| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. ломасаган̇г̇ияад̇т̇зраг̇аат̇ааван̣н̣анаа
7. Lomasakaṅgiyattheragāthāvaṇṇanā
д̣̇аб̣б̣ам̣ гусанд̇и ааяасмад̇о ломасаган̇г̇ияад̇т̇зрасса г̇аат̇аа. гаа уббад̇д̇и? со гира ид̇о зганавуд̇з габбз вибассим̣ бхаг̇аванд̇ам̣ бассид̇ваа басаннамаанасо наанаабубпзхи бууж̇зд̇ваа д̇зна бун̃н̃агаммзна д̣̇звалогз ниб̣б̣ад̇д̇о буна абараабарам̣ бун̃н̃аани гад̇ваа суг̇ад̇ийсуязва сам̣саранд̇о гассабасса бхаг̇авад̇о саасанз баб̣б̣аж̇ид̇ваа саман̣ад̇хаммам̣ гарод̇и. д̇зна жа самаязна сад̇т̇аараа бхад̣̇д̣̇згарад̇д̇абадибад̣̇ааяа гат̇ид̇ааяа ан̃н̃ад̇аро бхигку бхад̣̇д̣̇згарад̇д̇асуд̇д̇авасзна д̇зна саагажчам̣ гарод̇и. со д̇ам̣ на самбааяааси. асамбааяанд̇о ‘‘ахам̣ анааг̇ад̇з д̇уяхам̣ бхад̣̇д̣̇згарад̇д̇ам̣ гат̇зд̇ум̣ самад̇т̇о бхавзяяа’’нд̇и бан̣ид̇хаанам̣ агааси, ид̇аро ‘‘бужчзяяа’’нд̇и. зд̇зсу батамо згам̣ б̣уд̣̇д̇ханд̇арам̣ д̣̇звамануссзсу сам̣сарид̇ваа амхаагам̣ бхаг̇авад̇о гаалз габилавад̇т̇усмим̣ саагияарааж̇агулз ниб̣б̣ад̇д̇и. д̇асса сукумаалабхаавзна сон̣асса вияа баад̣̇ад̇алзсу ломаани ж̇аад̇аани, д̇знасса ломасаган̇г̇ияод̇и наамам̣ ахоси. ид̇аро д̣̇звалогз ниб̣б̣ад̇д̇ид̇ваа жанд̣̇анод̇и бан̃н̃ааяид̇т̇а. ломасаган̇г̇ияо ануруд̣̇д̇хаад̣̇ийсу сагяагумаарзсу баб̣б̣аж̇анд̇зсу баб̣б̣аж̇ид̇ум̣ на ижчи. ат̇а нам̣ сам̣взж̇зд̇ум̣ жанд̣̇ано д̣̇звабуд̇д̇о убасан̇гамид̇ваа бхад̣̇д̣̇згарад̇д̇ам̣ бужчи. ид̇аро ‘‘на ж̇аанаамий’’д̇и. буна д̣̇звабуд̇д̇о ‘‘ат̇а гасмаа д̇аяаа ‘бхад̣̇д̣̇згарад̇д̇ам̣ гат̇зяяа’нд̇и сан̇г̇аро гад̇о, ид̣̇аани бана наамамад̇д̇амби на ж̇аанаасий’’д̇и жод̣̇зси. ид̇аро д̇зна сад̣̇д̇хим̣ бхаг̇аванд̇ам̣ убасан̇гамид̇ваа, ‘‘маяаа гира, бханд̇з, буб̣б̣з ‘имасса бхад̣̇д̣̇згарад̇д̇ам̣ гат̇зссаамий’д̇и сан̇г̇аро гад̇о’’д̇и бужчи. бхаг̇аваа ‘‘аама, гулабуд̇д̇а, гассабасса бхаг̇авад̇о гаалз д̇аяаа звам̣ гад̇а’’нд̇и ааха. свааяамад̇т̇о убарибан̣н̣аасагз ааг̇ад̇анаязна вид̇т̇аарад̇о взд̣̇ид̇аб̣б̣о. ат̇а ломасаган̇г̇ияо ‘‘д̇зна хи, бханд̇з, баб̣б̣ааж̇зт̇а ма’’нд̇и ааха. бхаг̇аваа ‘‘на, ко, д̇ат̇ааг̇ад̇аа маад̇аабид̇уухи ананун̃н̃аад̇ам̣ буд̇д̇ам̣ баб̣б̣ааж̇знд̇ий’’д̇и бадигкиби. со маад̇у санд̇игам̣ г̇анд̇ваа ‘‘ануж̇аанаахи мам̣, амма, баб̣б̣аж̇ид̇ум̣, баб̣б̣аж̇иссаамаха’’нд̇и вад̇ваа, маад̇араа ‘‘д̇аад̇а, сукумаало д̇вам̣ гат̇ам̣ баб̣б̣аж̇иссасий’’д̇и вуд̇д̇з, ‘‘ад̇д̇ано бариссаяасаханабхаавам̣ багаасзнд̇о ‘‘д̣̇аб̣б̣ам̣ гусам̣ бодагила’’нд̇и г̇аат̇ам̣ абхааси.
