| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[274] 4. лолаж̇аад̇агаван̣н̣анаа
[274] 4. Lolajātakavaṇṇanā
гааяам̣ б̣алаагаа сикинийд̇и ид̣̇ам̣ сад̇т̇аа ж̇зд̇аванз вихаранд̇о згам̣ лолабхигкум̣ аараб̣бха гат̇зси. д̇ан̃хи д̇хаммасабхам̣ аанийд̇ам̣ сад̇т̇аа ‘‘на д̇вам̣ бхигку ид̣̇аанзва лоло, буб̣б̣зби лолоязва, лолад̇ааязва жа ж̇ийвид̇агкаяам̣ бад̇д̇о, д̇ам̣ ниссааяа бораан̣агабан̣д̣ид̇ааби ад̇д̇ано васанадтаанаа бариб̣аахираа ахзсу’’нд̇и вад̇ваа ад̇ийд̇ам̣ аахари.
Kāyaṃ balākā sikhinīti idaṃ satthā jetavane viharanto ekaṃ lolabhikkhuṃ ārabbha kathesi. Tañhi dhammasabhaṃ ānītaṃ satthā ‘‘na tvaṃ bhikkhu idāneva lolo, pubbepi loloyeva, lolatāyeva ca jīvitakkhayaṃ patto, taṃ nissāya porāṇakapaṇḍitāpi attano vasanaṭṭhānā paribāhirā ahesu’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣аараан̣асисздтино махаанасз бхад̇д̇агаараго бун̃н̃ад̇т̇ааяа нийл̣абажчим̣ табзси. д̇ад̣̇аа б̣од̇хисад̇д̇о баараавад̇аяонияам̣ ниб̣б̣ад̇д̇ид̇ваа д̇ад̇т̇а ваасам̣ габбзси. ат̇зго лолагааго махаанасамад̇т̇агзна г̇ажчанд̇о наанаббагаарам̣ мажчамам̣савигад̇им̣ д̣̇исваа бибаасаабхибхууд̇о ‘‘гам̣ ну ко ниссааяа саггаа бхавзяяам̣ огаасам̣ лад̣̇д̇ху’’нд̇и жинд̇зд̇ваа б̣од̇хисад̇д̇ам̣ д̣̇исваа ‘‘имам̣ ниссааяа саггаа’’д̇и саннидтаанам̣ гад̇ваа д̇асса г̇ожарааяа аран̃н̃аг̇аманагаалз бидтид̇о бидтид̇о ануб̣анд̇хи. ат̇а нам̣ б̣од̇хисад̇д̇о ‘‘маяам̣ ко, гаага, ан̃н̃аг̇ожараа, д̇вамби ан̃н̃аг̇ожаро, гим̣ ну ко мам̣ ануб̣анд̇хасий’’д̇и ааха. ‘‘д̇умхаагам̣, саами, гирияаа маяхам̣ ружжад̇и, ахамби д̇умхзхи самаанаг̇ожаро худ̇ваа д̇умхз убадтаад̇ум̣ ижчаамий’’д̇и. б̣од̇хисад̇д̇о самбадижчи. со д̇зна сад̣̇д̇хим̣ г̇ожарабхуумияам̣ згаг̇ожарам̣ жаранд̇о вияа осаггид̇ваа г̇омаяараасим̣ вид̣̇д̇хам̣сзд̇ваа баан̣агз каад̣̇ид̇ваа гужчибуурам̣ гад̇ваа б̣од̇хисад̇д̇ам̣ убасан̇гамид̇ваа ‘‘д̇умхз зд̇д̇агам̣ гаалам̣ жарат̇зва, нану бхож̇анз наама бамаан̣ам̣ н̃аад̇ум̣ ваддад̇и, зт̇а наад̇исааяамзва г̇ажчаамаа’’д̇и ааха. б̣од̇хисад̇д̇о д̇ам̣ аад̣̇ааяа васанадтаанам̣ аг̇амааси. бхад̇д̇агаараго ‘‘амхаагам̣ баараавад̇о сахааяам̣ г̇ахзд̇ваа ааг̇ад̇о’’д̇и гаагассааби згам̣ т̇усабажчим̣ табзси. гаагоби жад̇уухабан̃жаахам̣ д̇знзва нийхаарзна васи.
