| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
5. මච්‌ඡරිනීසුත්‌තං
5. Maccharinīsuttaṃ
115. ‘‘පඤ්‌චහි, භික්‌ඛවෙ, ධම්‌මෙහි සමන්‌නාගතා භික්‌ඛුනී යථාභතං නික්‌ඛිත්‌තා එවං නිරයෙ. කතමෙහි පඤ්‌චහි? ආවාසමච්‌ඡරිනී හොති, කුලමච්‌ඡරිනී හොති, ලාභමච්‌ඡරිනී හොති, වණ්‌ණමච්‌ඡරිනී හොති, ධම්‌මමච්‌ඡරිනී හොති. ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතා භික්‌ඛුනී යථාභතං නික්‌ඛිත්‌තා එවං නිරයෙ.
115. ‘‘Pañcahi, bhikkhave, dhammehi samannāgatā bhikkhunī yathābhataṃ nikkhittā evaṃ niraye. Katamehi pañcahi? Āvāsamaccharinī hoti, kulamaccharinī hoti, lābhamaccharinī hoti, vaṇṇamaccharinī hoti, dhammamaccharinī hoti. Imehi kho, bhikkhave, pañcahi dhammehi samannāgatā bhikkhunī yathābhataṃ nikkhittā evaṃ niraye.
‘‘පඤ්‌චහි, භික්‌ඛවෙ, ධම්‌මෙහි සමන්‌නාගතා භික්‌ඛුනී යථාභතං නික්‌ඛිත්‌තා එවං සග්‌ගෙ. කතමෙහි පඤ්‌චහි? න ආවාසමච්‌ඡරිනී හොති, න කුලමච්‌ඡරිනී හොති, න ලාභමච්‌ඡරිනී හොති, න වණ්‌ණමච්‌ඡරිනී හොති, න ධම්‌මමච්‌ඡරිනී හොති . ඉමෙහි ඛො, භික්‌ඛවෙ, පඤ්‌චහි ධම්‌මෙහි සමන්‌නාගතා භික්‌ඛුනී යථාභතං නික්‌ඛිත්‌තා එවං සග්‌ගෙ’’ති. පඤ්‌චමං.
‘‘Pañcahi, bhikkhave, dhammehi samannāgatā bhikkhunī yathābhataṃ nikkhittā evaṃ sagge. Katamehi pañcahi? Na āvāsamaccharinī hoti, na kulamaccharinī hoti, na lābhamaccharinī hoti, na vaṇṇamaccharinī hoti, na dhammamaccharinī hoti . Imehi kho, bhikkhave, pañcahi dhammehi samannāgatā bhikkhunī yathābhataṃ nikkhittā evaṃ sagge’’ti. Pañcamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5. මච්‌ඡරිනීසුත්‌තවණ්‌ණනා • 5. Maccharinīsuttavaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 5-13. මච්‌ඡරිනීසුත්‌තාදිවණ්‌ණනා • 5-13. Maccharinīsuttādivaṇṇanā
