| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
логуд̇д̇аравибаагагат̇аа
Lokuttaravipākakathā
505. логуд̇д̇аравибаагамби гусаласад̣̇исад̇д̇аа гусалаануг̇ад̇игамзва гад̇ваа бхааж̇ид̇ам̣. яасмаа бана д̇збхуумагагусалам̣ жуд̇ибадисанд̇хивасзна ваддам̣ аажинаад̇и вад̣дхзд̇и, д̇асмаа д̇ад̇т̇а гад̇ад̇д̇аа убажид̇ад̇д̇аад̇и вуд̇д̇ам̣. логуд̇д̇арам̣ бана д̇зна аажид̇амби абажинаад̇и, саяамби жуд̇ибадисанд̇хивасзна на аажинаад̇и, д̇знзд̇т̇а ‘гад̇ад̇д̇аа убажид̇ад̇д̇аа’д̇и авад̇ваа гад̇ад̇д̇аа бхаавид̇ад̇д̇аад̇и вуд̇д̇ам̣.
505. Lokuttaravipākampi kusalasadisattā kusalānugatikameva katvā bhājitaṃ. Yasmā pana tebhūmakakusalaṃ cutipaṭisandhivasena vaṭṭaṃ ācināti vaḍḍheti, tasmā tattha katattā upacitattāti vuttaṃ. Lokuttaraṃ pana tena ācitampi apacināti, sayampi cutipaṭisandhivasena na ācināti, tenettha ‘katattā upacitattā’ti avatvā katattā bhāvitattāti vuttaṃ.
сун̃н̃ад̇анд̇иаад̣̇ийсу ‘маг̇г̇о’ д̇аава ‘ааг̇аманад̇о саг̇ун̣ад̇о аарамман̣ад̇од̇и д̇ийхи гааран̣зхи наамам̣ лабхад̇ий’д̇и, ид̣̇ам̣ хздтаа гусалаад̇хигаарз вид̇т̇аарид̇ам̣. д̇ад̇т̇а суд̇д̇анд̇игабарияааязна саг̇ун̣ад̇оби аарамман̣ад̇оби наамам̣ лабхад̇и. барияааяад̣̇зсанаа хзсаа. абхид̇хаммагат̇аа бана ниббарияааяад̣̇зсанаа. д̇асмаа ид̇ха саг̇ун̣ад̇о ваа аарамман̣ад̇о ваа наамам̣ на лабхад̇и, ааг̇аманад̇ова лабхад̇и. ааг̇аманамзва хи д̇хурам̣. д̇ам̣ д̣̇увид̇хам̣ ход̇и – вибассанааг̇аманам̣ маг̇г̇ааг̇амананд̇и.
Suññatantiādīsu ‘maggo’ tāva ‘āgamanato saguṇato ārammaṇatoti tīhi kāraṇehi nāmaṃ labhatī’ti, idaṃ heṭṭhā kusalādhikāre vitthāritaṃ. Tattha suttantikapariyāyena saguṇatopi ārammaṇatopi nāmaṃ labhati. Pariyāyadesanā hesā. Abhidhammakathā pana nippariyāyadesanā. Tasmā idha saguṇato vā ārammaṇato vā nāmaṃ na labhati, āgamanatova labhati. Āgamanameva hi dhuraṃ. Taṃ duvidhaṃ hoti – vipassanāgamanaṃ maggāgamananti.
