| Library / Tipiṭaka / ਤਿਪਿਟਕ • Tipiṭaka / વਿਨਯਸਙ੍ਗਹ-ਅਟ੍ਠਕਥਾ • Vinayasaṅgaha-aṭṭhakathā |
੬. ਮਚ੍ਛਮਂਸવਿਨਿਚ੍ਛਯਕਥਾ
6. Macchamaṃsavinicchayakathā
੩੮. ਮਚ੍ਛਮਂਸੇਸੁ ਪਨ ਮਚ੍ਛਗ੍ਗਹਣੇਨ ਸਬ੍ਬਮ੍ਪਿ ਜਲਜਂ વੁਤ੍ਤਂ। ਤਤ੍ਥ ਅਕਪ੍ਪਿਯਂ ਨਾਮ ਨਤ੍ਥਿ। ਮਂਸੇਸੁ ਪਨ ਮਨੁਸ੍ਸਹਤ੍ਥਿਅਸ੍ਸਸੁਨਖਅਹਿਸੀਹਬ੍ਯਗ੍ਘਦੀਪਿਅਚ੍ਛਤਰਚ੍ਛਾਨਂ વਸੇਨ ਦਸ ਮਂਸਾਨਿ ਅਕਪ੍ਪਿਯਾਨਿ। ਤਤ੍ਥ ਮਨੁਸ੍ਸਮਂਸੇ ਥੁਲ੍ਲਚ੍ਚਯਂ, ਸੇਸੇਸੁ ਦੁਕ੍ਕਟਂ। ਇਤਿ ਇਮੇਸਂ ਮਨੁਸ੍ਸਾਦੀਨਂ ਦਸਨ੍ਨਂ ਮਂਸਮ੍ਪਿ ਅਟ੍ਠਿਪਿ ਲੋਹਿਤਮ੍ਪਿ ਚਮ੍ਮਮ੍ਪਿ ਲੋਮਮ੍ਪਿ ਸਬ੍ਬਂ ਨ વਟ੍ਟਤਿ। વਸਾਸੁ ਪਨ ਏਕਾ ਮਨੁਸ੍ਸવਸਾવ ਨ વਟ੍ਟਤਿ। ਖੀਰਾਦੀਸੁ ਅਕਪ੍ਪਿਯਂ ਨਾਮ ਨਤ੍ਥਿ। ਇਮੇਸੁ ਪਨ ਅਕਪ੍ਪਿਯਮਂਸੇਸੁ ਅਟ੍ਠਿਆਦੀਸੁ વਾ ਯਂ ਕਿਞ੍ਚਿ ਞਤ੍વਾ વਾ ਅਞਤ੍વਾ વਾ ਖਾਦਨ੍ਤਸ੍ਸ ਆਪਤ੍ਤਿਯੇવ। ਯਦਾ ਜਾਨਾਤਿ, ਤਦਾ ਦੇਸੇਤਬ੍ਬਾ। ‘‘ਅਪੁਚ੍ਛਿਤ੍વਾવ ਖਾਦਿਸ੍ਸਾਮੀ’’ਤਿ ਗਣ੍ਹਤੋ ਪਟਿਗ੍ਗਹਣੇਪਿ ਦੁਕ੍ਕਟਂ, ‘‘ਪੁਚ੍ਛਿਤ੍વਾ ਖਾਦਿਸ੍ਸਾਮੀ’’ਤਿ ਗਣ੍ਹਤੋ ਅਨਾਪਤ੍ਤਿ। ਉਦ੍ਦਿਸ੍ਸਕਤਂ ਪਨ ਜਾਨਿਤ੍વਾ ਖਾਦਨ੍ਤਸ੍ਸੇવ ਆਪਤ੍ਤਿ, ਪਚ੍ਛਾ ਜਾਨਨ੍ਤੋ ਆਪਤ੍ਤਿਯਾ ਨ ਕਾਰੇਤਬ੍ਬੋ (ਮਹਾવ॰ ਅਟ੍ਠ॰ ੨੮੧)।
38.Macchamaṃsesu pana macchaggahaṇena sabbampi jalajaṃ vuttaṃ. Tattha akappiyaṃ nāma natthi. Maṃsesu pana manussahatthiassasunakhaahisīhabyagghadīpiacchataracchānaṃ vasena dasa maṃsāni akappiyāni. Tattha manussamaṃse thullaccayaṃ, sesesu dukkaṭaṃ. Iti imesaṃ manussādīnaṃ dasannaṃ maṃsampi aṭṭhipi lohitampi cammampi lomampi sabbaṃ na vaṭṭati. Vasāsu pana ekā manussavasāva na vaṭṭati. Khīrādīsu akappiyaṃ nāma natthi. Imesu pana akappiyamaṃsesu aṭṭhiādīsu vā yaṃ kiñci ñatvā vā añatvā vā khādantassa āpattiyeva. Yadā jānāti, tadā desetabbā. ‘‘Apucchitvāva khādissāmī’’ti gaṇhato paṭiggahaṇepi dukkaṭaṃ, ‘‘pucchitvā khādissāmī’’ti gaṇhato anāpatti. Uddissakataṃ pana jānitvā khādantasseva āpatti, pacchā jānanto āpattiyā na kāretabbo (mahāva. aṭṭha. 281).