Atīte bārāṇasiyaṃ brahmadatte rajjaṃ kārente bārāṇasiseṭṭhino mahānase bhattakārako puññatthāya nīḷapacchiṃ ṭhapesi. Tadā bodhisatto pārāvatayoniyaṃ nibbattitvā tattha vāsaṃ kappesi. Atheko lolakāko mahānasamatthakena gacchanto nānappakāraṃ macchamaṃsavikatiṃ disvā pipāsābhibhūto ‘‘kaṃ nu kho nissāya sakkā bhaveyyaṃ okāsaṃ laddhu’’nti cintetvā bodhisattaṃ disvā ‘‘imaṃ nissāya sakkā’’ti sanniṭṭhānaṃ katvā tassa gocarāya araññagamanakāle piṭṭhito piṭṭhito anubandhi. Atha naṃ bodhisatto ‘‘mayaṃ kho, kāka, aññagocarā, tvampi aññagocaro, kiṃ nu kho maṃ anubandhasī’’ti āha. ‘‘Tumhākaṃ, sāmi, kiriyā mayhaṃ ruccati, ahampi tumhehi samānagocaro hutvā tumhe upaṭṭhātuṃ icchāmī’’ti. Bodhisatto sampaṭicchi. So tena saddhiṃ gocarabhūmiyaṃ ekagocaraṃ caranto viya osakkitvā gomayarāsiṃ viddhaṃsetvā pāṇake khāditvā kucchipūraṃ katvā bodhisattaṃ upasaṅkamitvā ‘‘tumhe ettakaṃ kālaṃ caratheva, nanu bhojane nāma pamāṇaṃ ñātuṃ vaṭṭati, etha nātisāyameva gacchāmā’’ti āha. Bodhisatto taṃ ādāya vasanaṭṭhānaṃ agamāsi. Bhattakārako ‘‘amhākaṃ pārāvato sahāyaṃ gahetvā āgato’’ti kākassāpi ekaṃ thusapacchiṃ ṭhapesi. Kākopi catūhapañcāhaṃ teneva nīhārena vasi.
ат̇згад̣̇ивасам̣ сздтино б̣ахумажчамам̣сам̣ аахарияид̇т̇а, гааго д̇ам̣ д̣̇исваа лобхаабхибхууд̇о бажжуусагаалад̇о бадтааяа нид̇т̇унанд̇о нибаж̇ж̇и. ат̇а нам̣ бунад̣̇ивасз б̣од̇хисад̇д̇о ‘‘зхи, самма, г̇ожарааяа баггамиссаамаа’’д̇и ааха. ‘‘д̇умхз г̇ажчат̇а, маяхам̣ аж̇ин̣н̣аасан̇гаа ад̇т̇ий’’д̇и. ‘‘самма, гаагаанам̣ аж̇ийраго наама над̇т̇и, д̣̇ийбаваддимад̇д̇амзва хи д̇умхаагам̣ гужчияам̣ т̇огам̣ д̇идтад̇и, сзсам̣ аж̇жхохадамад̇д̇амзва ж̇ийрад̇и, мама важанам̣ гарохи, маа зд̇ам̣ мажчамам̣сам̣ д̣̇исваа звамагаасий’’д̇и. ‘‘саами, гим̣ наамзд̇ам̣ гат̇зт̇а, аж̇ин̣н̣аасан̇гаава маяха’’нд̇и. ‘‘д̇зна хи аббамад̇д̇о хохий’’д̇и д̇ам̣ овад̣̇ид̇ваа б̣од̇хисад̇д̇о баггаами.
