| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
логуд̇д̇аравибаагагат̇ааван̣н̣анаа
Lokuttaravipākakathāvaṇṇanā
505. яат̇аа ваддам̣ аажинад̇и, д̇ат̇аа д̇ан̣хаад̣̇ийхи абхисан̇кад̇ам̣ логияагаммам̣ убажид̇анд̇и вужжад̇и . логуд̇д̇арам̣ бана звам̣ на ход̇ийд̇и д̇ат̇аа на вуд̇д̇ам̣. суд̣̇д̇хааг̇аманавасзнаад̇и анимид̇д̇ааббан̣ихид̇анаамад̣̇ааяагзхи саг̇ун̣аарамман̣зхи виж̇ж̇амаанзхиби паласса сун̃н̃ад̇анаамад̣̇аанад̣̇ийбанз аг̇г̇ахид̇абхаавзнзва авомиссзнаад̇и ад̇т̇о. ааг̇аманад̇о сун̃н̃ад̇ааббан̣ихид̇анаамавад̇о маг̇г̇асса ааг̇аманийяадтаанз тад̇ваа ад̇д̇ано паласса наамад̇д̇аяад̣̇аанам̣ яож̇ид̇ам̣, ид̇арассаби бана д̇ат̇зва яож̇зд̇аб̣б̣ам̣. наяамад̇д̇ад̣̇ассанан̃хзд̇ам̣. саг̇ун̣аарамман̣зхи бана наамад̇д̇аяавад̇о анижжаанубассанаананд̇арассаби маг̇г̇асса ааг̇аманийяадтаанз тад̇ваа ад̇д̇ано паласса наамад̇д̇аяад̣̇аанам̣ на ниваарид̇анд̇и. вал̣ан̃ж̇анагапаласамаабад̇д̇ияаа жа вибассанааг̇аманавасзна наамалаабхз маг̇г̇асса вияа анимид̇д̇анаамалаабхо на сияаа. яат̇аа бана маг̇г̇аананд̇арасса вияа вал̣ан̃ж̇анагапаласамаабад̇д̇ияааби жхаанабадибад̣̇аабхзд̣̇о ход̇и, звам̣ сун̃н̃ад̇аад̣̇инаамалаабхз сад̇и анимид̇д̇анааман̃жа лабхад̇ийд̇и. авуубасанд̇ааяаад̇и ид̣̇ам̣ гзнажи ан̃н̃зна ананд̇арид̇ад̇д̇аа д̇аад̣̇исааяа зва сад̣̇д̇хааяа…бз… бан̃н̃ааяа жа ананд̇арабажжаяабхаавам̣ санд̇хааяа вуд̇д̇ам̣. д̇зна чанд̣̇аад̣̇аяоби ад̇д̇ано ананд̇арасад̣̇исаанам̣ чанд̣̇аад̣̇ийнам̣ уббаад̣̇агаа ад̇хибад̇ибхууд̇аа ад̇хибад̇ибхууд̇з зва уббаад̣̇знд̇ийд̇и имамад̇т̇ам̣ д̣̇ийбзд̇и.
505. Yathā vaṭṭaṃ ācinati, tathā taṇhādīhi abhisaṅkhataṃ lokiyakammaṃ upacitanti vuccati . Lokuttaraṃ pana evaṃ na hotīti tathā na vuttaṃ. Suddhāgamanavasenāti animittāppaṇihitanāmadāyakehi saguṇārammaṇehi vijjamānehipi phalassa suññatanāmadānadīpane aggahitabhāveneva avomissenāti attho. Āgamanato suññatāppaṇihitanāmavato maggassa āgamanīyaṭṭhāne ṭhatvā attano phalassa nāmattayadānaṃ yojitaṃ, itarassapi pana tatheva yojetabbaṃ. Nayamattadassanañhetaṃ. Saguṇārammaṇehi pana nāmattayavato aniccānupassanānantarassapi maggassa āgamanīyaṭṭhāne ṭhatvā attano phalassa nāmattayadānaṃ na nivāritanti. Vaḷañjanakaphalasamāpattiyā ca vipassanāgamanavasena nāmalābhe maggassa viya animittanāmalābho na siyā. Yathā pana maggānantarassa viya vaḷañjanakaphalasamāpattiyāpi jhānapaṭipadābhedo hoti, evaṃ suññatādināmalābhe sati animittanāmañca labhatīti. Avūpasantāyāti idaṃ kenaci aññena anantaritattā tādisāya eva saddhāya…pe… paññāya ca anantarapaccayabhāvaṃ sandhāya vuttaṃ. Tena chandādayopi attano anantarasadisānaṃ chandādīnaṃ uppādakā adhipatibhūtā adhipatibhūte eva uppādentīti imamatthaṃ dīpeti.
555. гилзсасамужчзд̣̇агасса маг̇г̇асса саммаад̣̇идтиаад̣̇игасса нияяаанигасабхаавасса палзнаби бадиббассад̣̇д̇хагилзсзна нияяаанасабхаавзнзва бхавид̇аб̣б̣ам̣, д̇асмаа палзби ‘‘маг̇г̇ан̇г̇ам̣ маг̇г̇абарияаабанна’’нд̇и вуд̇д̇ам̣. зван̃жа гад̇ваа маг̇г̇авибхан̇г̇з палзсу жа адтан̇г̇иго бан̃жан̇г̇иго жа маг̇г̇о уд̣̇д̇хадо, звам̣ б̣ож̇жхан̇г̇аабийд̇и. маг̇г̇ам̣ убаад̣̇ааяаад̇и маг̇г̇асад̣̇исад̇ааяа маг̇г̇од̇и имамад̇т̇ам̣ санд̇хааяааха.
555. Kilesasamucchedakassa maggassa sammādiṭṭhiādikassa niyyānikasabhāvassa phalenapi paṭippassaddhakilesena niyyānasabhāveneva bhavitabbaṃ, tasmā phalepi ‘‘maggaṅgaṃ maggapariyāpanna’’nti vuttaṃ. Evañca katvā maggavibhaṅge phalesu ca aṭṭhaṅgiko pañcaṅgiko ca maggo uddhaṭo, evaṃ bojjhaṅgāpīti. Maggaṃ upādāyāti maggasadisatāya maggoti imamatthaṃ sandhāyāha.
логуд̇д̇аравибаагагат̇ааван̣н̣анаа нидтид̇аа.
Lokuttaravipākakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / логуд̇д̇аравибаага-батамамаг̇г̇авибаагаа • Lokuttaravipāka-paṭhamamaggavipākā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / логуд̇д̇аравибаагагат̇аа • Lokuttaravipākakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / логуд̇д̇аравибаагагат̇ааван̣н̣анаа • Lokuttaravipākakathāvaṇṇanā
