| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. ломасаган̇г̇ияабхад̣̇д̣̇згарад̇д̇асуд̇д̇ам̣
4. Lomasakaṅgiyabhaddekarattasuttaṃ
286. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа ломасаган̇г̇ияо 1 саггзсу вихарад̇и габилавад̇т̇усмим̣ ниг̇род̇хаараамз. ат̇а ко жанд̣̇ано д̣̇звабуд̇д̇о абхигганд̇ааяа рад̇д̇ияаа абхигганд̇аван̣н̣о гзвалагаббам̣ ниг̇род̇хаараамам̣ обхаасзд̇ваа язнааяасмаа ломасаган̇г̇ияо д̇знубасан̇гами; убасан̇гамид̇ваа згаманд̇ам̣ адтааси. згаманд̇ам̣ тид̇о ко жанд̣̇ано д̣̇звабуд̇д̇о ааяасманд̇ам̣ ломасаган̇г̇ияам̣ зд̇ад̣̇авожа – ‘‘д̇хаарзси д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жаа’’д̇и? ‘‘на ко ахам̣, аавусо, д̇хаарзми бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. д̇вам̣ банаавусо, д̇хаарзси бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жаа’’д̇и? ‘‘ахамби ко, бхигку, на д̇хаарзми бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. д̇хаарзси бана д̇вам̣, бхигку, бхад̣̇д̣̇згарад̇д̇ияо г̇аат̇аа’’д̇и? ‘‘на ко ахам̣, аавусо, д̇хаарзми бхад̣̇д̣̇згарад̇д̇ияо г̇аат̇аа. д̇вам̣ банаавусо, д̇хаарзси бхад̣̇д̣̇згарад̇д̇ияо г̇аат̇аа’’д̇и? ‘‘д̇хаарзми ко ахам̣, бхигку, бхад̣̇д̣̇згарад̇д̇ияо г̇аат̇аа’’д̇и. ‘‘яат̇аа гат̇ам̣ бана д̇вам̣, аавусо, д̇хаарзси бхад̣̇д̣̇згарад̇д̇ияо г̇аат̇аа’’д̇и? ‘‘згамид̣̇ам̣, бхигку, самаяам̣ бхаг̇аваа д̣̇звзсу д̇аавад̇им̣сзсу вихарад̇и баарижчад̇д̇агамуулз бан̣д̣угамб̣аласилааяам̣. д̇ад̇ра бхаг̇аваа д̣̇зваанам̣ д̇аавад̇им̣саанам̣ бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа абхааси –
286. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā lomasakaṅgiyo 2 sakkesu viharati kapilavatthusmiṃ nigrodhārāme. Atha kho candano devaputto abhikkantāya rattiyā abhikkantavaṇṇo kevalakappaṃ nigrodhārāmaṃ obhāsetvā yenāyasmā lomasakaṅgiyo tenupasaṅkami; upasaṅkamitvā ekamantaṃ aṭṭhāsi. Ekamantaṃ ṭhito kho candano devaputto āyasmantaṃ lomasakaṅgiyaṃ etadavoca – ‘‘dhāresi tvaṃ, bhikkhu, bhaddekarattassa uddesañca vibhaṅgañcā’’ti? ‘‘Na kho ahaṃ, āvuso, dhāremi bhaddekarattassa uddesañca vibhaṅgañca. Tvaṃ panāvuso, dhāresi bhaddekarattassa uddesañca vibhaṅgañcā’’ti? ‘‘Ahampi kho, bhikkhu, na dhāremi bhaddekarattassa uddesañca vibhaṅgañca. Dhāresi pana tvaṃ, bhikkhu, bhaddekarattiyo gāthā’’ti? ‘‘Na kho ahaṃ, āvuso, dhāremi bhaddekarattiyo gāthā. Tvaṃ panāvuso, dhāresi bhaddekarattiyo gāthā’’ti? ‘‘Dhāremi kho ahaṃ, bhikkhu, bhaddekarattiyo gāthā’’ti. ‘‘Yathā kathaṃ pana tvaṃ, āvuso, dhāresi bhaddekarattiyo gāthā’’ti? ‘‘Ekamidaṃ, bhikkhu, samayaṃ bhagavā devesu tāvatiṃsesu viharati pāricchattakamūle paṇḍukambalasilāyaṃ. Tatra bhagavā devānaṃ tāvatiṃsānaṃ bhaddekarattassa uddesañca vibhaṅgañca abhāsi –
‘‘ад̇ийд̇ам̣ наанвааг̇амзяяа, наббадиган̇кз анааг̇ад̇ам̣;
‘‘Atītaṃ nānvāgameyya, nappaṭikaṅkhe anāgataṃ;
яад̣̇ад̇ийд̇ам̣ бахийнам̣ д̇ам̣, аббад̇д̇ан̃жа анааг̇ад̇ам̣.
