| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਮਚ੍ਛਰਿਸੁਤ੍ਤવਣ੍ਣਨਾ
2. Maccharisuttavaṇṇanā
੩੨. ਦੁਤਿਯੇ ਮਚ੍ਛੇਰਾ ਚ ਪਮਾਦਾ ਚਾਤਿ ਅਤ੍ਤਸਮ੍ਪਤ੍ਤਿਨਿਗੂਹਨਲਕ੍ਖਣੇਨ ਮਚ੍ਛੇਰੇਨ ਚੇવ ਸਤਿવਿਪ੍ਪવਾਸਲਕ੍ਖਣੇਨ ਪਮਾਦੇਨ ਚ। ਏਕਚ੍ਚੋ ਹਿ ‘ਇਦਂ ਮੇ ਦੇਨ੍ਤਸ੍ਸ ਪਰਿਕ੍ਖਯਂ ਗਮਿਸ੍ਸਤਿ, ਮਯ੍ਹਂ વਾ ਘਰਮਾਨੁਸਕਾਨਂ વਾ ਨ ਭવਿਸ੍ਸਤੀ’’ਤਿ ਮਚ੍ਛਰਿਯੇਨ ਦਾਨਂ ਨ ਦੇਤਿ। ਏਕਚ੍ਚੋ ਖਿਡ੍ਡਾਦਿਪਸੁਤਤ੍ਤਾ ‘ਦਾਨਂ ਦਾਤਬ੍ਬ’’ਨ੍ਤਿ ਚਿਤ੍ਤਮ੍ਪਿ ਨ ਉਪ੍ਪਾਦੇਤਿ। ਏવਂ ਦਾਨਂ ਨ ਦੀਯਤੀਤਿ ਏવਮੇਤਂ ਯਸਦਾਯਕਂ ਸਿਰੀਦਾਯਕਂ ਸਮ੍ਪਤ੍ਤਿਦਾਯਕਂ ਸੁਖਦਾਯਕਂ ਦਾਨਂ ਨਾਮ ਨ ਦੀਯਤੀਤਿਆਦਿਨਾ ਕਾਰਣਂ ਕਥੇਸਿ। ਪੁਞ੍ਞਂ ਆਕਙ੍ਖਮਾਨੇਨਾਤਿ ਪੁਬ੍ਬਚੇਤਨਾਦਿਭੇਦਂ ਪੁਞ੍ਞਂ ਇਚ੍ਛਮਾਨੇਨ। ਦੇਯ੍ਯਂ ਹੋਤਿ વਿਜਾਨਤਾਤਿ ਅਤ੍ਥਿ ਦਾਨਸ੍ਸ ਫਲਨ੍ਤਿ ਜਾਨਨ੍ਤੇਨ ਦਾਤਬ੍ਬਮੇવਾਤਿ વਦਤਿ।
32. Dutiye maccherā ca pamādā cāti attasampattinigūhanalakkhaṇena maccherena ceva sativippavāsalakkhaṇena pamādena ca. Ekacco hi ‘idaṃ me dentassa parikkhayaṃ gamissati, mayhaṃ vā gharamānusakānaṃ vā na bhavissatī’’ti macchariyena dānaṃ na deti. Ekacco khiḍḍādipasutattā ‘dānaṃ dātabba’’nti cittampi na uppādeti. Evaṃ dānaṃ na dīyatīti evametaṃ yasadāyakaṃ sirīdāyakaṃ sampattidāyakaṃ sukhadāyakaṃ dānaṃ nāma na dīyatītiādinā kāraṇaṃ kathesi. Puññaṃ ākaṅkhamānenāti pubbacetanādibhedaṃ puññaṃ icchamānena. Deyyaṃ hoti vijānatāti atthi dānassa phalanti jānantena dātabbamevāti vadati.