д̇ад̇т̇а маг̇г̇асса ааг̇ад̇адтаанз вибассанааг̇аманам̣ д̇хурам̣, паласса ааг̇ад̇адтаанз маг̇г̇ааг̇аманам̣ д̇хуранд̇и, ид̣̇амби хздтаа вуд̇д̇амзва. д̇зсу ид̣̇ам̣ паласса ааг̇ад̇адтаанам̣, д̇асмаа ид̇ха маг̇г̇ааг̇аманам̣ д̇хуранд̇и взд̣̇ид̇аб̣б̣ам̣. со банзса маг̇г̇о ааг̇аманад̇о ‘сун̃н̃ад̇а’нд̇и наамам̣ лабхид̇ваа саг̇ун̣ад̇о жа аарамман̣ад̇о жа ‘анимид̇д̇о’‘аббан̣ихид̇о’д̇иби вужжад̇и. д̇асмаа саяам̣ ааг̇аманийяадтаанз тад̇ваа ад̇д̇ано паласса д̇ийн̣и наамаани д̣̇зд̇и. гат̇ам̣? аяан̃хи суд̣̇д̇хааг̇аманавасзнзва лад̣̇д̇ханаамо ‘сун̃н̃ад̇амаг̇г̇о’ саяам̣ ааг̇аманийяадтаанз тад̇ваа ад̇д̇ано паласса наамам̣ д̣̇ад̣̇амаано ‘сун̃н̃ад̇а’нд̇и наамам̣ агааси. ‘сун̃н̃ад̇аанимид̇д̇амаг̇г̇о’ саяам̣ ааг̇аманийяадтаанз тад̇ваа ад̇д̇ано паласса наамам̣ д̣̇ад̣̇амаано ‘анимид̇д̇а’нд̇и наамам̣ агааси. ‘сун̃н̃ад̇ааббан̣ихид̇амаг̇г̇о’ саяам̣ ааг̇аманийяадтаанз тад̇ваа ад̇д̇ано паласса наамам̣ д̣̇ад̣̇амаано ‘аббан̣ихид̇а’нд̇и наамам̣ агааси. имаани бана д̇ийн̣и наамаани маг̇г̇аананд̇арз палажид̇д̇асмим̣язва иминаа наязна лаб̣бханд̇и, но абарабхааг̇з вал̣ан̃ж̇анагапаласамаабад̇д̇ияаа. абарабхааг̇з бана анижжад̇аад̣̇ийхи д̇ийхи вибассанаахи вибассид̇ум̣ саггод̇и. ат̇асса вудтид̇авудтид̇авибассанаавасзна анимид̇д̇ааббан̣ихид̇асун̃н̃ад̇асан̇каад̇аани д̇ийн̣и палаани уббаж̇ж̇анд̇и. д̇зсам̣ д̇аанзва сан̇каараарамман̣аани. анижжаанубассанаад̣̇ийни н̃аан̣аани ануломан̃аан̣аани наама хонд̇и.
Tattha maggassa āgataṭṭhāne vipassanāgamanaṃ dhuraṃ, phalassa āgataṭṭhāne maggāgamanaṃ dhuranti, idampi heṭṭhā vuttameva. Tesu idaṃ phalassa āgataṭṭhānaṃ, tasmā idha maggāgamanaṃ dhuranti veditabbaṃ. So panesa maggo āgamanato ‘suññata’nti nāmaṃ labhitvā saguṇato ca ārammaṇato ca ‘animitto’‘appaṇihito’tipi vuccati. Tasmā sayaṃ āgamanīyaṭṭhāne ṭhatvā attano phalassa tīṇi nāmāni deti. Kathaṃ? Ayañhi suddhāgamanavaseneva laddhanāmo ‘suññatamaggo’ sayaṃ āgamanīyaṭṭhāne ṭhatvā attano phalassa nāmaṃ dadamāno ‘suññata’nti nāmaṃ akāsi. ‘Suññataanimittamaggo’ sayaṃ āgamanīyaṭṭhāne ṭhatvā attano phalassa nāmaṃ dadamāno ‘animitta’nti nāmaṃ akāsi. ‘Suññataappaṇihitamaggo’ sayaṃ āgamanīyaṭṭhāne ṭhatvā attano phalassa nāmaṃ dadamāno ‘appaṇihita’nti nāmaṃ akāsi. Imāni pana tīṇi nāmāni maggānantare phalacittasmiṃyeva iminā nayena labbhanti, no aparabhāge vaḷañjanakaphalasamāpattiyā. Aparabhāge pana aniccatādīhi tīhi vipassanāhi vipassituṃ sakkoti. Athassa vuṭṭhitavuṭṭhitavipassanāvasena animittaappaṇihitasuññatasaṅkhātāni tīṇi phalāni uppajjanti. Tesaṃ tāneva saṅkhārārammaṇāni. Aniccānupassanādīni ñāṇāni anulomañāṇāni nāma honti.
