| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੪. ਲੋਮਸਕਕਙ੍ਗਿਯਭਦ੍ਦੇਕਰਤ੍ਤਸੁਤ੍ਤવਣ੍ਣਨਾ
4. Lomasakakaṅgiyabhaddekarattasuttavaṇṇanā
੨੮੬. ਘਨਨਿਚਿਤਲੋਮੋ ਲੋਮਸੋ, ਅਯਂ ਪਨ ਅਪ੍ਪਤਾਯ ਲੋਮਸਕੋਤਿ ਆਹ – ‘‘ਈਸਕਲੋਮਸਾਕਾਰਤਾਯਾ’’ਤਿ, ਲੋਮਸਕੋ ਅਙ੍ਗਿਕੋ ਲੋਮਸਕਕਙ੍ਗਿਯੋ, ਪਠਮੋ ਕ-ਕਾਰੋ ਅਪ੍ਪਤ੍ਥੋ, ਦੁਤਿਯਂ ਪਨ ਪਦવਡ੍ਢਨਮੇવ। ਰਤ੍ਤਕਮ੍ਬਲਸਿਲਾਯਨ੍ਤਿ ਰਤ੍ਤਕਮ੍ਬਲવਣ੍ਣਸਿਲਾਯਂ। ਓਰੁਯ੍ਹਾਤਿ ਆਕਾਸਤੋ ਓਤਰਿਤ੍વਾ। ਪਾਟਿਹਾਰਿਯਂ ਦਿਸ੍વਾ ਦਿਨ੍ਨਲਾਭਸਕ੍ਕਾਰਸ੍ਸ ਅਸਾਦਿਯਨਤੋ ਮਨੁਸ੍ਸਪਥੇ ਨ વਸਨ੍ਤਿ।
286. Ghananicitalomo lomaso, ayaṃ pana appatāya lomasakoti āha – ‘‘īsakalomasākāratāyā’’ti, lomasako aṅgiko lomasakakaṅgiyo, paṭhamo ka-kāro appattho, dutiyaṃ pana padavaḍḍhanameva. Rattakambalasilāyanti rattakambalavaṇṇasilāyaṃ. Oruyhāti ākāsato otaritvā. Pāṭihāriyaṃ disvā dinnalābhasakkārassa asādiyanato manussapathe na vasanti.
ਦਸਹਿ ਚਕ੍ਕવਾਲ਼ਸਹਸ੍ਸੇਹੀਤਿ ਨਿਸ੍ਸਕ੍ਕવਚਨਤੋ ਆਗਨ੍ਤ੍વਾਤਿ ਅਧਿਪ੍ਪਾਯੋ। ਸਨ੍ਨਿਪਤਿਤਾਹਿ ਦੇવਤਾਹੀਤਿ ਕਰਣવਚਨਂ। ਪਞ੍ਞਾਪਯੋਗਮਨ੍ਦਤਾਯ ਪਟਿવਿਜ੍ਝਿਤੁਂ ਅਸਕ੍ਕੋਨ੍ਤਾਨਂ ਦੇવਾਨਂ ਞਾਣਸ੍ਸ ਤਿਕ੍ਖવਿਸਦਭਾવਾਪਾਦਨੇਨ ਸਮੁਤ੍ਤੇਜੇਤੁਂ ਸਂવੇਗਜਨਨਤ੍ਥਂ…ਪੇ॰… ਅਭਾਸਿ। ਤਤ੍ਰਾਤਿ ਤਸ੍ਮਿਂ ਦੇવਸਨ੍ਨਿਪਾਤੇ, ਤਿਸ੍ਸਂ વਾ ਦੇਸਨਾਯਂ। ਦੇવਤ੍ਤਸ੍ਸਾਤਿ ਦੇવਭਾવਸ੍ਸ, ਦਿਬ੍ਬਸਮ੍ਪਤ੍ਤਿਯਾਤਿ ਅਤ੍ਥੋ। ਭਦ੍ਦੇਕਰਤ੍ਤਸ੍ਸ ਸੁਤ੍ਤਸ੍ਸ ਏਤਾਤਿ ਭਦ੍ਦੇਕਰਤ੍ਤਿਯਾ।
Dasahi cakkavāḷasahassehīti nissakkavacanato āgantvāti adhippāyo. Sannipatitāhi devatāhīti karaṇavacanaṃ. Paññāpayogamandatāya paṭivijjhituṃ asakkontānaṃ devānaṃ ñāṇassa tikkhavisadabhāvāpādanena samuttejetuṃ saṃvegajananatthaṃ…pe… abhāsi. Tatrāti tasmiṃ devasannipāte, tissaṃ vā desanāyaṃ. Devattassāti devabhāvassa, dibbasampattiyāti attho. Bhaddekarattassa suttassa etāti bhaddekarattiyā.