Athekadivasaṃ seṭṭhino bahumacchamaṃsaṃ āhariyittha, kāko taṃ disvā lobhābhibhūto paccūsakālato paṭṭhāya nitthunanto nipajji. Atha naṃ punadivase bodhisatto ‘‘ehi, samma, gocarāya pakkamissāmā’’ti āha. ‘‘Tumhe gacchatha, mayhaṃ ajiṇṇāsaṅkā atthī’’ti. ‘‘Samma, kākānaṃ ajīrako nāma natthi, dīpavaṭṭimattameva hi tumhākaṃ kucchiyaṃ thokaṃ tiṭṭhati, sesaṃ ajjhohaṭamattameva jīrati, mama vacanaṃ karohi, mā etaṃ macchamaṃsaṃ disvā evamakāsī’’ti. ‘‘Sāmi, kiṃ nāmetaṃ kathetha, ajiṇṇāsaṅkāva mayha’’nti. ‘‘Tena hi appamatto hohī’’ti taṃ ovaditvā bodhisatto pakkāmi.
бхад̇д̇агаарагоби наанаамажчамам̣савигад̇ияо самбаад̣̇зд̇ваа сарийрад̇о сзд̣̇ам̣ абанзнд̇о махаанасад̣̇ваарз адтааси. гааго ‘‘аяам̣ ид̣̇аани гаало мам̣сам̣ каад̣̇ид̇у’’нд̇и г̇анд̇ваа расагародимад̇т̇агз нисийд̣̇и. бхад̇д̇агаараго ‘‘гирий’’д̇и сад̣̇д̣̇ам̣ суд̇ваа нивад̇д̇ид̇ваа ологзнд̇о гаагам̣ д̣̇исваа бависид̇ваа д̇ам̣ г̇ахзд̇ваа сагаласарийраломам̣ лун̃жид̇ваа мад̇т̇агз жуул̣ам̣ табзд̇ваа син̇г̇ийвзрамарижаад̣̇ийни бисид̇ваа д̇аггзна аалол̣зд̇ваа ‘‘д̇вам̣ амхаагам̣ сздтино мажчамам̣сам̣ ужчидтагам̣ гаросий’’д̇и сагаласарийрамасса магкзд̇ваа кибид̇ваа нийл̣абажчияам̣ баад̇зси, б̣алававзд̣̇анаа уббаж̇ж̇и. б̣од̇хисад̇д̇о г̇ожарабхуумид̇о ааг̇анд̇ваа д̇ам̣ нид̇т̇унанд̇ам̣ д̣̇исваа д̣̇авам̣ гаронд̇о батамам̣ г̇аат̇амааха –
Bhattakārakopi nānāmacchamaṃsavikatiyo sampādetvā sarīrato sedaṃ apanento mahānasadvāre aṭṭhāsi. Kāko ‘‘ayaṃ idāni kālo maṃsaṃ khāditu’’nti gantvā rasakaroṭimatthake nisīdi. Bhattakārako ‘‘kirī’’ti saddaṃ sutvā nivattitvā olokento kākaṃ disvā pavisitvā taṃ gahetvā sakalasarīralomaṃ luñcitvā matthake cūḷaṃ ṭhapetvā siṅgīveramaricādīni pisitvā takkena āloḷetvā ‘‘tvaṃ amhākaṃ seṭṭhino macchamaṃsaṃ ucchiṭṭhakaṃ karosī’’ti sakalasarīramassa makkhetvā khipitvā nīḷapacchiyaṃ pātesi, balavavedanā uppajji. Bodhisatto gocarabhūmito āgantvā taṃ nitthunantaṃ disvā davaṃ karonto paṭhamaṃ gāthamāha –
70.
70.