Dabbaṃkusanti āyasmato lomasakaṅgiyattherassa gāthā. Kā uppatti? So kira ito ekanavute kappe vipassiṃ bhagavantaṃ passitvā pasannamānaso nānāpupphehi pūjetvā tena puññakammena devaloke nibbatto puna aparāparaṃ puññāni katvā sugatīsuyeva saṃsaranto kassapassa bhagavato sāsane pabbajitvā samaṇadhammaṃ karoti. Tena ca samayena satthārā bhaddekarattapaṭipadāya kathitāya aññataro bhikkhu bhaddekarattasuttavasena tena sākacchaṃ karoti. So taṃ na sampāyāsi. Asampāyanto ‘‘ahaṃ anāgate tuyhaṃ bhaddekarattaṃ kathetuṃ samattho bhaveyya’’nti paṇidhānaṃ akāsi, itaro ‘‘puccheyya’’nti. Etesu paṭhamo ekaṃ buddhantaraṃ devamanussesu saṃsaritvā amhākaṃ bhagavato kāle kapilavatthusmiṃ sākiyarājakule nibbatti. Tassa sukhumālabhāvena soṇassa viya pādatalesu lomāni jātāni, tenassa lomasakaṅgiyoti nāmaṃ ahosi. Itaro devaloke nibbattitvā candanoti paññāyittha. Lomasakaṅgiyo anuruddhādīsu sakyakumāresu pabbajantesu pabbajituṃ na icchi. Atha naṃ saṃvejetuṃ candano devaputto upasaṅkamitvā bhaddekarattaṃ pucchi. Itaro ‘‘na jānāmī’’ti. Puna devaputto ‘‘atha kasmā tayā ‘bhaddekarattaṃ katheyya’nti saṅgaro kato, idāni pana nāmamattampi na jānāsī’’ti codesi. Itaro tena saddhiṃ bhagavantaṃ upasaṅkamitvā, ‘‘mayā kira, bhante, pubbe ‘imassa bhaddekarattaṃ kathessāmī’ti saṅgaro kato’’ti pucchi. Bhagavā ‘‘āma, kulaputta, kassapassa bhagavato kāle tayā evaṃ kata’’nti āha. Svāyamattho uparipaṇṇāsake āgatanayena vitthārato veditabbo. Atha lomasakaṅgiyo ‘‘tena hi, bhante, pabbājetha ma’’nti āha. Bhagavā ‘‘na, kho, tathāgatā mātāpitūhi ananuññātaṃ puttaṃ pabbājentī’’ti paṭikkhipi. So mātu santikaṃ gantvā ‘‘anujānāhi maṃ, amma, pabbajituṃ, pabbajissāmaha’’nti vatvā, mātarā ‘‘tāta, sukhumālo tvaṃ kathaṃ pabbajissasī’’ti vutte, ‘‘attano parissayasahanabhāvaṃ pakāsento ‘‘dabbaṃ kusaṃ poṭakila’’nti gāthaṃ abhāsi.
