| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೮. ಮಚ್ಛಬನ್ಧಸುತ್ತವಣ್ಣನಾ
8. Macchabandhasuttavaṇṇanā
೧೮. ಅಟ್ಠಮೇ ಮಚ್ಛಿಕನ್ತಿ ಮಚ್ಛಘಾತಕಂ। ಹತ್ಥಿನಾ ಯಾತೀತಿ ಹತ್ಥಿಯಾಯೀ। ಪರತೋಪಿ ಏಸೇವ ನಯೋ। ವಜ್ಝೇತಿ ವಧಿತಬ್ಬೇ। ವಧಾಯನೀತೇತಿ ವಧಾಯ ಉಪನೀತೇ। ಪಾಪಕೇನ ಮನಸಾತಿ ಲಾಮಕೇನ ವಧಕಚಿತ್ತೇನ। ಪಾಳಿಯಂ ಪನ ವಧಾಯುಪನೀತೇತಿ ಲಿಖನ್ತಿ। ಮಾಗವಿಕೋತಿ ಮಿಗಘಾತಕೋ। ಕೋ ಪನ ವಾದೋ ಮನುಸ್ಸಭೂತನ್ತಿ ಯೋ ಮನುಸ್ಸಭೂತಂ ಪಾಪಕೇನ ಮನಸಾ ಅನುಪೇಕ್ಖತಿ, ತಸ್ಸ ಸಮ್ಪತ್ತಿಯಾ ಅಭಾವೇ ಕಿಮೇವ ವತ್ತಬ್ಬಂ। ಇದಂ ಪಾಪಕಸ್ಸ ಕಮ್ಮುನೋ ಅನಿಟ್ಠಫಲಭಾವಂ ದಸ್ಸೇತುಂ ವುತ್ತಂ। ಯೇಸಂ ಪನ ತಾದಿಸಂ ಕಮ್ಮಂ ಕರೋನ್ತಾನಮ್ಪಿ ಯಸಪಟಿಲಾಭೋ ಹೋತಿ, ತೇಸಂ ತಂ ಅಕುಸಲಂ ನಿಸ್ಸಾಯ ಕುಸಲಂ ವಿಪಚ್ಚತೀತಿ ವೇದಿತಬ್ಬಂ । ತೇನ ಪನಸ್ಸ ಅಕುಸಲಕಮ್ಮೇನ ಉಪಹತತ್ತಾ ವಿಪಾಕೋ ನ ಚಿರಟ್ಠಿತಿಕೋ ಹೋತಿ। ಇಮಸ್ಮಿಂ ಸುತ್ತೇ ಅಕುಸಲಪಕ್ಖೋವ ಕಥಿತೋ।
18. Aṭṭhame macchikanti macchaghātakaṃ. Hatthinā yātīti hatthiyāyī. Paratopi eseva nayo. Vajjheti vadhitabbe. Vadhāyanīteti vadhāya upanīte. Pāpakena manasāti lāmakena vadhakacittena. Pāḷiyaṃ pana vadhāyupanīteti likhanti. Māgavikoti migaghātako. Ko pana vādo manussabhūtanti yo manussabhūtaṃ pāpakena manasā anupekkhati, tassa sampattiyā abhāve kimeva vattabbaṃ. Idaṃ pāpakassa kammuno aniṭṭhaphalabhāvaṃ dassetuṃ vuttaṃ. Yesaṃ pana tādisaṃ kammaṃ karontānampi yasapaṭilābho hoti, tesaṃ taṃ akusalaṃ nissāya kusalaṃ vipaccatīti veditabbaṃ . Tena panassa akusalakammena upahatattā vipāko na ciraṭṭhitiko hoti. Imasmiṃ sutte akusalapakkhova kathito.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೮. ಮಚ್ಛಬನ್ಧಸುತ್ತಂ • 8. Macchabandhasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೮. ಮಚ್ಛಬನ್ಧಸುತ್ತವಣ್ಣನಾ • 8. Macchabandhasuttavaṇṇanā