ਤਤ੍ਥ (ਪਾਰਾ॰ ਅਟ੍ਠ॰ ੨.੪੧੦) ਉਦ੍ਦਿਸ੍ਸਕਤਂ ਨਾਮ ਭਿਕ੍ਖੂਨਂ ਅਤ੍ਥਾਯ વਧਿਤ੍વਾ ਸਮ੍ਪਾਦਿਤਂ ਮਚ੍ਛਮਂਸਂ। ਉਭਯਮ੍ਪਿ ਹਿ ਉਦ੍ਦਿਸ੍ਸਕਤਂ ਨ વਟ੍ਟਤਿ। ਤਮ੍ਪਿ ਅਦਿਟ੍ਠਂ ਅਸੁਤਂ ਅਪਰਿਸਙ੍ਕਿਤਂ વਟ੍ਟਤਿ। ਤਿਕੋਟਿਪਰਿਸੁਦ੍ਧਞ੍ਹਿ ਮਚ੍ਛਮਂਸਂ ਭਗવਤਾ ਅਨੁਞ੍ਞਾਤਂ ਅਦਿਟ੍ਠਂ ਅਸੁਤਂ ਅਪਰਿਸਙ੍ਕਿਤਂ। ਤਤ੍ਥ ਅਦਿਟ੍ਠਂ ਨਾਮ ਭਿਕ੍ਖੂਨਂ ਅਤ੍ਥਾਯ ਮਿਗਮਚ੍ਛੇ વਧਿਤ੍વਾ ਗਯ੍ਹਮਾਨਂ ਅਦਿਟ੍ਠਂ। ਅਸੁਤਂ ਨਾਮ ਭਿਕ੍ਖੂਨਂ ਅਤ੍ਥਾਯ ਮਿਗਮਚ੍ਛੇ વਧਿਤ੍વਾ ਗਹਿਤਨ੍ਤਿ ਅਸੁਤਂ। ਅਪਰਿਸਙ੍ਕਿਤਂ ਪਨ ਦਿਟ੍ਠਪਰਿਸਙ੍ਕਿਤਂ ਸੁਤਪਰਿਸਙ੍ਕਿਤਂ ਤਦੁਭਯવਿਨਿਮੁਤ੍ਤਪਰਿਸਙ੍ਕਿਤਞ੍ਚ ਞਤ੍વਾ ਤਬ੍ਬਿਪਕ੍ਖਤੋ ਜਾਨਿਤਬ੍ਬਂ। ਕਥਂ? ਇਧ ਭਿਕ੍ਖੂ ਪਸ੍ਸਨ੍ਤਿ ਮਨੁਸ੍ਸੇ ਜਾਲવਾਗੁਰਾਦਿਹਤ੍ਥੇ ਗਾਮਤੋ વਾ ਨਿਕ੍ਖਮਨ੍ਤੇ ਅਰਞ੍ਞੇ વਾ વਿਚਰਨ੍ਤੇ। ਦੁਤਿਯਦਿવਸੇ ਚ ਨੇਸਂ ਤਂ ਗਾਮਂ ਪਿਣ੍ਡਾਯ ਪવਿਟ੍ਠਾਨਂ ਸਮਚ੍ਛਮਂਸਂ ਪਿਣ੍ਡਪਾਤਂ ਅਭਿਹਰਨ੍ਤਿ। ਤੇ ਤੇਨ ਦਿਟ੍ਠੇਨ ਪਰਿਸਙ੍ਕਨ੍ਤਿ ‘‘ਭਿਕ੍ਖੂਨਂ ਨੁ ਖੋ ਅਤ੍ਥਾਯ ਕਤ’’ਨ੍ਤਿ, ਇਦਂ ਦਿਟ੍ਠਪਰਿਸਙ੍ਕਿਤਂ, ਏਤਂ ਗਹੇਤੁਂ ਨ વਟ੍ਟਤਿ। ਯਂ ਏવਂ ਅਪਰਿਸਙ੍ਕਿਤਂ, ਤਂ વਟ੍ਟਤਿ। ਸਚੇ ਪਨ ਤੇ ਮਨੁਸ੍ਸਾ ‘‘ਕਸ੍ਮਾ, ਭਨ੍ਤੇ, ਨ ਗਣ੍ਹਥਾ’’ਤਿ ਪੁਚ੍ਛਿਤ੍વਾ ਤਮਤ੍ਥਂ ਸੁਤ੍વਾ ‘‘ਨਯਿਦਂ, ਭਨ੍ਤੇ, ਭਿਕ੍ਖੂਨਂ ਅਤ੍ਥਾਯ ਕਤਂ, ਅਮ੍ਹੇਹਿ ਅਤ੍ਤਨੋ ਅਤ੍ਥਾਯ વਾ ਰਾਜਯੁਤ੍ਤਾਦੀਨਂ વਾ ਅਤ੍ਥਾਯ ਕਤ’’ਨ੍ਤਿ વਦਨ੍ਤਿ, ਕਪ੍ਪਤਿ।
