| Library / Tipiṭaka / ਤਿਪਿਟਕ • Tipiṭaka / ਧਮ੍ਮਸਙ੍ਗਣੀ-ਮੂਲਟੀਕਾ • Dhammasaṅgaṇī-mūlaṭīkā |
ਲੋਕੁਤ੍ਤਰવਿਪਾਕਕਥਾવਣ੍ਣਨਾ
Lokuttaravipākakathāvaṇṇanā
੫੦੫. ਯਥਾ વਟ੍ਟਂ ਆਚਿਨਤਿ, ਤਥਾ ਤਣ੍ਹਾਦੀਹਿ ਅਭਿਸਙ੍ਖਤਂ ਲੋਕਿਯਕਮ੍ਮਂ ਉਪਚਿਤਨ੍ਤਿ વੁਚ੍ਚਤਿ । ਲੋਕੁਤ੍ਤਰਂ ਪਨ ਏવਂ ਨ ਹੋਤੀਤਿ ਤਥਾ ਨ વੁਤ੍ਤਂ। ਸੁਦ੍ਧਾਗਮਨવਸੇਨਾਤਿ ਅਨਿਮਿਤ੍ਤਾਪ੍ਪਣਿਹਿਤਨਾਮਦਾਯਕੇਹਿ ਸਗੁਣਾਰਮ੍ਮਣੇਹਿ વਿਜ੍ਜਮਾਨੇਹਿਪਿ ਫਲਸ੍ਸ ਸੁਞ੍ਞਤਨਾਮਦਾਨਦੀਪਨੇ ਅਗ੍ਗਹਿਤਭਾવੇਨੇવ ਅવੋਮਿਸ੍ਸੇਨਾਤਿ ਅਤ੍ਥੋ। ਆਗਮਨਤੋ ਸੁਞ੍ਞਤਾਪ੍ਪਣਿਹਿਤਨਾਮવਤੋ ਮਗ੍ਗਸ੍ਸ ਆਗਮਨੀਯਟ੍ਠਾਨੇ ਠਤ੍વਾ ਅਤ੍ਤਨੋ ਫਲਸ੍ਸ ਨਾਮਤ੍ਤਯਦਾਨਂ ਯੋਜਿਤਂ, ਇਤਰਸ੍ਸਪਿ ਪਨ ਤਥੇવ ਯੋਜੇਤਬ੍ਬਂ। ਨਯਮਤ੍ਤਦਸ੍ਸਨਞ੍ਹੇਤਂ। ਸਗੁਣਾਰਮ੍ਮਣੇਹਿ ਪਨ ਨਾਮਤ੍ਤਯવਤੋ ਅਨਿਚ੍ਚਾਨੁਪਸ੍ਸਨਾਨਨ੍ਤਰਸ੍ਸਪਿ ਮਗ੍ਗਸ੍ਸ ਆਗਮਨੀਯਟ੍ਠਾਨੇ ਠਤ੍વਾ ਅਤ੍ਤਨੋ ਫਲਸ੍ਸ ਨਾਮਤ੍ਤਯਦਾਨਂ ਨ ਨਿવਾਰਿਤਨ੍ਤਿ। વਲ਼ਞ੍ਜਨਕਫਲਸਮਾਪਤ੍ਤਿਯਾ ਚ વਿਪਸ੍ਸਨਾਗਮਨવਸੇਨ ਨਾਮਲਾਭੇ ਮਗ੍ਗਸ੍ਸ વਿਯ ਅਨਿਮਿਤ੍ਤਨਾਮਲਾਭੋ ਨ ਸਿਯਾ। ਯਥਾ ਪਨ ਮਗ੍ਗਾਨਨ੍ਤਰਸ੍ਸ વਿਯ વਲ਼ਞ੍ਜਨਕਫਲਸਮਾਪਤ੍ਤਿਯਾਪਿ ਝਾਨਪਟਿਪਦਾਭੇਦੋ ਹੋਤਿ, ਏવਂ ਸੁਞ੍ਞਤਾਦਿਨਾਮਲਾਭੇ ਸਤਿ ਅਨਿਮਿਤ੍ਤਨਾਮਞ੍ਚ ਲਭਤੀਤਿ। ਅવੂਪਸਨ੍ਤਾਯਾਤਿ ਇਦਂ ਕੇਨਚਿ ਅਞ੍ਞੇਨ ਅਨਨ੍ਤਰਿਤਤ੍ਤਾ ਤਾਦਿਸਾਯ ਏવ ਸਦ੍ਧਾਯ…ਪੇ॰… ਪਞ੍ਞਾਯ ਚ ਅਨਨ੍ਤਰਪਚ੍ਚਯਭਾવਂ ਸਨ੍ਧਾਯ વੁਤ੍ਤਂ। ਤੇਨ ਛਨ੍ਦਾਦਯੋਪਿ ਅਤ੍ਤਨੋ ਅਨਨ੍ਤਰਸਦਿਸਾਨਂ ਛਨ੍ਦਾਦੀਨਂ ਉਪ੍ਪਾਦਕਾ ਅਧਿਪਤਿਭੂਤਾ ਅਧਿਪਤਿਭੂਤੇ ਏવ ਉਪ੍ਪਾਦੇਨ੍ਤੀਤਿ ਇਮਮਤ੍ਥਂ ਦੀਪੇਤਿ।
505. Yathā vaṭṭaṃ ācinati, tathā taṇhādīhi abhisaṅkhataṃ lokiyakammaṃ upacitanti vuccati . Lokuttaraṃ pana evaṃ na hotīti tathā na vuttaṃ. Suddhāgamanavasenāti animittāppaṇihitanāmadāyakehi saguṇārammaṇehi vijjamānehipi phalassa suññatanāmadānadīpane aggahitabhāveneva avomissenāti attho. Āgamanato suññatāppaṇihitanāmavato maggassa āgamanīyaṭṭhāne ṭhatvā attano phalassa nāmattayadānaṃ yojitaṃ, itarassapi pana tatheva yojetabbaṃ. Nayamattadassanañhetaṃ. Saguṇārammaṇehi pana nāmattayavato aniccānupassanānantarassapi maggassa āgamanīyaṭṭhāne ṭhatvā attano phalassa nāmattayadānaṃ na nivāritanti. Vaḷañjanakaphalasamāpattiyā