| Library / Tipiṭaka / திபிடக • Tipiṭaka / அபதா³ன-அட்ட²கதா² • Apadāna-aṭṭhakathā |
8. லோமஸகங்கி³யத்தே²ரஅபதா³னவண்ணனா
8. Lomasakaṅgiyattheraapadānavaṇṇanā
அட்ட²மாபதா³னே இமம்ஹி ப⁴த்³த³கே கப்பேதிஆதி³கங் ஆயஸ்மதோ லோமஸகங்கி³யத்தே²ரஸ்ஸ அபதா³னங். அயம்பி புரிமபு³த்³தே⁴ஸு கதாதி⁴காரோ தத்த² தத்த² ப⁴வே விவட்டூபனிஸ்ஸயானி புஞ்ஞானி உபசினந்தோ கஸ்ஸபஸ்ஸ ப⁴க³வதோ காலே ப்³ராஹ்மணகுலே நிப்³ப³த்தோ ஸத்³தோ⁴ பஸன்னோ அஹோஸி. அபரோ சந்த³னோ நாம தஸ்ஸ ஸஹாயோ சாஸி. தே த்³வேபி ஸத்து² ஸந்திகே த⁴ம்மங் ஸுத்வா பஸன்னமானஸா பப்³ப³ஜித்வா யாவஜீவங் ஸீலங் ரக்கி²த்வா ஸுபரிஸுத்³த⁴ஸீலா ததோ சுதா தே³வலோகே நிப்³ப³த்தித்வா ஏகங் பு³த்³த⁴ந்தரங் தி³ப்³ப³ஸுக²ங் அனுப⁴விங்ஸு. தேஸு அயங் இமஸ்மிங் பு³த்³து⁴ப்பாதே³ ஸாகியகுலே நிப்³ப³த்தித்வா அபரோ சந்த³னோ தே³வபுத்தோ ஹுத்வா தாவதிங்ஸப⁴வனே நிப்³ப³த்தி. அத² ஸோ ஸக்யகுலப்பஸாத³கேன காளுதா³யினா ஆராதி⁴தேன ப⁴க³வதா ஸக்யராஜூனங் மானமத்³த³னாய கதங் வெஸ்ஸந்தரத⁴ம்மதே³ஸனாயங் (ஜா॰ 2.22.1655 ஆத³யோ) பொக்க²ரவஸ்ஸஇத்³தி⁴பாடிஹாரியங் தி³ஸ்வா பஸன்னமானஸோ பப்³ப³ஜித்வா மஜ்ஜி²மனிகாயே வுத்தங் ப⁴த்³தே³கரத்தஸுத்தந்ததே³ஸனங் ஸுத்வா அரஞ்ஞவாஸங் வஸந்தோ ப⁴த்³தே³கரத்தஸுத்தந்ததே³ஸனானுஸாஸனங் (ம॰ நி॰ 3.286 ஆத³யோ) ஸரித்வா தத³னுஸாரேன ஞாணங் பேஸெத்வா கம்மட்டா²னங் மனஸி கரித்வா அரஹத்தங் பாபுணி.
Aṭṭhamāpadāne imamhi bhaddake kappetiādikaṃ āyasmato lomasakaṅgiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto kassapassa bhagavato kāle brāhmaṇakule nibbatto saddho pasanno ahosi. Aparo candano nāma tassa sahāyo cāsi. Te dvepi satthu santike dhammaṃ sutvā pasannamānasā pabbajitvā yāvajīvaṃ sīlaṃ rakkhitvā suparisuddhasīlā tato cutā devaloke nibbattitvā ekaṃ buddhantaraṃ dibbasukhaṃ anubhaviṃsu. Tesu ayaṃ imasmiṃ buddhuppāde sākiyakule nibbattitvā aparo candano devaputto hutvā tāvatiṃsabhavane nibbatti. Atha so sakyakulappasādakena kāḷudāyinā ārādhitena bhagavatā sakyarājūnaṃ mānamaddanāya kataṃ vessantaradhammadesanāyaṃ (jā. 2.22.1655 ādayo) pokkharavassaiddhipāṭihāriyaṃ disvā pasannamānaso pabbajitvā majjhimanikāye vuttaṃ bhaddekarattasuttantadesanaṃ sutvā araññavāsaṃ vasanto bhaddekarattasuttantadesanānusāsanaṃ (ma. ni. 3.286 ādayo) saritvā tadanusārena ñāṇaṃ pesetvā kammaṭṭhānaṃ manasi karitvā arahattaṃ pāpuṇi.
