| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
9. мажчарисуд̇д̇аван̣н̣анаа
9. Maccharisuttavaṇṇanā
49. мажчаринод̇и мажчзраванд̇о мажчзрасаман̇г̇инод̇и ааха ‘‘мажчзрзна саманнааг̇ад̇аа’’д̇и. мажчзрам̣ мажчарияанд̇и ад̇т̇ад̇о згам̣. на ванд̣̇ад̇ийд̇и ванд̣̇анамад̇д̇амби на гарод̇и, гуд̇о д̣̇аананд̇и ад̇хиббааяо. убадтаанам̣ гаад̇унд̇и мад̇хурабадисант̇аарам̣ гарод̇ийд̇и яож̇анаа. ид̣̇ам̣ д̇аава муд̣̇умажчарияам̣ на хад̣̇аяам̣ вияа ад̇д̇аанам̣ д̣̇ассзнд̇асса мажчарияанд̇и гад̇ваа. гим̣ д̇уяхам̣ баад̣̇аа руж̇ж̇анд̇и нану д̇уяхам̣язва ааг̇ад̇аг̇аманзсу баад̣̇аа руж̇ж̇анд̇и, гинд̇з имз чинд̣̇анд̇ийд̇и ад̇хиббааяо. саамийжимби на гарод̇и гуд̇о д̣̇аананд̇и ад̇хиббааяо. яат̇аагаммам̣ д̇ам̣д̇ам̣г̇ад̇ияо аранд̇и убаг̇ажчанд̇ийд̇и арияаа, сад̇д̇аа. имз бана гужчид̇аа арияаад̇и гад̣̇арияаа, т̇ад̣̇д̇хамажчарино. мажчарияасад̣̇исан̃хи гужчид̇ам̣ саб̣б̣ахийнам̣ над̇т̇и саб̣б̣аг̇ун̣аабхибхууд̇ад̇д̇аа бхог̇асамбад̇д̇иаад̣̇исаб̣б̣асамбад̇д̇ийнам̣ муулабхууд̇асса д̣̇аанасса нисзд̇хад̇о. ид̇иаад̣̇ийхи важанзхи. ад̇д̇ано убагхаад̇агод̇и мажчарияаануяог̇зна гусалад̇хаммаанам̣ г̇ад̇исамбад̇д̇ияаа жа винаасаго.
49.Maccharinoti maccheravanto maccherasamaṅginoti āha ‘‘maccherena samannāgatā’’ti. Maccheraṃ macchariyanti atthato ekaṃ. Na vandatīti vandanamattampi na karoti, kuto dānanti adhippāyo. Upaṭṭhānaṃ kātunti madhurapaṭisanthāraṃ karotīti yojanā. Idaṃ tāva mudumacchariyaṃ na hadayaṃ viya attānaṃ dassentassa macchariyanti katvā. Kiṃ tuyhaṃ pādā rujjanti nanu tuyhaṃyeva āgatagamanesu pādā rujjanti, kinte ime chindantīti adhippāyo. Sāmīcimpi na karoti kuto dānanti adhippāyo. Yathākammaṃ taṃtaṃgatiyo aranti upagacchantīti ariyā, sattā. Ime pana kucchitā ariyāti kadariyā, thaddhamaccharino. Macchariyasadisañhi kucchitaṃ sabbahīnaṃ natthi sabbaguṇābhibhūtattā bhogasampattiādisabbasampattīnaṃ mūlabhūtassa dānassa nisedhato. Itiādīhi vacanehi. Attano upaghātakoti macchariyānuyogena kusaladhammānaṃ gatisampattiyā ca vināsako.
бун̃н̃абаабавасзна самбарзд̇аб̣б̣ад̇о убаг̇анд̇аб̣б̣ад̇о самбарааяо, баралого. гаамаг̇ун̣арад̇ийд̇и гаамаг̇ун̣асанниссаяо ассаад̣̇о. кид̣д̣аад̇и гааяигакид̣д̣аа ваажасигакид̣д̣аа жзд̇асигакид̣д̣аад̇и звам̣ д̇ивид̇хаа. зса вибаагод̇и жол̣аад̣̇ийнам̣ гижчалаабход̇и зса зваруубо вибааго. яамалоганд̇и баралогам̣. убабаж̇ж̇арзд̇и зд̇т̇а ид̇и-сад̣̇д̣̇о багаарад̇т̇о. д̇зна баал̣ияам̣ вуд̇д̇ам̣ нираяам̣ д̇иражчаанаяонин̃жа сан̇г̇ан̣хаад̇и.
Puññapāpavasena samparetabbato upagantabbato samparāyo, paraloko. Kāmaguṇaratīti kāmaguṇasannissayo assādo. Khiḍḍāti kāyikakhiḍḍā vācasikakhiḍḍā cetasikakhiḍḍāti evaṃ tividhā. Esa vipākoti coḷādīnaṃ kicchalābhoti esa evarūpo vipāko. Yamalokanti paralokaṃ. Upapajjareti ettha iti-saddo pakārattho. Tena pāḷiyaṃ vuttaṃ nirayaṃ tiracchānayoniñca saṅgaṇhāti.
