| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੯. ਲੋਣਕਪਲ੍ਲਸੁਤ੍ਤਂ
9. Loṇakapallasuttaṃ
੧੦੧. ‘‘ਯੋ 1, ਭਿਕ੍ਖવੇ, ਏવਂ વਦੇਯ੍ਯ – ‘ਯਥਾ ਯਥਾਯਂ ਪੁਰਿਸੋ ਕਮ੍ਮਂ ਕਰੋਤਿ ਤਥਾ ਤਥਾ ਤਂ ਪਟਿਸਂવੇਦਿਯਤੀ’ਤਿ, ਏવਂ ਸਨ੍ਤਂ, ਭਿਕ੍ਖવੇ, ਬ੍ਰਹ੍ਮਚਰਿਯવਾਸੋ ਨ ਹੋਤਿ, ਓਕਾਸੋ ਨ ਪਞ੍ਞਾਯਤਿ ਸਮ੍ਮਾ ਦੁਕ੍ਖਸ੍ਸ ਅਨ੍ਤਕਿਰਿਯਾਯ । ਯੋ ਚ ਖੋ, ਭਿਕ੍ਖવੇ, ਏવਂ વਦੇਯ੍ਯ – ‘ਯਥਾ ਯਥਾ વੇਦਨੀਯਂ ਅਯਂ ਪੁਰਿਸੋ ਕਮ੍ਮਂ ਕਰੋਤਿ ਤਥਾ ਤਥਾਸ੍ਸ વਿਪਾਕਂ ਪਟਿਸਂવੇਦਿਯਤੀ’ਤਿ, ਏવਂ ਸਨ੍ਤਂ, ਭਿਕ੍ਖવੇ, ਬ੍ਰਹ੍ਮਚਰਿਯવਾਸੋ ਹੋਤਿ, ਓਕਾਸੋ ਪਞ੍ਞਾਯਤਿ ਸਮ੍ਮਾ ਦੁਕ੍ਖਸ੍ਸ ਅਨ੍ਤਕਿਰਿਯਾਯ। ਇਧ, ਭਿਕ੍ਖવੇ, ਏਕਚ੍ਚਸ੍ਸ ਪੁਗ੍ਗਲਸ੍ਸ ਅਪ੍ਪਮਤ੍ਤਕਮ੍ਪਿ ਪਾਪਕਮ੍ਮਂ 2 ਕਤਂ ਤਮੇਨਂ ਨਿਰਯਂ ਉਪਨੇਤਿ। ਇਧ ਪਨ, ਭਿਕ੍ਖવੇ, ਏਕਚ੍ਚਸ੍ਸ ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾ’ਣੁਪਿ ਖਾਯਤਿ, ਕਿਂ ਬਹੁਦੇવ।
101. ‘‘Yo 3, bhikkhave, evaṃ vadeyya – ‘yathā yathāyaṃ puriso kammaṃ karoti tathā tathā taṃ paṭisaṃvediyatī’ti, evaṃ santaṃ, bhikkhave, brahmacariyavāso na hoti, okāso na paññāyati sammā dukkhassa antakiriyāya . Yo ca kho, bhikkhave, evaṃ vadeyya – ‘yathā yathā vedanīyaṃ ayaṃ puriso kammaṃ karoti tathā tathāssa vipākaṃ paṭisaṃvediyatī’ti, evaṃ santaṃ, bhikkhave, brahmacariyavāso hoti, okāso paññāyati sammā dukkhassa antakiriyāya. Idha, bhikkhave, ekaccassa puggalassa appamattakampi pāpakammaṃ 4 kataṃ tamenaṃ nirayaṃ upaneti. Idha pana, bhikkhave, ekaccassa puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nā’ṇupi khāyati, kiṃ bahudeva.
‘‘ਕਥਂਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਅਪ੍ਪਮਤ੍ਤਕਮ੍ਪਿ ਪਾਪਕਮ੍ਮਂ ਕਤਂ ਤਮੇਨਂ ਨਿਰਯਂ ਉਪਨੇਤਿ? ਇਧ ਪਨ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਅਭਾવਿਤਕਾਯੋ ਹੋਤਿ ਅਭਾવਿਤਸੀਲੋ ਅਭਾવਿਤਚਿਤ੍ਤੋ ਅਭਾવਿਤਪਞ੍ਞੋ ਪਰਿਤ੍ਤੋ ਅਪ੍ਪਾਤੁਮੋ ਅਪ੍ਪਦੁਕ੍ਖવਿਹਾਰੀ। ਏવਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਅਪ੍ਪਮਤ੍ਤਕਮ੍ਪਿ ਪਾਪਕਮ੍ਮਂ ਕਤਂ ਤਮੇਨਂ ਨਿਰਯਂ ਉਪਨੇਤਿ।
‘‘Kathaṃrūpassa, bhikkhave, puggalassa appamattakampi pāpakammaṃ kataṃ tamenaṃ nirayaṃ upaneti? Idha pana, bhikkhave, ekacco puggalo abhāvitakāyo hoti abhāvitasīlo abhāvitacitto abhāvitapañño paritto appātumo appadukkhavihārī. Evarūpassa, bhikkhave, puggalassa appamattakampi pāpakammaṃ kataṃ tamenaṃ nirayaṃ upaneti.
