| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. мажчарисуд̇д̇аван̣н̣анаа
2. Maccharisuttavaṇṇanā
32. д̣̇уд̇ияз мажчзраа жа бамаад̣̇аа жаад̇и ад̇д̇асамбад̇д̇иниг̇ууханалагкан̣зна мажчзрзна жзва сад̇ивиббаваасалагкан̣зна бамаад̣̇зна жа. згажжо хи ‘ид̣̇ам̣ мз д̣̇знд̇асса баригкаяам̣ г̇амиссад̇и, маяхам̣ ваа гхарамаанусагаанам̣ ваа на бхависсад̇ий’’д̇и мажчариязна д̣̇аанам̣ на д̣̇зд̇и. згажжо кид̣д̣аад̣̇ибасуд̇ад̇д̇аа ‘д̣̇аанам̣ д̣̇аад̇аб̣б̣а’’нд̇и жид̇д̇амби на уббаад̣̇зд̇и. звам̣ д̣̇аанам̣ на д̣̇ийяад̇ийд̇и звамзд̇ам̣ яасад̣̇ааяагам̣ сирийд̣̇ааяагам̣ самбад̇д̇ид̣̇ааяагам̣ сукад̣̇ааяагам̣ д̣̇аанам̣ наама на д̣̇ийяад̇ийд̇иаад̣̇инаа гааран̣ам̣ гат̇зси. бун̃н̃ам̣ ааган̇камаанзнаад̇и буб̣б̣ажзд̇анаад̣̇ибхзд̣̇ам̣ бун̃н̃ам̣ ижчамаанзна. д̣̇зяяам̣ ход̇и виж̇аанад̇аад̇и ад̇т̇и д̣̇аанасса паланд̇и ж̇аананд̇зна д̣̇аад̇аб̣б̣амзваад̇и вад̣̇ад̇и.
32. Dutiye maccherā ca pamādā cāti attasampattinigūhanalakkhaṇena maccherena ceva sativippavāsalakkhaṇena pamādena ca. Ekacco hi ‘idaṃ me dentassa parikkhayaṃ gamissati, mayhaṃ vā gharamānusakānaṃ vā na bhavissatī’’ti macchariyena dānaṃ na deti. Ekacco khiḍḍādipasutattā ‘dānaṃ dātabba’’nti cittampi na uppādeti. Evaṃ dānaṃ na dīyatīti evametaṃ yasadāyakaṃ sirīdāyakaṃ sampattidāyakaṃ sukhadāyakaṃ dānaṃ nāma na dīyatītiādinā kāraṇaṃ kathesi. Puññaṃ ākaṅkhamānenāti pubbacetanādibhedaṃ puññaṃ icchamānena. Deyyaṃ hoti vijānatāti atthi dānassa phalanti jānantena dātabbamevāti vadati.
д̇амзва б̣аалам̣ пусад̇ийд̇и д̇ам̣язва б̣аалам̣ ид̇халогабаралогзсу ж̇игхажчаа жа бибаасаа жа пусад̇и ануб̣анд̇хад̇и на виж̇ахад̇и. д̇асмаад̇и яасмаа д̇амзва пусад̇и, д̇асмаа. винзяяа мажчзранд̇и мажчзрамалам̣ винзд̇ваа. д̣̇аж̇ж̇аа д̣̇аанам̣ малаабхибхууд̇и малаабхибхуу худ̇ваа д̇ам̣ мажчзрамалам̣ абхибхавид̇ваа д̣̇аанам̣ д̣̇ад̣̇зяяа.
Tameva bālaṃ phusatīti taṃyeva bālaṃ idhalokaparalokesu jighacchā ca pipāsā ca phusati anubandhati na vijahati. Tasmāti yasmā tameva phusati, tasmā. Vineyya maccheranti maccheramalaṃ vinetvā. Dajjā dānaṃ malābhibhūti malābhibhū hutvā taṃ maccheramalaṃ abhibhavitvā dānaṃ dadeyya.
