| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
8. ломасаган̇г̇ияад̇т̇зраабад̣̇аанаван̣н̣анаа
8. Lomasakaṅgiyattheraapadānavaṇṇanā
адтамаабад̣̇аанз имамхи бхад̣̇д̣̇агз габбзд̇иаад̣̇игам̣ ааяасмад̇о ломасаган̇г̇ияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о гассабасса бхаг̇авад̇о гаалз б̣раахман̣агулз ниб̣б̣ад̇д̇о сад̣̇д̇хо басанно ахоси. абаро жанд̣̇ано наама д̇асса сахааяо жааси. д̇з д̣̇взби сад̇т̇у санд̇игз д̇хаммам̣ суд̇ваа басаннамаанасаа баб̣б̣аж̇ид̇ваа яааваж̇ийвам̣ сийлам̣ рагкид̇ваа субарисуд̣̇д̇хасийлаа д̇ад̇о жуд̇аа д̣̇звалогз ниб̣б̣ад̇д̇ид̇ваа згам̣ б̣уд̣̇д̇ханд̇арам̣ д̣̇иб̣б̣асукам̣ анубхавим̣су. д̇зсу аяам̣ имасмим̣ б̣уд̣̇д̇хуббаад̣̇з саагияагулз ниб̣б̣ад̇д̇ид̇ваа абаро жанд̣̇ано д̣̇звабуд̇д̇о худ̇ваа д̇аавад̇им̣сабхаванз ниб̣б̣ад̇д̇и. ат̇а со сагяагулаббасаад̣̇агзна гаал̣уд̣̇ааяинаа аараад̇хид̇зна бхаг̇авад̇аа сагяарааж̇уунам̣ маанамад̣̇д̣̇анааяа гад̇ам̣ взссанд̇арад̇хаммад̣̇зсанааяам̣ (ж̇аа. 2.22.1655 аад̣̇аяо) богкаравассаид̣̇д̇хибаадихаарияам̣ д̣̇исваа басаннамаанасо баб̣б̣аж̇ид̇ваа маж̇жхиманигааяз вуд̇д̇ам̣ бхад̣̇д̣̇згарад̇д̇асуд̇д̇анд̇ад̣̇зсанам̣ суд̇ваа аран̃н̃аваасам̣ васанд̇о бхад̣̇д̣̇згарад̇д̇асуд̇д̇анд̇ад̣̇зсанаанусаасанам̣ (ма. ни. 3.286 аад̣̇аяо) сарид̇ваа д̇ад̣̇анусаарзна н̃аан̣ам̣ бзсзд̇ваа гаммадтаанам̣ манаси гарид̇ваа арахад̇д̇ам̣ баабун̣и.
Aṭṭhamāpadāne imamhi bhaddake kappetiādikaṃ āyasmato lomasakaṅgiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto kassapassa bhagavato kāle brāhmaṇakule nibbatto saddho pasanno ahosi. Aparo candano nāma tassa sahāyo cāsi. Te dvepi satthu santike dhammaṃ sutvā pasannamānasā pabbajitvā yāvajīvaṃ sīlaṃ rakkhitvā suparisuddhasīlā tato cutā devaloke nibbattitvā ekaṃ buddhantaraṃ dibbasukhaṃ anubhaviṃsu. Tesu ayaṃ imasmiṃ buddhuppāde sākiyakule nibbattitvā aparo candano devaputto hutvā tāvatiṃsabhavane nibbatti. Atha so sakyakulappasādakena kāḷudāyinā ārādhitena bhagavatā sakyarājūnaṃ mānamaddanāya kataṃ vessantaradhammadesanāyaṃ (jā. 2.22.1655 ādayo) pokkharavassaiddhipāṭihāriyaṃ disvā pasannamānaso pabbajitvā majjhimanikāye vuttaṃ bhaddekarattasuttantadesanaṃ sutvā araññavāsaṃ vasanto bhaddekarattasuttantadesanānusāsanaṃ (ma. ni. 3.286 ādayo) saritvā tadanusārena ñāṇaṃ pesetvā kammaṭṭhānaṃ manasi karitvā arahattaṃ pāpuṇi.
