| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
9. мажчарисуд̇д̇аван̣н̣анаа
9. Maccharisuttavaṇṇanā
49. навамз мажчаринод̇и мажчзрзна саманнааг̇ад̇аа. згажжо хи ад̇д̇ано васанадтаанз бхигкум̣ хад̇т̇ам̣ басаарзд̇вааби на ванд̣̇ад̇и, ан̃н̃ад̇т̇а г̇ад̇о вихаарам̣ бависид̇ваа саггажжам̣ ванд̣̇ид̇ваа мад̇хурабадисант̇аарам̣ гарод̇и – ‘‘бханд̇з, амхаагам̣ васанадтаанам̣ нааг̇ажчат̇а, самбанно бад̣̇зсо, бадиб̣алаа маяам̣ аяяаанам̣ яааг̇убхад̇д̇аад̣̇ийхи убадтаанам̣ гаад̇у’’нд̇и. бхигкуу ‘‘сад̣̇д̇хо аяам̣ убаасаго’’д̇и яааг̇убхад̇д̇аад̣̇ийхи сан̇г̇ан̣ханд̇и. ат̇зго т̇зро д̇асса г̇аамам̣ г̇анд̇ваа бин̣д̣ааяа жарад̇и. со д̇ам̣ д̣̇исваа ан̃н̃зна ваа г̇ажчад̇и, гхарам̣ ваа бависад̇и. сажзби саммукийбхаавам̣ ааг̇ажчад̇и, хад̇т̇зна ванд̣̇ид̇ваа – ‘‘аяяасса бхигкам̣ д̣̇зт̇а, ахам̣ згзна гаммзна г̇ажчаамий’’д̇и баггамад̇и. т̇зро сагалаг̇аамам̣ жарид̇ваа д̇ужчабад̇д̇ова нигкамад̇и. ид̣̇ам̣ д̇аава муд̣̇умажчарияам̣ наама, язна саманнааг̇ад̇о ад̣̇ааяагоби д̣̇ааяаго вияа бан̃н̃ааяад̇и. ид̇ха бана т̇ад̣̇д̇хамажчарияам̣ ад̇хиббзд̇ам̣, язна саманнааг̇ад̇о бхигкуусу бин̣д̣ааяа бавидтзсу, ‘‘т̇зраа тид̇аа’’д̇и вуд̇д̇з, ‘‘гим̣ маяхам̣ баад̣̇аа руж̇ж̇анд̇ий’’д̇иаад̣̇ийни вад̇ваа силаат̇амбхо вияа каан̣уго вияа жа т̇ад̣̇д̇хо худ̇ваа д̇идтад̇и, саамийжимби на гарод̇и. гад̣̇арияаад̇и ид̣̇ам̣ мажчаринод̇и бад̣̇ассзва взважанам̣. муд̣̇угамби хи мажчарияам̣ ‘‘мажчарияа’’нд̇зва вужжад̇и, т̇ад̣̇д̇хам̣ бана гад̣̇арияам̣ наама. барибхаасагаад̇и бхигкуу гхарад̣̇ваарз тид̇з д̣̇исваа, ‘‘гим̣ д̇умхз гасид̇ваа ааг̇ад̇аа, вабид̇ваа, лааяид̇ваа? маяам̣ ад̇д̇аноби на лабхаама, гуд̇о д̇умхаагам̣, сийгхам̣ нигкамат̇аа’’д̇иаад̣̇ийхи сам̣д̇аж̇ж̇агаа. анд̇арааяагараад̇и д̣̇ааяагасса саг̇г̇анд̇арааяо, бадиг̇г̇аахагаанам̣ лаабханд̇арааяо, ад̇д̇ано убагхаад̇од̇и имзсам̣ анд̇арааяаанам̣ гаарагаа.