ਤਮੇવ ਬਾਲਂ ਫੁਸਤੀਤਿ ਤਂਯੇવ ਬਾਲਂ ਇਧਲੋਕਪਰਲੋਕੇਸੁ ਜਿਘਚ੍ਛਾ ਚ ਪਿਪਾਸਾ ਚ ਫੁਸਤਿ ਅਨੁਬਨ੍ਧਤਿ ਨ વਿਜਹਤਿ। ਤਸ੍ਮਾਤਿ ਯਸ੍ਮਾ ਤਮੇવ ਫੁਸਤਿ, ਤਸ੍ਮਾ। વਿਨੇਯ੍ਯ ਮਚ੍ਛੇਰਨ੍ਤਿ ਮਚ੍ਛੇਰਮਲਂ વਿਨੇਤ੍વਾ। ਦਜ੍ਜਾ ਦਾਨਂ ਮਲਾਭਿਭੂਤਿ ਮਲਾਭਿਭੂ ਹੁਤ੍વਾ ਤਂ ਮਚ੍ਛੇਰਮਲਂ ਅਭਿਭવਿਤ੍વਾ ਦਾਨਂ ਦਦੇਯ੍ਯ।
Tameva bālaṃ phusatīti taṃyeva bālaṃ idhalokaparalokesu jighacchā ca pipāsā ca phusati anubandhati na vijahati. Tasmāti yasmā tameva phusati, tasmā. Vineyya maccheranti maccheramalaṃ vinetvā. Dajjā dānaṃ malābhibhūti malābhibhū hutvā taṃ maccheramalaṃ abhibhavitvā dānaṃ dadeyya.
ਤੇ ਮਤੇਸੁ ਨ ਮੀਯਨ੍ਤੀਤਿ ਅਦਾਨਸੀਲਤਾਯ ਮਰਣੇਨ ਮਤੇਸੁ ਨ ਮੀਯਨ੍ਤਿ। ਯਥਾ ਹਿ ਮਤੋ ਸਮ੍ਪਰਿવਾਰੇਤ੍વਾ ਠਪਿਤੇ ਬਹੁਮ੍ਹਿਪਿ ਅਨ੍ਨਪਾਨਾਦਿਮ੍ਹਿ ‘‘ਇਦਂ ਇਮਸ੍ਸ ਹੋਤੁ, ਇਦਂ ਇਮਸ੍ਸਾ’’ਤਿ ਉਟ੍ਠਹਿਤ੍વਾ ਸਂવਿਭਾਗਂ ਨ ਕਰੋਤਿ, ਏવਂ ਅਦਾਨਸੀਲੋਪੀਤਿ ਮਤਕਸ੍ਸ ਚ ਅਦਾਨਸੀਲਸ੍ਸ ਚ ਭੋਗਾ ਸਮਸਮਾ ਨਾਮ ਹੋਨ੍ਤਿ। ਤੇਨ ਦਾਨਸੀਲਾ ਏવਰੂਪੇਸੁ ਮਤੇਸੁ ਨ ਮੀਯਨ੍ਤੀਤਿ ਅਤ੍ਥੋ। ਪਨ੍ਥਾਨਂવ ਸਹ વਜਂ, ਅਪ੍ਪਸ੍ਮਿਂ ਯੇ ਪવੇਚ੍ਛਨ੍ਤੀਤਿ ਯਥਾ ਅਦ੍ਧਾਨਂ ਕਨ੍ਤਾਰਮਗ੍ਗਂ ਸਹ વਜਨ੍ਤਾ ਪਥਿਕਾ ਸਹ વਜਨ੍ਤਾਨਂ ਪਥਿਕਾਨਂ ਅਪ੍ਪਸ੍ਮਿਂ ਪਾਥੇਯ੍ਯੇ ਸਂવਿਭਾਗਂ ਕਤ੍વਾ ਪવੇਚ੍ਛਨ੍ਤਿ ਦਦਨ੍ਤਿਯੇવ, ਏવਮੇવਂ ਯੇ ਪਨ ਅਨਮਤਗ੍ਗਂ ਸਂਸਾਰਕਨ੍ਤਾਰਂ ਸਹ વਜਨ੍ਤਾ ਸਹ વਜਨ੍ਤਾਨਂ ਅਪ੍ਪਸ੍ਮਿਮ੍ਪਿ ਦੇਯ੍ਯਧਮ੍ਮੇ ਸਂવਿਭਾਗਂ ਕਤ੍વਾ ਦਦਨ੍ਤਿਯੇવ, ਤੇ ਮਤੇਸੁ ਨ ਮੀਯਨ੍ਤਿ।
Te matesu na mīyantīti adānasīlatāya maraṇena matesu na mīyanti. Yathā hi mato samparivāretvā ṭhapite bahumhipi annapānādimhi ‘‘idaṃ imassa hotu, idaṃ imassā’’ti uṭṭhahitvā saṃvibhāgaṃ na karoti, evaṃ adānasīlopīti matakassa ca adānasīlassa ca bhogā samasamā nāma honti. Tena dānasīlā evarūpesu matesu na mīyantīti attho. Panthānaṃva saha vajaṃ, appasmiṃ ye pavecchantīti yathā addhānaṃ kantāramaggaṃ saha vajantā pathikā saha vajantānaṃ pathikānaṃ appasmiṃ pātheyye saṃvibhāgaṃ katvā pavecchanti dadantiyeva, evamevaṃ ye pana anamataggaṃ saṃsārakantāraṃ saha vajantā saha vajantānaṃ appasmimpi deyyadhamme saṃvibhāgaṃ katvā dadantiyeva, te matesu na mīyanti.
