. Jīvamāno vā satto, sampayuttadhammā vā vodāyanti etena sayaṃ vā vodāyatīti vodānaṃ.
285. д̇ан̣хаад̣̇идтийхи бад̇идтаанам̣. авасзсагилзсаабхисан̇каарзхи ааяууханаа. сассад̇ад̣̇идтияаа бад̇идтаанам̣. ужчзд̣̇ад̣̇идтияаа ааяууханаа. лийнавасзна бад̇идтаанам̣. уд̣̇д̇хажжавасзна ааяууханаа. гаамасукаануяог̇авасзна бад̇идтаанам̣. ад̇д̇агиламат̇аануяог̇авасзна ааяууханаа. саб̣б̣аагусалаабхисан̇кааравасзна бад̇идтаанам̣. саб̣б̣алогияагусалаабхисан̇кааравасзна ааяууханаад̇и огхад̇аран̣асуд̇д̇аван̣н̣анааяам̣ вуд̇д̇зсу багааранд̇арзсу ид̇ха авуд̇д̇аанам̣ васзнаби бад̇идтаанааяууханаа взд̣̇ид̇аб̣б̣аа.
285. Taṇhādiṭṭhīhi patiṭṭhānaṃ. Avasesakilesābhisaṅkhārehi āyūhanā. Sassatadiṭṭhiyā patiṭṭhānaṃ. Ucchedadiṭṭhiyā āyūhanā. Līnavasena patiṭṭhānaṃ. Uddhaccavasena āyūhanā. Kāmasukhānuyogavasena patiṭṭhānaṃ. Attakilamathānuyogavasena āyūhanā. Sabbākusalābhisaṅkhāravasena patiṭṭhānaṃ. Sabbalokiyakusalābhisaṅkhāravasena āyūhanāti oghataraṇasuttavaṇṇanāyaṃ vuttesu pakārantaresu idha avuttānaṃ vasenapi patiṭṭhānāyūhanā veditabbā.
ат̇а ваа гилзсаг̇г̇ахан̣зна д̇ан̣хаасассад̇ад̣̇идтисаб̣б̣аагусалаабхисан̇каараа г̇ахид̇аа д̇ам̣сабхааг̇ад̇ааяа д̇ад̣̇згадтад̇ааяа жа. д̇ат̇аа абхисан̇каараг̇г̇ахан̣зна авасзсагилзсаужчзд̣̇ад̣̇идтисаб̣б̣алогияагусалаабхисан̇каараа. лийнуд̣̇д̇хажжагаамасукад̇д̇агиламат̇аануяог̇аанам̣ висум̣ вуд̇д̇ад̇д̇аа д̇зхи на яож̇зд̇аб̣б̣анд̇и гилзсаабхисан̇кааравасзна бад̇идтаанааяууханз вад̇ваа д̇ан̣хаад̣̇идтийнам̣ д̇ад̇т̇а висзсабажжаяад̇ам̣ д̣̇ийбзд̇ум̣ д̇ад̣̇убхаяавасзнаби яож̇анаа гад̇аа. наяад̣̇ассанам̣ ваа зд̇ам̣ д̇ад̇т̇а д̣̇адтаб̣б̣ам̣. звамид̇арзби багаараа яож̇зд̇аб̣б̣аад̇и . ‘‘жад̇уухи, бхигкавз, ан̇г̇зхи саманнааг̇ад̇о буг̇г̇ало’’д̇иаад̣̇ийсу (ма. ни. 4.112, 114) ан̇г̇а-сад̣̇д̣̇асса гааран̣ад̇т̇ад̇аа д̣̇адтаб̣б̣аа.
