| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
8. මච්‌ඡබන්‌ධසුත්‌තවණ්‌ණනා
8. Macchabandhasuttavaṇṇanā
18. අට්‌ඨමෙ මච්‌ඡිකන්‌ති මච්‌ඡඝාතකං. හත්‌ථිනා යාතීති හත්‌ථියායී. පරතොපි එසෙව නයො. වජ්‌ඣෙති වධිතබ්‌බෙ. වධායනීතෙති වධාය උපනීතෙ. පාපකෙන මනසාති ලාමකෙන වධකචිත්‌තෙන. පාළියං පන වධායුපනීතෙති ලිඛන්‌ති. මාගවිකොති මිගඝාතකො. කො පන වාදො මනුස්‌සභූතන්‌ති යො මනුස්‌සභූතං පාපකෙන මනසා අනුපෙක්‌ඛති, තස්‌ස සම්‌පත්‌තියා අභාවෙ කිමෙව වත්‌තබ්‌බං. ඉදං පාපකස්‌ස කම්‌මුනො අනිට්‌ඨඵලභාවං දස්‌සෙතුං වුත්‌තං. යෙසං පන තාදිසං කම්‌මං කරොන්‌තානම්‌පි යසපටිලාභො හොති, තෙසං තං අකුසලං නිස්‌සාය කුසලං විපච්‌චතීති වෙදිතබ්‌බං . තෙන පනස්‌ස අකුසලකම්‌මෙන උපහතත්‌තා විපාකො න චිරට්‌ඨිතිකො හොති. ඉමස්‌මිං සුත්‌තෙ අකුසලපක්‌ඛොව කථිතො.
18. Aṭṭhame macchikanti macchaghātakaṃ. Hatthinā yātīti hatthiyāyī. Paratopi eseva nayo. Vajjheti vadhitabbe. Vadhāyanīteti vadhāya upanīte. Pāpakena manasāti lāmakena vadhakacittena. Pāḷiyaṃ pana vadhāyupanīteti likhanti. Māgavikoti migaghātako. Ko pana vādo manussabhūtanti yo manussabhūtaṃ pāpakena manasā anupekkhati, tassa sampattiyā abhāve kimeva vattabbaṃ. Idaṃ pāpakassa kammuno aniṭṭhaphalabhāvaṃ dassetuṃ vuttaṃ. Yesaṃ pana tādisaṃ kammaṃ karontānampi yasapaṭilābho hoti, tesaṃ taṃ akusalaṃ nissāya kusalaṃ vipaccatīti veditabbaṃ . Tena panassa akusalakammena upahatattā vipāko na ciraṭṭhitiko hoti. Imasmiṃ sutte akusalapakkhova kathito.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 8. මච්‌ඡබන්‌ධසුත්‌තං • 8. Macchabandhasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 8. මච්‌ඡබන්‌ධසුත්‌තවණ්‌ණනා • 8. Macchabandhasuttavaṇṇanā
