| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
८. मच्छबन्धसुत्तवण्णना
8. Macchabandhasuttavaṇṇanā
१८. अट्ठमे मच्छिकन्ति मच्छघातकं। हत्थिना यातीति हत्थियायी। परतोपि एसेव नयो। वज्झेति वधितब्बे। वधायनीतेति वधाय उपनीते। पापकेन मनसाति लामकेन वधकचित्तेन। पाळियं पन वधायुपनीतेति लिखन्ति। मागविकोति मिगघातको। को पन वादो मनुस्सभूतन्ति यो मनुस्सभूतं पापकेन मनसा अनुपेक्खति, तस्स सम्पत्तिया अभावे किमेव वत्तब्बं। इदं पापकस्स कम्मुनो अनिट्ठफलभावं दस्सेतुं वुत्तं। येसं पन तादिसं कम्मं करोन्तानम्पि यसपटिलाभो होति, तेसं तं अकुसलं निस्साय कुसलं विपच्चतीति वेदितब्बं । तेन पनस्स अकुसलकम्मेन उपहतत्ता विपाको न चिरट्ठितिको होति। इमस्मिं सुत्ते अकुसलपक्खोव कथितो।
18. Aṭṭhame macchikanti macchaghātakaṃ. Hatthinā yātīti hatthiyāyī. Paratopi eseva nayo. Vajjheti vadhitabbe. Vadhāyanīteti vadhāya upanīte. Pāpakena manasāti lāmakena vadhakacittena. Pāḷiyaṃ pana vadhāyupanīteti likhanti. Māgavikoti migaghātako. Ko pana vādo manussabhūtanti yo manussabhūtaṃ pāpakena manasā anupekkhati, tassa sampattiyā abhāve kimeva vattabbaṃ. Idaṃ pāpakassa kammuno aniṭṭhaphalabhāvaṃ dassetuṃ vuttaṃ. Yesaṃ pana tādisaṃ kammaṃ karontānampi yasapaṭilābho hoti, tesaṃ taṃ akusalaṃ nissāya kusalaṃ vipaccatīti veditabbaṃ . Tena panassa akusalakammena upahatattā vipāko na ciraṭṭhitiko hoti. Imasmiṃ sutte akusalapakkhova kathito.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ८. मच्छबन्धसुत्तं • 8. Macchabandhasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ८. मच्छबन्धसुत्तवण्णना • 8. Macchabandhasuttavaṇṇanā