‘‘гааяам̣ б̣алаагаа сикиний, жорий лан̇гхибид̇аамахаа;
‘‘Kāyaṃ balākā sikhinī, corī laṅghipitāmahā;
орам̣ б̣алаагз ааг̇ажча, жан̣д̣о мз вааяасо сакаа’’д̇и.
Oraṃ balāke āgaccha, caṇḍo me vāyaso sakhā’’ti.
д̇ад̇т̇а гааяам̣ б̣алаагаа сикинийд̇и д̇ам̣ гаагам̣ д̇асса б̣ахалад̇аггзна магкид̇асарийрасзд̇аван̣н̣ад̇д̇аа мад̇т̇агз жа сикааяа табид̇ад̇д̇аа ‘‘гаа зсаа б̣алаагаа сикиний’’д̇и бужчанд̇о аалабад̇и. жорийд̇и гуласса ананун̃н̃ааяа гулагхарам̣, гаагасса ваа аружияаа бажчим̣ бавидтад̇д̇аа ‘‘жорий’’д̇и вад̣̇ад̇и. лан̇гхибид̇аамахаад̇и лан̇гхий вужжад̇и аагаасз лан̇гханад̇о мзгхо, б̣алаагаа жа наама мзгхасад̣̇д̣̇зна г̇аб̣бхам̣ г̇ан̣ханд̇ийд̇и мзгхасад̣̇д̣̇о б̣алаагаанам̣ бид̇аа, мзгхо бид̇аамахо ход̇и. д̇знааха ‘‘лан̇гхибид̇аамахаа’’д̇и. орам̣ б̣алаагз ааг̇ажчаад̇и, амбхо б̣алаагз, ид̇о зхи. жан̣д̣о мз ваа яасо сакаад̇и маяхам̣ сакаа бажчисаамиго вааяасо жан̣д̣о парусо , со ааг̇ад̇о д̇ам̣ д̣̇исваа ган̣аяасад̣̇исзна д̇ун̣д̣зна годдзд̇ваа ж̇ийвид̇агкаяам̣ баабзяяа, д̇асмаа яаава вааяасо нааг̇ажчад̇и, д̇аава бажчид̇о од̇арид̇ваа ид̇о зхи, сийгхам̣ балааяассууд̇и вад̣̇ад̇и.
Tattha kāyaṃ balākā sikhinīti taṃ kākaṃ tassa bahalatakkena makkhitasarīrasetavaṇṇattā matthake ca sikhāya ṭhapitattā ‘‘kā esā balākā sikhinī’’ti pucchanto ālapati. Corīti kulassa ananuññāya kulagharaṃ, kākassa vā aruciyā pacchiṃ paviṭṭhattā ‘‘corī’’ti vadati. Laṅghipitāmahāti laṅghī vuccati ākāse laṅghanato megho, balākā ca nāma meghasaddena gabbhaṃ gaṇhantīti meghasaddo balākānaṃ pitā, megho pitāmaho hoti. Tenāha ‘‘laṅghipitāmahā’’ti. Oraṃ balāke āgacchāti, ambho balāke, ito ehi. Caṇḍo me vā yaso sakhāti mayhaṃ sakhā pacchisāmiko vāyaso caṇḍo pharuso , so āgato taṃ disvā kaṇayasadisena tuṇḍena koṭṭetvā jīvitakkhayaṃ pāpeyya, tasmā yāva vāyaso nāgacchati, tāva pacchito otaritvā ito ehi, sīghaṃ palāyassūti vadati.
д̇ам̣ суд̇ваа гааго д̣̇уд̇ияам̣ г̇аат̇амааха –
Taṃ sutvā kāko dutiyaṃ gāthamāha –
71.
71.
‘‘наахам̣ б̣алаагаа сикиний, ахам̣ лолосми вааяасо;
‘‘Nāhaṃ balākā sikhinī, ahaṃ lolosmi vāyaso;
агад̇ваа важанам̣ д̇уяхам̣, басса лууносми ааг̇ад̇о’’д̇и.