яо жааяам̣ сун̃н̃ад̇амаг̇г̇з вуд̇д̇о. аббан̣ихид̇амаг̇г̇зби зсзва наяо. аяамби хи суд̣̇д̇хааг̇аманавасзна лад̣̇д̇ханаамо ‘аббан̣ихид̇амаг̇г̇о’ саяам̣ ааг̇аманийяадтаанз тад̇ваа ад̇д̇ано паласса наамам̣ д̣̇ад̣̇амаано ‘аббан̣ихид̇а’нд̇и наамам̣ агааси. ‘аббан̣ихид̇аанимид̇д̇амаг̇г̇о’ саяам̣ ааг̇аманийяадтаанз тад̇ваа ад̇д̇ано паласса наамам̣ д̣̇ад̣̇амаано ‘анимид̇д̇а’нд̇и наамам̣ агааси. ‘аббан̣ихид̇асун̃н̃ад̇амаг̇г̇о’ саяам̣ ааг̇аманийяадтаанз тад̇ваа ад̇д̇ано паласса наамам̣ д̣̇ад̣̇амаано ‘сун̃н̃ад̇а’нд̇и наамам̣ агааси. имааниби д̇ийн̣и наамаани маг̇г̇аананд̇арз палажид̇д̇асмим̣язва иминаа наязна лаб̣бханд̇и, на абарабхааг̇з вал̣ан̃ж̇анагапаласамаабад̇д̇ияаад̇и. звам̣ имасмим̣ вибааганид̣̇д̣̇зсз гусалажид̇д̇зхи д̇иг̇ун̣аани вибаагажид̇д̇аани взд̣̇ид̇аб̣б̣аани.
Yo cāyaṃ suññatamagge vutto. Appaṇihitamaggepi eseva nayo. Ayampi hi suddhāgamanavasena laddhanāmo ‘appaṇihitamaggo’ sayaṃ āgamanīyaṭṭhāne ṭhatvā attano phalassa nāmaṃ dadamāno ‘appaṇihita’nti nāmaṃ akāsi. ‘Appaṇihitaanimittamaggo’ sayaṃ āgamanīyaṭṭhāne ṭhatvā attano phalassa nāmaṃ dadamāno ‘animitta’nti nāmaṃ akāsi. ‘Appaṇihitasuññatamaggo’ sayaṃ āgamanīyaṭṭhāne ṭhatvā attano phalassa nāmaṃ dadamāno ‘suññata’nti nāmaṃ akāsi. Imānipi tīṇi nāmāni maggānantare phalacittasmiṃyeva iminā nayena labbhanti, na aparabhāge vaḷañjanakaphalasamāpattiyāti. Evaṃ imasmiṃ vipākaniddese kusalacittehi tiguṇāni vipākacittāni veditabbāni.
яат̇аа бана д̇збхуумагагусалаани ад̇д̇ано вибаагам̣ ад̇хибад̇им̣ лабхаабзд̇ум̣ на саггонд̇и, на звам̣ логуд̇д̇арагусалаани. гасмаа? д̇збхуумагагусалаанан̃хи ан̃н̃о ааяууханагаало ан̃н̃о вибажжанагаало. д̇зна д̇аани ад̇д̇ано вибаагам̣ ад̇хибад̇им̣ лабхаабзд̇ум̣ на саггонд̇и. логуд̇д̇араани бана д̇ааяа сад̣̇д̇хааяа, д̇асмим̣ вийрияз, д̇ааяа сад̇ияаа, д̇асмим̣ самаад̇химхи, д̇ааяа бан̃н̃ааяа авуубасанд̇ааяа , абан̣н̣агам̣ авирад̣̇д̇хам̣ маг̇г̇аананд̇арамзва вибаагам̣ бадилабханд̇и, д̇зна ад̇д̇ано вибаагам̣ ад̇хибад̇им̣ лабхаабзд̇ум̣ саггонд̇и.
Yathā pana tebhūmakakusalāni attano vipākaṃ adhipatiṃ labhāpetuṃ na sakkonti, na evaṃ lokuttarakusalāni. Kasmā? Tebhūmakakusalānañhi añño āyūhanakālo añño vipaccanakālo. Tena tāni attano vipākaṃ adhipatiṃ labhāpetuṃ na sakkonti. Lokuttarāni pana tāya saddhāya, tasmiṃ vīriye, tāya satiyā, tasmiṃ samādhimhi, tāya paññāya avūpasantāya , apaṇṇakaṃ aviraddhaṃ maggānantarameva vipākaṃ paṭilabhanti, tena attano vipākaṃ adhipatiṃ labhāpetuṃ sakkonti.