Atha vā kilesaggahaṇena taṇhāsassatadiṭṭhisabbākusalābhisaṅkhārā gahitā taṃsabhāgatāya tadekaṭṭhatāya ca. Tathā abhisaṅkhāraggahaṇena avasesakilesaucchedadiṭṭhisabbalokiyakusalābhisaṅkhārā. Līnuddhaccakāmasukhattakilamathānuyogānaṃ visuṃ vuttattā tehi na yojetabbanti kilesābhisaṅkhāravasena patiṭṭhānāyūhane vatvā taṇhādiṭṭhīnaṃ tattha visesapaccayataṃ dīpetuṃ tadubhayavasenapi yojanā katā. Nayadassanaṃ vā etaṃ tattha daṭṭhabbaṃ. Evamitarepi pakārā yojetabbāti . ‘‘Catūhi, bhikkhave, aṅgehi samannāgato puggalo’’tiādīsu (ma. ni. 4.112, 114) aṅga-saddassa kāraṇatthatā daṭṭhabbā.
299. мусааваад̣̇аад̣̇ийни бхаасамаано гарод̇и наама гим̣ вагкамаанам̣ гирияам̣, гаа бана саад̇и? мусааваад̣̇аад̣̇игирияаад̇и вид̣̇ид̇овааяамад̇т̇о. звам̣ ваа зд̇т̇а яож̇анаа д̣̇адтаб̣б̣аа.
299. Musāvādādīni bhāsamāno karoti nāma kiṃ vakkhamānaṃ kiriyaṃ, kā pana sāti? Musāvādādikiriyāti viditovāyamattho. Evaṃ vā ettha yojanā daṭṭhabbā.
301. нибпаад̣̇ид̇абажжаяаананд̇и жийвараад̣̇ибажжаяаанам̣. гуханавад̇т̇уунийд̇и баабижчад̇ам̣ ниссааяа луукажийвараад̣̇исзванавасзна ‘‘яо д̇з вихаарз васад̇и, со арахаа’’д̇иаад̣̇инаа (баараа. 224) ад̇д̇аанам̣ арияаг̇ун̣асааманд̇ам̣ гад̇ваа бхан̣анавасзна висзсалаабхино вияа ад̇д̇ано барихаран̣авасзна жа бавад̇д̇аа агусалажид̇д̇уббаад̣̇аа барзсам̣ вимхаабанагааран̣аани гуханавад̇т̇ууни.
301. Nipphāditapaccayānanti cīvarādipaccayānaṃ. Kuhanavatthūnīti pāpicchataṃ nissāya lūkhacīvarādisevanavasena ‘‘yo te vihāre vasati, so arahā’’tiādinā (pārā. 224) attānaṃ ariyaguṇasāmantaṃ katvā bhaṇanavasena visesalābhino viya attano pariharaṇavasena ca pavattā akusalacittuppādā paresaṃ vimhāpanakāraṇāni kuhanavatthūni.
343. сад̇иби саг̇ун̣аарамман̣зхи маг̇г̇асса анимид̇д̇анаамалаабхз на ниббарияааязна вибассанаа анимид̇д̇анаамигаад̇и ааг̇аманад̇о маг̇г̇о анимид̇д̇анаамам̣ на лабхад̇ийд̇и ааха ‘‘на бана саг̇ун̣аарамман̣зхи…бз… сид̣̇д̇хам̣ ход̇ий’’д̇и. яасмаа бана ааг̇аманад̇о сун̃н̃ад̇ам̣ аббан̣ихид̇анд̇и лад̣̇д̇ханаамасса маг̇г̇асса саг̇ун̣ад̇о аарамман̣ад̇о жа д̇ам̣наамаабхааво на гад̣̇аажиби ад̇т̇и, д̇асмаа наамад̇д̇аяабаарибуурихзд̇уааг̇аманад̇о наамалаабход̇и ад̇хиббааязнааха ‘‘барибун̣н̣анаамасид̣̇д̇хихзд̇уд̇д̇аа’’д̇и. саб̣б̣зсанд̇и саб̣б̣авимогкамукааг̇ад̇аанамби маг̇г̇аанам̣. наамад̇д̇аяаяог̇од̇и сун̃н̃ад̇аабан̣ихид̇аанимид̇д̇анаамаяог̇о. вавад̇т̇аанам̣ асан̇гаро.
