| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[75] 5. мажчаж̇аад̇агаван̣н̣анаа
[75] 5. Macchajātakavaṇṇanā
абхид̇т̇анаяа баж̇ж̇уннаад̇и ид̣̇ам̣ сад̇т̇аа ж̇зд̇аванз вихаранд̇о ад̇д̇анаа вассаабид̇авассам̣ аараб̣бха гат̇зси. згасмим̣ гира самаяз госаларадтз д̣̇зво на васси, сассаани милааяанд̇и, д̇зсу д̇зсу таанзсу д̇ал̣аагабогкаран̣исараани суссанд̇и. ж̇зд̇аванад̣̇ваарагодтагасамийбз ж̇зд̇аванабогкаран̣ияааби уд̣̇агам̣ чиж̇ж̇и. галалаг̇аханам̣ бависид̇ваа нибаннз мажчагажчабз гаагагулалаад̣̇аяо ган̣аяаг̇г̇асад̣̇исзхи д̇ун̣д̣зхи годдзд̇ваа нийхарид̇ваа нийхарид̇ваа вибпанд̣̇амаанз каад̣̇анд̇и.
Abhitthanayapajjunnāti idaṃ satthā jetavane viharanto attanā vassāpitavassaṃ ārabbha kathesi. Ekasmiṃ kira samaye kosalaraṭṭhe devo na vassi, sassāni milāyanti, tesu tesu ṭhānesu taḷākapokkharaṇisarāni sussanti. Jetavanadvārakoṭṭhakasamīpe jetavanapokkharaṇiyāpi udakaṃ chijji. Kalalagahanaṃ pavisitvā nipanne macchakacchape kākakulalādayo kaṇayaggasadisehi tuṇḍehi koṭṭetvā nīharitvā nīharitvā vipphandamāne khādanti.
сад̇т̇аа мажчагажчабаанам̣ д̇ам̣ б̣яасанам̣ д̣̇исваа махаагарун̣ааяа уссаахид̇ахад̣̇аяо ‘‘аж̇ж̇а маяаа д̣̇звам̣ вассаабзд̇ум̣ ваддад̇ий’’д̇и бабхаад̇ааяа рад̇д̇ияаа сарийрабадиж̇аг̇г̇анам̣ гад̇ваа бхигкаажааравзлам̣ саллагкзд̇ваа махаабхигкусан̇гхабаривуд̇о б̣уд̣̇д̇халийлааяа саавад̇т̇ияам̣ бин̣д̣ааяа бависид̇ваа бажчаабхад̇д̇ам̣ бин̣д̣абаад̇абадигганд̇о саавад̇т̇ид̇о вихаарам̣ г̇ажчанд̇о ж̇зд̇аванабогкаран̣ияаа собаанз тад̇ваа аананд̣̇ад̇т̇зрам̣ ааманд̇зси ‘‘аананд̣̇а, уд̣̇агасаадигам̣ аахара, ж̇зд̇аванабогкаран̣ияам̣ нхааяиссаамий’’д̇и. ‘‘нану, бханд̇з, ж̇зд̇аванабогкаран̣ияам̣ уд̣̇агам̣ чиннам̣, галаламад̇д̇амзва авасидта’’нд̇и? ‘‘аананд̣̇а, б̣уд̣̇д̇хаб̣алам̣ наама маханд̇ам̣, аахара д̇вам̣ уд̣̇агасаадига’’нд̇и. т̇зро аахарид̇ваа ад̣̇ааси. сад̇т̇аа згзнанд̇зна уд̣̇агасаадигам̣ ниваасзд̇ваа згзнанд̇зна сарийрам̣ баарубид̇ваа ‘‘ж̇зд̇аванабогкаран̣ияам̣ нхааяиссаамий’’д̇и собаанз адтааси. д̇ан̇кан̣ан̃н̃зва саггасса бан̣д̣угамб̣аласилаасанам̣ ун̣хаагаарам̣ д̣̇ассзси. со ‘‘гим̣ ну ко’’д̇и ааваж̇ж̇знд̇о д̇ам̣ гааран̣ам̣ н̃ад̇ваа вассавалаахагад̣̇зварааж̇аанам̣ баггосаабзд̇ваа ‘‘д̇аад̇а, сад̇т̇аа ‘ж̇зд̇аванабогкаран̣ияам̣ нхааяиссаамий’д̇и д̇хурасобаанз тид̇о, киббам̣ сагалагосаларадтам̣ згамзгхам̣ гад̇ваа вассаабзхий’’д̇и. со ‘‘саад̇хуу’’д̇и самбадижчид̇ваа згам̣ валаахагам̣ ниваасзд̇ваа згам̣ баарубид̇ваа мзгхаг̇ийд̇ам̣ г̇ааяанд̇о баажийналогад̇хаад̇уабхимуко багканд̣̇и. баажийнад̣̇исаабхааг̇з каламан̣д̣аламад̇д̇ам̣ згам̣ мзгхабадалам̣ удтааяа сад̇абадалам̣ сахассабадалам̣ худ̇ваа абхид̇т̇ананд̇ам̣ виж̇ж̇улад̇аа нижчаарзнд̇ам̣ ад̇хомукам̣ табид̇ауд̣̇агагумбхаагаарзна вассамаанам̣ сагалагосаларадтам̣ махогхзна вияа аж̇жход̇т̇ари. д̣̇зво ажчиннад̇хаарам̣ вассанд̇о мухуд̇д̇знзва ж̇зд̇аванабогкаран̣им̣ буурзси, д̇хурасобаанам̣ аахажжа уд̣̇агам̣ адтааси.
Satthā macchakacchapānaṃ taṃ byasanaṃ disvā mahākaruṇāya ussāhitahadayo ‘‘ajja mayā devaṃ vassāpetuṃ vaṭṭatī’’ti pabhātāya rattiyā sarīrapaṭijagganaṃ katvā bhikkhācāravelaṃ sallakkhetvā mahābhikkhusaṅghaparivuto buddhalīlāya sāvatthiyaṃ piṇḍāya pavisitvā pacchābhattaṃ piṇḍapātapaṭikkanto sāvatthito vihāraṃ gacchanto jetavanapokkharaṇiyā sopāne ṭhatvā ānandattheraṃ āmantesi ‘‘ānanda, udakasāṭikaṃ āhara, jetavanapokkharaṇiyaṃ nhāyissāmī’’ti. ‘‘Nanu, bhante, jetavanapokkharaṇiyaṃ udakaṃ chinnaṃ, kalalamattameva avasiṭṭha’’nti? ‘‘Ānanda, buddhabalaṃ nāma mahantaṃ, āhara tvaṃ udakasāṭika’’nti. Thero āharitvā adāsi. Satthā ekenantena udakasāṭikaṃ nivāsetvā ekenantena sarīraṃ pārupitvā ‘‘jetavanapokkharaṇiyaṃ nhāyissāmī’’ti sopāne aṭṭhāsi. Taṅkhaṇaññeva sakkassa paṇḍukambalasilāsanaṃ uṇhākāraṃ dassesi. So ‘‘kiṃ nu kho’’ti āvajjento taṃ kāraṇaṃ ñatvā vassavalāhakadevarājānaṃ pakkosāpetvā ‘‘tāta, satthā ‘jetavanapokkharaṇiyaṃ nhāyissāmī’ti dhurasopāne ṭhito, khippaṃ sakalakosalaraṭṭhaṃ ekameghaṃ katvā vassāpehī’’ti. So ‘‘sādhū’’ti sampaṭicchitvā ekaṃ valāhakaṃ nivāsetvā ekaṃ pārupitvā meghagītaṃ gāyanto pācīnalokadhātuabhimukho pakkhandi. Pācīnadisābhāge khalamaṇḍalamattaṃ ekaṃ meghapaṭalaṃ uṭṭhāya satapaṭalaṃ sahassapaṭalaṃ hutvā abhitthanantaṃ vijjulatā nicchārentaṃ adhomukhaṃ ṭhapitaudakakumbhākārena vassamānaṃ sakalakosalaraṭṭhaṃ mahoghena viya ajjhotthari. Devo acchinnadhāraṃ vassanto muhutteneva jetavanapokkharaṇiṃ pūresi, dhurasopānaṃ āhacca udakaṃ aṭṭhāsi.