‘‘ਕਥਂਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾ’ਣੁਪਿ ਖਾਯਤਿ, ਕਿਂ ਬਹੁਦੇવ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਭਾવਿਤਕਾਯੋ ਹੋਤਿ ਭਾવਿਤਸੀਲੋ ਭਾવਿਤਚਿਤ੍ਤੋ ਭਾવਿਤਪਞ੍ਞੋ ਅਪਰਿਤ੍ਤੋ ਮਹਤ੍ਤੋ 5 ਅਪ੍ਪਮਾਣવਿਹਾਰੀ। ਏવਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ।
‘‘Kathaṃrūpassa, bhikkhave, puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nā’ṇupi khāyati, kiṃ bahudeva? Idha, bhikkhave, ekacco puggalo bhāvitakāyo hoti bhāvitasīlo bhāvitacitto bhāvitapañño aparitto mahatto 6 appamāṇavihārī. Evarūpassa, bhikkhave, puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva.
‘‘ਸੇਯ੍ਯਥਾਪਿ , ਭਿਕ੍ਖવੇ, ਪੁਰਿਸੋ ਲੋਣਕਪਲ੍ਲਂ 7 ਪਰਿਤ੍ਤੇ ਉਦਕਮਲ੍ਲਕੇ 8 ਪਕ੍ਖਿਪੇਯ੍ਯ। ਤਂ ਕਿਂ ਮਞ੍ਞਥ, ਭਿਕ੍ਖવੇ, ਅਪਿ ਨੁ ਤਂ ਪਰਿਤ੍ਤਂ ਉਦਕਂ 9 ਅਮੁਨਾ ਲੋਣਕਪਲ੍ਲੇਨ ਲੋਣਂ ਅਸ੍ਸ ਅਪੇਯ੍ਯ’’ਨ੍ਤਿ? ‘‘ਏવਂ, ਭਨ੍ਤੇ’’। ‘‘ਤਂ ਕਿਸ੍ਸ ਹੇਤੁ’’? ‘‘ਅਦੁਞ੍ਹਿ, ਭਨ੍ਤੇ, ਪਰਿਤ੍ਤਂ ਉਦਕਕਪਲ੍ਲਕੇ ਉਦਕਂ, ਤਂ ਅਮੁਨਾ ਲੋਣਕਪਲ੍ਲੇਨ ਲੋਣਂ ਅਸ੍ਸ ਅਪੇਯ੍ਯ’’ਨ੍ਤਿ। ‘‘ਸੇਯ੍ਯਥਾਪਿ, ਭਿਕ੍ਖવੇ, ਪੁਰਿਸੋ ਲੋਣਕਪਲ੍ਲਕਂ ਗਙ੍ਗਾਯ ਨਦਿਯਾ ਪਕ੍ਖਿਪੇਯ੍ਯ। ਤਂ ਕਿਂ ਮਞ੍ਞਥ, ਭਿਕ੍ਖવੇ, ਅਪਿ ਨੁ ਸਾ ਗਙ੍ਗਾ ਨਦੀ ਅਮੁਨਾ ਲੋਣਕਪਲ੍ਲੇਨ ਲੋਣਂ ਅਸ੍ਸ ਅਪੇਯ੍ਯਾ’’ਤਿ? ‘‘ਨੋ ਹੇਤਂ, ਭਨ੍ਤੇ’’। ‘‘ਤਂ ਕਿਸ੍ਸ ਹੇਤੁ’’? ‘‘ਅਸੁ ਹਿ, ਭਨ੍ਤੇ, ਗਙ੍ਗਾਯ ਨਦਿਯਾ ਮਹਾ ਉਦਕਕ੍ਖਨ੍ਧੋ ਸੋ ਅਮੁਨਾ ਲੋਣਕਪਲ੍ਲੇਨ ਲੋਣੋ ਨ ਅਸ੍ਸ ਅਪੇਯ੍ਯੋ’’ਤਿ 10।
‘‘Seyyathāpi , bhikkhave, puriso loṇakapallaṃ 11 paritte udakamallake 12 pakkhipeyya. Taṃ kiṃ maññatha, bhikkhave, api nu taṃ parittaṃ udakaṃ 13 amunā loṇakapallena loṇaṃ assa apeyya’’nti? ‘‘Evaṃ, bhante’’. ‘‘Taṃ kissa hetu’’? ‘‘Aduñhi, bhante, parittaṃ udakakapallake udakaṃ, taṃ amunā loṇakapallena loṇaṃ assa apeyya’’nti. ‘‘Seyyathāpi, bhikkhave, puriso loṇakapallakaṃ gaṅgāya nadiyā pakkhipeyya. Taṃ kiṃ maññatha, bhikkhave, api nu sā gaṅgā nadī amunā loṇakapallena loṇaṃ assa apeyyā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Asu hi, bhante, gaṅgāya nadiyā mahā udakakkhandho so amunā loṇakapallena loṇo na assa apeyyo’’ti 14.