225. அரஹத்தங் பத்வா அத்தனோ புப்³ப³கம்மங் ஸரித்வா ஸஞ்ஜாதஸோமனஸ்ஸோ புப்³ப³சரிதாபதா³னங் பகாஸெந்தோ இமம்ஹி ப⁴த்³த³கே கப்பேதிஆதி³மாஹ. தத்த² கப்போ தாவ சதுப்³பி³தோ⁴ – ஸாரகப்போ, வரகப்போ, மண்ட³கப்போ, ப⁴த்³த³கப்போதி. தேஸு யஸ்மிங் கப்பே ஏகோ பு³த்³தோ⁴ உப்பஜ்ஜதி, அயங் ஸாரகப்போ நாம. யஸ்மிங் த்³வே வா தயோ வா பு³த்³தா⁴ உப்பஜ்ஜந்தி, அயங் வரகப்போ நாம. யஸ்மிங் சத்தாரோ பு³த்³தா⁴ உப்பஜ்ஜந்தி, அயங் மண்ட³கப்போ நாம. யஸ்மிங் பஞ்ச பு³த்³தா⁴ உப்பஜ்ஜந்தி, அயங் ப⁴த்³த³கப்போ நாம. அஞ்ஞத்த² பன –
225. Arahattaṃ patvā attano pubbakammaṃ saritvā sañjātasomanasso pubbacaritāpadānaṃ pakāsento imamhi bhaddake kappetiādimāha. Tattha kappo tāva catubbidho – sārakappo, varakappo, maṇḍakappo, bhaddakappoti. Tesu yasmiṃ kappe eko buddho uppajjati, ayaṃ sārakappo nāma. Yasmiṃ dve vā tayo vā buddhā uppajjanti, ayaṃ varakappo nāma. Yasmiṃ cattāro buddhā uppajjanti, ayaṃ maṇḍakappo nāma. Yasmiṃ pañca buddhā uppajjanti, ayaṃ bhaddakappo nāma. Aññattha pana –
‘‘ஸாரகப்போ மண்ட³கப்போ, ஸாரமண்ட³கப்போ ததா²;
‘‘Sārakappo maṇḍakappo, sāramaṇḍakappo tathā;
வரகப்போ ப⁴த்³த³கப்போ, கப்பா பஞ்சவிதா⁴ ஸியுங்.
Varakappo bhaddakappo, kappā pañcavidhā siyuṃ.
‘‘ஏகோ த்³வே தயோ சத்தாரோ, பஞ்ச பு³த்³தா⁴ யதா²க்கமங்;
‘‘Eko dve tayo cattāro, pañca buddhā yathākkamaṃ;
ஏதேஸு பஞ்சகப்பேஸு, உப்பஜ்ஜந்தி வினாயகா’’தி. –
Etesu pañcakappesu, uppajjanti vināyakā’’ti. –
ஏவங் பஞ்ச கப்பா வுத்தா. தேஸு அயங் கப்போ ‘‘ககுஸந்தோ⁴ கோணாக³மனோ கஸ்ஸபோ கோ³தமோ மெத்தெய்யோ’’தி பஞ்சபு³த்³த⁴படிமண்டி³தத்தா ப⁴த்³த³கப்போ நாம ஜாதோ.
Evaṃ pañca kappā vuttā. Tesu ayaṃ kappo ‘‘kakusandho koṇāgamano kassapo gotamo metteyyo’’ti pañcabuddhapaṭimaṇḍitattā bhaddakappo nāma jāto.
தஸ்மா இமஸ்மிங் ப⁴த்³த³கப்பம்ஹி கஸ்ஸபோ நாயகோ உப்பஜ்ஜீதி ஸம்ப³ந்தோ⁴. ஸேஸங் உத்தானத்த²மேவாதி.
Tasmā imasmiṃ bhaddakappamhi kassapo nāyako uppajjīti sambandho. Sesaṃ uttānatthamevāti.
லோமஸகங்கி³யத்தே²ரஅபதா³னவண்ணனா ஸமத்தா.
Lomasakaṅgiyattheraapadānavaṇṇanā samattā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / அபதா³னபாளி • Apadānapāḷi / 8. லோமஸகங்கி³யத்தே²ரஅபதா³னங் • 8. Lomasakaṅgiyattheraapadānaṃ