Tattha (pārā. aṭṭha. 2.410) uddissakataṃ nāma bhikkhūnaṃ atthāya vadhitvā sampāditaṃ macchamaṃsaṃ. Ubhayampi hi uddissakataṃ na vaṭṭati. Tampi adiṭṭhaṃ asutaṃ aparisaṅkitaṃ vaṭṭati. Tikoṭiparisuddhañhi macchamaṃsaṃ bhagavatā anuññātaṃ adiṭṭhaṃ asutaṃ aparisaṅkitaṃ. Tattha adiṭṭhaṃ nāma bhikkhūnaṃ atthāya migamacche vadhitvā gayhamānaṃ adiṭṭhaṃ. Asutaṃ nāma bhikkhūnaṃ atthāya migamacche vadhitvā gahitanti asutaṃ. Aparisaṅkitaṃ pana diṭṭhaparisaṅkitaṃ sutaparisaṅkitaṃ tadubhayavinimuttaparisaṅkitañca ñatvā tabbipakkhato jānitabbaṃ. Kathaṃ? Idha bhikkhū passanti manusse jālavāgurādihatthe gāmato vā nikkhamante araññe vā vicarante. Dutiyadivase ca nesaṃ taṃ gāmaṃ piṇḍāya paviṭṭhānaṃ samacchamaṃsaṃ piṇḍapātaṃ abhiharanti. Te tena diṭṭhena parisaṅkanti ‘‘bhikkhūnaṃ nu kho atthāya kata’’nti, idaṃ diṭṭhaparisaṅkitaṃ, etaṃ gahetuṃ na vaṭṭati. Yaṃ evaṃ aparisaṅkitaṃ, taṃ vaṭṭati. Sace pana te manussā ‘‘kasmā, bhante, na gaṇhathā’’ti pucchitvā tamatthaṃ sutvā ‘‘nayidaṃ, bhante, bhikkhūnaṃ atthāya kataṃ, amhehi attano atthāya vā rājayuttādīnaṃ vā atthāya kata’’nti vadanti, kappati.