‘‘ਏવਮੇવਂ ਖੋ, ਭਿਕ੍ਖવੇ, ਇਧੇਕਚ੍ਚਸ੍ਸ ਪੁਗ੍ਗਲਸ੍ਸ ਅਪ੍ਪਮਤ੍ਤਕਮ੍ਪਿ ਪਾਪਕਮ੍ਮਂ ਕਤਂ ਤਮੇਨਂ ਨਿਰਯਂ ਉਪਨੇਤਿ। ਇਧ, ਭਿਕ੍ਖવੇ, ਏਕਚ੍ਚਸ੍ਸ ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ।
‘‘Evamevaṃ kho, bhikkhave, idhekaccassa puggalassa appamattakampi pāpakammaṃ kataṃ tamenaṃ nirayaṃ upaneti. Idha, bhikkhave, ekaccassa puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva.
‘‘ਕਥਂਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਅਪ੍ਪਮਤ੍ਤਕਮ੍ਪਿ ਪਾਪਕਮ੍ਮਂ ਕਤਂ ਤਮੇਨਂ ਨਿਰਯਂ ਉਪਨੇਤਿ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਅਭਾવਿਤਕਾਯੋ ਹੋਤਿ ਅਭਾવਿਤਸੀਲੋ ਅਭਾવਿਤਚਿਤ੍ਤੋ ਅਭਾવਿਤਪਞ੍ਞੋ ਪਰਿਤ੍ਤੋ ਅਪ੍ਪਾਤੁਮੋ ਅਪ੍ਪਦੁਕ੍ਖવਿਹਾਰੀ। ਏવਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਅਪ੍ਪਮਤ੍ਤਕਮ੍ਪਿ ਪਾਪਕਮ੍ਮਂ ਕਤਂ ਤਮੇਨਂ ਨਿਰਯਂ ਉਪਨੇਤਿ।
‘‘Kathaṃrūpassa, bhikkhave, puggalassa appamattakampi pāpakammaṃ kataṃ tamenaṃ nirayaṃ upaneti? Idha, bhikkhave, ekacco puggalo abhāvitakāyo hoti abhāvitasīlo abhāvitacitto abhāvitapañño paritto appātumo appadukkhavihārī. Evarūpassa, bhikkhave, puggalassa appamattakampi pāpakammaṃ kataṃ tamenaṃ nirayaṃ upaneti.
‘‘ਕਥਂਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਭਾવਿਤਕਾਯੋ ਹੋਤਿ ਭਾવਿਤਸੀਲੋ ਭਾવਿਤਚਿਤ੍ਤੋ ਭਾવਿਤਪਞ੍ਞੋ ਅਪਰਿਤ੍ਤੋ ਮਹਤ੍ਤੋ ਅਪ੍ਪਮਾਣવਿਹਾਰੀ। ਏવਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ।
‘‘Kathaṃrūpassa, bhikkhave, puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva? Idha, bhikkhave, ekacco puggalo bhāvitakāyo hoti bhāvitasīlo bhāvitacitto bhāvitapañño aparitto mahatto appamāṇavihārī. Evarūpassa, bhikkhave, puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva.