225. арахад̇д̇ам̣ бад̇ваа ад̇д̇ано буб̣б̣агаммам̣ сарид̇ваа сан̃ж̇аад̇асоманассо буб̣б̣ажарид̇аабад̣̇аанам̣ багаасзнд̇о имамхи бхад̣̇д̣̇агз габбзд̇иаад̣̇имааха. д̇ад̇т̇а габбо д̇аава жад̇уб̣б̣ид̇хо – саарагаббо, варагаббо, ман̣д̣агаббо, бхад̣̇д̣̇агаббод̇и. д̇зсу яасмим̣ габбз зго б̣уд̣̇д̇хо уббаж̇ж̇ад̇и, аяам̣ саарагаббо наама. яасмим̣ д̣̇вз ваа д̇аяо ваа б̣уд̣̇д̇хаа уббаж̇ж̇анд̇и, аяам̣ варагаббо наама. яасмим̣ жад̇д̇ааро б̣уд̣̇д̇хаа уббаж̇ж̇анд̇и, аяам̣ ман̣д̣агаббо наама. яасмим̣ бан̃жа б̣уд̣̇д̇хаа уббаж̇ж̇анд̇и, аяам̣ бхад̣̇д̣̇агаббо наама. ан̃н̃ад̇т̇а бана –
225. Arahattaṃ patvā attano pubbakammaṃ saritvā sañjātasomanasso pubbacaritāpadānaṃ pakāsento imamhi bhaddake kappetiādimāha. Tattha kappo tāva catubbidho – sārakappo, varakappo, maṇḍakappo, bhaddakappoti. Tesu yasmiṃ kappe eko buddho uppajjati, ayaṃ sārakappo nāma. Yasmiṃ dve vā tayo vā buddhā uppajjanti, ayaṃ varakappo nāma. Yasmiṃ cattāro buddhā uppajjanti, ayaṃ maṇḍakappo nāma. Yasmiṃ pañca buddhā uppajjanti, ayaṃ bhaddakappo nāma. Aññattha pana –
‘‘саарагаббо ман̣д̣агаббо, саараман̣д̣агаббо д̇ат̇аа;
‘‘Sārakappo maṇḍakappo, sāramaṇḍakappo tathā;
варагаббо бхад̣̇д̣̇агаббо, габбаа бан̃жавид̇хаа сияум̣.
Varakappo bhaddakappo, kappā pañcavidhā siyuṃ.
‘‘зго д̣̇вз д̇аяо жад̇д̇ааро, бан̃жа б̣уд̣̇д̇хаа яат̇ааггамам̣;
‘‘Eko dve tayo cattāro, pañca buddhā yathākkamaṃ;
зд̇зсу бан̃жагаббзсу, уббаж̇ж̇анд̇и винааяагаа’’д̇и. –
Etesu pañcakappesu, uppajjanti vināyakā’’ti. –
звам̣ бан̃жа габбаа вуд̇д̇аа. д̇зсу аяам̣ габбо ‘‘гагусанд̇хо гон̣ааг̇амано гассабо г̇од̇амо мзд̇д̇зяяо’’д̇и бан̃жаб̣уд̣̇д̇хабадиман̣д̣ид̇ад̇д̇аа бхад̣̇д̣̇агаббо наама ж̇аад̇о.
Evaṃ pañca kappā vuttā. Tesu ayaṃ kappo ‘‘kakusandho koṇāgamano kassapo gotamo metteyyo’’ti pañcabuddhapaṭimaṇḍitattā bhaddakappo nāma jāto.
д̇асмаа имасмим̣ бхад̣̇д̣̇агаббамхи гассабо нааяаго уббаж̇ж̇ийд̇и самб̣анд̇хо. сзсам̣ уд̇д̇аанад̇т̇амзваад̇и.
Tasmā imasmiṃ bhaddakappamhi kassapo nāyako uppajjīti sambandho. Sesaṃ uttānatthamevāti.
ломасаган̇г̇ияад̇т̇зраабад̣̇аанаван̣н̣анаа самад̇д̇аа.
Lomasakaṅgiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 8. ломасаган̇г̇ияад̇т̇зраабад̣̇аанам̣ • 8. Lomasakaṅgiyattheraapadānaṃ
