| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. лон̣агабалласуд̇д̇аван̣н̣анаа
9. Loṇakapallasuttavaṇṇanā
101. навамз яат̇аа яат̇ааяанд̇и яат̇аа яат̇аа аяам̣. д̇ат̇аа д̇ат̇аа д̇анд̇и д̇ат̇аа д̇ат̇аа д̇ам̣ гаммам̣. ид̣̇ам̣ вуд̇д̇ам̣ ход̇и – яо звам̣ вад̣̇зяяа – ‘‘яат̇аа яат̇аа гаммам̣ гарод̇и, д̇ат̇аа д̇ат̇аасса вибаагам̣ бадисам̣взд̣̇ияад̇зва. на хи саггаа гад̇асса гаммасса вибаагам̣ бадисзд̇хзд̇ум̣. д̇асмаа яад̇д̇агам̣ гаммам̣ гарод̇и, д̇ад̇д̇агасса вибаагам̣ бадисам̣взд̣̇ияад̇зваа’’д̇и. звам̣ санд̇анд̇и звам̣ санд̇з. б̣рахмажарияаваасо на ход̇ийд̇и яам̣ маг̇г̇абхааванад̇о буб̣б̣з убабаж̇ж̇авзд̣̇анийяам̣ гаммам̣ гад̇ам̣, д̇асса авассам̣ бадисам̣взд̣̇анийяад̇д̇аа б̣рахмажарияам̣ вуд̇т̇амби авуд̇т̇амзва ход̇и. огаасо на бан̃н̃ааяад̇и саммаа д̣̇угкасса анд̇агирияааяаад̇и яасмаа жа звам̣ санд̇з д̇зна гаммааяууханан̃жзва вибаагаанубхаванаа жа ход̇и, д̇асмаа хзд̇унаа наязна ваддад̣̇угкасса анд̇агирияааяа огаасо на бан̃н̃ааяад̇и наама.
101. Navame yathā yathāyanti yathā yathā ayaṃ. Tathā tathā tanti tathā tathā taṃ kammaṃ. Idaṃ vuttaṃ hoti – yo evaṃ vadeyya – ‘‘yathā yathā kammaṃ karoti, tathā tathāssa vipākaṃ paṭisaṃvediyateva. Na hi sakkā katassa kammassa vipākaṃ paṭisedhetuṃ. Tasmā yattakaṃ kammaṃ karoti, tattakassa vipākaṃ paṭisaṃvediyatevā’’ti. Evaṃ santanti evaṃ sante. Brahmacariyavāso na hotīti yaṃ maggabhāvanato pubbe upapajjavedanīyaṃ kammaṃ kataṃ, tassa avassaṃ paṭisaṃvedanīyattā brahmacariyaṃ vutthampi avutthameva hoti. Okāso na paññāyati sammā dukkhassa antakiriyāyāti yasmā ca evaṃ sante tena kammāyūhanañceva vipākānubhavanā ca hoti, tasmā hetunā nayena vaṭṭadukkhassa antakiriyāya okāso na paññāyati nāma.
яат̇аа яат̇аа взд̣̇анийяанд̇и язна язнаагаарзна взд̣̇ид̇аб̣б̣ам̣. д̇ат̇аа д̇ат̇аасса вибаагам̣ бадисам̣взд̣̇ияад̇ийд̇и д̇зна д̇знаагаарзна асса вибаагам̣ бажжанубход̇и. ид̣̇ам̣ вуд̇д̇ам̣ ход̇и – яад̣̇зд̇ам̣ сад̇д̇асу ж̇аванзсу батамаж̇аванагаммам̣ сад̇и бажжаяз вибаагаваарам̣ лабханд̇амзва д̣̇идтад̇хаммавзд̣̇анийяам̣ ход̇и, асад̇и ахосигаммам̣ наама. яан̃жа сад̇д̇амаж̇аванагаммам̣ сад̇и бажжаяз убабаж̇ж̇авзд̣̇анийяам̣ ход̇и, асад̇и ахосигаммам̣ наама. яан̃жа маж̇жхз бан̃жаж̇аванагаммам̣ яаава сам̣саараббавад̇д̇и, д̇аава абарабарияааяавзд̣̇анийяам̣ наама ход̇и. зд̇зсу аагаарзсу язна язнаагаарзна взд̣̇ид̇аб̣б̣ам̣ гаммам̣ аяам̣ бурисо гарод̇и, д̇зна д̇знзвасса вибаагам̣ бадисам̣взд̣̇ияад̇и наама. адтагат̇ааяан̃хи лад̣̇д̇хавибаагаваарамзва гаммам̣ яат̇аавзд̣̇анийяам̣ гаммам̣ наамаад̇и вуд̇д̇ам̣. звам̣ санд̇ам̣, бхигкавз, б̣рахмажарияаваасо ход̇ийд̇и гаммагкаяагарасса б̣рахмажарияасса кзбзд̇аб̣б̣агаммасамбхавад̇о ваасо наама ход̇и, вуд̇т̇ам̣ сувуд̇т̇амзва ход̇ийд̇и ад̇т̇о. огаасо бан̃н̃ааяад̇и саммаа д̣̇угкасса анд̇агирияааяаад̇и яасмаа звам̣ санд̇з д̇зна д̇зна маг̇г̇зна абхисан̇кааравин̃н̃аан̣асса нирод̇хзна д̇зсу д̇зсу бхавзсу ааяад̇им̣ ваддад̣̇угкам̣ на уббаж̇ж̇ад̇и, д̇асмаа огаасо бан̃н̃ааяад̇и саммаа д̣̇угкасса анд̇агирияааяа.