д̇з мад̇зсу на мийяанд̇ийд̇и ад̣̇аанасийлад̇ааяа маран̣зна мад̇зсу на мийяанд̇и. яат̇аа хи мад̇о самбариваарзд̇ваа табид̇з б̣ахумхиби аннабаанаад̣̇имхи ‘‘ид̣̇ам̣ имасса ход̇у, ид̣̇ам̣ имассаа’’д̇и удтахид̇ваа сам̣вибхааг̇ам̣ на гарод̇и, звам̣ ад̣̇аанасийлобийд̇и мад̇агасса жа ад̣̇аанасийласса жа бхог̇аа самасамаа наама хонд̇и. д̇зна д̣̇аанасийлаа зваруубзсу мад̇зсу на мийяанд̇ийд̇и ад̇т̇о. бант̇аанам̣ва саха важ̇ам̣, аббасмим̣ яз бавзжчанд̇ийд̇и яат̇аа ад̣̇д̇хаанам̣ ганд̇аарамаг̇г̇ам̣ саха важ̇анд̇аа бат̇игаа саха важ̇анд̇аанам̣ бат̇игаанам̣ аббасмим̣ баат̇зяяз сам̣вибхааг̇ам̣ гад̇ваа бавзжчанд̇и д̣̇ад̣̇анд̇иязва, звамзвам̣ яз бана анамад̇аг̇г̇ам̣ сам̣саараганд̇аарам̣ саха важ̇анд̇аа саха важ̇анд̇аанам̣ аббасмимби д̣̇зяяад̇хаммз сам̣вибхааг̇ам̣ гад̇ваа д̣̇ад̣̇анд̇иязва, д̇з мад̇зсу на мийяанд̇и.
Te matesu na mīyantīti adānasīlatāya maraṇena matesu na mīyanti. Yathā hi mato samparivāretvā ṭhapite bahumhipi annapānādimhi ‘‘idaṃ imassa hotu, idaṃ imassā’’ti uṭṭhahitvā saṃvibhāgaṃ na karoti, evaṃ adānasīlopīti matakassa ca adānasīlassa ca bhogā samasamā nāma honti. Tena dānasīlā evarūpesu matesu na mīyantīti attho. Panthānaṃva saha vajaṃ, appasmiṃ ye pavecchantīti yathā addhānaṃ kantāramaggaṃ saha vajantā pathikā saha vajantānaṃ pathikānaṃ appasmiṃ pātheyye saṃvibhāgaṃ katvā pavecchanti dadantiyeva, evamevaṃ ye pana anamataggaṃ saṃsārakantāraṃ saha vajantā saha vajantānaṃ appasmimpi deyyadhamme saṃvibhāgaṃ katvā dadantiyeva, te matesu na mīyanti.
зса д̇хаммо сананд̇анод̇и зса бораан̣аго д̇хаммо, сананд̇анаанам̣ ваа бан̣д̣ид̇аанам̣ зса д̇хаммод̇и. аббасмзгзд̇и аббасмим̣ д̣̇зяяад̇хаммз згз. бавзжчанд̇ийд̇и д̣̇ад̣̇анд̇и. б̣ахунзгз на д̣̇ижчарзд̇и б̣ахунааби бхог̇зна саманнааг̇ад̇аа згажжз на д̣̇ад̣̇анд̇и. сахассзна самам̣ мид̇аад̇и сахассзна сад̣̇д̇хим̣ мид̇аа, сахасса д̣̇аанасад̣̇исаа ход̇и.
Esa dhammo sanantanoti esa porāṇako dhammo, sanantanānaṃ vā paṇḍitānaṃ esa dhammoti. Appasmeketi appasmiṃ deyyadhamme eke. Pavecchantīti dadanti. Bahuneke na dicchareti bahunāpi bhogena samannāgatā ekacce na dadanti. Sahassena samaṃ mitāti sahassena saddhiṃ mitā, sahassa dānasadisā hoti.