27. д̇ад̇т̇а д̣̇аб̣б̣анд̇и д̣̇аб̣б̣ад̇ин̣амааха, яам̣ ‘‘сад̣̇д̣̇уло’’д̇иби вужжад̇и. гусанд̇и гусад̇ин̣ам̣, яо ‘‘гаасо’’д̇и вужжад̇и. бодагиланд̇и саган̣дагам̣ аган̣даган̃жа г̇ажчам̣. ид̇ха бана саган̣дагамзва ад̇хиббзд̇ам̣. усийраад̣̇ийни сувин̃н̃зяяаани. д̣̇аб̣б̣аад̣̇ийни д̇ин̣аани б̣ийран̣ад̇ин̣аани баад̣̇зхи агганд̇ассааби д̣̇угкаж̇анагаани г̇амананд̇арааяагараани жа, д̇аани жа банаахам̣ урасаа бануд̣̇иссаами урасааби абанзссаами. звам̣ абанзнд̇о д̇ам̣ нимид̇д̇ам̣ д̣̇угкам̣ саханд̇о аран̃н̃ааяад̇анз г̇умб̣анд̇арам̣ бависид̇ваа саман̣ад̇хаммам̣ гаад̇ум̣ сагкиссаами. го бана ваад̣̇о баад̣̇зхи аггаманзд̇и д̣̇ассзд̇и. вивзгамануб̣руухаяанд̇и гааяавивзгам̣ жид̇д̇авивзгам̣ убад̇хививзган̃жа ануб̣руухаяанд̇о. г̇ан̣асан̇г̇ан̣иган̃хи бахааяа гааяавивзгам̣ ануб̣руухаяанд̇ассзва адтад̇им̣сааяа аарамман̣зсу яад̇т̇а гад̇т̇ажи жид̇д̇ам̣ самаад̣̇аханд̇асса жид̇д̇авивзго, на сан̇г̇ан̣игаарад̇асса. самаахид̇ассзва вибассанааяа гаммам̣ гаронд̇асса самат̇авибассанан̃жа яуг̇анад̣̇д̇хам̣ гаронд̇асса гилзсаанам̣ кзбанзна убад̇хививзгаад̇хиг̇амо, на асамаахид̇асса. д̇зна вуд̇д̇ам̣ ‘‘вивзгамануб̣руухаяанд̇и гааяавивзгам̣ жид̇д̇авивзгам̣ убад̇хививзган̃жа ануб̣руухаяанд̇о’’д̇и. звам̣ бана буд̇д̇зна вуд̇д̇з маад̇аа ‘‘д̇зна хи, д̇аад̇а, баб̣б̣аж̇аа’’д̇и ануж̇аани. со бхаг̇аванд̇ам̣ убасан̇гамид̇ваа баб̣б̣аж̇ж̇ам̣ яаажи. д̇ам̣ сад̇т̇аа баб̣б̣ааж̇зси. д̇ам̣ баб̣б̣аж̇ид̇ваа гад̇абуб̣б̣агижжам̣ гаммадтаанам̣ г̇ахзд̇ваа аран̃н̃ам̣ бависанд̇ам̣ бхигкуу аахам̣су – ‘‘аавусо, д̇вам̣ сукумаало гим̣ сагкиссаси аран̃н̃з васид̇у’’нд̇и. со д̇зсамби д̇амзва г̇аат̇ам̣ вад̇ваа аран̃н̃ам̣ бависид̇ваа бхааванам̣ ануяун̃ж̇анд̇о нажирассзва чал̣абхин̃н̃о ахоси. д̇зна вуд̇д̇ам̣ абад̣̇аанз (аба. т̇зра 2.52.23-27) –