ਸવਨਮੁਖੇਨ ਬ੍ਯਞ੍ਜਨਸੋ ਅਤ੍ਥਸੋ ਚ ਉਪਧਾਰਣਂ ਉਗ੍ਗਣ੍ਹਨਨ੍ਤਿ ਆਹ – ‘‘ਤੁਣ੍ਹੀਭੂਤੋ ਨਿਸੀਦਿਤ੍વਾ ਸੁਣਨ੍ਤੋ ਉਗ੍ਗਣ੍ਹਾਤਿ ਨਾਮਾ’’ਤਿ। વਾਚੁਗ੍ਗਤਕਰਣਂ ਪਰਿਯਾਪੁਣਨਨ੍ਤਿ ਆਹ – ‘‘વਾਚਾਯ ਸਜ੍ਝਾਯਂ ਕਰੋਨ੍ਤੋ ਪਰਿਯਾਪੁਣਾਤਿ ਨਾਮਾ’’ਤਿ। ਗਨ੍ਥਸ੍ਸ ਪਰਿਹਣਂ ਧਾਰਣਂ, ਤਂ ਪਨ ਪਰੇਸੁ ਪਤਿਟ੍ਠਾਪਨਂ ਪਾਕਟਂ ਹੋਤੀਤਿ ਆਹ – ‘‘ਅਞ੍ਞੇਸਂ વਾਚੇਨ੍ਤੋ ਧਾਰੇਤਿ ਨਾਮਾ’’ਤਿ। ਸੇਸਂ ਹੇਟ੍ਠਾ વੁਤ੍ਤਨਯਮੇવ।
Savanamukhena byañjanaso atthaso ca upadhāraṇaṃ uggaṇhananti āha – ‘‘tuṇhībhūto nisīditvā suṇanto uggaṇhāti nāmā’’ti. Vācuggatakaraṇaṃ pariyāpuṇananti āha – ‘‘vācāya sajjhāyaṃ karonto pariyāpuṇāti nāmā’’ti. Ganthassa parihaṇaṃ dhāraṇaṃ, taṃ pana paresu patiṭṭhāpanaṃ pākaṭaṃ hotīti āha – ‘‘aññesaṃ vācento dhāreti nāmā’’ti. Sesaṃ heṭṭhā vuttanayameva.
ਲੋਮਸਕਕਙ੍ਗਿਯਭਦ੍ਦੇਕਰਤ੍ਤਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ
Lomasakakaṅgiyabhaddekarattasuttavaṇṇanāya līnatthappakāsanā
ਸਮਤ੍ਤਾ।
Samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੪. ਲੋਮਸਕਙ੍ਗਿਯਭਦ੍ਦੇਕਰਤ੍ਤਸੁਤ੍ਤਂ • 4. Lomasakaṅgiyabhaddekarattasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੪. ਲੋਮਸਕਙ੍ਗਿਯਭਦ੍ਦੇਕਰਤ੍ਤਸੁਤ੍ਤવਣ੍ਣਨਾ • 4. Lomasakaṅgiyabhaddekarattasuttavaṇṇanā