Yathā yathā vedanīyanti yena yenākārena veditabbaṃ. Tathātathāssa vipākaṃ paṭisaṃvediyatīti tena tenākārena assa vipākaṃ paccanubhoti. Idaṃ vuttaṃ hoti – yadetaṃ sattasu javanesu paṭhamajavanakammaṃ sati paccaye vipākavāraṃ labhantameva diṭṭhadhammavedanīyaṃ hoti, asati ahosikammaṃ nāma. Yañca sattamajavanakammaṃ sati paccaye upapajjavedanīyaṃ hoti, asati ahosikammaṃ nāma. Yañca majjhe pañcajavanakammaṃ yāva saṃsārappavatti, tāva aparapariyāyavedanīyaṃ nāma hoti. Etesu ākāresu yena yenākārena veditabbaṃ kammaṃ ayaṃ puriso karoti, tena tenevassa vipākaṃ paṭisaṃvediyati nāma. Aṭṭhakathāyañhi laddhavipākavārameva kammaṃ yathāvedanīyaṃ kammaṃ nāmāti vuttaṃ. Evaṃ santaṃ, bhikkhave, brahmacariyavāso hotīti kammakkhayakarassa brahmacariyassa khepetabbakammasambhavato vāso nāma hoti, vutthaṃ suvutthameva hotīti attho. Okāso paññāyati sammā dukkhassa antakiriyāyāti yasmā evaṃ sante tena tena maggena abhisaṅkhāraviññāṇassa nirodhena tesu tesu bhavesu āyatiṃ vaṭṭadukkhaṃ na uppajjati, tasmā okāso paññāyati sammā dukkhassa antakiriyāya.
ид̣̇аани д̇ам̣ яат̇аавзд̣̇анийяагаммасабхаавам̣ д̣̇ассзнд̇о ид̇ха, бхигкавз, згажжассаад̇иаад̣̇имааха. д̇ад̇т̇а аббамад̇д̇аганд̇и барид̇д̇ам̣ т̇огам̣ манд̣̇ам̣ лаамагам̣. д̇аад̣̇исам̣язваад̇и д̇ам̣саригкагамзва. д̣̇идтад̇хаммавзд̣̇анийяанд̇и д̇асмим̣ гаммзязва д̣̇идтад̇хаммз вибажжид̇аб̣б̣ам̣ вибаагаваарам̣ лабханд̇ам̣ д̣̇идтад̇хаммавзд̣̇анийяам̣ ход̇и. наан̣уби кааяад̇ийд̇и д̣̇уд̇ияз ад̇д̇абхаавз ан̣уби на кааяад̇и, ан̣умад̇д̇амби д̣̇уд̇ияз ад̇д̇абхаавз вибаагам̣ на д̣̇зд̇ийд̇и ад̇т̇о. б̣ахуд̣̇зваад̇и б̣ахугам̣ бана вибаагам̣ гимзва д̣̇ассад̇ийд̇и ад̇хиббааяо. абхаавид̇агааяод̇иаад̣̇ийхи гааяабхааванаарахид̇о ваддаг̇аамий бут̇уж̇ж̇ано д̣̇ассид̇о. барид̇д̇од̇и барид̇д̇аг̇ун̣о. аббаад̇умод̇и аад̇умаа вужжад̇и ад̇д̇абхааво, д̇асмим̣ маханд̇зби г̇ун̣абарид̇д̇ад̇ааяа аббаад̇умоязва. аббад̣̇угкавихаарийд̇и аббагзнаби баабзна д̣̇угкавихаарий. бхаавид̇агааяод̇иаад̣̇ийхи кийн̣аасаво д̣̇ассид̇о. со хи гааяаанубассанаасан̇каад̇ааяа гааяабхааванааяа бхаавид̇агааяо наама. гааяасса ваа вад̣дхид̇ад̇д̇аа бхаавид̇агааяо. бхаавид̇асийлод̇и вад̣дхид̇асийло. сзсабад̣̇ад̣̇ваязби зсзва наяо. бан̃жад̣̇ваарабхааванааяа ваа бхаавид̇агааяо. зд̇зна инд̣̇рияасам̣варасийлам̣ вуд̇д̇ам̣, бхаавид̇асийлод̇и иминаа сзсаани д̇ийн̣и сийлаани. абарид̇д̇од̇и на барид̇д̇аг̇ун̣о. махад̇д̇од̇и ад̇д̇абхаавз барид̇д̇зби г̇ун̣амаханд̇ад̇ааяа махад̇д̇о. аббамаан̣авихаарийд̇и кийн̣аасавассзд̇ам̣ наамамзва. со хи бамаан̣агараанам̣ рааг̇аад̣̇ийнам̣ абхаавзна аббамаан̣авихаарий наама.