‘‘ਇਧ , ਭਿਕ੍ਖવੇ, ਏਕਚ੍ਚੋ ਅਡ੍ਢਕਹਾਪਣੇਨਪਿ ਬਨ੍ਧਨਂ ਨਿਗਚ੍ਛਤਿ, ਕਹਾਪਣੇਨਪਿ ਬਨ੍ਧਨਂ ਨਿਗਚ੍ਛਤਿ, ਕਹਾਪਣਸਤੇਨਪਿ ਬਨ੍ਧਨਂ ਨਿਗਚ੍ਛਤਿ। ਇਧ, ਭਿਕ੍ਖવੇ, ਏਕਚ੍ਚੋ ਅਡ੍ਢਕਹਾਪਣੇਨਪਿ ਨ ਬਨ੍ਧਨਂ ਨਿਗਚ੍ਛਤਿ, ਕਹਾਪਣੇਨਪਿ ਨ ਬਨ੍ਧਨਂ ਨਿਗਚ੍ਛਤਿ, ਕਹਾਪਣਸਤੇਨਪਿ ਨ ਬਨ੍ਧਨਂ ਨਿਗਚ੍ਛਤਿ।
‘‘Idha , bhikkhave, ekacco aḍḍhakahāpaṇenapi bandhanaṃ nigacchati, kahāpaṇenapi bandhanaṃ nigacchati, kahāpaṇasatenapi bandhanaṃ nigacchati. Idha, bhikkhave, ekacco aḍḍhakahāpaṇenapi na bandhanaṃ nigacchati, kahāpaṇenapi na bandhanaṃ nigacchati, kahāpaṇasatenapi na bandhanaṃ nigacchati.
‘‘ਕਥਂਰੂਪੋ, ਭਿਕ੍ਖવੇ, ਅਡ੍ਢਕਹਾਪਣੇਨਪਿ ਬਨ੍ਧਨਂ ਨਿਗਚ੍ਛਤਿ, ਕਹਾਪਣੇਨਪਿ ਬਨ੍ਧਨਂ ਨਿਗਚ੍ਛਤਿ, ਕਹਾਪਣਸਤੇਨਪਿ ਬਨ੍ਧਨਂ ਨਿਗਚ੍ਛਤਿ? ਇਧ, ਭਿਕ੍ਖવੇ, ਏਕਚ੍ਚੋ ਦਲਿਦ੍ਦੋ ਹੋਤਿ ਅਪ੍ਪਸ੍ਸਕੋ ਅਪ੍ਪਭੋਗੋ। ਏવਰੂਪੋ, ਭਿਕ੍ਖવੇ, ਅਡ੍ਢਕਹਾਪਣੇਨਪਿ ਬਨ੍ਧਨਂ ਨਿਗਚ੍ਛਤਿ, ਕਹਾਪਣੇਨਪਿ ਬਨ੍ਧਨਂ ਨਿਗਚ੍ਛਤਿ, ਕਹਾਪਣਸਤੇਨਪਿ ਬਨ੍ਧਨਂ ਨਿਗਚ੍ਛਤਿ।
‘‘Kathaṃrūpo, bhikkhave, aḍḍhakahāpaṇenapi bandhanaṃ nigacchati, kahāpaṇenapi bandhanaṃ nigacchati, kahāpaṇasatenapi bandhanaṃ nigacchati? Idha, bhikkhave, ekacco daliddo hoti appassako appabhogo. Evarūpo, bhikkhave, aḍḍhakahāpaṇenapi bandhanaṃ nigacchati, kahāpaṇenapi bandhanaṃ nigacchati, kahāpaṇasatenapi bandhanaṃ nigacchati.