Yadatītaṃ pahīnaṃ taṃ, appattañca anāgataṃ.
‘‘бажжуббаннан̃жа яо д̇хаммам̣, д̇ад̇т̇а д̇ад̇т̇а вибассад̇и;
‘‘Paccuppannañca yo dhammaṃ, tattha tattha vipassati;
асам̣хийрам̣ асам̣губбам̣, д̇ам̣ вид̣̇ваа мануб̣руухаяз.
Asaṃhīraṃ asaṃkuppaṃ, taṃ vidvā manubrūhaye.
‘‘аж̇ж̇зва гижжамаад̇аббам̣, го ж̇ан̃н̃аа маран̣ам̣ сувз;
‘‘Ajjeva kiccamātappaṃ, ko jaññā maraṇaṃ suve;
на хи но сан̇г̇арам̣ д̇зна, махаасзнзна мажжунаа.
Na hi no saṅgaraṃ tena, mahāsenena maccunā.
‘‘звам̣ вихаарим̣ аад̇аабим̣, ахорад̇д̇амад̇анд̣̇ид̇ам̣;
‘‘Evaṃ vihāriṃ ātāpiṃ, ahorattamatanditaṃ;
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
‘‘звам̣ ко ахам̣, бхигку, д̇хаарзми бхад̣̇д̣̇згарад̇д̇ияо г̇аат̇аа. уг̇г̇ан̣хаахи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа; барияаабун̣аахи д̇вам̣ , бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа; д̇хаарзхи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. ад̇т̇асам̣хид̇о, бхигку, бхад̣̇д̣̇згарад̇д̇асса уд̣̇д̣̇зсо жа вибхан̇г̇о жа аад̣̇иб̣рахмажарияаго’’д̇и. ид̣̇амавожа жанд̣̇ано д̣̇звабуд̇д̇о. ид̣̇ам̣ вад̇ваа д̇ад̇т̇званд̇арад̇хааяи.
‘‘Evaṃ kho ahaṃ, bhikkhu, dhāremi bhaddekarattiyo gāthā. Uggaṇhāhi tvaṃ, bhikkhu, bhaddekarattassa uddesañca vibhaṅgañca; pariyāpuṇāhi tvaṃ , bhikkhu, bhaddekarattassa uddesañca vibhaṅgañca; dhārehi tvaṃ, bhikkhu, bhaddekarattassa uddesañca vibhaṅgañca. Atthasaṃhito, bhikkhu, bhaddekarattassa uddeso ca vibhaṅgo ca ādibrahmacariyako’’ti. Idamavoca candano devaputto. Idaṃ vatvā tatthevantaradhāyi.
287. ат̇а ко ааяасмаа ломасаган̇г̇ияо д̇ассаа рад̇д̇ияаа ажжаязна сзнаасанам̣ сам̣саамзд̇ваа бад̇д̇ажийварамаад̣̇ааяа язна саавад̇т̇и д̇зна жааригам̣ баггаами. анубуб̣б̣зна жааригам̣ жарамаано язна саавад̇т̇и ж̇зд̇аванам̣ анаат̇абин̣д̣игасса аараамо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа ломасаган̇г̇ияо бхаг̇аванд̇ам̣ зд̇ад̣̇авожа –
287. Atha kho āyasmā lomasakaṅgiyo tassā rattiyā accayena senāsanaṃ saṃsāmetvā pattacīvaramādāya yena sāvatthi tena cārikaṃ pakkāmi. Anupubbena cārikaṃ caramāno yena sāvatthi jetavanaṃ anāthapiṇḍikassa ārāmo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā lomasakaṅgiyo bhagavantaṃ etadavoca –
‘‘згамид̣̇аахам̣, бханд̇з, самаяам̣ саггзсу вихараами габилавад̇т̇усмим̣ ниг̇род̇хаараамз. ат̇а ко, бханд̇з, ан̃н̃ад̇аро д̣̇звабуд̇д̇о абхигганд̇ааяа рад̇д̇ияаа абхигганд̇аван̣н̣о гзвалагаббам̣ ниг̇род̇хаараамам̣ обхаасзд̇ваа язнаахам̣ д̇знубасан̇гами; убасан̇гамид̇ваа згаманд̇ам̣ адтааси. згаманд̇ам̣ тид̇о ко, бханд̇з, со д̣̇звабуд̇д̇о мам̣ зд̇ад̣̇авожа – ‘д̇хаарзси д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жаа’д̇и? звам̣ вуд̇д̇з ахам̣, бханд̇з, д̇ам̣ д̣̇звабуд̇д̇ам̣ зд̇ад̣̇авожам̣ – ‘на ко ахам̣, аавусо, д̇хаарзми бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. д̇вам̣ банаавусо, д̇хаарзси бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жаа’д̇и? ‘ахамби ко, бхигку, на д̇хаарзми бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. д̇хаарзси бана д̇вам̣, бхигку, бхад̣̇д̣̇згарад̇д̇ияо г̇аат̇аа’д̇и? ‘на ко ахам̣, аавусо, д̇хаарзми бхад̣̇д̣̇згарад̇д̇ияо г̇аат̇аа. д̇вам̣ банаавусо, д̇хаарзси бхад̣̇д̣̇згарад̇д̇ияо г̇аат̇аа’д̇и? ‘д̇хаарзми ко ахам̣, бхигку, бхад̣̇д̣̇згарад̇д̇ияо г̇аат̇аа’д̇и. ‘яат̇аа гат̇ам̣ бана д̇вам̣, аавусо, д̇хаарзси бхад̣̇д̣̇згарад̇д̇ияо г̇аат̇аа’д̇и? згамид̣̇ам̣, бхигку, самаяам̣ бхаг̇аваа д̣̇звзсу д̇аавад̇им̣сзсу вихарад̇и баарижчад̇д̇агамуулз бан̣д̣угамб̣аласилааяам̣ . д̇ад̇ра ко бхаг̇аваа д̣̇зваанам̣ д̇аавад̇им̣саанам̣ бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа абхааси –
‘‘Ekamidāhaṃ, bhante, samayaṃ sakkesu viharāmi kapilavatthusmiṃ nigrodhārāme. Atha kho, bhante, aññataro devaputto abhikkantāya rattiyā abhikkantavaṇṇo kevalakappaṃ nigrodhārāmaṃ obhāsetvā yenāhaṃ tenupasaṅkami; upasaṅkamitvā ekamantaṃ aṭṭhāsi. Ekamantaṃ ṭhito kho, bhante, so devaputto maṃ etadavoca – ‘dhāresi tvaṃ, bhikkhu, bhaddekarattassa uddesañca vibhaṅgañcā’ti? Evaṃ vutte ahaṃ, bhante, taṃ devaputtaṃ etadavocaṃ – ‘na kho ahaṃ, āvuso, dhāremi bhaddekarattassa uddesañca vibhaṅgañca. Tvaṃ panāvuso, dhāresi bhaddekarattassa uddesañca vibhaṅgañcā’ti? ‘Ahampi kho, bhikkhu, na dhāremi bhaddekarattassa uddesañca vibhaṅgañca. Dhāresi pana tvaṃ, bhikkhu, bhaddekarattiyo gāthā’ti? ‘Na kho ahaṃ, āvuso, dhāremi bhaddekarattiyo gāthā. Tvaṃ panāvuso, dhāresi bhaddekarattiyo gāthā’ti? ‘Dhāremi kho ahaṃ, bhikkhu, bhaddekarattiyo gāthā’ti. ‘Yathā kathaṃ pana tvaṃ, āvuso, dhāresi bhaddekarattiyo gāthā’ti? Ekamidaṃ, bhikkhu, samayaṃ bhagavā devesu tāvatiṃsesu viharati pāricchattakamūle paṇḍukambalasilāyaṃ . Tatra kho bhagavā devānaṃ tāvatiṃsānaṃ bhaddekarattassa uddesañca vibhaṅgañca abhāsi –
‘‘ад̇ийд̇ам̣ наанвааг̇амзяяа…бз…
‘‘Atītaṃ nānvāgameyya…pe…
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
‘‘звам̣ ко ахам̣, бхигку, д̇хаарзми бхад̣̇д̣̇згарад̇д̇ияо г̇аат̇аа. уг̇г̇ан̣хаахи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа; барияаабун̣аахи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа; д̇хаарзхи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. ад̇т̇асам̣хид̇о, бхигку, бхад̣̇д̣̇згарад̇д̇асса уд̣̇д̣̇зсо жа вибхан̇г̇о жа аад̣̇иб̣рахмажарияаго’д̇и. ид̣̇амавожа, бханд̇з, со д̣̇звабуд̇д̇о; ид̣̇ам̣ вад̇ваа д̇ад̇т̇званд̇арад̇хааяи. саад̇ху мз, бханд̇з, бхаг̇аваа бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа д̣̇зсзд̇уу’’д̇и.