343. Satipi saguṇārammaṇehi maggassa animittanāmalābhe na nippariyāyena vipassanā animittanāmikāti āgamanato maggo animittanāmaṃ na labhatīti āha ‘‘na pana saguṇārammaṇehi…pe… siddhaṃ hotī’’ti. Yasmā pana āgamanato suññataṃ appaṇihitanti laddhanāmassa maggassa saguṇato ārammaṇato ca taṃnāmābhāvo na kadācipi atthi, tasmā nāmattayapāripūrihetuāgamanato nāmalābhoti adhippāyenāha ‘‘paripuṇṇanāmasiddhihetuttā’’ti. Sabbesanti sabbavimokkhamukhāgatānampi maggānaṃ. Nāmattayayogoti suññatāpaṇihitānimittanāmayogo. Vavatthānaṃ asaṅkaro.
350. нимид̇д̇ад̇хаммаа сан̇каараа д̇зхи санимид̇д̇аа савиг̇г̇ахаа вияа убадтаханд̇ийд̇и д̇зсам̣ абхаавид̇абхааванасса бхаавид̇абхааванасса жа убадтаханаагаарам̣ д̣̇ассзнд̇о ‘‘самуухаад̣̇ий’’д̇иаад̣̇имааха. д̇зна жа ‘‘вимогкзна сад̣̇д̇хинд̣̇рияам̣ ад̇химад̇д̇ам̣ ход̇ий’’д̇и (д̇ха. са. адта. 350) вуд̇д̇ам̣, на ‘‘д̇асмим̣ вимогкз’’д̇и, д̇асмаа ‘‘анимид̇д̇авимогкод̇и анижжаанубассанам̣ аахаа’’д̇и вуд̇д̇ам̣. ид̇арад̇т̇ааби зсзва наяо. анимид̇д̇асса анимид̇д̇абхааваабхааво над̇т̇ийд̇и гасмаа вуд̇д̇ам̣, нану жа анижжаанубассанааяа анимид̇д̇авимогкабхааво барияааязнаад̇и ниббарияааяад̣̇зсанааяа д̇ассаа анимид̇д̇абхааваабхааво ад̇т̇и зва, зван̃жа сад̇и ‘‘анимид̇д̇асса анимид̇д̇анаамад̣̇аанаабхааво’’д̇и жа на на саггаа вад̇д̇унд̇и убамаасам̣санд̣̇анам̣ судтуд̇арам̣ яуж̇ж̇ад̇и, д̇ат̇аа анимид̇д̇зна маг̇г̇асса анимид̇д̇абхааво на яуж̇ж̇ад̇иязва. д̇знааха ‘‘барамад̇т̇ад̇о наамам̣ д̣̇аад̇ум̣ на саггод̇ий’’д̇и? сажжамзд̇ам̣ , барияааяасид̣̇д̇хам̣язва бана анижжаанубассанааяа анимид̇д̇абхаавам̣ г̇ахзд̇ваа маг̇г̇асод̇ханавасзнааяамануяог̇о гад̇о ‘‘анимид̇д̇авимогкасса анимид̇д̇абхааваабхааво над̇т̇ийд̇ивируд̣̇д̇хам̣ вияа ход̇ий’’д̇и. зван̃жа гад̇ваа ‘‘анимид̇д̇ам̣…бз… д̣̇ийбид̇о ход̇ий’’д̇и саяамзва вагкад̇ийд̇и. сааман̃н̃анд̇и убамобамид̇аб̣б̣аанам̣ самб̣анд̇хамааха. на маг̇г̇аад̇хибад̇ийд̇и маг̇г̇о ад̇хибад̇и маг̇г̇аад̇хибад̇ийд̇и чанд̣̇ажид̇д̇аанам̣ аяам̣ саман̃н̃аа над̇т̇ийд̇и ад̇т̇о. на жа д̇зхи маг̇г̇ассаад̇и чанд̣̇ажид̇д̇зхи маг̇г̇о ад̇хибад̇и зд̇ассаад̇и маг̇г̇аад̇хибад̇ийд̇и аяам̣ саман̃н̃аа маг̇г̇асса над̇т̇и. гасмаа? д̇зсам̣ чанд̣̇ажид̇д̇аанам̣ амаг̇г̇ан̇г̇ад̇д̇аа.