яаажанд̇и наама арияаяаажанааяа. вуд̇д̇ан̃хзд̇ам̣ ‘‘уд̣̇д̣̇исса арияаа д̇идтанд̇и, зсаа арияаана яаажанаа’’д̇и (ж̇аа. 1.7.59). яз сам̣вибхаж̇анд̇и, д̇з вад̣̇ан̃н̃уу наама н̃ад̇ваа гад̇д̇аб̣б̣агаран̣ад̇о. вимаанаббабхааяаад̇и нид̣̇ассанамад̇д̇ам̣, уяяаанагаббаругкаббабхаахи д̣̇звад̇аанам̣ вад̇т̇аабхаран̣асарийраббабхаахиби саг̇г̇з багаасзнд̇иязва. багаасанд̇ийд̇и ваа баагадаа хонд̇и, на абааяалогз вияа абаагадаад̇и ад̇т̇о. барасамбхад̇зсууд̇и саяам̣ самбхад̇ам̣ анаабаж̇ж̇ид̇ваа барзхзва самбхарид̇зсу сукуубагаран̣зсу. д̇знааха баал̣ияам̣ ‘‘васавад̇д̇ийва мод̣̇арз’’д̇и, бараниммид̇абхог̇зсу васавад̇д̇ий д̣̇звабуд̇д̇аа вияа сукасаман̇г̇ид̇ааяа мод̣̇анд̇ийд̇и ад̇т̇о. звам̣ вуд̇д̇асамбарааяод̇и зд̇з саг̇г̇аад̇и звам̣ хздтаа вуд̇д̇асамбарааяо. убхиннанд̇и зд̇зсам̣ яат̇аавуд̇д̇аанам̣ убхиннам̣ д̣̇уггадасугадагаммагаарийнам̣. д̇ад̇о жавид̇ваа д̇ад̇о нираяасаг̇г̇аад̣̇ид̇о жавид̇ваа мануссзсу ниб̣б̣ад̇д̇ад̇и. д̇зсу яо мажчарий мануссзсу ниб̣б̣ад̇д̇о, со д̣̇алид̣̇д̣̇о худ̇ваа буб̣б̣ажарияавасзна мажчарийязва хонд̇о д̣̇аараад̣̇ибхаран̣ад̇т̇ам̣ мажчагажчабаад̣̇ийни ханд̇ваа бунаби нираяз ниб̣б̣ад̇д̇о. ид̇аро суд̣̇д̇хаасаяо самид̣̇д̇хо худ̇ваа буб̣б̣ажарияаавасзна бунаби бун̃н̃аани гад̇ваа саг̇г̇з ниб̣б̣ад̇д̇зяяа. д̇знааха ‘‘буна самбарааязби д̣̇уг̇г̇ад̇исуг̇ад̇иязва ход̇ий’’д̇и.
Yācanti nāma ariyayācanāya. Vuttañhetaṃ ‘‘uddissa ariyā tiṭṭhanti, esā ariyāna yācanā’’ti (jā. 1.7.59). Ye saṃvibhajanti, te vadaññū nāma ñatvā kattabbakaraṇato. Vimānappabhāyāti nidassanamattaṃ, uyyānakapparukkhappabhāhi devatānaṃ vatthābharaṇasarīrappabhāhipi sagge pakāsentiyeva. Pakāsantīti vā pākaṭā honti, na apāyaloke viya apākaṭāti attho. Parasambhatesūti sayaṃ sambhataṃ anāpajjitvā pareheva sambharitesu sukhūpakaraṇesu. Tenāha pāḷiyaṃ ‘‘vasavattīva modare’’ti, paranimmitabhogesu vasavattī devaputtā viya sukhasamaṅgitāya modantīti attho. Evaṃ vuttasamparāyoti ete saggāti evaṃ heṭṭhā vuttasamparāyo. Ubhinnanti etesaṃ yathāvuttānaṃ ubhinnaṃ dukkaṭasukaṭakammakārīnaṃ. Tato cavitvā tato nirayasaggādito cavitvā manussesu nibbattati. Tesu yo maccharī manussesu nibbatto, so daliddo hutvā pubbacariyavasena maccharīyeva honto dārādibharaṇatthaṃ macchakacchapādīni hantvā punapi niraye nibbatto. Itaro suddhāsayo samiddho hutvā pubbacariyāvasena punapi puññāni katvā sagge nibbatteyya. Tenāha ‘‘puna samparāyepi duggatisugatiyeva hotī’’ti.
мажчарисуд̇д̇аван̣н̣анаа нидтид̇аа.
Maccharisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 9. мажчарисуд̇д̇ам̣ • 9. Maccharisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9. мажчарисуд̇д̇аван̣н̣анаа • 9. Maccharisuttavaṇṇanā