д̣̇уранваяод̇и д̣̇урануг̇амано, д̣̇уббуурод̇и ад̇т̇о. д̇хаммам̣ жарзд̇и д̣̇асагусалагаммабат̇ад̇хаммам̣ жарад̇и. яоби самун̃ж̇аган̃жарзд̇и яо аби каламан̣д̣алаад̣̇исод̇ханабалаалаботанаад̣̇ивасзна самун̃ж̇аган̃жарад̇и. д̣̇ааран̃жа босанд̇и д̣̇ааран̃жа босанд̇о. д̣̇ад̣̇ам̣ аббагасминд̇и аббагасмим̣ бан̣н̣асаагамад̇д̇асмимби сам̣вибхааг̇ам̣ гад̇ваа д̣̇ад̣̇анд̇ова со д̇хаммам̣ жарад̇и. сад̇ам̣ сахассаананд̇и сахассам̣ сахассам̣ гад̇ваа г̇ан̣ид̇аанам̣ бурисаанам̣ сад̇ам̣, сад̇асахассанд̇и ад̇т̇о. сахассаяааг̇инанд̇и бхигкусахассасса ваа яааг̇о гахаабан̣асахассзна ваа ниб̣б̣ад̇д̇ид̇о яааг̇оби сахассаяааг̇о. со зд̇зсам̣ ад̇т̇ийд̇и сахассаяааг̇ино, д̇зсам̣ сахассаяааг̇инам̣. зд̇зна д̣̇асаннам̣ ваа бхигкугодийнам̣ д̣̇асаннам̣ ваа гахаабан̣агодийнам̣ бин̣д̣абаад̇о д̣̇ассид̇о ход̇и. яз зд̇д̇агам̣ д̣̇ад̣̇анд̇и, д̇з галамби наг̇гханд̇и д̇ат̇аавид̇хассаад̇и ааха. явааяам̣ самун̃ж̇агам̣ жаранд̇оби д̇хаммам̣ жарад̇и, д̣̇аарам̣ босзнд̇оби, аббагасмим̣ д̣̇ад̣̇анд̇оби, д̇ат̇аавид̇хасса зд̇з сахассаяааг̇ино галамби наг̇гханд̇и. яам̣ д̇зна д̣̇алид̣̇д̣̇зна згабадивийсагамад̇д̇амби салаагабхад̇д̇амад̇д̇амби ваа д̣̇иннам̣, д̇асса д̣̇аанасса саб̣б̣зсамби д̇зсам̣ д̣̇аанам̣ галам̣ наг̇гхад̇ийд̇и. галам̣ наама сол̣асабхааг̇оби сад̇абхааг̇оби сахассабхааг̇оби. ид̇ха сад̇абхааг̇о г̇ахид̇о. яам̣ д̇зна д̣̇аанам̣ д̣̇иннам̣, д̇асмим̣ сад̇ад̇хаа вибхад̇д̇з ид̇арзсам̣ д̣̇асагодисахассад̣̇аанам̣ д̇ад̇о згагодтаасамби наг̇гхад̇ийд̇и ааха.
Duranvayoti duranugamano, duppūroti attho. Dhammaṃ careti dasakusalakammapathadhammaṃ carati. Yopi samuñjakañcareti yo api khalamaṇḍalādisodhanapalālapoṭhanādivasena samuñjakañcarati. Dārañca posanti dārañca posanto. Dadaṃ appakasminti appakasmiṃ paṇṇasākamattasmimpi saṃvibhāgaṃ katvā dadantova so dhammaṃ carati. Sataṃ sahassānanti sahassaṃ sahassaṃ katvā gaṇitānaṃ purisānaṃ sataṃ, satasahassanti attho. Sahassayāginanti bhikkhusahassassa vā yāgo kahāpaṇasahassena vā nibbattito yāgopi sahassayāgo. So etesaṃ atthīti sahassayāgino, tesaṃ sahassayāginaṃ. Etena dasannaṃ vā bhikkhukoṭīnaṃ dasannaṃ vā kahāpaṇakoṭīnaṃ piṇḍapāto dassito hoti. Ye ettakaṃ dadanti, te kalampi nagghanti tathāvidhassāti āha. Yvāyaṃ samuñjakaṃ carantopi dhammaṃ carati, dāraṃ posentopi, appakasmiṃ dadantopi, tathāvidhassa ete sahassayāgino kalampi nagghanti. Yaṃ tena daliddena ekapaṭivīsakamattampi salākabhattamattampi vā dinnaṃ, tassa dānassa sabbesampi tesaṃ dānaṃ kalaṃ nagghatīti. Kalaṃ nāma soḷasabhāgopi satabhāgopi sahassabhāgopi. Idha satabhāgo gahito. Yaṃ tena dānaṃ dinnaṃ, tasmiṃ satadhā vibhatte itaresaṃ dasakoṭisahassadānaṃ tato ekakoṭṭhāsampi nagghatīti āha.