49. Navame maccharinoti maccherena samannāgatā. Ekacco hi attano vasanaṭṭhāne bhikkhuṃ hatthaṃ pasāretvāpi na vandati, aññattha gato vihāraṃ pavisitvā sakkaccaṃ vanditvā madhurapaṭisanthāraṃ karoti – ‘‘bhante, amhākaṃ vasanaṭṭhānaṃ nāgacchatha, sampanno padeso, paṭibalā mayaṃ ayyānaṃ yāgubhattādīhi upaṭṭhānaṃ kātu’’nti. Bhikkhū ‘‘saddho ayaṃ upāsako’’ti yāgubhattādīhi saṅgaṇhanti. Atheko thero tassa gāmaṃ gantvā piṇḍāya carati. So taṃ disvā aññena vā gacchati, gharaṃ vā pavisati. Sacepi sammukhībhāvaṃ āgacchati, hatthena vanditvā – ‘‘ayyassa bhikkhaṃ detha, ahaṃ ekena kammena gacchāmī’’ti pakkamati. Thero sakalagāmaṃ caritvā tucchapattova nikkhamati. Idaṃ tāva mudumacchariyaṃ nāma, yena samannāgato adāyakopi dāyako viya paññāyati. Idha pana thaddhamacchariyaṃ adhippetaṃ, yena samannāgato bhikkhūsu piṇḍāya paviṭṭhesu, ‘‘therā ṭhitā’’ti vutte, ‘‘kiṃ mayhaṃ pādā rujjantī’’tiādīni vatvā silāthambho viya khāṇuko viya ca thaddho hutvā tiṭṭhati, sāmīcimpi na karoti. Kadariyāti idaṃ maccharinoti padasseva vevacanaṃ. Mudukampi hi macchariyaṃ ‘‘macchariya’’nteva vuccati, thaddhaṃ pana kadariyaṃ nāma. Paribhāsakāti bhikkhū gharadvāre ṭhite disvā, ‘‘kiṃ tumhe kasitvā āgatā, vapitvā, lāyitvā? Mayaṃ attanopi na labhāma, kuto tumhākaṃ, sīghaṃ nikkhamathā’’tiādīhi saṃtajjakā. Antarāyakarāti dāyakassa saggantarāyo, paṭiggāhakānaṃ lābhantarāyo, attano upaghātoti imesaṃ antarāyānaṃ kārakā.
самбарааяод̇и баралого. рад̇ийд̇и бан̃жагаамаг̇ун̣арад̇и. кид̣д̣аад̇и гааяигакид̣д̣аад̣̇игаа д̇ивид̇хаа кид̣д̣аа. д̣̇идтз д̇хаммзса вибаагод̇и д̇асмим̣ ниб̣б̣ад̇д̇абхаванз д̣̇идтз д̇хаммз зса вибааго. самбарааяз жа д̣̇уг̇г̇ад̇ийд̇и ‘‘яамалогам̣ убабаж̇ж̇арз’’д̇и вуд̇д̇з самбарааяз жа д̣̇уг̇г̇ад̇и.
Samparāyoti paraloko. Ratīti pañcakāmaguṇarati. Khiḍḍāti kāyikakhiḍḍādikā tividhā khiḍḍā. Diṭṭhe dhammesa vipākoti tasmiṃ nibbattabhavane diṭṭhe dhamme esa vipāko. Samparāye ca duggatīti ‘‘yamalokaṃ upapajjare’’ti vutte samparāye ca duggati.
вад̣̇ан̃н̃ууд̇и бхигкуу гхарад̣̇ваарз тид̇аа гин̃жааби д̇ун̣хийва хонд̇и, ад̇т̇ад̇о бана – ‘‘бхигкам̣ д̣̇зт̇аа’’д̇и вад̣̇анд̇и наама. д̇ад̇ра яз ‘‘маяам̣ бажаама, имз бана на бажанд̇и, бажамаанз бад̇ваа алабханд̇аа гухим̣ лабхиссанд̇ий’’д̇и? д̣̇зяяад̇хаммам̣ сам̣вибхаж̇анд̇и, д̇з вад̣̇ан̃н̃уу наама. багаасанд̇ийд̇и вимаанаббабхааяа ж̇од̇анд̇и. барасамбхад̇зсууд̇и барзхи самбин̣д̣ид̇зсу. самбарааяз жа суг̇г̇ад̇ийд̇и, ‘‘зд̇з саг̇г̇аа’’д̇и звам̣ вуд̇д̇асамбарааяз суг̇ад̇и. убхиннамби ваа зд̇зсам̣ д̇ад̇о жавид̇ваа буна самбарааязби д̣̇уг̇г̇ад̇исуг̇ад̇иязва ход̇ийд̇и. навамам̣.
Vadaññūti bhikkhū gharadvāre ṭhitā kiñcāpi tuṇhīva honti, atthato pana – ‘‘bhikkhaṃ dethā’’ti vadanti nāma. Tatra ye ‘‘mayaṃ pacāma, ime pana na pacanti, pacamāne patvā alabhantā kuhiṃ labhissantī’’ti? Deyyadhammaṃ saṃvibhajanti, te vadaññū nāma. Pakāsantīti vimānappabhāya jotanti. Parasambhatesūti parehi sampiṇḍitesu. Samparāye ca suggatīti, ‘‘ete saggā’’ti evaṃ vuttasamparāye sugati. Ubhinnampi vā etesaṃ tato cavitvā puna samparāyepi duggatisugatiyeva hotīti. Navamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. мажчарисуд̇д̇ам̣ • 9. Maccharisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9. мажчарисуд̇д̇аван̣н̣анаа • 9. Maccharisuttavaṇṇanā