сад̇т̇аа богкаран̣ияам̣ нхааяид̇ваа сурад̇д̇ад̣̇убаддам̣ ниваасзд̇ваа гааяаб̣анд̇ханам̣ б̣анд̇хид̇ваа суг̇ад̇амахаажийварам̣ згам̣сам̣ гад̇ваа бхигкусан̇гхабаривуд̇о г̇анд̇ваа г̇анд̇хагудибаривзн̣з бан̃н̃ад̇д̇авараб̣уд̣̇д̇хаасанз нисийд̣̇ид̇ваа бхигкусан̇гхзна вад̇д̇з д̣̇ассид̇з удтааяа ман̣исобаанапалагз тад̇ваа бхигкусан̇гхасса оваад̣̇ам̣ д̣̇ад̇ваа уяяож̇зд̇ваа сурабхиг̇анд̇хагудим̣ бависид̇ваа д̣̇агкин̣зна бассзна сийхасзяяам̣ габбзд̇ваа сааяанхасамаяз д̇хаммасабхааяам̣ саннибад̇ид̇аанам̣ бхигкуунам̣ ‘‘бассат̇аавусо, д̣̇асаб̣аласса канд̇имзд̇д̇аануд̣̇д̣̇аяасамбад̇д̇им̣, вивид̇хасассзсу милааяанд̇зсу наанааж̇алаасаязсу суссанд̇зсу мажчагажчабзсу махаад̣̇угкам̣ баабун̣анд̇зсу гаарун̃н̃ам̣ бадижжа ‘махааж̇анам̣ д̣̇угкаа можзссаамий’д̇и уд̣̇агасаадигам̣ ниваасзд̇ваа ж̇зд̇аванабогкаран̣ияаа д̇хурасобаанз тад̇ваа мухуд̇д̇зна сагалагосаларадтам̣ махогхзна обилаабзнд̇о вияа д̣̇звам̣ вассаабзд̇ваа махааж̇анам̣ гааяигажзд̇асигад̣̇угкад̇о можзд̇ваа вихаарам̣ бавидто’’д̇и гат̇ааяа вад̇д̇амаанааяа г̇анд̇хагудид̇о нигкамид̇ваа д̇хаммасабхам̣ ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, д̇ат̇ааг̇ад̇о ид̣̇аанзва махааж̇анз гиламанд̇з д̣̇звам̣ вассаабзд̇и, буб̣б̣з д̇иражчаанаяонияам̣ ниб̣б̣ад̇д̇ид̇ваа мажчарааж̇агаалзби вассаабзсиязваа’’д̇и вад̇ваа ад̇ийд̇ам̣ аахари.
Satthā pokkharaṇiyaṃ nhāyitvā surattadupaṭṭaṃ nivāsetvā kāyabandhanaṃ bandhitvā sugatamahācīvaraṃ ekaṃsaṃ katvā bhikkhusaṅghaparivuto gantvā gandhakuṭipariveṇe paññattavarabuddhāsane nisīditvā bhikkhusaṅghena vatte dassite uṭṭhāya maṇisopānaphalake ṭhatvā bhikkhusaṅghassa ovādaṃ datvā uyyojetvā surabhigandhakuṭiṃ pavisitvā dakkhiṇena passena sīhaseyyaṃ kappetvā sāyanhasamaye dhammasabhāyaṃ sannipatitānaṃ bhikkhūnaṃ ‘‘passathāvuso, dasabalassa khantimettānuddayasampattiṃ, vividhasassesu milāyantesu nānājalāsayesu sussantesu macchakacchapesu mahādukkhaṃ pāpuṇantesu kāruññaṃ paṭicca ‘mahājanaṃ dukkhā mocessāmī’ti udakasāṭikaṃ nivāsetvā jetavanapokkharaṇiyā dhurasopāne ṭhatvā muhuttena sakalakosalaraṭṭhaṃ mahoghena opilāpento viya devaṃ vassāpetvā mahājanaṃ kāyikacetasikadukkhato mocetvā vihāraṃ paviṭṭho’’ti kathāya vattamānāya gandhakuṭito nikkhamitvā dhammasabhaṃ āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, tathāgato idāneva mahājane kilamante devaṃ vassāpeti, pubbe tiracchānayoniyaṃ nibbattitvā maccharājakālepi vassāpesiyevā’’ti vatvā atītaṃ āhari.
