| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
5-13. мажчаринийсуд̇д̇аад̣̇иван̣н̣анаа
5-13. Maccharinīsuttādivaṇṇanā
115-123. бан̃жамз ааваасамажчарияаад̣̇ийни бан̃жа ид̇ха бхигкунияаа васзна ааг̇ад̇аани, бхигкусса васзнаби д̇аани взд̣̇ид̇аб̣б̣аани. ааваасамажчариязна хи саманнааг̇ад̇о бхигку ааг̇анд̇угам̣ д̣̇исваа ‘‘зд̇т̇а жзд̇ияасса ваа сан̇гхасса ваа баригкааро табид̇о’’д̇иаад̣̇ийни вад̇ваа сан̇гхигаааваасам̣ на д̣̇зд̇и. гуламажчариязна саманнааг̇ад̇о бхигку д̇зхи д̇зхи гааран̣зхи аад̣̇ийнавам̣ д̣̇ассзд̇ваа ад̇д̇ано убадтаагз гулз ан̃н̃зсам̣ бавзсамби ниваарзд̇и. лаабхамажчариязна саманнааг̇ад̇о сан̇гхигамби лаабхам̣ мажчарааяанд̇о яат̇аа ан̃н̃з на лабханд̇и, звам̣ гарод̇и ад̇д̇анаа висаманиссид̇ад̇ааяа б̣алаваниссид̇ад̇ааяа жа. ван̣н̣амажчариязна саманнааг̇ад̇о ад̇д̇ано ван̣н̣ам̣ ван̣н̣зд̇и, барзсам̣ ван̣н̣з ‘‘гим̣ ван̣н̣о зсо’’д̇и д̇ам̣ д̇ам̣ д̣̇осам̣ вад̣̇ад̇и. ван̣н̣од̇и жзд̇т̇а сарийраван̣н̣оби, г̇ун̣аван̣н̣оби взд̣̇ид̇аб̣б̣о.
115-123. Pañcame āvāsamacchariyādīni pañca idha bhikkhuniyā vasena āgatāni, bhikkhussa vasenapi tāni veditabbāni. Āvāsamacchariyena hi samannāgato bhikkhu āgantukaṃ disvā ‘‘ettha cetiyassa vā saṅghassa vā parikkhāro ṭhapito’’tiādīni vatvā saṅghikaāvāsaṃ na deti. Kulamacchariyena samannāgato bhikkhu tehi tehi kāraṇehi ādīnavaṃ dassetvā attano upaṭṭhāke kule aññesaṃ pavesampi nivāreti. Lābhamacchariyena samannāgato saṅghikampi lābhaṃ maccharāyanto yathā aññe na labhanti, evaṃ karoti attanā visamanissitatāya balavanissitatāya ca. Vaṇṇamacchariyena samannāgato attano vaṇṇaṃ vaṇṇeti, paresaṃ vaṇṇe ‘‘kiṃ vaṇṇo eso’’ti taṃ taṃ dosaṃ vadati. Vaṇṇoti cettha sarīravaṇṇopi, guṇavaṇṇopi veditabbo.
д̇хаммамажчариязна саманнааг̇ад̇о – ‘‘имам̣ д̇хаммам̣ барияаабун̣ид̇ваа зсо мам̣ абхибхависсад̇ий’’д̇и ан̃н̃асса на д̣̇зд̇и. яо бана – ‘‘аяам̣ имам̣ д̇хаммам̣ уг̇г̇ахзд̇ваа ан̃н̃ат̇аа ад̇т̇ам̣ вибаривад̇д̇зд̇ваа наасзссад̇ий’’д̇и д̇хаммануг̇г̇ахзна ваа – ‘‘аяам̣ имам̣ д̇хаммам̣ уг̇г̇ахзд̇ваа уд̣̇д̇хад̇о уннал̣о авуубасанд̇ажид̇д̇о абун̃н̃ам̣ басависсад̇ий’’д̇и буг̇г̇алаануг̇г̇ахзна ваа на д̣̇зд̇и, на д̇ам̣ мажчарияам̣. д̇хаммод̇и жзд̇т̇а барияад̇д̇ид̇хаммо ад̇хиббзд̇о. бадивзд̇хад̇хаммо хи арияаанам̣язва ход̇и, д̇з жа нам̣ на мажчарааяанд̇и мажчарияасса саб̣б̣асо бахийнад̇д̇аад̇и д̇асса асамбхаво зва. д̇ад̇т̇а ааваасамажчариязна лохаг̇зхз бажжад̇и, яагко ваа бзд̇о ваа худ̇ваа д̇ассзва ааваасасса сан̇гаарам̣ сийсзна угкибид̇ваа жарад̇и. гуламажчариязна аббабхог̇о ход̇и. лаабхамажчариязна г̇уут̇анираяз ниб̣б̣ад̇д̇ад̇и, сан̇гхасса ваа г̇ан̣асса ваа лаабхам̣ мажчарааяид̇ваа буг̇г̇алигабарибхог̇зна ваа барибхун̃ж̇ид̇ваа яагко ваа бзд̇о ваа махаааж̇аг̇аро ваа худ̇ваа ниб̣б̣ад̇д̇ад̇и. ван̣н̣амажчариязна бхавзсу ниб̣б̣ад̇д̇асса ван̣н̣о наама на ход̇и. д̇хаммамажчариязна гуггул̣анираяз ниб̣б̣ад̇д̇ад̇и. чадтаад̣̇ийни уд̇д̇аанад̇т̇аанзва.