‘‘Evaṃ kho ahaṃ, bhikkhu, dhāremi bhaddekarattiyo gāthā. Uggaṇhāhi tvaṃ, bhikkhu, bhaddekarattassa uddesañca vibhaṅgañca; pariyāpuṇāhi tvaṃ, bhikkhu, bhaddekarattassa uddesañca vibhaṅgañca; dhārehi tvaṃ, bhikkhu, bhaddekarattassa uddesañca vibhaṅgañca. Atthasaṃhito, bhikkhu, bhaddekarattassa uddeso ca vibhaṅgo ca ādibrahmacariyako’ti. Idamavoca, bhante, so devaputto; idaṃ vatvā tatthevantaradhāyi. Sādhu me, bhante, bhagavā bhaddekarattassa uddesañca vibhaṅgañca desetū’’ti.
288. ‘‘ж̇аанааси бана д̇вам̣, бхигку, д̇ам̣ д̣̇звабуд̇д̇а’’нд̇и? ‘‘на ко ахам̣, бханд̇з, ж̇аанаами д̇ам̣ д̣̇звабуд̇д̇а’’нд̇и. ‘‘жанд̣̇ано наама со, бхигку, д̣̇звабуд̇д̇о. жанд̣̇ано, бхигку, д̣̇звабуд̇д̇о адтим̣ гад̇ваа 3 манасигад̇ваа саб̣б̣ажзд̇асаа 4 саманнаахарид̇ваа охид̇асод̇о д̇хаммам̣ сун̣аад̇и. д̇зна хи, бхигку, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бханд̇з’’д̇и ко ааяасмаа ломасаган̇г̇ияо бхаг̇авад̇о бажжассоси. бхаг̇аваа зд̇ад̣̇авожа –
288. ‘‘Jānāsi pana tvaṃ, bhikkhu, taṃ devaputta’’nti? ‘‘Na kho ahaṃ, bhante, jānāmi taṃ devaputta’’nti. ‘‘Candano nāma so, bhikkhu, devaputto. Candano, bhikkhu, devaputto aṭṭhiṃ katvā 5 manasikatvā sabbacetasā 6 samannāharitvā ohitasoto dhammaṃ suṇāti. Tena hi, bhikkhu, suṇāhi, sādhukaṃ manasi karohi; bhāsissāmī’’ti. ‘‘Evaṃ, bhante’’ti kho āyasmā lomasakaṅgiyo bhagavato paccassosi. Bhagavā etadavoca –
‘‘ад̇ийд̇ам̣ наанвааг̇амзяяа, наббадиган̇кз анааг̇ад̇ам̣;
‘‘Atītaṃ nānvāgameyya, nappaṭikaṅkhe anāgataṃ;
яад̣̇ад̇ийд̇ам̣ бахийнам̣ д̇ам̣, аббад̇д̇ан̃жа анааг̇ад̇ам̣.
Yadatītaṃ pahīnaṃ taṃ, appattañca anāgataṃ.
‘‘бажжуббаннан̃жа яо д̇хаммам̣, д̇ад̇т̇а д̇ад̇т̇а вибассад̇и;
‘‘Paccuppannañca yo dhammaṃ, tattha tattha vipassati;
асам̣хийрам̣ асам̣губбам̣, д̇ам̣ вид̣̇ваа мануб̣руухаяз.
Asaṃhīraṃ asaṃkuppaṃ, taṃ vidvā manubrūhaye.
‘‘аж̇ж̇зва гижжамаад̇аббам̣, го ж̇ан̃н̃аа маран̣ам̣ сувз;
‘‘Ajjeva kiccamātappaṃ, ko jaññā maraṇaṃ suve;
на хи но сан̇г̇арам̣ д̇зна, махаасзнзна мажжунаа;
Na hi no saṅgaraṃ tena, mahāsenena maccunā;
‘‘звам̣ вихаарим̣ аад̇аабим̣, ахорад̇д̇амад̇анд̣̇ид̇ам̣;
‘‘Evaṃ vihāriṃ ātāpiṃ, ahorattamatanditaṃ;
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муни’’.
Taṃ ve bhaddekarattoti, santo ācikkhate muni’’.
