| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. мажчарисуд̇д̇ам̣
2. Maccharisuttaṃ
32. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко самб̣ахулаа сад̇уллабагааяигаа д̣̇звад̇ааяо абхигганд̇ааяа рад̇д̇ияаа абхигганд̇аван̣н̣аа гзвалагаббам̣ ж̇зд̇аванам̣ обхаасзд̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтам̣су. згаманд̇ам̣ тид̇аа ко згаа д̣̇звад̇аа бхаг̇авад̇о санд̇игз имам̣ г̇аат̇ам̣ абхааси –
32. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho sambahulā satullapakāyikā devatāyo abhikkantāya rattiyā abhikkantavaṇṇā kevalakappaṃ jetavanaṃ obhāsetvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho ekā devatā bhagavato santike imaṃ gāthaṃ abhāsi –
‘‘мажчзраа жа бамаад̣̇аа жа, звам̣ д̣̇аанам̣ на д̣̇ийяад̇и 1;
‘‘Maccherā ca pamādā ca, evaṃ dānaṃ na dīyati 2;
бун̃н̃ам̣ ааган̇камаанзна, д̣̇зяяам̣ ход̇и виж̇аанад̇аа’’д̇и.
Puññaṃ ākaṅkhamānena, deyyaṃ hoti vijānatā’’ti.
ат̇а ко абараа д̣̇звад̇аа бхаг̇авад̇о санд̇игз имаа г̇аат̇ааяо абхааси –
Atha kho aparā devatā bhagavato santike imā gāthāyo abhāsi –
‘‘яассзва бхийд̇о на д̣̇ад̣̇аад̇и мажчарий, д̇ад̣̇зваад̣̇ад̣̇ад̇о бхаяам̣;
‘‘Yasseva bhīto na dadāti maccharī, tadevādadato bhayaṃ;
ж̇игхажчаа жа бибаасаа жа, яасса бхааяад̇и мажчарий;
Jighacchā ca pipāsā ca, yassa bhāyati maccharī;
д̇амзва б̣аалам̣ пусад̇и, асмим̣ логз барамхи жа.
Tameva bālaṃ phusati, asmiṃ loke paramhi ca.
‘‘д̇асмаа винзяяа мажчзрам̣, д̣̇аж̇ж̇аа д̣̇аанам̣ малаабхибхуу;
‘‘Tasmā vineyya maccheraṃ, dajjā dānaṃ malābhibhū;
бун̃н̃аани баралогасмим̣, бад̇идтаа хонд̇и баан̣ина’’нд̇и.
Puññāni paralokasmiṃ, patiṭṭhā honti pāṇina’’nti.
ат̇а ко абараа д̣̇звад̇аа бхаг̇авад̇о санд̇игз имаа г̇аат̇ааяо абхааси –
Atha kho aparā devatā bhagavato santike imā gāthāyo abhāsi –
‘‘д̇з мад̇зсу на мийяанд̇и, бант̇аанам̣ва сахаб̣б̣аж̇ам̣;
‘‘Te matesu na mīyanti, panthānaṃva sahabbajaṃ;
аббасмим̣ яз бавзжчанд̇и, зса д̇хаммо сананд̇ано.
Appasmiṃ ye pavecchanti, esa dhammo sanantano.
‘‘аббасмзгз бавзжчанд̇и, б̣ахунзгз на д̣̇ижчарз;
‘‘Appasmeke pavecchanti, bahuneke na dicchare;
аббасмаа д̣̇агкин̣аа д̣̇иннаа, сахассзна самам̣ мид̇аа’’д̇и.
Appasmā dakkhiṇā dinnā, sahassena samaṃ mitā’’ti.