ਨ ਹੇવ ਖੋ ਭਿਕ੍ਖੂ ਪਸ੍ਸਨ੍ਤਿ, ਅਪਿਚ ਖੋ ਸੁਣਨ੍ਤਿ ‘‘ਮਨੁਸ੍ਸਾ ਕਿਰ ਜਾਲવਾਗੁਰਾਦਿਹਤ੍ਥਾ ਗਾਮਤੋ વਾ ਨਿਕ੍ਖਮਨ੍ਤਿ, ਅਰਞ੍ਞੇ વਾ વਿਚਰਨ੍ਤੀ’’ਤਿ। ਦੁਤਿਯਦਿવਸੇ ਚ ਤੇਸਂ ਤਂ ਗਾਮਂ ਪਿਣ੍ਡਾਯ ਪવਿਟ੍ਠਾਨਂ ਸਮਚ੍ਛਮਂਸਂ ਪਿਣ੍ਡਪਾਤਂ ਅਭਿਹਰਨ੍ਤਿ। ਤੇ ਤੇਨ ਸੁਤੇਨ ਪਰਿਸਙ੍ਕਨ੍ਤਿ ‘‘ਭਿਕ੍ਖੂਨਂ ਨੁ ਖੋ ਅਤ੍ਥਾਯ ਕਤ’’ਨ੍ਤਿ, ਇਦਂ ਸੁਤਪਰਿਸਙ੍ਕਿਤਂ ਨਾਮ, ਏਤਂ ਗਹੇਤੁਂ ਨ વਟ੍ਟਤਿ। ਯਂ ਏવਂ ਅਪਰਿਸਙ੍ਕਿਤਂ, ਤਂ વਟ੍ਟਤਿ। ਸਚੇ ਪਨ ਤੇ ਮਨੁਸ੍ਸਾ ‘‘ਕਸ੍ਮਾ, ਭਨ੍ਤੇ, ਨ ਗਣ੍ਹਥਾ’’ਤਿ ਪੁਚ੍ਛਿਤ੍વਾ ਤਮਤ੍ਥਂ ਸੁਤ੍વਾ ‘‘ਨਯਿਦਂ, ਭਨ੍ਤੇ, ਭਿਕ੍ਖੂਨਂ ਅਤ੍ਥਾਯ ਕਤਂ, ਅਮ੍ਹੇਹਿ ਅਤ੍ਤਨੋ ਅਤ੍ਥਾਯ વਾ ਰਾਜਯੁਤ੍ਤਾਦੀਨਂ વਾ ਅਤ੍ਥਾਯ ਕਤ’’ਨ੍ਤਿ વਦਨ੍ਤਿ, ਕਪ੍ਪਤਿ।
Na heva kho bhikkhū passanti, apica kho suṇanti ‘‘manussā kira jālavāgurādihatthā gāmato vā nikkhamanti, araññe vā vicarantī’’ti. Dutiyadivase ca tesaṃ taṃ gāmaṃ piṇḍāya paviṭṭhānaṃ samacchamaṃsaṃ piṇḍapātaṃ abhiharanti. Te tena sutena parisaṅkanti ‘‘bhikkhūnaṃ nu kho atthāya kata’’nti, idaṃ sutaparisaṅkitaṃ nāma, etaṃ gahetuṃ na vaṭṭati. Yaṃ evaṃ aparisaṅkitaṃ, taṃ vaṭṭati. Sace pana te manussā ‘‘kasmā, bhante, na gaṇhathā’’ti pucchitvā tamatthaṃ sutvā ‘‘nayidaṃ, bhante, bhikkhūnaṃ atthāya kataṃ, amhehi attano atthāya vā rājayuttādīnaṃ vā atthāya kata’’nti vadanti, kappati.