Akatvā vacanaṃ tuyhaṃ, passa lūnosmi āgato’’ti.
д̇ад̇т̇а ааг̇ад̇од̇и д̇вам̣ ид̣̇аани г̇ожарабхуумид̇о ааг̇ад̇о, мам̣ луунам̣ бассаад̇и ад̇т̇о.
Tattha āgatoti tvaṃ idāni gocarabhūmito āgato, maṃ lūnaṃ passāti attho.
д̇ам̣ суд̇ваа б̣од̇хисад̇д̇о д̇ад̇ияам̣ г̇аат̇амааха –
Taṃ sutvā bodhisatto tatiyaṃ gāthamāha –
72.
72.
‘‘бунабаабаж̇ж̇асий самма, сийлан̃хи д̇ава д̇аад̣̇исам̣;
‘‘Punapāpajjasī samma, sīlañhi tava tādisaṃ;
на хи маанусагаа бхог̇аа, субхун̃ж̇аа хонд̇и багкинаа’’д̇и.
Na hi mānusakā bhogā, subhuñjā honti pakkhinā’’ti.
д̇ад̇т̇а бунабаабаж̇ж̇асий саммаад̇и самма вааяаса, бунаби д̇вам̣ зваруубам̣ д̣̇угкам̣ бадилабхиссасзва, над̇т̇и д̇з зд̇д̇агзна могко. гим̣гааран̣аа? сийлан̃хи д̇ава д̇аад̣̇исам̣ баабагам̣, яасмаа д̇ава аажаарасийлам̣ д̇аад̣̇исам̣ д̣̇угкаад̇хиг̇амассзва ануруубам̣. на хи маанусагаад̇и мануссаа наама махаабун̃н̃аа, д̇иражчаанаг̇ад̇аанам̣ д̇ат̇ааруубам̣ бун̃н̃ам̣ над̇т̇и, д̇асмаа маанусагаа бхог̇аа д̇иражчаанаг̇ад̇зна багкинаа на бхун̃ж̇ийяанд̇ийд̇и.
Tattha punapāpajjasī sammāti samma vāyasa, punapi tvaṃ evarūpaṃ dukkhaṃ paṭilabhissaseva, natthi te ettakena mokkho. Kiṃkāraṇā? Sīlañhi tava tādisaṃ pāpakaṃ, yasmā tava ācārasīlaṃ tādisaṃ dukkhādhigamasseva anurūpaṃ. Na hi mānusakāti manussā nāma mahāpuññā, tiracchānagatānaṃ tathārūpaṃ puññaṃ natthi, tasmā mānusakā bhogā tiracchānagatena pakkhinā na bhuñjīyantīti.
зван̃жа бана вад̇ваа б̣од̇хисад̇д̇о ‘‘ид̇о д̣̇аани бадтааяа маяаа зд̇т̇а васид̇ум̣ на саггаа’’д̇и уббад̇ид̇ваа ан̃н̃ад̇т̇а аг̇амааси. гаагоби нид̇т̇унанд̇о д̇ад̇т̇зва гааламагааси.
Evañca pana vatvā bodhisatto ‘‘ito dāni paṭṭhāya mayā ettha vasituṃ na sakkā’’ti uppatitvā aññattha agamāsi. Kākopi nitthunanto tattheva kālamakāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз лолабхигку анааг̇аамипалз бад̇идтахи. ‘‘д̇ад̣̇аа лолагааго лолабхигку ахоси, баараавад̇о бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne lolabhikkhu anāgāmiphale patiṭṭhahi. ‘‘Tadā lolakāko lolabhikkhu ahosi, pārāvato pana ahameva ahosi’’nti.
лолаж̇аад̇агаван̣н̣анаа жад̇уд̇т̇аа.
Lolajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 274. лолаж̇аад̇агам̣ • 274. Lolajātakaṃ