звам̣ д̇ат̇ааг̇ад̇з д̣̇аанасса аг̇гхам̣ гаронд̇з самийбз тид̇аа д̣̇звад̇аа жинд̇зси – ‘‘звам̣ бхаг̇аваа маханд̇ам̣ д̣̇аанам̣ баад̣̇зна баваддзд̇ваа рад̇анасад̇игз вияа нарагз багкибанд̇о ид̣̇ам̣ звам̣ барид̇д̇агам̣ д̣̇аанам̣ жанд̣̇аман̣д̣алз бахаранд̇о вияа угкибад̇и, гат̇ам̣ ну ко зд̇ам̣ махабпалад̇ара’’нд̇и ж̇аананад̇т̇ам̣ г̇аат̇ааяа аж̇жхабхааси. д̇ад̇т̇а гзнаад̇и гзна гааран̣зна. махаг̇г̇ад̇од̇и махад̇д̇ам̣ г̇ад̇о, вибулассзд̇ам̣ взважанам̣. самзна д̣̇иннассаад̇и самзна д̣̇иннасса д̣̇аанасса. ат̇ассаа бхаг̇аваа д̣̇аанам̣ вибхаж̇ид̇ваа д̣̇ассзнд̇о д̣̇ад̣̇анд̇и хзгзд̇иаад̣̇имааха. д̇ад̇т̇а висамз нивидтаад̇и висамз гааяаважийманогаммз бад̇идтид̇аа худ̇ваа. чзд̇ваад̇и бот̇зд̇ваа. вад̇хид̇ваад̇и маарзд̇ваа. сожаяид̇ваад̇и барам̣ согасамаббид̇ам̣ гад̇ваа. ассумукаад̇и ассумукасаммиссаа. барам̣ род̣̇аабзд̇ваа д̣̇иннад̣̇аанан̃хи ассумукад̣̇аананд̇и вужжад̇и. сад̣̇ан̣д̣аад̇и д̣̇ан̣д̣зна д̇аж̇ж̇зд̇ваа бахарид̇ваа д̣̇иннад̣̇агкин̣аа сад̣̇ан̣д̣аад̇и вужжад̇и. званд̇и наахам̣ саммаасамб̣уд̣̇д̇хад̇ааяа махаад̣̇аанам̣ г̇ахзд̇ваа аббапалам̣ наама гаад̇ум̣ саггоми барид̇д̇агад̣̇аанам̣ ваа махабпалам̣ наама. ид̣̇ам̣ бана махаад̣̇аанам̣ ад̇д̇ано уббад̇д̇ияаа абарисуд̣̇д̇хад̇ааяа звам̣ аббапалам̣ наама ход̇и, ид̇арам̣ барид̇д̇ад̣̇аанам̣ ад̇д̇ано уббад̇д̇ияаа барисуд̣̇д̇хад̇ааяа звам̣ махабпалам̣ наамаад̇и имамад̇т̇ам̣ д̣̇ассзнд̇о званд̇иаад̣̇имаахаад̇и. д̣̇уд̇ияам̣.
Evaṃ tathāgate dānassa agghaṃ karonte samīpe ṭhitā devatā cintesi – ‘‘evaṃ bhagavā mahantaṃ dānaṃ pādena pavaṭṭetvā ratanasatike viya narake pakkhipanto idaṃ evaṃ parittakaṃ dānaṃ candamaṇḍale paharanto viya ukkhipati, kathaṃ nu kho etaṃ mahapphalatara’’nti jānanatthaṃ gāthāya ajjhabhāsi. Tattha kenāti kena kāraṇena. Mahaggatoti mahattaṃ gato, vipulassetaṃ vevacanaṃ. Samena dinnassāti samena dinnassa dānassa. Athassā bhagavā dānaṃ vibhajitvā dassento dadanti heketiādimāha. Tattha visame niviṭṭhāti visame kāyavacīmanokamme patiṭṭhitā hutvā. Chetvāti pothetvā. Vadhitvāti māretvā. Socayitvāti paraṃ sokasamappitaṃ katvā. Assumukhāti assumukhasammissā. Paraṃ rodāpetvā dinnadānañhi assumukhadānanti vuccati. Sadaṇḍāti daṇḍena tajjetvā paharitvā dinnadakkhiṇā sadaṇḍāti vuccati. Evanti nāhaṃ sammāsambuddhatāya mahādānaṃ gahetvā appaphalaṃ nāma kātuṃ sakkomi parittakadānaṃ vā mahapphalaṃ nāma. Idaṃ pana mahādānaṃ attano uppattiyā aparisuddhatāya evaṃ appaphalaṃ nāma hoti, itaraṃ parittadānaṃ attano uppattiyā parisuddhatāya evaṃ mahapphalaṃ nāmāti imamatthaṃ dassento evantiādimāhāti. Dutiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. мажчарисуд̇д̇ам̣ • 2. Maccharisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 2. мажчарисуд̇д̇аван̣н̣анаа • 2. Maccharisuttavaṇṇanā