ад̇ийд̇з имасмим̣язва госаларадтз имиссаа саавад̇т̇ияаа имасмим̣язва ж̇зд̇аванабогкаран̣идтаанз згаа валлиг̇аханабаригкид̇д̇аа ганд̣̇араа ахоси. д̇ад̣̇аа б̣од̇хисад̇д̇о мажчаяонияам̣ ниб̣б̣ад̇д̇ид̇ваа мажчаг̇ан̣абаривуд̇о д̇ад̇т̇а бадивасад̇и. яат̇аа бана ид̣̇аани, звамзва д̇ад̣̇ааби д̇асмим̣ радтз д̣̇зво на васси, мануссаанам̣ сассаани милааяим̣су, ваабид̇ал̣аагаганд̣̇араад̣̇ийсу уд̣̇агам̣ чиж̇ж̇и, мажчагажчабаа галалаг̇аханам̣ бависим̣су. имиссааби ганд̣̇арааяа мажчагажчабаа галалаг̇аханам̣ бависид̇ваа д̇асмим̣ д̇асмим̣ таанз нилийяим̣су. гаагаад̣̇аяо д̇ун̣д̣зна годдзд̇ваа нийхарид̇ваа каад̣̇им̣су.
Atīte imasmiṃyeva kosalaraṭṭhe imissā sāvatthiyā imasmiṃyeva jetavanapokkharaṇiṭṭhāne ekā valligahanaparikkhittā kandarā ahosi. Tadā bodhisatto macchayoniyaṃ nibbattitvā macchagaṇaparivuto tattha paṭivasati. Yathā pana idāni, evameva tadāpi tasmiṃ raṭṭhe devo na vassi, manussānaṃ sassāni milāyiṃsu, vāpitaḷākakandarādīsu udakaṃ chijji, macchakacchapā kalalagahanaṃ pavisiṃsu. Imissāpi kandarāya macchakacchapā kalalagahanaṃ pavisitvā tasmiṃ tasmiṃ ṭhāne nilīyiṃsu. Kākādayo tuṇḍena koṭṭetvā nīharitvā khādiṃsu.
б̣од̇хисад̇д̇о н̃аад̇исан̇гхасса д̇ам̣ б̣яасанам̣ д̣̇исваа ‘‘имам̣ д̇зсам̣ д̣̇угкам̣ табзд̇ваа мам̣ ан̃н̃о можзд̇ум̣ самад̇т̇о наама над̇т̇и, сажжагирияам̣ гад̇ваа д̣̇звам̣ вассаабзд̇ваа н̃аад̇агз маран̣ад̣̇угкаа можзссаамий’’д̇и гаал̣аван̣н̣ам̣ гад̣̇д̣̇амам̣ д̣̇вид̇хаа вияуухид̇ваа нигкамид̇ваа ан̃ж̇анаругкасаарагхадигаван̣н̣о махаамажчо суд̇ход̇алохид̇ан̇г̇аман̣иг̇ул̣асад̣̇исаани агкийни уммийлзд̇ваа аагаасам̣ уллогзд̇ваа баж̇ж̇уннад̣̇зварааж̇асса сад̣̇д̣̇ам̣ д̣̇ад̇ваа ‘‘бхо баж̇ж̇унна, ахам̣ н̃аад̇агз ниссааяа д̣̇угкид̇о, д̇вам̣ маяи сийлаванд̇з гиламанд̇з гасмаа д̣̇звам̣ на вассаабзси? маяаа самаанаж̇аад̇игаанам̣ каад̣̇анадтаанз ниб̣б̣ад̇д̇ид̇ваа д̇ан̣д̣улаббамаан̣амби мажчам̣ аад̣̇им̣ гад̇ваа каад̣̇ид̇абуб̣б̣о наама над̇т̇и, ан̃н̃оби мз баан̣о ж̇ийвид̇аа на воробид̇абуб̣б̣о, иминаа сажжзна д̣̇звам̣ вассаабзд̇ваа н̃аад̇исан̇гхам̣ мз д̣̇угкаа можзхий’’д̇и вад̇ваа барижаарагажздагам̣ аан̣аабзнд̇о вияа баж̇ж̇уннад̣̇зварааж̇аанам̣ аалабанд̇о имам̣ г̇аат̇амааха –
Bodhisatto ñātisaṅghassa taṃ byasanaṃ disvā ‘‘imaṃ tesaṃ dukkhaṃ ṭhapetvā maṃ añño mocetuṃ samattho nāma natthi, saccakiriyaṃ katvā devaṃ vassāpetvā ñātake maraṇadukkhā mocessāmī’’ti kāḷavaṇṇaṃ kaddamaṃ dvidhā viyūhitvā nikkhamitvā añjanarukkhasāraghaṭikavaṇṇo mahāmaccho sudhotalohitaṅgamaṇiguḷasadisāni akkhīni ummīletvā ākāsaṃ ulloketvā pajjunnadevarājassa saddaṃ datvā ‘‘bho pajjunna, ahaṃ ñātake nissāya dukkhito, tvaṃ mayi sīlavante kilamante kasmā devaṃ na vassāpesi? Mayā samānajātikānaṃ khādanaṭṭhāne nibbattitvā taṇḍulappamāṇampi macchaṃ ādiṃ katvā khāditapubbo nāma natthi, aññopi me pāṇo jīvitā na voropitapubbo, iminā saccena devaṃ vassāpetvā ñātisaṅghaṃ me dukkhā mocehī’’ti vatvā paricārakaceṭakaṃ āṇāpento viya pajjunnadevarājānaṃ ālapanto imaṃ gāthamāha –
75.
75.
‘‘абхид̇т̇анаяа баж̇ж̇унна, нид̇хим̣ гаагасса наасаяа;
‘‘Abhitthanaya pajjunna, nidhiṃ kākassa nāsaya;
гаагам̣ согааяа ранд̇хзхи, ман̃жа согаа баможаяаа’’д̇и.
Kākaṃ sokāya randhehi, mañca sokā pamocayā’’ti.
д̇ад̇т̇а абхид̇т̇анаяа баж̇ж̇уннаад̇и баж̇ж̇унно вужжад̇и мзгхо, аяам̣ бана мзгхавасзна лад̣̇д̇ханаамам̣ вассавалаахагад̣̇зварааж̇аанам̣ аалабад̇и. аяам̣ гирасса ад̇хиббааяо – д̣̇зво наама анабхид̇т̇ананд̇о виж̇ж̇улад̇аа анижчаарзнд̇о вассанд̇оби на собхад̇и, д̇асмаа д̇вам̣ абхид̇т̇ананд̇о виж̇ж̇улад̇аа нижчаарзнд̇о вассаабзхийд̇и. нид̇хим̣ гаагасса наасаяаад̇и гаагаа галалам̣ бависид̇ваа тид̇з мажчз д̇ун̣д̣зна годдзд̇ваа нийхарид̇ваа каад̣̇анд̇и, д̇асмаа д̇зсам̣ анд̇огалалз мажчаа ‘‘нид̇хий’’д̇и вужжанд̇и, д̇ам̣ гаагасан̇гхасса нид̇хим̣ д̣̇звам̣ вассаабзнд̇о уд̣̇агзна бадижчаад̣̇зд̇ваа наасзхийд̇и. гаагам̣ согааяа ранд̇хзхийд̇и гаагасан̇гхо имиссаа ганд̣̇арааяа уд̣̇агзна бун̣н̣ааяа мажчз алабхамаано сожиссад̇и, д̇ам̣ гаагаг̇ан̣ам̣ д̇вам̣ имам̣ ганд̣̇арам̣ буурзнд̇о согааяа ранд̇хзхи, согассад̇т̇ааяа мажчасса ассаасад̇т̇ааяа д̣̇звам̣ вассаабзхи. яат̇аа анд̇ониж̇жхааналагкан̣ам̣ согам̣ баабун̣аад̇и, звам̣ гарохийд̇и ад̇т̇о, ман̃жа согаа баможаяаад̇и зд̇т̇а жа-гааро самбин̣д̣анад̇т̇о, ман̃жа мама н̃аад̇агз жа саб̣б̣зва имамхаа маран̣асогаа можзхийд̇и.