ਨ ਹੇવ ਖੋ ਪਨ ਭਿਕ੍ਖੂ ਪਸ੍ਸਨ੍ਤਿ ਨ ਸੁਣਨ੍ਤਿ, ਅਪਿਚ ਖੋ ਤੇਸਂ ਤਂ ਗਾਮਂ ਪਿਣ੍ਡਾਯ ਪવਿਟ੍ਠਾਨਂ ਪਤ੍ਤਂ ਗਹੇਤ੍વਾ ਸਮਚ੍ਛਮਂਸਂ ਪਿਣ੍ਡਪਾਤਂ ਅਭਿਸਙ੍ਖਰਿਤ੍વਾ ਅਭਿਹਰਨ੍ਤਿ। ਤੇ ਪਰਿਸਙ੍ਕਨ੍ਤਿ ‘‘ਭਿਕ੍ਖੂਨਂ ਨੁ ਖੋ ਅਤ੍ਥਾਯ ਕਤ’’ਨ੍ਤਿ, ਇਦਂ ਤਦੁਭਯવਿਨਿਮੁਤ੍ਤਪਰਿਸਙ੍ਕਿਤਂ ਨਾਮ, ਏਤਮ੍ਪਿ ਗਹੇਤੁਂ ਨ વਟ੍ਟਤਿ। ਯਂ ਏવਂ ਅਪਰਿਸਙ੍ਕਿਤਂ, ਤਂ વਟ੍ਟਤਿ। ਸਚੇ ਪਨ ਤੇ ਮਨੁਸ੍ਸਾ ‘‘ਕਸ੍ਮਾ, ਭਨ੍ਤੇ, ਨ ਗਣ੍ਹਥਾ’’ਤਿ ਪੁਚ੍ਛਿਤ੍વਾ ਤਮਤ੍ਥਂ ਸੁਤ੍વਾ ‘‘ਨਯਿਦਂ, ਭਨ੍ਤੇ, ਭਿਕ੍ਖੂਨਂ ਅਤ੍ਥਾਯ ਕਤਂ, ਅਮ੍ਹੇਹਿ ਅਤ੍ਤਨੋ ਅਤ੍ਥਾਯ વਾ ਰਾਜਯੁਤ੍ਤਾਦੀਨਂ વਾ ਅਤ੍ਥਾਯ ਕਤਂ, ਪવਤ੍ਤਮਂਸਂ વਾ ਕਪ੍ਪਿਯਮੇવ ਲਭਿਤ੍વਾ ਭਿਕ੍ਖੂਨਂ ਅਤ੍ਥਾਯ ਸਮ੍ਪਾਦਿਤ’’ਨ੍ਤਿ વਦਨ੍ਤਿ, ਕਪ੍ਪਤਿ। ਮਤਾਨਂ ਪੇਤਕਿਚ੍ਚਤ੍ਥਾਯ ਮਙ੍ਗਲਾਦੀਨਂ વਾ ਅਤ੍ਥਾਯ ਕਤੇਪਿ ਏਸੇવ ਨਯੋ। ਯਂ ਯਞ੍ਹਿ ਭਿਕ੍ਖੂਨਂਯੇવ ਅਤ੍ਥਾਯ ਅਕਤਂ, ਯਤ੍ਥ ਚ ਨਿਬ੍ਬੇਮਤਿਕੋ ਹੋਤਿ, ਤਂ ਸਬ੍ਬਂ ਕਪ੍ਪਤਿ।
Na heva kho pana bhikkhū passanti na suṇanti, apica kho tesaṃ taṃ gāmaṃ piṇḍāya paviṭṭhānaṃ pattaṃ gahetvā samacchamaṃsaṃ piṇḍapātaṃ abhisaṅkharitvā abhiharanti. Te parisaṅkanti ‘‘bhikkhūnaṃ nu kho atthāya kata’’nti, idaṃ tadubhayavinimuttaparisaṅkitaṃ nāma, etampi gahetuṃ na vaṭṭati. Yaṃ evaṃ aparisaṅkitaṃ, taṃ vaṭṭati. Sace pana te manussā ‘‘kasmā, bhante, na gaṇhathā’’ti pucchitvā tamatthaṃ sutvā ‘‘nayidaṃ, bhante, bhikkhūnaṃ atthāya kataṃ, amhehi attano atthāya vā rājayuttādīnaṃ vā atthāya kataṃ, pavattamaṃsaṃ vā kappiyameva labhitvā bhikkhūnaṃ atthāya sampādita’’nti vadanti, kappati. Matānaṃ petakiccatthāya maṅgalādīnaṃ vā atthāya katepi eseva nayo. Yaṃ yañhi bhikkhūnaṃyeva atthāya akataṃ, yattha ca nibbematiko hoti, taṃ sabbaṃ kappati.
