| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. மச்ச²ப³ந்த⁴ஸுத்தவண்ணனா
8. Macchabandhasuttavaṇṇanā
18. அட்ட²மே மச்சி²கந்தி மச்ச²கா⁴தகங். ஹத்தி²னா யாதீதி ஹத்தி²யாயீ. பரதோபி ஏஸேவ நயோ. வஜ்ஜே²தி வதி⁴தப்³பே³. வதா⁴யனீதேதி வதா⁴ய உபனீதே. பாபகேன மனஸாதி லாமகேன வத⁴கசித்தேன. பாளியங் பன வதா⁴யுபனீதேதி லிக²ந்தி. மாக³விகோதி மிக³கா⁴தகோ. கோ பன வாதோ³ மனுஸ்ஸபூ⁴தந்தி யோ மனுஸ்ஸபூ⁴தங் பாபகேன மனஸா அனுபெக்க²தி, தஸ்ஸ ஸம்பத்தியா அபா⁴வே கிமேவ வத்தப்³ப³ங். இத³ங் பாபகஸ்ஸ கம்முனோ அனிட்ட²ப²லபா⁴வங் த³ஸ்ஸேதுங் வுத்தங். யேஸங் பன தாதி³ஸங் கம்மங் கரொந்தானம்பி யஸபடிலாபோ⁴ ஹோதி, தேஸங் தங் அகுஸலங் நிஸ்ஸாய குஸலங் விபச்சதீதி வேதி³தப்³ப³ங் . தேன பனஸ்ஸ அகுஸலகம்மேன உபஹதத்தா விபாகோ ந சிரட்டி²திகோ ஹோதி. இமஸ்மிங் ஸுத்தே அகுஸலபக்கோ²வ கதி²தோ.
18. Aṭṭhame macchikanti macchaghātakaṃ. Hatthinā yātīti hatthiyāyī. Paratopi eseva nayo. Vajjheti vadhitabbe. Vadhāyanīteti vadhāya upanīte. Pāpakena manasāti lāmakena vadhakacittena. Pāḷiyaṃ pana vadhāyupanīteti likhanti. Māgavikoti migaghātako. Ko pana vādo manussabhūtanti yo manussabhūtaṃ pāpakena manasā anupekkhati, tassa sampattiyā abhāve kimeva vattabbaṃ. Idaṃ pāpakassa kammuno aniṭṭhaphalabhāvaṃ dassetuṃ vuttaṃ. Yesaṃ pana tādisaṃ kammaṃ karontānampi yasapaṭilābho hoti, tesaṃ taṃ akusalaṃ nissāya kusalaṃ vipaccatīti veditabbaṃ . Tena panassa akusalakammena upahatattā vipāko na ciraṭṭhitiko hoti. Imasmiṃ sutte akusalapakkhova kathito.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. மச்ச²ப³ந்த⁴ஸுத்தங் • 8. Macchabandhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8. மச்ச²ப³ந்த⁴ஸுத்தவண்ணனா • 8. Macchabandhasuttavaṇṇanā