Tattha abhitthanaya pajjunnāti pajjunno vuccati megho, ayaṃ pana meghavasena laddhanāmaṃ vassavalāhakadevarājānaṃ ālapati. Ayaṃ kirassa adhippāyo – devo nāma anabhitthananto vijjulatā anicchārento vassantopi na sobhati, tasmā tvaṃ abhitthananto vijjulatā nicchārento vassāpehīti. Nidhiṃ kākassa nāsayāti kākā kalalaṃ pavisitvā ṭhite macche tuṇḍena koṭṭetvā nīharitvā khādanti, tasmā tesaṃ antokalale macchā ‘‘nidhī’’ti vuccanti, taṃ kākasaṅghassa nidhiṃ devaṃ vassāpento udakena paṭicchādetvā nāsehīti. Kākaṃ sokāya randhehīti kākasaṅgho imissā kandarāya udakena puṇṇāya macche alabhamāno socissati, taṃ kākagaṇaṃ tvaṃ imaṃ kandaraṃ pūrento sokāya randhehi, sokassatthāya macchassa assāsatthāya devaṃ vassāpehi. Yathā antonijjhānalakkhaṇaṃ sokaṃ pāpuṇāti, evaṃ karohīti attho, mañca sokā pamocayāti ettha ca-kāro sampiṇḍanattho, mañca mama ñātake ca sabbeva imamhā maraṇasokā mocehīti.
звам̣ б̣од̇хисад̇д̇о барижаарагажздагам̣ аан̣аабзнд̇о вияа баж̇ж̇уннам̣ аалабид̇ваа сагалагосаларадтз махаавассам̣ вассаабзд̇ваа махааж̇анам̣ маран̣ад̣̇угкаа можзд̇ваа ж̇ийвид̇абарияосаанз яат̇аагаммам̣ г̇ад̇о.
Evaṃ bodhisatto paricārakaceṭakaṃ āṇāpento viya pajjunnaṃ ālapitvā sakalakosalaraṭṭhe mahāvassaṃ vassāpetvā mahājanaṃ maraṇadukkhā mocetvā jīvitapariyosāne yathākammaṃ gato.
сад̇т̇аа ‘‘на, бхигкавз, д̇ат̇ааг̇ад̇о ид̣̇аанзва д̣̇звам̣ вассаабзд̇и, буб̣б̣з мажчаяонияам̣ ниб̣б̣ад̇д̇оби вассаабзсиязваа’’д̇и вад̇ваа имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа мажчаг̇ан̣аа б̣уд̣̇д̇хабарисаа ахзсум̣, баж̇ж̇уннад̣̇зварааж̇аа аананд̣̇о, мажчарааж̇аа бана ахамзва ахоси’’нд̇и.
Satthā ‘‘na, bhikkhave, tathāgato idāneva devaṃ vassāpeti, pubbe macchayoniyaṃ nibbattopi vassāpesiyevā’’ti vatvā imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā macchagaṇā buddhaparisā ahesuṃ, pajjunnadevarājā ānando, maccharājā pana ahameva ahosi’’nti.
мажчаж̇аад̇агаван̣н̣анаа бан̃жамаа.
Macchajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 75. мажчаж̇аад̇агам̣ • 75. Macchajātakaṃ
