| Library / Tipiṭaka / திபிடக • Tipiṭaka / த⁴ம்மஸங்க³ணீ-மூலடீகா • Dhammasaṅgaṇī-mūlaṭīkā |
லோகுத்தரவிபாககதா²வண்ணனா
Lokuttaravipākakathāvaṇṇanā
505. யதா² வட்டங் ஆசினதி, ததா² தண்ஹாதீ³ஹி அபி⁴ஸங்க²தங் லோகியகம்மங் உபசிதந்தி வுச்சதி . லோகுத்தரங் பன ஏவங் ந ஹோதீதி ததா² ந வுத்தங். ஸுத்³தா⁴க³மனவஸேனாதி அனிமித்தாப்பணிஹிதனாமதா³யகேஹி ஸகு³ணாரம்மணேஹி விஜ்ஜமானேஹிபி ப²லஸ்ஸ ஸுஞ்ஞதனாமதா³னதீ³பனே அக்³க³ஹிதபா⁴வேனேவ அவோமிஸ்ஸேனாதி அத்தோ². ஆக³மனதோ ஸுஞ்ஞதாப்பணிஹிதனாமவதோ மக்³க³ஸ்ஸ ஆக³மனீயட்டா²னே ட²த்வா அத்தனோ ப²லஸ்ஸ நாமத்தயதா³னங் யோஜிதங், இதரஸ்ஸபி பன ததே²வ யோஜேதப்³ப³ங். நயமத்தத³ஸ்ஸனஞ்ஹேதங். ஸகு³ணாரம்மணேஹி பன நாமத்தயவதோ அனிச்சானுபஸ்ஸனானந்தரஸ்ஸபி மக்³க³ஸ்ஸ ஆக³மனீயட்டா²னே ட²த்வா அத்தனோ ப²லஸ்ஸ நாமத்தயதா³னங் ந நிவாரிதந்தி. வளஞ்ஜனகப²லஸமாபத்தியா ச விபஸ்ஸனாக³மனவஸேன நாமலாபே⁴ மக்³க³ஸ்ஸ விய அனிமித்தனாமலாபோ⁴ ந ஸியா. யதா² பன மக்³கா³னந்தரஸ்ஸ விய வளஞ்ஜனகப²லஸமாபத்தியாபி ஜா²னபடிபதா³பே⁴தோ³ ஹோதி, ஏவங் ஸுஞ்ஞதாதி³னாமலாபே⁴ ஸதி அனிமித்தனாமஞ்ச லப⁴தீதி. அவூபஸந்தாயாதி இத³ங் கேனசி அஞ்ஞேன அனந்தரிதத்தா தாதி³ஸாய ஏவ ஸத்³தா⁴ய…பே॰… பஞ்ஞாய ச அனந்தரபச்சயபா⁴வங் ஸந்தா⁴ய வுத்தங். தேன ச²ந்தா³த³யோபி அத்தனோ அனந்தரஸதி³ஸானங் ச²ந்தா³தீ³னங் உப்பாத³கா அதி⁴பதிபூ⁴தா அதி⁴பதிபூ⁴தே ஏவ உப்பாதெ³ந்தீதி இமமத்த²ங் தீ³பேதி.
505. Yathā vaṭṭaṃ ācinati, tathā taṇhādīhi abhisaṅkhataṃ lokiyakammaṃ upacitanti vuccati . Lokuttaraṃ pana evaṃ na hotīti tathā na vuttaṃ. Suddhāgamanavasenāti animittāppaṇihitanāmadāyakehi saguṇārammaṇehi vijjamānehipi phalassa suññatanāmadānadīpane aggahitabhāveneva avomissenāti attho. Āgamanato suññatāppaṇihitanāmavato maggassa āgamanīyaṭṭhāne ṭhatvā attano phalassa nāmattayadānaṃ yojitaṃ, itarassapi pana tatheva yojetabbaṃ. Nayamattadassanañhetaṃ. Saguṇārammaṇehi pana nāmattayavato aniccānupassanānantarassapi maggassa āgamanīyaṭṭhāne ṭhatvā attano phalassa nāmattayadānaṃ na nivāritanti. Vaḷañjanakaphalasamāpattiyā ca vipassanāgamanavasena nāmalābhe maggassa viya animittanāmalābho na siyā. Yathā pana maggānantarassa viya vaḷañjanakaphalasamāpattiyāpi jhānapaṭipadābhedo hoti, evaṃ suññatādināmalābhe sati animittanāmañca labhatīti. Avūpasantāyāti idaṃ kenaci aññena anantaritattā tādisāya eva saddhāya…pe… paññāya ca anantarapaccayabhāvaṃ sandhāya vuttaṃ. Tena chandādayopi attano anantarasadisānaṃ chandādīnaṃ uppādakā adhipatibhūtā adhipatibhūte eva uppādentīti imamatthaṃ dīpeti.
555. கிலேஸஸமுச்சே²த³கஸ்ஸ மக்³க³ஸ்ஸ ஸம்மாதி³ட்டி²ஆதி³கஸ்ஸ நிய்யானிகஸபா⁴வஸ்ஸ ப²லேனபி படிப்பஸ்ஸத்³த⁴கிலேஸேன நிய்யானஸபா⁴வேனேவ ப⁴விதப்³ப³ங், தஸ்மா ப²லேபி ‘‘மக்³க³ங்க³ங் மக்³க³பரியாபன்ன’’ந்தி வுத்தங். ஏவஞ்ச கத்வா மக்³க³விப⁴ங்கே³ ப²லேஸு ச அட்ட²ங்கி³கோ பஞ்சங்கி³கோ ச மக்³கோ³ உத்³த⁴டோ, ஏவங் பொ³ஜ்ஜ²ங்கா³பீதி. மக்³க³ங் உபாதா³யாதி மக்³க³ஸதி³ஸதாய மக்³கோ³தி இமமத்த²ங் ஸந்தா⁴யாஹ.
555. Kilesasamucchedakassa maggassa sammādiṭṭhiādikassa niyyānikasabhāvassa phalenapi paṭippassaddhakilesena niyyānasabhāveneva bhavitabbaṃ, tasmā phalepi ‘‘maggaṅgaṃ maggapariyāpanna’’nti vuttaṃ. Evañca katvā maggavibhaṅge phalesu ca aṭṭhaṅgiko pañcaṅgiko ca maggo uddhaṭo, evaṃ bojjhaṅgāpīti. Maggaṃ upādāyāti maggasadisatāya maggoti imamatthaṃ sandhāyāha.
லோகுத்தரவிபாககதா²வண்ணனா நிட்டி²தா.
Lokuttaravipākakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / த⁴ம்மஸங்க³ணீபாளி • Dhammasaṅgaṇīpāḷi / லோகுத்தரவிபாக-பட²மமக்³க³விபாகா • Lokuttaravipāka-paṭhamamaggavipākā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / த⁴ம்மஸங்க³ணி-அட்ட²கதா² • Dhammasaṅgaṇi-aṭṭhakathā / லோகுத்தரவிபாககதா² • Lokuttaravipākakathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / த⁴ம்மஸங்க³ணீ-அனுடீகா • Dhammasaṅgaṇī-anuṭīkā / லோகுத்தரவிபாககதா²வண்ணனா • Lokuttaravipākakathāvaṇṇanā
