| Library / Tipiṭaka / திபிடக • Tipiṭaka / மஜ்ஜி²மனிகாய (டீகா) • Majjhimanikāya (ṭīkā) |
4. லோமஸககங்கி³யப⁴த்³தே³கரத்தஸுத்தவண்ணனா
4. Lomasakakaṅgiyabhaddekarattasuttavaṇṇanā
286. க⁴னநிசிதலோமோ லோமஸோ, அயங் பன அப்பதாய லோமஸகோதி ஆஹ – ‘‘ஈஸகலோமஸாகாரதாயா’’தி, லோமஸகோ அங்கி³கோ லோமஸககங்கி³யோ, பட²மோ க-காரோ அப்பத்தோ², து³தியங் பன பத³வட்³ட⁴னமேவ. ரத்தகம்ப³லஸிலாயந்தி ரத்தகம்ப³லவண்ணஸிலாயங். ஓருய்ஹாதி ஆகாஸதோ ஓதரித்வா. பாடிஹாரியங் தி³ஸ்வா தி³ன்னலாப⁴ஸக்காரஸ்ஸ அஸாதி³யனதோ மனுஸ்ஸபதே² ந வஸந்தி.
286. Ghananicitalomo lomaso, ayaṃ pana appatāya lomasakoti āha – ‘‘īsakalomasākāratāyā’’ti, lomasako aṅgiko lomasakakaṅgiyo, paṭhamo ka-kāro appattho, dutiyaṃ pana padavaḍḍhanameva. Rattakambalasilāyanti rattakambalavaṇṇasilāyaṃ. Oruyhāti ākāsato otaritvā. Pāṭihāriyaṃ disvā dinnalābhasakkārassa asādiyanato manussapathe na vasanti.
த³ஸஹி சக்கவாளஸஹஸ்ஸேஹீதி நிஸ்ஸக்கவசனதோ ஆக³ந்த்வாதி அதி⁴ப்பாயோ. ஸன்னிபதிதாஹி தே³வதாஹீதி கரணவசனங். பஞ்ஞாபயோக³மந்த³தாய படிவிஜ்ஜி²துங் அஸக்கொந்தானங் தே³வானங் ஞாணஸ்ஸ திக்க²விஸத³பா⁴வாபாத³னேன ஸமுத்தேஜேதுங் ஸங்வேக³ஜனநத்த²ங்…பே॰… அபா⁴ஸி. தத்ராதி தஸ்மிங் தே³வஸன்னிபாதே, திஸ்ஸங் வா தே³ஸனாயங். தே³வத்தஸ்ஸாதி தே³வபா⁴வஸ்ஸ, தி³ப்³ப³ஸம்பத்தியாதி அத்தோ². ப⁴த்³தே³கரத்தஸ்ஸ ஸுத்தஸ்ஸ ஏதாதி ப⁴த்³தே³கரத்தியா.
Dasahi cakkavāḷasahassehīti nissakkavacanato āgantvāti adhippāyo. Sannipatitāhi devatāhīti karaṇavacanaṃ. Paññāpayogamandatāya paṭivijjhituṃ asakkontānaṃ devānaṃ ñāṇassa tikkhavisadabhāvāpādanena samuttejetuṃ saṃvegajananatthaṃ…pe… abhāsi. Tatrāti tasmiṃ devasannipāte, tissaṃ vā desanāyaṃ. Devattassāti devabhāvassa, dibbasampattiyāti attho. Bhaddekarattassa suttassa etāti bhaddekarattiyā.
ஸவனமுகே²ன ப்³யஞ்ஜனஸோ அத்த²ஸோ ச உபதா⁴ரணங் உக்³க³ண்ஹனந்தி ஆஹ – ‘‘துண்ஹீபூ⁴தோ நிஸீதி³த்வா ஸுணந்தோ உக்³க³ண்ஹாதி நாமா’’தி. வாசுக்³க³தகரணங் பரியாபுணனந்தி ஆஹ – ‘‘வாசாய ஸஜ்ஜா²யங் கரொந்தோ பரியாபுணாதி நாமா’’தி. க³ந்த²ஸ்ஸ பரிஹணங் தா⁴ரணங், தங் பன பரேஸு பதிட்டா²பனங் பாகடங் ஹோதீதி ஆஹ – ‘‘அஞ்ஞேஸங் வாசெந்தோ தா⁴ரேதி நாமா’’தி. ஸேஸங் ஹெட்டா² வுத்தனயமேவ.
Savanamukhena byañjanaso atthaso ca upadhāraṇaṃ uggaṇhananti āha – ‘‘tuṇhībhūto nisīditvā suṇanto uggaṇhāti nāmā’’ti. Vācuggatakaraṇaṃ pariyāpuṇananti āha – ‘‘vācāya sajjhāyaṃ karonto pariyāpuṇāti nāmā’’ti. Ganthassa parihaṇaṃ dhāraṇaṃ, taṃ pana paresu patiṭṭhāpanaṃ pākaṭaṃ hotīti āha – ‘‘aññesaṃ vācento dhāreti nāmā’’ti. Sesaṃ heṭṭhā vuttanayameva.
லோமஸககங்கி³யப⁴த்³தே³கரத்தஸுத்தவண்ணனாய லீனத்த²ப்பகாஸனா
Lomasakakaṅgiyabhaddekarattasuttavaṇṇanāya līnatthappakāsanā
ஸமத்தா.
Samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / மஜ்ஜி²மனிகாய • Majjhimanikāya / 4. லோமஸகங்கி³யப⁴த்³தே³கரத்தஸுத்தங் • 4. Lomasakaṅgiyabhaddekarattasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / மஜ்ஜி²மனிகாய (அட்ட²கதா²) • Majjhimanikāya (aṭṭhakathā) / 4. லோமஸகங்கி³யப⁴த்³தே³கரத்தஸுத்தவண்ணனா • 4. Lomasakaṅgiyabhaddekarattasuttavaṇṇanā