‘‘ਕਥਂਰੂਪੋ, ਭਿਕ੍ਖવੇ, ਅਡ੍ਢਕਹਾਪਣੇਨਪਿ ਨ ਬਨ੍ਧਨਂ ਨਿਗਚ੍ਛਤਿ, ਕਹਾਪਣੇਨਪਿ ਨ ਬਨ੍ਧਨਂ ਨਿਗਚ੍ਛਤਿ, ਕਹਾਪਣਸਤੇਨਪਿ ਨ ਬਨ੍ਧਨਂ ਨਿਗਚ੍ਛਤਿ? ਇਧ, ਭਿਕ੍ਖવੇ, ਏਕਚ੍ਚੋ ਅਡ੍ਢੋ ਹੋਤਿ ਮਹਦ੍ਧਨੋ ਮਹਾਭੋਗੋ। ਏવਰੂਪੋ, ਭਿਕ੍ਖવੇ, ਅਡ੍ਢਕਹਾਪਣੇਨਪਿ ਨ ਬਨ੍ਧਨਂ ਨਿਗਚ੍ਛਤਿ, ਕਹਾਪਣੇਨਪਿ ਨ ਬਨ੍ਧਨਂ ਨਿਗਚ੍ਛਤਿ, ਕਹਾਪਣਸਤੇਨਪਿ ਨ ਬਨ੍ਧਨਂ ਨਿਗਚ੍ਛਤਿ। ਏવਮੇવਂ ਖੋ, ਭਿਕ੍ਖવੇ, ਇਧੇਕਚ੍ਚਸ੍ਸ ਪੁਗ੍ਗਲਸ੍ਸ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ। ਤਮੇਨਂ ਨਿਰਯਂ ਉਪਨੇਤਿ। ਇਧ , ਭਿਕ੍ਖવੇ, ਏਕਚ੍ਚਸ੍ਸ ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ।
‘‘Kathaṃrūpo, bhikkhave, aḍḍhakahāpaṇenapi na bandhanaṃ nigacchati, kahāpaṇenapi na bandhanaṃ nigacchati, kahāpaṇasatenapi na bandhanaṃ nigacchati? Idha, bhikkhave, ekacco aḍḍho hoti mahaddhano mahābhogo. Evarūpo, bhikkhave, aḍḍhakahāpaṇenapi na bandhanaṃ nigacchati, kahāpaṇenapi na bandhanaṃ nigacchati, kahāpaṇasatenapi na bandhanaṃ nigacchati. Evamevaṃ kho, bhikkhave, idhekaccassa puggalassa appamattakaṃ pāpakammaṃ kataṃ. Tamenaṃ nirayaṃ upaneti. Idha , bhikkhave, ekaccassa puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva.
‘‘ਕਥਂਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ, ਤਮੇਨਂ ਨਿਰਯਂ ਉਪਨੇਤਿ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਅਭਾવਿਤਕਾਯੋ ਹੋਤਿ ਅਭਾવਿਤਸੀਲੋ ਅਭਾવਿਤਚਿਤ੍ਤੋ ਅਭਾવਿਤਪਞ੍ਞੋ ਪਰਿਤ੍ਤੋ ਅਪ੍ਪਾਤੁਮੋ ਅਪ੍ਪਦੁਕ੍ਖવਿਹਾਰੀ। ਏવਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਤਮੇਨਂ ਨਿਰਯਂ ਉਪਨੇਤਿ।
‘‘Kathaṃrūpassa, bhikkhave, puggalassa appamattakaṃ pāpakammaṃ kataṃ, tamenaṃ nirayaṃ upaneti? Idha, bhikkhave, ekacco puggalo abhāvitakāyo hoti abhāvitasīlo abhāvitacitto abhāvitapañño paritto appātumo appadukkhavihārī. Evarūpassa, bhikkhave, puggalassa tādisaṃyeva appamattakaṃ pāpakammaṃ kataṃ tamenaṃ nirayaṃ upaneti.
‘‘ਕਥਂਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਭਾવਿਤਕਾਯੋ ਹੋਤਿ ਭਾવਿਤਸੀਲੋ ਭਾવਿਤਚਿਤ੍ਤੋ ਭਾવਿਤਪਞ੍ਞੋ ਅਪਰਿਤ੍ਤੋ ਮਹਤ੍ਤੋ ਅਪ੍ਪਮਾਣવਿਹਾਰੀ। ਏવਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ।
‘‘Kathaṃrūpassa, bhikkhave, puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva? Idha, bhikkhave, ekacco puggalo bhāvitakāyo hoti bhāvitasīlo bhāvitacitto bhāvitapañño aparitto mahatto appamāṇavihārī. Evarūpassa, bhikkhave, puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva.