яат̇аа хи барид̇д̇агасса аг̇г̇ино г̇ад̇адтаанз аг̇г̇исмим̣ ниб̣б̣уд̇амад̇д̇зязва ун̣хаагааро ниб̣б̣ааяид̇ваа гин̃жи на ход̇и, маханд̇ам̣ бана аад̣̇ид̇д̇ам̣ аг̇г̇игканд̇хам̣ ниб̣б̣аабзд̇ваа г̇омаяабарибхан̣д̣з гад̇зби ун̣хаагааро авуубасанд̇ова ход̇и, звамзва д̇збхуумагагусалз ан̃н̃о гаммагкан̣о ан̃н̃о вибаагагкан̣о барид̇д̇ааг̇г̇идтаанз ун̣хабхааваниб̣б̣уд̇агаало вияа ход̇и. д̇асмаа д̇ам̣ ад̇д̇ано вибаагам̣ ад̇хибад̇им̣ лабхаабзд̇ум̣ на саггод̇и. логуд̇д̇арз бана д̇ааяа сад̣̇д̇хааяа…бз… д̇ааяа бан̃н̃ааяа авуубасанд̇ааяа, маг̇г̇аананд̇арамзва палам̣ уббаж̇ж̇ад̇и, д̇асмаа д̇ам̣ ад̇д̇ано вибаагам̣ ад̇хибад̇им̣ лабхаабзд̇ийд̇и взд̣̇ид̇аб̣б̣ам̣. д̇знааху бораан̣аа – ‘вибаагз ад̇хибад̇и над̇т̇и табзд̇ваа логуд̇д̇ара’нд̇и.
Yathā hi parittakassa aggino gataṭṭhāne aggismiṃ nibbutamatteyeva uṇhākāro nibbāyitvā kiñci na hoti, mahantaṃ pana ādittaṃ aggikkhandhaṃ nibbāpetvā gomayaparibhaṇḍe katepi uṇhākāro avūpasantova hoti, evameva tebhūmakakusale añño kammakkhaṇo añño vipākakkhaṇo parittaaggiṭṭhāne uṇhabhāvanibbutakālo viya hoti. Tasmā taṃ attano vipākaṃ adhipatiṃ labhāpetuṃ na sakkoti. Lokuttare pana tāya saddhāya…pe… tāya paññāya avūpasantāya, maggānantarameva phalaṃ uppajjati, tasmā taṃ attano vipākaṃ adhipatiṃ labhāpetīti veditabbaṃ. Tenāhu porāṇā – ‘vipāke adhipati natthi ṭhapetvā lokuttara’nti.
555. жад̇уд̇т̇апаланид̣̇д̣̇зсз ан̃н̃аад̇аавинд̣̇рияанд̇и ан̃н̃аад̇аавино жад̇уусу сажжзсу нидтид̇ан̃аан̣агижжасса инд̣̇рияам̣, ан̃н̃аад̇аавийнам̣ ваа жад̇уусу сажжзсу нидтид̇агижжаанам̣ жад̇д̇аари сажжаани н̃ад̇ваа бадивиж̇жхид̇ваа тид̇аанам̣ д̇хаммаанам̣ аб̣бханд̇арз инд̣̇адтасаад̇ханзна инд̣̇рияам̣. нид̣̇д̣̇зсаваарзбисса ан̃н̃аад̇аавийнанд̇и ааж̇аанид̇ваа тид̇аанам̣. д̇хаммаананд̇и самбаяуд̇д̇ад̇хаммаанам̣ аб̣бханд̇арз. ан̃н̃аад̇и ааж̇аананаа, бан̃н̃аа баж̇аананаад̇иаад̣̇ийни вуд̇д̇ад̇т̇аанзва. маг̇г̇ан̇г̇ам̣ маг̇г̇абарияаабаннанд̇и паламаг̇г̇асса ан̇г̇ам̣, паламаг̇г̇з жа барияаабаннанд̇и ад̇т̇о.
555. Catutthaphalaniddese aññātāvindriyanti aññātāvino catūsu saccesu niṭṭhitañāṇakiccassa indriyaṃ, aññātāvīnaṃ vā catūsu saccesu niṭṭhitakiccānaṃ cattāri saccāni ñatvā paṭivijjhitvā ṭhitānaṃ dhammānaṃ abbhantare indaṭṭhasādhanena indriyaṃ. Niddesavārepissa aññātāvīnanti ājānitvā ṭhitānaṃ. Dhammānanti sampayuttadhammānaṃ abbhantare. Aññāti ājānanā, paññā pajānanātiādīni vuttatthāneva. Maggaṅgaṃ maggapariyāpannanti phalamaggassa aṅgaṃ, phalamagge ca pariyāpannanti attho.