350. Nimittadhammā saṅkhārā tehi sanimittā saviggahā viya upaṭṭhahantīti tesaṃ abhāvitabhāvanassa bhāvitabhāvanassa ca upaṭṭhahanākāraṃ dassento ‘‘samūhādī’’tiādimāha. Tena ca ‘‘vimokkhena saddhindriyaṃ adhimattaṃ hotī’’ti (dha. sa. aṭṭha. 350) vuttaṃ, na ‘‘tasmiṃ vimokkhe’’ti, tasmā ‘‘animittavimokkhoti aniccānupassanaṃ āhā’’ti vuttaṃ. Itaratthāpi eseva nayo. Animittassa animittabhāvābhāvo natthīti kasmā vuttaṃ, nanu ca aniccānupassanāya animittavimokkhabhāvo pariyāyenāti nippariyāyadesanāya tassā animittabhāvābhāvo atthi eva, evañca sati ‘‘animittassa animittanāmadānābhāvo’’ti ca na na sakkā vattunti upamāsaṃsandanaṃ suṭṭhutaraṃ yujjati, tathā animittena maggassa animittabhāvo na yujjatiyeva. Tenāha ‘‘paramatthato nāmaṃ dātuṃ na sakkotī’’ti? Saccametaṃ , pariyāyasiddhaṃyeva pana aniccānupassanāya animittabhāvaṃ gahetvā maggasodhanavasenāyamanuyogo kato ‘‘animittavimokkhassa animittabhāvābhāvo natthītiviruddhaṃ viya hotī’’ti. Evañca katvā ‘‘animittaṃ…pe… dīpito hotī’’ti sayameva vakkhatīti. Sāmaññanti upamopamitabbānaṃ sambandhamāha. Na maggādhipatīti maggo adhipati maggādhipatīti chandacittānaṃ ayaṃ samaññā natthīti attho. Na ca tehi maggassāti chandacittehi maggo adhipati etassāti maggādhipatīti ayaṃ samaññā maggassa natthi. Kasmā? Tesaṃ chandacittānaṃ amaggaṅgattā.
жхаанасса сун̃н̃ад̇аад̣̇инаамагад̇д̇аад̇и зд̇зна инд̣̇рияаб̣алаад̣̇ийнамби маг̇г̇асамбаяог̇ад̇о сун̃н̃ад̇аад̣̇инаамагад̇аа д̣̇ассид̇аад̇и д̣̇адтаб̣б̣ам̣. сад̇иби бажжанийгаамасанз на д̇асса маг̇г̇асса д̇ам̣ бариб̣яад̇д̇ам̣ яат̇аа сарасад̇аад̇и ааха ‘‘сарасаббад̇хаано’’д̇и. д̣̇вийхийд̇и сарасабажжанийгзхи. ан̃н̃анирабзгкзхийд̇и ааг̇амананирабзгкзхи. д̇асмаад̇и яасмаа сарасад̇ова наамалаабхз ававад̇т̇аанаабад̇д̇и саб̣б̣асса маг̇г̇асса саб̣б̣анаамабхааваабад̇д̇и ход̇и, д̇асмаа. ад̇д̇аабхи…бз… маг̇г̇аад̇и д̇зна ааг̇аманад̇о наамалаабхасса бажжанийгад̇о наамалаабхабхаавам̣ д̣̇ассзд̇и. сарасанд̇арзд̇и анимид̇д̇абхааваад̣̇игз. бажжанийгасахид̇зна сарасзнаад̇и сун̃н̃ад̇ааббан̣ихид̇абхаавзхи д̇ад̣̇ааг̇аманзхи. нимид̇д̇аг̇г̇ахан̣аанивааран̣аад̇и сан̇кааранимид̇д̇аг̇г̇аахасса анисзд̇ханад̇о. сун̃н̃ад̇ааббан̣ихид̇ассзва маг̇г̇асса вуд̇д̇ад̇д̇аа анижжад̇о вудтаханд̇асса маг̇г̇о ид̇ха асан̇г̇ахид̇о сияаад̇и аасан̇гид̇ваа ааха ‘‘анижжаанубассанаа’’д̇иаад̣̇и. сан̇каарзхи вудтаанам̣ на сияаа, лагкан̣зхи зва вудтаанам̣ сияаад̇и ад̇хиббааяо, лагкан̣абадивзд̇хо на сияаа ад̇ад̣̇аарамман̣ад̇д̇аад̇и ад̇т̇о. сан̇каараанан̃хи худ̇ваа абхаавауд̣̇аяаб̣б̣аяабадибийл̣анаавасавад̇д̇анаагаарзсу анижжад̇аад̣̇илагкан̣авохааро.
