| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൮. മച്ഛബന്ധസുത്തവണ്ണനാ
8. Macchabandhasuttavaṇṇanā
൧൮. അട്ഠമേ മച്ഛികന്തി മച്ഛഘാതകം. ഹത്ഥിനാ യാതീതി ഹത്ഥിയായീ. പരതോപി ഏസേവ നയോ. വജ്ഝേതി വധിതബ്ബേ. വധായനീതേതി വധായ ഉപനീതേ. പാപകേന മനസാതി ലാമകേന വധകചിത്തേന. പാളിയം പന വധായുപനീതേതി ലിഖന്തി. മാഗവികോതി മിഗഘാതകോ. കോ പന വാദോ മനുസ്സഭൂതന്തി യോ മനുസ്സഭൂതം പാപകേന മനസാ അനുപേക്ഖതി, തസ്സ സമ്പത്തിയാ അഭാവേ കിമേവ വത്തബ്ബം. ഇദം പാപകസ്സ കമ്മുനോ അനിട്ഠഫലഭാവം ദസ്സേതും വുത്തം. യേസം പന താദിസം കമ്മം കരോന്താനമ്പി യസപടിലാഭോ ഹോതി, തേസം തം അകുസലം നിസ്സായ കുസലം വിപച്ചതീതി വേദിതബ്ബം . തേന പനസ്സ അകുസലകമ്മേന ഉപഹതത്താ വിപാകോ ന ചിരട്ഠിതികോ ഹോതി. ഇമസ്മിം സുത്തേ അകുസലപക്ഖോവ കഥിതോ.
18. Aṭṭhame macchikanti macchaghātakaṃ. Hatthinā yātīti hatthiyāyī. Paratopi eseva nayo. Vajjheti vadhitabbe. Vadhāyanīteti vadhāya upanīte. Pāpakena manasāti lāmakena vadhakacittena. Pāḷiyaṃ pana vadhāyupanīteti likhanti. Māgavikoti migaghātako. Ko pana vādo manussabhūtanti yo manussabhūtaṃ pāpakena manasā anupekkhati, tassa sampattiyā abhāve kimeva vattabbaṃ. Idaṃ pāpakassa kammuno aniṭṭhaphalabhāvaṃ dassetuṃ vuttaṃ. Yesaṃ pana tādisaṃ kammaṃ karontānampi yasapaṭilābho hoti, tesaṃ taṃ akusalaṃ nissāya kusalaṃ vipaccatīti veditabbaṃ . Tena panassa akusalakammena upahatattā vipāko na ciraṭṭhitiko hoti. Imasmiṃ sutte akusalapakkhova kathito.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൮. മച്ഛബന്ധസുത്തം • 8. Macchabandhasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൮. മച്ഛബന്ധസുത്തവണ്ണനാ • 8. Macchabandhasuttavaṇṇanā
