| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၈. မစ္ဆဗန္ဓသုတ္တဝဏ္ဏနာ
8. Macchabandhasuttavaṇṇanā
၁၈. အဋ္ဌမေ မစ္ဆိကန္တိ မစ္ဆဃာတကံ။ ဟတ္ထိနာ ယာတီတိ ဟတ္ထိယာယီ။ ပရတောပိ ဧသေဝ နယော။ ဝဇ္ဈေတိ ဝဓိတဗ္ဗေ။ ဝဓာယနီတေတိ ဝဓာယ ဥပနီတေ။ ပာပကေန မနသာတိ လာမကေန ဝဓကစိတ္တေန။ ပာဠိယံ ပန ဝဓာယုပနီတေတိ လိခန္တိ။ မာဂဝိကောတိ မိဂဃာတကော။ ကော ပန ဝာဒော မနုသ္သဘူတန္တိ ယော မနုသ္သဘူတံ ပာပကေန မနသာ အနုပေက္ခတိ, တသ္သ သမ္ပတ္တိယာ အဘာဝေ ကိမေဝ ဝတ္တဗ္ဗံ။ ဣဒံ ပာပကသ္သ ကမ္မုနော အနိဋ္ဌဖလဘာဝံ ဒသ္သေတုံ ဝုတ္တံ။ ယေသံ ပန တာဒိသံ ကမ္မံ ကရောန္တာနမ္ပိ ယသပဋိလာဘော ဟောတိ, တေသံ တံ အကုသလံ နိသ္သာယ ကုသလံ ဝိပစ္စတီတိ ဝေဒိတဗ္ဗံ ။ တေန ပနသ္သ အကုသလကမ္မေန ဥပဟတတ္တာ ဝိပာကော န စိရဋ္ဌိတိကော ဟောတိ။ ဣမသ္မိံ သုတ္တေ အကုသလပက္ခောဝ ကထိတော။
18. Aṭṭhame macchikanti macchaghātakaṃ. Hatthinā yātīti hatthiyāyī. Paratopi eseva nayo. Vajjheti vadhitabbe. Vadhāyanīteti vadhāya upanīte. Pāpakena manasāti lāmakena vadhakacittena. Pāḷiyaṃ pana vadhāyupanīteti likhanti. Māgavikoti migaghātako. Ko pana vādo manussabhūtanti yo manussabhūtaṃ pāpakena manasā anupekkhati, tassa sampattiyā abhāve kimeva vattabbaṃ. Idaṃ pāpakassa kammuno aniṭṭhaphalabhāvaṃ dassetuṃ vuttaṃ. Yesaṃ pana tādisaṃ kammaṃ karontānampi yasapaṭilābho hoti, tesaṃ taṃ akusalaṃ nissāya kusalaṃ vipaccatīti veditabbaṃ . Tena panassa akusalakammena upahatattā vipāko na ciraṭṭhitiko hoti. Imasmiṃ sutte akusalapakkhova kathito.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၈. မစ္ဆဗန္ဓသုတ္တံ • 8. Macchabandhasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၈. မစ္ဆဗန္ဓသုတ္တဝဏ္ဏနာ • 8. Macchabandhasuttavaṇṇanā
