| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. лон̣агабалласуд̇д̇аван̣н̣анаа
9. Loṇakapallasuttavaṇṇanā
101. навамз яат̇аа яат̇аа гаммам̣ гарод̇ийд̇и язна язна багаарзна баан̣агхаад̇аад̣̇ибаабагаммам̣ гарод̇и. вибаагам̣ бадисам̣взд̣̇ияад̇зваад̇и авад̇хааран̣зна гаммасид̣̇д̇хияам̣ д̇аб̣б̣ибаагасса аббавад̇д̇и наама над̇т̇ийд̇и д̣̇ийбзд̇и. д̇знзвааха ‘‘на хи саггаа’’д̇иаад̣̇и. звам̣ санд̇анд̇и бхуммад̇т̇з убаяог̇аважананд̇и ааха ‘‘звам̣ санд̇з’’д̇и. абхисан̇кааравин̃н̃аан̣анирод̇хзнаад̇и гаммавин̃н̃аан̣асса ааяад̇им̣ ануббад̇д̇ид̇хаммад̇аабаж̇ж̇анзна.
101. Navame yathā yathā kammaṃ karotīti yena yena pakārena pāṇaghātādipāpakammaṃ karoti. Vipākaṃ paṭisaṃvediyatevāti avadhāraṇena kammasiddhiyaṃ tabbipākassa appavatti nāma natthīti dīpeti. Tenevāha ‘‘na hi sakkā’’tiādi. Evaṃ santanti bhummatthe upayogavacananti āha ‘‘evaṃ sante’’ti. Abhisaṅkhāraviññāṇanirodhenāti kammaviññāṇassa āyatiṃ anuppattidhammatāpajjanena.
‘‘аяамби ко гааяо звам̣д̇хаммо звам̣бхаавий звам̣анад̇ийд̇о’’д̇иаад̣̇инаа гааяасса асубхаанижжаад̣̇иаагаараанубассанаа гааяабхааванаад̇и ааха ‘‘гааяаанубассанаасан̇каад̇ааяа д̇ааяа бхааванааяаа’’д̇и. рааг̇аад̣̇ийнанд̇и аад̣̇и-сад̣̇д̣̇зна д̣̇осамохаанам̣ сан̇г̇ахо д̣̇адтаб̣б̣о. ‘‘рааг̇о ко, аавусо, бамаан̣агаран̣о, д̣̇осо бамаан̣агаран̣о, мохо бамаан̣агаран̣о, д̇з кийн̣аасавасса бхигкуно бахийнаа ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа’’д̇и (ма. ни. 1.459) хи вуд̇д̇ам̣.
‘‘Ayampi kho kāyo evaṃdhammo evaṃbhāvī evaṃanatīto’’tiādinā kāyassa asubhāniccādiākāraanupassanā kāyabhāvanāti āha ‘‘kāyānupassanāsaṅkhātāya tāya bhāvanāyā’’ti. Rāgādīnanti ādi-saddena dosamohānaṃ saṅgaho daṭṭhabbo. ‘‘Rāgo kho, āvuso, pamāṇakaraṇo, doso pamāṇakaraṇo, moho pamāṇakaraṇo, te khīṇāsavassa bhikkhuno pahīnā ucchinnamūlā tālāvatthukatā anabhāvaṃkatā āyatiṃ anuppādadhammā’’ti (ma. ni. 1.459) hi vuttaṃ.
яат̇аа хи баб̣б̣ад̇абаад̣̇з бууд̇ибан̣н̣асса уд̣̇агам̣ наама ход̇и, гаал̣аван̣н̣ам̣ ологзнд̇аанам̣ б̣яаамасад̇ам̣ г̇амбхийрам̣ вияа кааяад̇и, яадтим̣ ваа раж̇ж̇ум̣ ваа г̇ахзд̇ваа минанд̇асса бидтибаад̣̇од̣̇д̇харан̣амад̇д̇амби на ход̇и, звамзва згажжасса яаава рааг̇аад̣̇аяо нуббаж̇ж̇анд̇и, д̇аава д̇ам̣ буг̇г̇алам̣ сан̃ж̇аанид̇ум̣ на саггаа ход̇и, сод̇аабанно вияа сагад̣̇ааг̇аамий вияа анааг̇аамий вияа жа кааяад̇и. яад̣̇аа банасса рааг̇аад̣̇аяо уббаж̇ж̇анд̇и, д̇ад̣̇аа рад̇д̇о д̣̇удто муул̣ход̇и бан̃н̃ааяад̇и. ид̇и д̇з рааг̇аад̣̇аяо ‘‘зд̇д̇аго аяа’’нд̇и буг̇г̇аласса бамаан̣ам̣ д̣̇ассзнд̇аава уббаж̇ж̇анд̇ийд̇и бамаан̣агаран̣аа наама вуд̇д̇аа.
Yathā hi pabbatapāde pūtipaṇṇassa udakaṃ nāma hoti, kāḷavaṇṇaṃ olokentānaṃ byāmasataṃ gambhīraṃ viya khāyati, yaṭṭhiṃ vā rajjuṃ vā gahetvā minantassa piṭṭhipādoddharaṇamattampi na hoti, evameva ekaccassa yāva rāgādayo nuppajjanti, tāva taṃ puggalaṃ sañjānituṃ na sakkā hoti, sotāpanno viya sakadāgāmī viya anāgāmī viya ca khāyati. Yadā panassa rāgādayo uppajjanti, tadā ratto duṭṭho mūḷhoti paññāyati. Iti te rāgādayo ‘‘ettako aya’’nti puggalassa pamāṇaṃ dassentāva uppajjantīti pamāṇakaraṇā nāma vuttā.
ж̇аабзд̇унд̇и ж̇инад̇ханам̣ гаад̇ум̣. сод̇и рааж̇аа, махаамад̇д̇о ваа. ассаад̇и ан̃ж̇алим̣ баг̇г̇ахзд̇ваа яаажанд̇асса. сзсамзд̇т̇а уд̇д̇аанамзва.
Jāpetunti jinadhanaṃ kātuṃ. Soti rājā, mahāmatto vā. Assāti añjaliṃ paggahetvā yācantassa. Sesamettha uttānameva.
лон̣агабалласуд̇д̇аван̣н̣анаа нидтид̇аа.
Loṇakapallasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. лон̣агабалласуд̇д̇ам̣ • 9. Loṇakapallasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. лон̣агабалласуд̇д̇аван̣н̣анаа • 9. Loṇakapallasuttavaṇṇanā