ат̇а ко абараа д̣̇звад̇аа бхаг̇авад̇о санд̇игз имаа г̇аат̇ааяо абхааси –
Atha kho aparā devatā bhagavato santike imā gāthāyo abhāsi –
‘‘д̣̇уд̣̇д̣̇ад̣̇ам̣ д̣̇ад̣̇амаанаанам̣, д̣̇уггарам̣ гамма губ̣б̣ад̇ам̣;
‘‘Duddadaṃ dadamānānaṃ, dukkaraṃ kamma kubbataṃ;
асанд̇о наанугуб̣б̣анд̇и, сад̇ам̣ д̇хаммо д̣̇уранваяо 3.
Asanto nānukubbanti, sataṃ dhammo duranvayo 4.
‘‘д̇асмаа сад̇ан̃жа асад̇ам̣ 5, наанаа ход̇и ид̇о г̇ад̇и;
‘‘Tasmā satañca asataṃ 6, nānā hoti ito gati;
асанд̇о нираяам̣ яанд̇и, санд̇о саг̇г̇абарааяанаа’’д̇и.
Asanto nirayaṃ yanti, santo saggaparāyanā’’ti.
ат̇а ко абараа д̣̇звад̇аа бхаг̇авад̇о санд̇игз зд̇ад̣̇авожа – ‘‘гасса ну ко, бхаг̇аваа, субхаасид̇а’’нд̇и?
Atha kho aparā devatā bhagavato santike etadavoca – ‘‘kassa nu kho, bhagavā, subhāsita’’nti?
‘‘саб̣б̣аасам̣ во субхаасид̇ам̣ барияааязна; аби жа мамаби сун̣аат̇а –
‘‘Sabbāsaṃ vo subhāsitaṃ pariyāyena; api ca mamapi suṇātha –
‘‘д̇хаммам̣ жарз яоби самун̃ж̇агам̣ жарз,
‘‘Dhammaṃ care yopi samuñjakaṃ care,
д̣̇ааран̃жа босам̣ д̣̇ад̣̇амаббагасмим̣;
Dārañca posaṃ dadamappakasmiṃ;
сад̇ам̣ сахассаанам̣ сахассаяааг̇инам̣,
Sataṃ sahassānaṃ sahassayāginaṃ,
галамби нааг̇гханд̇и д̇ат̇аавид̇хасса д̇з’’д̇и.
Kalampi nāgghanti tathāvidhassa te’’ti.
ат̇а ко абараа д̣̇звад̇аа бхаг̇аванд̇ам̣ г̇аат̇ааяа аж̇жхабхааси –
Atha kho aparā devatā bhagavantaṃ gāthāya ajjhabhāsi –
‘‘гзнзса яан̃н̃о вибуло махаг̇г̇ад̇о,
‘‘Kenesa yañño vipulo mahaggato,
самзна д̣̇иннасса на аг̇гхамзд̇и;
Samena dinnassa na agghameti;
галамби нааг̇гханд̇и д̇ат̇аавид̇хасса д̇з’’д̇и.
Kalampi nāgghanti tathāvidhassa te’’ti.
‘‘д̣̇ад̣̇анд̇и хзгз висамз нивидтаа,
‘‘Dadanti heke visame niviṭṭhā,
чзд̇ваа вад̇хид̇ваа ат̇а сожаяид̇ваа;
Chetvā vadhitvā atha socayitvā;
саа д̣̇агкин̣аа ассумукаа сад̣̇ан̣д̣аа,
Sā dakkhiṇā assumukhā sadaṇḍā,
самзна д̣̇иннасса на аг̇гхамзд̇и.
Samena dinnassa na agghameti.
‘‘звам̣ сад̇ам̣ сахассаанам̣ сахассаяааг̇инам̣;
‘‘Evaṃ sataṃ sahassānaṃ sahassayāginaṃ;
галамби нааг̇гханд̇и д̇ат̇аавид̇хасса д̇з’’д̇и.
Kalampi nāgghanti tathāvidhassa te’’ti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. мажчарисуд̇д̇аван̣н̣анаа • 2. Maccharisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. мажчарисуд̇д̇аван̣н̣анаа • 2. Maccharisuttavaṇṇanā