‘‘ਇਧ , ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਭਾવਿਤਕਾਯੋ ਹੋਤਿ ਭਾવਿਤਸੀਲੋ ਭਾવਿਤਚਿਤ੍ਤੋ ਭਾવਿਤਪਞ੍ਞੋ ਅਪਰਿਤ੍ਤੋ ਮਹਤ੍ਤੋ ਅਪ੍ਪਮਾਣવਿਹਾਰੀ। ਏવਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ। ਸੇਯ੍ਯਥਾਪਿ, ਭਿਕ੍ਖવੇ, ਓਰਬ੍ਭਿਕੋ વਾ ਉਰਬ੍ਭਘਾਤਕੋ વਾ ਅਪ੍ਪੇਕਚ੍ਚਂ ਉਰਬ੍ਭਂ ਅਦਿਨ੍ਨਂ ਆਦਿਯਮਾਨਂ ਪਹੋਤਿ ਹਨ੍ਤੁਂ વਾ ਬਨ੍ਧਿਤੁਂ વਾ ਜਾਪੇਤੁਂ વਾ ਯਥਾਪਚ੍ਚਯਂ વਾ ਕਾਤੁਂ, ਅਪ੍ਪੇਕਚ੍ਚਂ ਉਰਬ੍ਭਂ ਅਦਿਨ੍ਨਂ ਆਦਿਯਮਾਨਂ ਨਪ੍ਪਹੋਤਿ ਹਨ੍ਤੁਂ વਾ ਬਨ੍ਧਿਤੁਂ વਾ ਜਾਪੇਤੁਂ વਾ ਯਥਾਪਚ੍ਚਯਂ વਾ ਕਾਤੁਂ।
‘‘Idha , bhikkhave, ekacco puggalo bhāvitakāyo hoti bhāvitasīlo bhāvitacitto bhāvitapañño aparitto mahatto appamāṇavihārī. Evarūpassa, bhikkhave, puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva. Seyyathāpi, bhikkhave, orabbhiko vā urabbhaghātako vā appekaccaṃ urabbhaṃ adinnaṃ ādiyamānaṃ pahoti hantuṃ vā bandhituṃ vā jāpetuṃ vā yathāpaccayaṃ vā kātuṃ, appekaccaṃ urabbhaṃ adinnaṃ ādiyamānaṃ nappahoti hantuṃ vā bandhituṃ vā jāpetuṃ vā yathāpaccayaṃ vā kātuṃ.
‘‘ਕਥਂਰੂਪਂ, ਭਿਕ੍ਖવੇ, ਓਰਬ੍ਭਿਕੋ વਾ ਉਰਬ੍ਭਘਾਤਕੋ વਾ ਉਰਬ੍ਭਂ ਅਦਿਨ੍ਨਂ ਆਦਿਯਮਾਨਂ ਪਹੋਤਿ ਹਨ੍ਤੁਂ વਾ ਬਨ੍ਧਿਤੁਂ વਾ ਜਾਪੇਤੁਂ વਾ ਯਥਾਪਚ੍ਚਯਂ વਾ ਕਾਤੁਂ? ਇਧ, ਭਿਕ੍ਖવੇ, ਏਕਚ੍ਚੋ ਦਲਿਦ੍ਦੋ ਹੋਤਿ ਅਪ੍ਪਸ੍ਸਕੋ ਅਪ੍ਪਭੋਗੋ। ਏવਰੂਪਂ , ਭਿਕ੍ਖવੇ, ਓਰਬ੍ਭਿਕੋ વਾ ਉਰਬ੍ਭਘਾਤਕੋ વਾ ਉਰਬ੍ਭਂ ਅਦਿਨ੍ਨਂ ਆਦਿਯਮਾਨਂ ਪਹੋਤਿ ਹਨ੍ਤੁਂ વਾ ਬਨ੍ਧਿਤੁਂ વਾ ਜਾਪੇਤੁਂ વਾ ਯਥਾਪਚ੍ਚਯਂ વਾ ਕਾਤੁਂ।
‘‘Kathaṃrūpaṃ, bhikkhave, orabbhiko vā urabbhaghātako vā urabbhaṃ adinnaṃ ādiyamānaṃ pahoti hantuṃ vā bandhituṃ vā jāpetuṃ vā yathāpaccayaṃ vā kātuṃ? Idha, bhikkhave, ekacco daliddo hoti appassako appabhogo. Evarūpaṃ , bhikkhave, orabbhiko vā urabbhaghātako vā urabbhaṃ adinnaṃ ādiyamānaṃ pahoti hantuṃ vā bandhituṃ vā jāpetuṃ vā yathāpaccayaṃ vā kātuṃ.