Idāni taṃ yathāvedanīyakammasabhāvaṃ dassento idha, bhikkhave, ekaccassātiādimāha. Tattha appamattakanti parittaṃ thokaṃ mandaṃ lāmakaṃ. Tādisaṃyevāti taṃsarikkhakameva. Diṭṭhadhammavedanīyanti tasmiṃ kammeyeva diṭṭhadhamme vipaccitabbaṃ vipākavāraṃ labhantaṃ diṭṭhadhammavedanīyaṃ hoti. Nāṇupi khāyatīti dutiye attabhāve aṇupi na khāyati, aṇumattampi dutiye attabhāve vipākaṃ na detīti attho. Bahudevāti bahukaṃ pana vipākaṃ kimeva dassatīti adhippāyo. Abhāvitakāyotiādīhi kāyabhāvanārahito vaṭṭagāmī puthujjano dassito. Parittoti parittaguṇo. Appātumoti ātumā vuccati attabhāvo, tasmiṃ mahantepi guṇaparittatāya appātumoyeva. Appadukkhavihārīti appakenapi pāpena dukkhavihārī. Bhāvitakāyotiādīhi khīṇāsavo dassito. So hi kāyānupassanāsaṅkhātāya kāyabhāvanāya bhāvitakāyo nāma. Kāyassa vā vaḍḍhitattā bhāvitakāyo. Bhāvitasīloti vaḍḍhitasīlo. Sesapadadvayepi eseva nayo. Pañcadvārabhāvanāya vā bhāvitakāyo. Etena indriyasaṃvarasīlaṃ vuttaṃ, bhāvitasīloti iminā sesāni tīṇi sīlāni. Aparittoti na parittaguṇo. Mahattoti attabhāve parittepi guṇamahantatāya mahatto. Appamāṇavihārīti khīṇāsavassetaṃ nāmameva. So hi pamāṇakarānaṃ rāgādīnaṃ abhāvena appamāṇavihārī nāma.
барид̇д̇зд̇и куд̣̇д̣̇агз. уд̣̇агамаллагзд̇и уд̣̇агасараавз. ораб̣бхигод̇и ураб̣бхасаамиго. ураб̣бхагхаад̇агод̇и суунагааро. ж̇аабзд̇ум̣ ваад̇и д̇ханаж̇аанияаа ж̇аабзд̇ум̣. жхаабзд̇унд̇иби баато, аяамзвад̇т̇о. яат̇аабажжаяам̣ ваа гаад̇унд̇и яат̇аа ижчад̇и, д̇ат̇аа гаад̇ум̣. ураб̣бхад̇хананд̇и зл̣агааг̇гханагамуулам̣. со банасса сажз ижчад̇и, д̣̇зд̇и. но жз ижчад̇и, г̇ийвааяам̣ г̇ахзд̇ваа ниггад̣дхаабзд̇и. сзсам̣ вуд̇д̇анаязнзва взд̣̇ид̇аб̣б̣ам̣. имасмим̣ бана суд̇д̇з ваддавиваддам̣ гат̇ид̇анд̇и.
Paritteti khuddake. Udakamallaketi udakasarāve. Orabbhikoti urabbhasāmiko. Urabbhaghātakoti sūnakāro. Jāpetuṃ vāti dhanajāniyā jāpetuṃ. Jhāpetuntipi pāṭho, ayamevattho. Yathāpaccayaṃ vā kātunti yathā icchati, tathā kātuṃ. Urabbhadhananti eḷakaagghanakamūlaṃ. So panassa sace icchati, deti. No ce icchati, gīvāyaṃ gahetvā nikkaḍḍhāpeti. Sesaṃ vuttanayeneva veditabbaṃ. Imasmiṃ pana sutte vaṭṭavivaṭṭaṃ kathitanti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. лон̣агабалласуд̇д̇ам̣ • 9. Loṇakapallasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. лон̣агабалласуд̇д̇аван̣н̣анаа • 9. Loṇakapallasuttavaṇṇanā
