| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৮. মচ্ছবন্ধসুত্তৰণ্ণনা
8. Macchabandhasuttavaṇṇanā
১৮. অট্ঠমে মচ্ছিকন্তি মচ্ছঘাতকং। হত্থিনা যাতীতি হত্থিযাযী। পরতোপি এসেৰ নযো। ৰজ্ঝেতি ৰধিতব্বে। ৰধাযনীতেতি ৰধায উপনীতে। পাপকেন মনসাতি লামকেন ৰধকচিত্তেন। পাল়িযং পন ৰধাযুপনীতেতি লিখন্তি। মাগৰিকোতি মিগঘাতকো। কো পন ৰাদো মনুস্সভূতন্তি যো মনুস্সভূতং পাপকেন মনসা অনুপেক্খতি, তস্স সম্পত্তিযা অভাৰে কিমেৰ ৰত্তব্বং। ইদং পাপকস্স কম্মুনো অনিট্ঠফলভাৰং দস্সেতুং ৰুত্তং। যেসং পন তাদিসং কম্মং করোন্তানম্পি যসপটিলাভো হোতি, তেসং তং অকুসলং নিস্সায কুসলং ৰিপচ্চতীতি ৰেদিতব্বং । তেন পনস্স অকুসলকম্মেন উপহতত্তা ৰিপাকো ন চিরট্ঠিতিকো হোতি। ইমস্মিং সুত্তে অকুসলপক্খোৰ কথিতো।
18. Aṭṭhame macchikanti macchaghātakaṃ. Hatthinā yātīti hatthiyāyī. Paratopi eseva nayo. Vajjheti vadhitabbe. Vadhāyanīteti vadhāya upanīte. Pāpakena manasāti lāmakena vadhakacittena. Pāḷiyaṃ pana vadhāyupanīteti likhanti. Māgavikoti migaghātako. Ko pana vādo manussabhūtanti yo manussabhūtaṃ pāpakena manasā anupekkhati, tassa sampattiyā abhāve kimeva vattabbaṃ. Idaṃ pāpakassa kammuno aniṭṭhaphalabhāvaṃ dassetuṃ vuttaṃ. Yesaṃ pana tādisaṃ kammaṃ karontānampi yasapaṭilābho hoti, tesaṃ taṃ akusalaṃ nissāya kusalaṃ vipaccatīti veditabbaṃ . Tena panassa akusalakammena upahatattā vipāko na ciraṭṭhitiko hoti. Imasmiṃ sutte akusalapakkhova kathito.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৮. মচ্ছবন্ধসুত্তং • 8. Macchabandhasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৮. মচ্ছবন্ধসুত্তৰণ্ণনা • 8. Macchabandhasuttavaṇṇanā