ca vipassanāgamanavasena nāmalābhe maggassa viya animittanāmalābho na siyā. Yathā pana maggānantarassa viya vaḷañjanakaphalasamāpattiyāpi jhānapaṭipadābhedo hoti, evaṃ suññatādināmalābhe sati animittanāmañca labhatīti. Avūpasantāyāti idaṃ kenaci aññena anantaritattā tādisāya eva saddhāya…pe… paññāya ca anantarapaccayabhāvaṃ sandhāya vuttaṃ. Tena chandādayopi attano anantarasadisānaṃ chandādīnaṃ uppādakā adhipatibhūtā adhipatibhūte eva uppādentīti imamatthaṃ dīpeti.
੫੫੫. ਕਿਲੇਸਸਮੁਚ੍ਛੇਦਕਸ੍ਸ ਮਗ੍ਗਸ੍ਸ ਸਮ੍ਮਾਦਿਟ੍ਠਿਆਦਿਕਸ੍ਸ ਨਿਯ੍ਯਾਨਿਕਸਭਾવਸ੍ਸ ਫਲੇਨਪਿ ਪਟਿਪ੍ਪਸ੍ਸਦ੍ਧਕਿਲੇਸੇਨ ਨਿਯ੍ਯਾਨਸਭਾવੇਨੇવ ਭવਿਤਬ੍ਬਂ, ਤਸ੍ਮਾ ਫਲੇਪਿ ‘‘ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨ’’ਨ੍ਤਿ વੁਤ੍ਤਂ। ਏવਞ੍ਚ ਕਤ੍વਾ ਮਗ੍ਗવਿਭਙ੍ਗੇ ਫਲੇਸੁ ਚ ਅਟ੍ਠਙ੍ਗਿਕੋ ਪਞ੍ਚਙ੍ਗਿਕੋ ਚ ਮਗ੍ਗੋ ਉਦ੍ਧਟੋ, ਏવਂ ਬੋਜ੍ਝਙ੍ਗਾਪੀਤਿ। ਮਗ੍ਗਂ ਉਪਾਦਾਯਾਤਿ ਮਗ੍ਗਸਦਿਸਤਾਯ ਮਗ੍ਗੋਤਿ ਇਮਮਤ੍ਥਂ ਸਨ੍ਧਾਯਾਹ।
555. Kilesasamucchedakassa maggassa sammādiṭṭhiādikassa niyyānikasabhāvassa phalenapi paṭippassaddhakilesena niyyānasabhāveneva bhavitabbaṃ, tasmā phalepi ‘‘maggaṅgaṃ maggapariyāpanna’’nti vuttaṃ. Evañca katvā maggavibhaṅge phalesu ca aṭṭhaṅgiko pañcaṅgiko ca maggo uddhaṭo, evaṃ bojjhaṅgāpīti. Maggaṃ upādāyāti maggasadisatāya maggoti imamatthaṃ sandhāyāha.
ਲੋਕੁਤ੍ਤਰવਿਪਾਕਕਥਾવਣ੍ਣਨਾ ਨਿਟ੍ਠਿਤਾ।
Lokuttaravipākakathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਮ੍ਮਸਙ੍ਗਣੀਪਾਲ਼ਿ • Dhammasaṅgaṇīpāḷi / ਲੋਕੁਤ੍ਤਰવਿਪਾਕ-ਪਠਮਮਗ੍ਗવਿਪਾਕਾ • Lokuttaravipāka-paṭhamamaggavipākā
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਧਮ੍ਮਸਙ੍ਗਣਿ-ਅਟ੍ਠਕਥਾ • Dhammasaṅgaṇi-aṭṭhakathā / ਲੋਕੁਤ੍ਤਰવਿਪਾਕਕਥਾ • Lokuttaravipākakathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਧਮ੍ਮਸਙ੍ਗਣੀ-ਅਨੁਟੀਕਾ • Dhammasaṅgaṇī-anuṭīkā / ਲੋਕੁਤ੍ਤਰવਿਪਾਕਕਥਾવਣ੍ਣਨਾ • Lokuttaravipākakathāvaṇṇanā