Dhammamacchariyena samannāgato – ‘‘imaṃ dhammaṃ pariyāpuṇitvā eso maṃ abhibhavissatī’’ti aññassa na deti. Yo pana – ‘‘ayaṃ imaṃ dhammaṃ uggahetvā aññathā atthaṃ viparivattetvā nāsessatī’’ti dhammanuggahena vā – ‘‘ayaṃ imaṃ dhammaṃ uggahetvā uddhato unnaḷo avūpasantacitto apuññaṃ pasavissatī’’ti puggalānuggahena vā na deti, na taṃ macchariyaṃ. Dhammoti cettha pariyattidhammo adhippeto. Paṭivedhadhammo hi ariyānaṃyeva hoti, te ca naṃ na maccharāyanti macchariyassa sabbaso pahīnattāti tassa asambhavo eva. Tattha āvāsamacchariyena lohagehe paccati, yakkho vā peto vā hutvā tasseva āvāsassa saṅkāraṃ sīsena ukkhipitvā carati. Kulamacchariyena appabhogo hoti. Lābhamacchariyena gūthaniraye nibbattati, saṅghassa vā gaṇassa vā lābhaṃ maccharāyitvā puggalikaparibhogena vā paribhuñjitvā yakkho vā peto vā mahāajagaro vā hutvā nibbattati. Vaṇṇamacchariyena bhavesu nibbattassa vaṇṇo nāma na hoti. Dhammamacchariyena kukkuḷaniraye nibbattati. Chaṭṭhādīni uttānatthāneva.
мажчаринийсуд̇д̇аад̣̇иван̣н̣анаа нидтид̇аа.
Maccharinīsuttādivaṇṇanā niṭṭhitā.
анд̇хагавинд̣̇аваг̇г̇аван̣н̣анаа нидтид̇аа.
Andhakavindavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
5. мажчаринийсуд̇д̇ам̣ • 5. Maccharinīsuttaṃ
6. ван̣н̣анаасуд̇д̇ам̣ • 6. Vaṇṇanāsuttaṃ
7. иссугинийсуд̇д̇ам̣ • 7. Issukinīsuttaṃ
8. мижчаад̣̇идтигасуд̇д̇ам̣ • 8. Micchādiṭṭhikasuttaṃ
9. мижчааваажаасуд̇д̇ам̣ • 9. Micchāvācāsuttaṃ
10. мижчаавааяаамасуд̇д̇ам̣ • 10. Micchāvāyāmasuttaṃ
1. г̇илаанасуд̇д̇ам̣ • 1. Gilānasuttaṃ
2. сад̇исуубадтид̇асуд̇д̇ам̣ • 2. Satisūpaṭṭhitasuttaṃ
3. батамаубадтаагасуд̇д̇ам̣ • 3. Paṭhamaupaṭṭhākasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
5. мажчаринийсуд̇д̇аван̣н̣анаа • 5. Maccharinīsuttavaṇṇanā
6-7. ван̣н̣анаасуд̇д̇аад̣̇иван̣н̣анаа • 6-7. Vaṇṇanāsuttādivaṇṇanā
