| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៨. មច្ឆពន្ធសុត្តវណ្ណនា
8. Macchabandhasuttavaṇṇanā
១៨. អដ្ឋមេ មច្ឆិកន្តិ មច្ឆឃាតកំ។ ហត្ថិនា យាតីតិ ហត្ថិយាយី។ បរតោបិ ឯសេវ នយោ។ វជ្ឈេតិ វធិតព្ពេ។ វធាយនីតេតិ វធាយ ឧបនីតេ។ បាបកេន មនសាតិ លាមកេន វធកចិត្តេន។ បាឡិយំ បន វធាយុបនីតេតិ លិខន្តិ។ មាគវិកោតិ មិគឃាតកោ។ កោ បន វាទោ មនុស្សភូតន្តិ យោ មនុស្សភូតំ បាបកេន មនសា អនុបេក្ខតិ, តស្ស សម្បត្តិយា អភាវេ កិមេវ វត្តព្ពំ។ ឥទំ បាបកស្ស កម្មុនោ អនិដ្ឋផលភាវំ ទស្សេតុំ វុត្តំ។ យេសំ បន តាទិសំ កម្មំ ករោន្តានម្បិ យសបដិលាភោ ហោតិ, តេសំ តំ អកុសលំ និស្សាយ កុសលំ វិបច្ចតីតិ វេទិតព្ពំ ។ តេន បនស្ស អកុសលកម្មេន ឧបហតត្តា វិបាកោ ន ចិរដ្ឋិតិកោ ហោតិ។ ឥមស្មិំ សុត្តេ អកុសលបក្ខោវ កថិតោ។
18. Aṭṭhame macchikanti macchaghātakaṃ. Hatthinā yātīti hatthiyāyī. Paratopi eseva nayo. Vajjheti vadhitabbe. Vadhāyanīteti vadhāya upanīte. Pāpakena manasāti lāmakena vadhakacittena. Pāḷiyaṃ pana vadhāyupanīteti likhanti. Māgavikoti migaghātako. Ko pana vādo manussabhūtanti yo manussabhūtaṃ pāpakena manasā anupekkhati, tassa sampattiyā abhāve kimeva vattabbaṃ. Idaṃ pāpakassa kammuno aniṭṭhaphalabhāvaṃ dassetuṃ vuttaṃ. Yesaṃ pana tādisaṃ kammaṃ karontānampi yasapaṭilābho hoti, tesaṃ taṃ akusalaṃ nissāya kusalaṃ vipaccatīti veditabbaṃ . Tena panassa akusalakammena upahatattā vipāko na ciraṭṭhitiko hoti. Imasmiṃ sutte akusalapakkhova kathito.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៨. មច្ឆពន្ធសុត្តំ • 8. Macchabandhasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៨. មច្ឆពន្ធសុត្តវណ្ណនា • 8. Macchabandhasuttavaṇṇanā