‘‘гат̇ан̃жа, бхигку, ад̇ийд̇ам̣ анвааг̇амзд̇и…бз… звам̣ ко, бхигку, ад̇ийд̇ам̣ анвааг̇амзд̇и. гат̇ан̃жа , бхигку, ад̇ийд̇ам̣ наанвааг̇амзд̇и…бз… звам̣ ко, бхигку, ад̇ийд̇ам̣ наанвааг̇амзд̇и. гат̇ан̃жа, бхигку, анааг̇ад̇ам̣ бадиган̇кад̇и…бз… звам̣ ко, бхигку, анааг̇ад̇ам̣ бадиган̇кад̇и. гат̇ан̃жа, бхигку, анааг̇ад̇ам̣ наббадиган̇кад̇и…бз… звам̣ ко, бхигку, анааг̇ад̇ам̣ наббадиган̇кад̇и. гат̇ан̃жа, бхигку, бажжуббаннзсу д̇хаммзсу сам̣хийрад̇и…бз… звам̣ ко, бхигку, бажжуббаннзсу д̇хаммзсу сам̣хийрад̇и. гат̇ан̃жа, бхигку, бажжуббаннзсу д̇хаммзсу на сам̣хийрад̇и…бз… звам̣ ко, бхигку, бажжуббаннзсу д̇хаммзсу на сам̣хийрад̇и.
‘‘Kathañca, bhikkhu, atītaṃ anvāgameti…pe… evaṃ kho, bhikkhu, atītaṃ anvāgameti. Kathañca , bhikkhu, atītaṃ nānvāgameti…pe… evaṃ kho, bhikkhu, atītaṃ nānvāgameti. Kathañca, bhikkhu, anāgataṃ paṭikaṅkhati…pe… evaṃ kho, bhikkhu, anāgataṃ paṭikaṅkhati. Kathañca, bhikkhu, anāgataṃ nappaṭikaṅkhati…pe… evaṃ kho, bhikkhu, anāgataṃ nappaṭikaṅkhati. Kathañca, bhikkhu, paccuppannesu dhammesu saṃhīrati…pe… evaṃ kho, bhikkhu, paccuppannesu dhammesu saṃhīrati. Kathañca, bhikkhu, paccuppannesu dhammesu na saṃhīrati…pe… evaṃ kho, bhikkhu, paccuppannesu dhammesu na saṃhīrati.
‘‘ад̇ийд̇ам̣ наанвааг̇амзяяа, наббадиган̇кз анааг̇ад̇ам̣;
‘‘Atītaṃ nānvāgameyya, nappaṭikaṅkhe anāgataṃ;
яад̣̇ад̇ийд̇ам̣ бахийнам̣ д̇ам̣, аббад̇д̇ан̃жа анааг̇ад̇ам̣.
Yadatītaṃ pahīnaṃ taṃ, appattañca anāgataṃ.
‘‘бажжуббаннан̃жа яо д̇хаммам̣, д̇ад̇т̇а д̇ад̇т̇а вибассад̇и;
‘‘Paccuppannañca yo dhammaṃ, tattha tattha vipassati;
асам̣хийрам̣ асам̣губбам̣, д̇ам̣ вид̣̇ваа мануб̣руухаяз.
Asaṃhīraṃ asaṃkuppaṃ, taṃ vidvā manubrūhaye.
‘‘аж̇ж̇зва гижжамаад̇аббам̣, го ж̇ан̃н̃аа маран̣ам̣ сувз;
‘‘Ajjeva kiccamātappaṃ, ko jaññā maraṇaṃ suve;
на хи но сан̇г̇арам̣ д̇зна, махаасзнзна мажжунаа.
Na hi no saṅgaraṃ tena, mahāsenena maccunā.
‘‘звам̣ вихаарим̣ аад̇аабим̣, ахорад̇д̇амад̇анд̣̇ид̇ам̣;
‘‘Evaṃ vihāriṃ ātāpiṃ, ahorattamatanditaṃ;
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
ид̣̇амавожа бхаг̇аваа. ад̇д̇амано ааяасмаа ломасаган̇г̇ияо бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā lomasakaṅgiyo bhagavato bhāsitaṃ abhinandīti.
ломасаган̇г̇ияабхад̣̇д̣̇згарад̇д̇асуд̇д̇ам̣ нидтид̇ам̣ жад̇уд̇т̇ам̣.
Lomasakaṅgiyabhaddekarattasuttaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. ломасаган̇г̇ияабхад̣̇д̣̇згарад̇д̇асуд̇д̇аван̣н̣анаа • 4. Lomasakaṅgiyabhaddekarattasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. ломасагаган̇г̇ияабхад̣̇д̣̇згарад̇д̇асуд̇д̇аван̣н̣анаа • 4. Lomasakakaṅgiyabhaddekarattasuttavaṇṇanā