‘‘ਕਥਂਰੂਪਂ, ਭਿਕ੍ਖવੇ, ਓਰਬ੍ਭਿਕੋ વਾ ਉਰਬ੍ਭਘਾਤਕੋ વਾ ਉਰਬ੍ਭਂ ਅਦਿਨ੍ਨਂ ਆਦਿਯਮਾਨਂ ਨਪ੍ਪਹੋਤਿ ਹਨ੍ਤੁਂ વਾ ਬਨ੍ਧਿਤੁਂ વਾ ਜਾਪੇਤੁਂ વਾ ਯਥਾਪਚ੍ਚਯਂ વਾ ਕਾਤੁਂ । ਇਧ, ਭਿਕ੍ਖવੇ, ਏਕਚ੍ਚੋ ਅਡ੍ਢੋ ਹੋਤਿ ਮਹਦ੍ਧਨੋ ਮਹਾਭੋਗੋ ਰਾਜਾ વਾ ਰਾਜਮਹਾਮਤ੍ਤੋ વਾ। ਏવਰੂਪਂ, ਭਿਕ੍ਖવੇ, ਓਰਬ੍ਭਿਕੋ વਾ ਉਰਬ੍ਭਘਾਤਕੋ વਾ ਉਰਬ੍ਭਂ ਅਦਿਨ੍ਨਂ ਆਦਿਯਮਾਨਂ ਨਪ੍ਪਹੋਤਿ ਹਨ੍ਤੁਂ વਾ ਬਨ੍ਧਿਤੁਂ વਾ ਜਾਪੇਤੁਂ વਾ ਯਥਾਪਚ੍ਚਯਂ વਾ ਕਾਤੁਂ। ਅਞ੍ਞਦਤ੍ਥੁ ਪਞ੍ਜਲਿਕੋવ 15 ਨਂ 16 ਯਾਚਤਿ – ‘ਦੇਹਿ ਮੇ, ਮਾਰਿਸ, ਉਰਬ੍ਭਂ વਾ ਉਰਬ੍ਭਧਨਂ વਾ’ਤਿ। ਏવਮੇવਂ ਖੋ, ਭਿਕ੍ਖવੇ, ਇਧੇਕਚ੍ਚਸ੍ਸ ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਮ੍ਪਿ ਪਾਪਕਮ੍ਮਂ ਕਤਂ ਤਮੇਨਂ ਨਿਰਯਂ ਉਪਨੇਤਿ। ਇਧ ਪਨ, ਭਿਕ੍ਖવੇ, ਏਕਚ੍ਚਸ੍ਸ ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ।
‘‘Kathaṃrūpaṃ, bhikkhave, orabbhiko vā urabbhaghātako vā urabbhaṃ adinnaṃ ādiyamānaṃ nappahoti hantuṃ vā bandhituṃ vā jāpetuṃ vā yathāpaccayaṃ vā kātuṃ . Idha, bhikkhave, ekacco aḍḍho hoti mahaddhano mahābhogo rājā vā rājamahāmatto vā. Evarūpaṃ, bhikkhave, orabbhiko vā urabbhaghātako vā urabbhaṃ adinnaṃ ādiyamānaṃ nappahoti hantuṃ vā bandhituṃ vā jāpetuṃ vā yathāpaccayaṃ vā kātuṃ. Aññadatthu pañjalikova 17 naṃ 18 yācati – ‘dehi me, mārisa, urabbhaṃ vā urabbhadhanaṃ vā’ti. Evamevaṃ kho, bhikkhave, idhekaccassa puggalassa tādisaṃyeva appamattakampi pāpakammaṃ kataṃ tamenaṃ nirayaṃ upaneti. Idha pana, bhikkhave, ekaccassa puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva.
‘‘ਕਥਂਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਅਪ੍ਪਮਤ੍ਤਕਮ੍ਪਿ ਪਾਪਕਮ੍ਮਂ ਕਤਂ ਤਮੇਨਂ ਨਿਰਯਂ ਉਪਨੇਤਿ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਅਭਾવਿਤਕਾਯੋ ਹੋਤਿ ਅਭਾવਿਤਸੀਲੋ ਅਭਾવਿਤਚਿਤ੍ਤੋ ਅਭਾવਿਤਪਞ੍ਞੋ ਪਰਿਤ੍ਤੋ ਅਪ੍ਪਾਤੁਮੋ ਅਪ੍ਪਦੁਕ੍ਖવਿਹਾਰੀ। ਏવਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਅਪ੍ਪਮਤ੍ਤਕਮ੍ਪਿ ਪਾਪਕਮ੍ਮਂ ਕਤਂ ਤਮੇਨਂ ਨਿਰਯਂ ਉਪਨੇਤਿ।
‘‘Kathaṃrūpassa, bhikkhave, puggalassa appamattakampi pāpakammaṃ kataṃ tamenaṃ nirayaṃ upaneti? Idha, bhikkhave, ekacco puggalo abhāvitakāyo hoti abhāvitasīlo abhāvitacitto abhāvitapañño paritto appātumo appadukkhavihārī. Evarūpassa, bhikkhave, puggalassa appamattakampi pāpakammaṃ kataṃ tamenaṃ nirayaṃ upaneti.
