| Library / Tipiṭaka / ติปิฎก • Tipiṭaka / มชฺฌิมนิกาย (ฎีกา) • Majjhimanikāya (ṭīkā) |
๔. โลมสกกงฺคิยภเทฺทกรตฺตสุตฺตวณฺณนา
4. Lomasakakaṅgiyabhaddekarattasuttavaṇṇanā
๒๘๖. ฆนนิจิตโลโม โลมโส, อยํ ปน อปฺปตาย โลมสโกติ อาห – ‘‘อีสกโลมสาการตายา’’ติ, โลมสโก องฺคิโก โลมสกกงฺคิโย, ปฐโม ก-กาโร อปฺปโตฺถ, ทุติยํ ปน ปทวฑฺฒนเมวฯ รตฺตกมฺพลสิลายนฺติ รตฺตกมฺพลวณฺณสิลายํฯ โอรุยฺหาติ อากาสโต โอตริตฺวาฯ ปาฎิหาริยํ ทิสฺวา ทินฺนลาภสกฺการสฺส อสาทิยนโต มนุสฺสปเถ น วสนฺติฯ
286. Ghananicitalomo lomaso, ayaṃ pana appatāya lomasakoti āha – ‘‘īsakalomasākāratāyā’’ti, lomasako aṅgiko lomasakakaṅgiyo, paṭhamo ka-kāro appattho, dutiyaṃ pana padavaḍḍhanameva. Rattakambalasilāyanti rattakambalavaṇṇasilāyaṃ. Oruyhāti ākāsato otaritvā. Pāṭihāriyaṃ disvā dinnalābhasakkārassa asādiyanato manussapathe na vasanti.
ทสหิ จกฺกวาฬสหเสฺสหีติ นิสฺสกฺกวจนโต อาคนฺตฺวาติ อธิปฺปาโยฯ สนฺนิปติตาหิ เทวตาหีติ กรณวจนํฯ ปญฺญาปโยคมนฺทตาย ปฎิวิชฺฌิตุํ อสโกฺกนฺตานํ เทวานํ ญาณสฺส ติกฺขวิสทภาวาปาทเนน สมุเตฺตเชตุํ สํเวคชนนตฺถํ…เป.… อภาสิฯ ตตฺราติ ตสฺมิํ เทวสนฺนิปาเต, ติสฺสํ วา เทสนายํฯ เทวตฺตสฺสาติ เทวภาวสฺส, ทิพฺพสมฺปตฺติยาติ อโตฺถฯ ภเทฺทกรตฺตสฺส สุตฺตสฺส เอตาติ ภเทฺทกรตฺติยาฯ
Dasahi cakkavāḷasahassehīti nissakkavacanato āgantvāti adhippāyo. Sannipatitāhi devatāhīti karaṇavacanaṃ. Paññāpayogamandatāya paṭivijjhituṃ asakkontānaṃ devānaṃ ñāṇassa tikkhavisadabhāvāpādanena samuttejetuṃ saṃvegajananatthaṃ…pe… abhāsi. Tatrāti tasmiṃ devasannipāte, tissaṃ vā desanāyaṃ. Devattassāti devabhāvassa, dibbasampattiyāti attho. Bhaddekarattassa suttassa etāti bhaddekarattiyā.
สวนมุเขน พฺยญฺชนโส อตฺถโส จ อุปธารณํ อุคฺคณฺหนนฺติ อาห – ‘‘ตุณฺหีภูโต นิสีทิตฺวา สุณโนฺต อุคฺคณฺหาติ นามา’’ติฯ วาจุคฺคตกรณํ ปริยาปุณนนฺติ อาห – ‘‘วาจาย สชฺฌายํ กโรโนฺต ปริยาปุณาติ นามา’’ติฯ คนฺถสฺส ปริหณํ ธารณํ, ตํ ปน ปเรสุ ปติฎฺฐาปนํ ปากฎํ โหตีติ อาห – ‘‘อเญฺญสํ วาเจโนฺต ธาเรติ นามา’’ติฯ เสสํ เหฎฺฐา วุตฺตนยเมวฯ
Savanamukhena byañjanaso atthaso ca upadhāraṇaṃ uggaṇhananti āha – ‘‘tuṇhībhūto nisīditvā suṇanto uggaṇhāti nāmā’’ti. Vācuggatakaraṇaṃ pariyāpuṇananti āha – ‘‘vācāya sajjhāyaṃ karonto pariyāpuṇāti nāmā’’ti. Ganthassa parihaṇaṃ dhāraṇaṃ, taṃ pana paresu patiṭṭhāpanaṃ pākaṭaṃ hotīti āha – ‘‘aññesaṃ vācento dhāreti nāmā’’ti. Sesaṃ heṭṭhā vuttanayameva.
โลมสกกงฺคิยภเทฺทกรตฺตสุตฺตวณฺณนาย ลีนตฺถปฺปกาสนา
Lomasakakaṅgiyabhaddekarattasuttavaṇṇanāya līnatthappakāsanā
สมตฺตาฯ
Samattā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / มชฺฌิมนิกาย • Majjhimanikāya / ๔. โลมสกงฺคิยภเทฺทกรตฺตสุตฺตํ • 4. Lomasakaṅgiyabhaddekarattasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / มชฺฌิมนิกาย (อฎฺฐกถา) • Majjhimanikāya (aṭṭhakathā) / ๔. โลมสกงฺคิยภเทฺทกรตฺตสุตฺตวณฺณนา • 4. Lomasakaṅgiyabhaddekarattasuttavaṇṇanā