абижзд̇т̇а ид̣̇ам̣ багин̣н̣агам̣ – згам̣ инд̣̇рияам̣ згам̣ таанам̣ г̇ажчад̇и, згам̣ ча таанаани г̇ажчад̇и, згам̣ згам̣ таанам̣ г̇ажчад̇и. зган̃хи ‘анан̃н̃аад̇ан̃н̃ассаамийд̇инд̣̇рияам̣’ згам̣ таанам̣ г̇ажчад̇и сод̇аабад̇д̇имаг̇г̇ам̣. згам̣ ‘ан̃н̃инд̣̇рияам̣’ хздтаа д̇ийн̣и палаани, убари д̇аяо маг̇г̇зд̇и ча таанаани г̇ажчад̇и. згам̣ ‘ан̃н̃аад̇аавинд̣̇рияам̣’ згам̣ таанам̣ г̇ажчад̇и арахад̇д̇апалам̣. саб̣б̣зсуби маг̇г̇апалзсу ад̇т̇ад̇о адта адта инд̣̇рияаанийд̇и жад̇усадти логуд̇д̇аринд̣̇рияаани гат̇ид̇аани. баал̣ид̇о бана нава нава гад̇ваа д̣̇ваасад̇д̇ад̇и хонд̇и. маг̇г̇з маг̇г̇ан̇г̇анд̇и вуд̇д̇ам̣. палзби маг̇г̇ан̇г̇ам̣. маг̇г̇з б̣ож̇жхан̇г̇од̇и вуд̇д̇о палзби б̣ож̇жхан̇г̇о. маг̇г̇агкан̣з аарад̇и вирад̇ийд̇и вуд̇д̇аа палагкан̣зби аарад̇и вирад̇ийд̇и. д̇ад̇т̇а маг̇г̇о маг̇г̇абхаавзнзва маг̇г̇о, палам̣ бана маг̇г̇ам̣ убаад̣̇ааяа маг̇г̇о наама; палан̇г̇ам̣ палабарияаабаннанд̇и вад̇д̇умби ваддад̇и. маг̇г̇з б̣уж̇жханагасса ан̇г̇од̇и самб̣ож̇жхан̇г̇о, палз б̣уд̣̇д̇хасса ан̇г̇од̇и самб̣ож̇жхан̇г̇о. маг̇г̇з аараман̣авираман̣авасзнзва аарад̇и вирад̇и. палз бана аарад̇ивирад̇ивасзнаад̇и.
Apicettha idaṃ pakiṇṇakaṃ – ekaṃ indriyaṃ ekaṃ ṭhānaṃ gacchati, ekaṃ cha ṭhānāni gacchati, ekaṃ ekaṃ ṭhānaṃ gacchati. Ekañhi ‘anaññātaññassāmītindriyaṃ’ ekaṃ ṭhānaṃ gacchati sotāpattimaggaṃ. Ekaṃ ‘aññindriyaṃ’ heṭṭhā tīṇi phalāni, upari tayo maggeti cha ṭhānāni gacchati. Ekaṃ ‘aññātāvindriyaṃ’ ekaṃ ṭhānaṃ gacchati arahattaphalaṃ. Sabbesupi maggaphalesu atthato aṭṭha aṭṭha indriyānīti catusaṭṭhi lokuttarindriyāni kathitāni. Pāḷito pana nava nava katvā dvāsattati honti. Magge maggaṅganti vuttaṃ. Phalepi maggaṅgaṃ. Magge bojjhaṅgoti vutto phalepi bojjhaṅgo. Maggakkhaṇe ārati viratīti vuttā phalakkhaṇepi ārati viratīti. Tattha maggo maggabhāveneva maggo, phalaṃ pana maggaṃ upādāya maggo nāma; phalaṅgaṃ phalapariyāpannanti vattumpi vaṭṭati. Magge bujjhanakassa aṅgoti sambojjhaṅgo, phale buddhassa aṅgoti sambojjhaṅgo. Magge āramaṇaviramaṇavaseneva ārati virati. Phale pana ārativirativasenāti.
логуд̇д̇аравибаагагат̇аа нидтид̇аа.
Lokuttaravipākakathā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / логуд̇д̇аравибаага-батамамаг̇г̇авибаагаа • Lokuttaravipāka-paṭhamamaggavipākā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / логуд̇д̇аравибаагагат̇ааван̣н̣анаа • Lokuttaravipākakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / логуд̇д̇аравибаагагат̇ааван̣н̣анаа • Lokuttaravipākakathāvaṇṇanā