Jhānassa suññatādināmakattāti etena indriyabalādīnampi maggasampayogato suññatādināmakatā dassitāti daṭṭhabbaṃ. Satipi paccanīkāmasane na tassa maggassa taṃ paribyattaṃ yathā sarasatāti āha ‘‘sarasappadhāno’’ti. Dvīhīti sarasapaccanīkehi. Aññanirapekkhehīti āgamananirapekkhehi. Tasmāti yasmā sarasatova nāmalābhe avavatthānāpatti sabbassa maggassa sabbanāmabhāvāpatti hoti, tasmā. Attābhi…pe… maggāti tena āgamanato nāmalābhassa paccanīkato nāmalābhabhāvaṃ dasseti. Sarasantareti animittabhāvādike. Paccanīkasahitena sarasenāti suññatāppaṇihitabhāvehi tadāgamanehi. Nimittaggahaṇānivāraṇāti saṅkhāranimittaggāhassa anisedhanato. Suññatāppaṇihitasseva maggassa vuttattā aniccato vuṭṭhahantassa maggo idha asaṅgahito siyāti āsaṅkitvā āha ‘‘aniccānupassanā’’tiādi. Saṅkhārehi vuṭṭhānaṃ na siyā, lakkhaṇehi eva vuṭṭhānaṃ siyāti adhippāyo, lakkhaṇapaṭivedho na siyā atadārammaṇattāti attho. Saṅkhārānañhi hutvā abhāvaudayabbayapaṭipīḷanāvasavattanākāresu aniccatādilakkhaṇavohāro.
аагаараванд̇зсу г̇ахид̇зсу д̇ад̣̇аагаароби г̇ахид̇оязва ход̇ийд̇и ааха ‘‘лагкан̣ааниби бадивид̣̇д̇хаани хонд̇и д̇ад̣̇аагаарасан̇каараг̇г̇ахан̣ад̇о’’д̇и. яат̇аавуд̇д̇аад̇хиббааязнаад̇и ‘‘анижжа’’нд̇иаад̣̇инаа ‘‘сан̇каарзсуу’’д̇иаад̣̇инаава вуд̇д̇аббагаараад̇хиббааязна. висунд̇и сан̇каарзхи винивад̇д̇зд̇ваа.
Ākāravantesu gahitesu tadākāropi gahitoyeva hotīti āha ‘‘lakkhaṇānipi paṭividdhāni honti tadākārasaṅkhāraggahaṇato’’ti. Yathāvuttādhippāyenāti ‘‘anicca’’ntiādinā ‘‘saṅkhāresū’’tiādināva vuttappakārādhippāyena. Visunti saṅkhārehi vinivattetvā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / логуд̇д̇арагусалам̣ • Lokuttarakusalaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / логуд̇д̇арагусалаван̣н̣анаа • Lokuttarakusalavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / логуд̇д̇арагусалаван̣н̣анаа • Lokuttarakusalavaṇṇanā