੩੯. ਸਚੇ ਪਨ ਏਕਸ੍ਮਿਂ વਿਹਾਰੇ ਭਿਕ੍ਖੂਨਂ ਉਦ੍ਦਿਸ੍ਸਕਤਂ ਹੋਤਿ, ਤੇ ਚ ਅਤ੍ਤਨੋ ਅਤ੍ਥਾਯ ਕਤਭਾવਂ ਨ ਜਾਨਨ੍ਤਿ, ਅਞ੍ਞੇ ਜਾਨਨ੍ਤਿ। ਯੇ ਜਾਨਨ੍ਤਿ, ਤੇਸਂ ਨ વਟ੍ਟਤਿ, ਇਤਰੇਸਂ ਪਨ વਟ੍ਟਤਿ। ਅਞ੍ਞੇ ਨ ਜਾਨਨ੍ਤਿ, ਤੇਯੇવ ਜਾਨਨ੍ਤਿ, ਤੇਸਂਯੇવ ਨ વਟ੍ਟਤਿ, ਅਞ੍ਞੇਸਂ વਟ੍ਟਤਿ। ਤੇਪਿ ‘‘ਅਮ੍ਹਾਕਂ ਅਤ੍ਥਾਯ ਕਤ’’ਨ੍ਤਿ ਜਾਨਨ੍ਤਿ, ਅਞ੍ਞੇਪਿ ‘‘ਏਤੇਸਂ ਅਤ੍ਥਾਯ ਕਤ’’ਨ੍ਤਿ ਜਾਨਨ੍ਤਿ, ਸਬ੍ਬੇਸਮ੍ਪਿ ਨ વਟ੍ਟਤਿ। ਸਬ੍ਬੇ ਨ ਜਾਨਨ੍ਤਿ, ਸਬ੍ਬੇਸਮ੍ਪਿ વਟ੍ਟਤਿ। ਪਞ੍ਚਸੁ ਹਿ ਸਹਧਮ੍ਮਿਕੇਸੁ ਯਸ੍ਸ વਾ ਤਸ੍ਸ વਾ ਅਤ੍ਥਾਯ ਉਦ੍ਦਿਸ੍ਸਕਤਂ ਸਬ੍ਬੇਸਂ ਨ ਕਪ੍ਪਤਿ।
39. Sace pana ekasmiṃ vihāre bhikkhūnaṃ uddissakataṃ hoti, te ca attano atthāya katabhāvaṃ na jānanti, aññe jānanti. Ye jānanti, tesaṃ na vaṭṭati, itaresaṃ pana vaṭṭati. Aññe na jānanti, teyeva jānanti, tesaṃyeva na vaṭṭati, aññesaṃ vaṭṭati. Tepi ‘‘amhākaṃ atthāya kata’’nti jānanti, aññepi ‘‘etesaṃ atthāya kata’’nti jānanti, sabbesampi na vaṭṭati. Sabbe na jānanti, sabbesampi vaṭṭati. Pañcasu hi sahadhammikesu yassa vā tassa vā atthāya uddissakataṃ sabbesaṃ na kappati.
ਸਚੇ ਪਨ ਕੋਚਿ ਏਕਂ ਭਿਕ੍ਖੁਂ ਉਦ੍ਦਿਸ੍ਸ ਪਾਣਂ વਧਿਤ੍વਾ ਤਸ੍ਸ ਪਤ੍ਤਂ ਪੂਰੇਤ੍વਾ ਦੇਤਿ, ਸੋ ਚ ਅਤ੍ਤਨੋ ਅਤ੍ਥਾਯ ਕਤਭਾવਂ ਜਾਨਂਯੇવ ਗਹੇਤ੍વਾ ਅਞ੍ਞਸ੍ਸ ਭਿਕ੍ਖੁਨੋ ਦੇਤਿ, ਸੋ ਤਂ ਤਸ੍ਸ ਸਦ੍ਧਾਯ ਪਰਿਭੁਞ੍ਜਤਿ, ਕਸ੍ਸ ਆਪਤ੍ਤੀਤਿ? ਦ੍વਿਨ੍ਨਮ੍ਪਿ ਅਨਾਪਤ੍ਤਿ। ਯਞ੍ਹਿ ਉਦ੍ਦਿਸ੍ਸ ਕਤਂ, ਤਸ੍ਸ ਅਭੁਤ੍ਤਤਾਯ ਅਨਾਪਤ੍ਤਿ, ਇਤਰਸ੍ਸ ਅਜਾਨਨਤਾਯ। ਕਪ੍ਪਿਯਮਂਸਸ੍ਸ ਹਿ ਪਟਿਗ੍ਗਹਣੇ ਆਪਤ੍ਤਿ ਨਤ੍ਥਿ, ਉਦ੍ਦਿਸ੍ਸਕਤਞ੍ਚ ਅਜਾਨਿਤ੍વਾ ਭੁਤ੍ਤਸ੍ਸ ਪਚ੍ਛਾ ਞਤ੍વਾ ਆਪਤ੍ਤਿਦੇਸਨਾਕਿਚ੍ਚਂ ਨਾਮ ਨਤ੍ਥਿ। ਅਕਪ੍ਪਿਯਮਂਸਂ ਪਨ ਅਜਾਨਿਤ੍વਾ ਭੁਤ੍ਤੇਨ ਪਚ੍ਛਾ ਞਤ੍વਾਪਿ ਆਪਤ੍ਤਿ ਦੇਸੇਤਬ੍ਬਾ। ਉਦ੍ਦਿਸ੍ਸਕਤਞ੍ਹਿ ਞਤ੍વਾ ਭੁਞ੍ਜਤੋવ ਆਪਤ੍ਤਿ, ਅਕਪ੍ਪਿਯਮਂਸਂ ਅਜਾਨਿਤ੍વਾ ਭੁਞ੍ਜਨ੍ਤਸ੍ਸਪਿ ਆਪਤ੍ਤਿਯੇવ, ਤਸ੍ਮਾ ਆਪਤ੍ਤਿਭੀਰੁਕੇਨ ਰੂਪਂ ਸਲ੍ਲਕ੍ਖੇਨ੍ਤੇਨਪਿ ਪੁਚ੍ਛਿਤ੍વਾવ ਮਂਸਂ ਪਟਿਗ੍ਗਹੇਤਬ੍ਬਂ। ਪਰਿਭੋਗਕਾਲੇ ‘‘ਪੁਚ੍ਛਿਤ੍વਾ ਪਰਿਭੁਞ੍ਜਿਸ੍ਸਾਮੀ’’ਤਿ વਾ ਗਹੇਤ੍વਾ ਪੁਚ੍ਛਿਤ੍વਾવ ਪਰਿਭੁਞ੍ਜਿਤਬ੍ਬਂ। ਕਸ੍ਮਾ? ਦੁવਿਞ੍ਞੇਯ੍ਯਤ੍ਤਾ। ਅਚ੍ਛਮਂਸਮ੍ਪਿ ਹਿ ਸੂਕਰਮਂਸਸਦਿਸਂ ਹੋਤਿ, ਦੀਪਿਮਂਸਾਦੀਨਿ ਚ ਮਿਗਮਂਸਾਦਿਸਦਿਸਾਨਿ, ਤਸ੍ਮਾ ਪੁਚ੍ਛਿਤ੍વਾ ਗਹਣਮੇવ વਤ੍ਤਨ੍ਤਿ વਦਨ੍ਤਿ।
Sace pana koci ekaṃ bhikkhuṃ uddissa pāṇaṃ vadhitvā tassa pattaṃ pūretvā deti, so ca attano atthāya katabhāvaṃ jānaṃyeva gahetvā aññassa bhikkhuno deti, so taṃ tassa saddhāya paribhuñjati, kassa āpattīti? Dvinnampi anāpatti. Yañhi uddissa kataṃ, tassa abhuttatāya anāpatti, itarassa ajānanatāya. Kappiyamaṃsassa hi paṭiggahaṇe āpatti natthi, uddissakatañca ajānitvā bhuttassa pacchā ñatvā āpattidesanākiccaṃ nāma natthi. Akappiyamaṃsaṃ pana ajānitvā bhuttena pacchā ñatvāpi āpatti desetabbā. Uddissakatañhi ñatvā bhuñjatova āpatti, akappiyamaṃsaṃ ajānitvā bhuñjantassapi āpattiyeva, tasmā āpattibhīrukena rūpaṃ sallakkhentenapi pucchitvāva maṃsaṃ paṭiggahetabbaṃ. Paribhogakāle ‘‘pucchitvā paribhuñjissāmī’’ti vā gahetvā pucchitvāva paribhuñjitabbaṃ. Kasmā? Duviññeyyattā. Acchamaṃsampi hi sūkaramaṃsasadisaṃ hoti, dīpimaṃsādīni ca migamaṃsādisadisāni, tasmā pucchitvā gahaṇameva vattanti vadanti.
ਇਤਿ ਪਾਲ਼ਿਮੁਤ੍ਤਕવਿਨਯવਿਨਿਚ੍ਛਯਸਙ੍ਗਹੇ
Iti pāḷimuttakavinayavinicchayasaṅgahe
ਮਚ੍ਛਮਂਸવਿਨਿਚ੍ਛਯਕਥਾ ਸਮਤ੍ਤਾ।
Macchamaṃsavinicchayakathā samattā.