27. Tattha dabbanti dabbatiṇamāha, yaṃ ‘‘saddulo’’tipi vuccati. Kusanti kusatiṇaṃ, yo ‘‘kāso’’ti vuccati. Poṭakilanti sakaṇṭakaṃ akaṇṭakañca gacchaṃ. Idha pana sakaṇṭakameva adhippetaṃ. Usīrādīni suviññeyyāni. Dabbādīni tiṇāni bīraṇatiṇāni pādehi akkantassāpi dukkhajanakāni gamanantarāyakarāni ca, tāni ca panāhaṃ urasā panudissāmi urasāpi apanessāmi. Evaṃ apanento taṃ nimittaṃ dukkhaṃ sahanto araññāyatane gumbantaraṃ pavisitvā samaṇadhammaṃ kātuṃ sakkhissāmi. Ko pana vādo pādehi akkamaneti dasseti. Vivekamanubrūhayanti kāyavivekaṃ cittavivekaṃ upadhivivekañca anubrūhayanto. Gaṇasaṅgaṇikañhi pahāya kāyavivekaṃ anubrūhayantasseva aṭṭhatiṃsāya ārammaṇesu yattha katthaci cittaṃ samādahantassa cittaviveko, na saṅgaṇikāratassa. Samāhitasseva vipassanāya kammaṃ karontassa samathavipassanañca yuganaddhaṃ karontassa kilesānaṃ khepanena upadhivivekādhigamo, na asamāhitassa. Tena vuttaṃ ‘‘vivekamanubrūhayanti kāyavivekaṃ cittavivekaṃ upadhivivekañca anubrūhayanto’’ti. Evaṃ pana puttena vutte mātā ‘‘tena hi, tāta, pabbajā’’ti anujāni. So bhagavantaṃ upasaṅkamitvā pabbajjaṃ yāci. Taṃ satthā pabbājesi. Taṃ pabbajitvā katapubbakiccaṃ kammaṭṭhānaṃ gahetvā araññaṃ pavisantaṃ bhikkhū āhaṃsu – ‘‘āvuso, tvaṃ sukhumālo kiṃ sakkhissasi araññe vasitu’’nti. So tesampi tameva gāthaṃ vatvā araññaṃ pavisitvā bhāvanaṃ anuyuñjanto nacirasseva chaḷabhiñño ahosi. Tena vuttaṃ apadāne (apa. thera 2.52.23-27) –
‘‘суван̣н̣аван̣н̣ам̣ самб̣уд̣̇д̇хам̣, аахуд̇ийнам̣ бадиг̇г̇ахам̣;
‘‘Suvaṇṇavaṇṇaṃ sambuddhaṃ, āhutīnaṃ paṭiggahaṃ;
рат̇ияам̣ бадибаж̇ж̇анд̇ам̣, наанаабубпзхи бууж̇аяим̣.
Rathiyaṃ paṭipajjantaṃ, nānāpupphehi pūjayiṃ.
‘‘зганавуд̇ид̇о габбз, яам̣ бубпамабхибууж̇аяим̣;
‘‘Ekanavutito kappe, yaṃ pupphamabhipūjayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зро ан̃н̃ам̣ б̣яаагаронд̇о д̇ам̣язва г̇аат̇ам̣ абхаасийд̇и.
Arahattaṃ pana patvā thero aññaṃ byākaronto taṃyeva gāthaṃ abhāsīti.
ломасаган̇г̇ияад̇т̇зраг̇аат̇ааван̣н̣анаа нидтид̇аа.
Lomasakaṅgiyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. ломасаган̇г̇ияад̇т̇зраг̇аат̇аа • 7. Lomasakaṅgiyattheragāthā