‘‘ਕਥਂਰੂਪਸ੍ਸ , ਭਿਕ੍ਖવੇ, ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ? ਇਧ, ਭਿਕ੍ਖવੇ, ਏਕਚ੍ਚੋ ਪੁਗ੍ਗਲੋ ਭਾવਿਤਕਾਯੋ ਹੋਤਿ ਭਾવਿਤਸੀਲੋ ਭਾવਿਤਚਿਤ੍ਤੋ ਭਾવਿਤਪਞ੍ਞੋ ਅਪਰਿਤ੍ਤੋ ਮਹਤ੍ਤੋ ਅਪ੍ਪਮਾਣવਿਹਾਰੀ। ਏવਰੂਪਸ੍ਸ, ਭਿਕ੍ਖવੇ, ਪੁਗ੍ਗਲਸ੍ਸ ਤਾਦਿਸਂਯੇવ ਅਪ੍ਪਮਤ੍ਤਕਂ ਪਾਪਕਮ੍ਮਂ ਕਤਂ ਦਿਟ੍ਠਧਮ੍ਮવੇਦਨੀਯਂ ਹੋਤਿ, ਨਾਣੁਪਿ ਖਾਯਤਿ, ਕਿਂ ਬਹੁਦੇવ।
‘‘Kathaṃrūpassa , bhikkhave, puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva? Idha, bhikkhave, ekacco puggalo bhāvitakāyo hoti bhāvitasīlo bhāvitacitto bhāvitapañño aparitto mahatto appamāṇavihārī. Evarūpassa, bhikkhave, puggalassa tādisaṃyeva appamattakaṃ pāpakammaṃ kataṃ diṭṭhadhammavedanīyaṃ hoti, nāṇupi khāyati, kiṃ bahudeva.
‘‘ਯੋ, ਭਿਕ੍ਖવੇ, ਏવਂ વਦੇਯ੍ਯ – ‘ਯਥਾ ਯਥਾਯਂ ਪੁਰਿਸੋ ਕਮ੍ਮਂ ਕਰੋਤਿ ਤਥਾ ਤਥਾ ਤਂ ਪਟਿਸਂવੇਦੇਤੀ’ਤਿ, ਏવਂ ਸਨ੍ਤਂ, ਭਿਕ੍ਖવੇ, ਬ੍ਰਹ੍ਮਚਰਿਯવਾਸੋ ਨ ਹੋਤਿ, ਓਕਾਸੋ ਨ ਪਞ੍ਞਾਯਤਿ ਸਮ੍ਮਾ ਦੁਕ੍ਖਸ੍ਸ ਅਨ੍ਤਕਿਰਿਯਾਯ। ਯੋ ਚ ਖੋ, ਭਿਕ੍ਖવੇ, ਏવਂ વਦੇਯ੍ਯ – ‘ਯਥਾ ਯਥਾ વੇਦਨੀਯਂ ਅਯਂ ਪੁਰਿਸੋ ਕਮ੍ਮਂ ਕਰੋਤਿ ਤਥਾ ਤਥਾ ਤਸ੍ਸ વਿਪਾਕਂ ਪਟਿਸਂવੇਦੇਤੀ’ਤਿ, ਏવਂ ਸਨ੍ਤਂ, ਭਿਕ੍ਖવੇ, ਬ੍ਰਹ੍ਮਚਰਿਯવਾਸੋ ਹੋਤਿ, ਓਕਾਸੋ ਪਞ੍ਞਾਯਤਿ ਸਮ੍ਮਾ ਦੁਕ੍ਖਸ੍ਸ ਅਨ੍ਤਕਿਰਿਯਾਯਾ’’ਤਿ। ਨવਮਂ।
‘‘Yo, bhikkhave, evaṃ vadeyya – ‘yathā yathāyaṃ puriso kammaṃ karoti tathā tathā taṃ paṭisaṃvedetī’ti, evaṃ santaṃ, bhikkhave, brahmacariyavāso na hoti, okāso na paññāyati sammā dukkhassa antakiriyāya. Yo ca kho, bhikkhave, evaṃ vadeyya – ‘yathā yathā vedanīyaṃ ayaṃ puriso kammaṃ karoti tathā tathā tassa vipākaṃ paṭisaṃvedetī’ti, evaṃ santaṃ, bhikkhave, brahmacariyavāso hoti, okāso paññāyati sammā dukkhassa antakiriyāyā’’ti. Navamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੯. ਲੋਣਕਪਲ੍ਲਸੁਤ੍ਤવਣ੍ਣਨਾ • 9. Loṇakapallasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੯. ਲੋਣਕਪਲ੍ਲਸੁਤ੍ਤવਣ੍ਣਨਾ • 9. Loṇakapallasuttavaṇṇanā