ਏਸ ਧਮ੍ਮੋ ਸਨਨ੍ਤਨੋਤਿ ਏਸ ਪੋਰਾਣਕੋ ਧਮ੍ਮੋ, ਸਨਨ੍ਤਨਾਨਂ વਾ ਪਣ੍ਡਿਤਾਨਂ ਏਸ ਧਮ੍ਮੋਤਿ। ਅਪ੍ਪਸ੍ਮੇਕੇਤਿ ਅਪ੍ਪਸ੍ਮਿਂ ਦੇਯ੍ਯਧਮ੍ਮੇ ਏਕੇ। ਪવੇਚ੍ਛਨ੍ਤੀਤਿ ਦਦਨ੍ਤਿ। ਬਹੁਨੇਕੇ ਨ ਦਿਚ੍ਛਰੇਤਿ ਬਹੁਨਾਪਿ ਭੋਗੇਨ ਸਮਨ੍ਨਾਗਤਾ ਏਕਚ੍ਚੇ ਨ ਦਦਨ੍ਤਿ। ਸਹਸ੍ਸੇਨ ਸਮਂ ਮਿਤਾਤਿ ਸਹਸ੍ਸੇਨ ਸਦ੍ਧਿਂ ਮਿਤਾ, ਸਹਸ੍ਸ ਦਾਨਸਦਿਸਾ ਹੋਤਿ।
Esa dhammo sanantanoti esa porāṇako dhammo, sanantanānaṃ vā paṇḍitānaṃ esa dhammoti. Appasmeketi appasmiṃ deyyadhamme eke. Pavecchantīti dadanti. Bahuneke na dicchareti bahunāpi bhogena samannāgatā ekacce na dadanti. Sahassena samaṃ mitāti sahassena saddhiṃ mitā, sahassa dānasadisā hoti.
ਦੁਰਨ੍વਯੋਤਿ ਦੁਰਨੁਗਮਨੋ, ਦੁਪ੍ਪੂਰੋਤਿ ਅਤ੍ਥੋ। ਧਮ੍ਮਂ ਚਰੇਤਿ ਦਸਕੁਸਲਕਮ੍ਮਪਥਧਮ੍ਮਂ ਚਰਤਿ। ਯੋਪਿ ਸਮੁਞ੍ਜਕਞ੍ਚਰੇਤਿ ਯੋ ਅਪਿ ਖਲਮਣ੍ਡਲਾਦਿਸੋਧਨਪਲਾਲਪੋਠਨਾਦਿવਸੇਨ ਸਮੁਞ੍ਜਕਞ੍ਚਰਤਿ। ਦਾਰਞ੍ਚ ਪੋਸਨ੍ਤਿ ਦਾਰਞ੍ਚ ਪੋਸਨ੍ਤੋ। ਦਦਂ ਅਪ੍ਪਕਸ੍ਮਿਨ੍ਤਿ ਅਪ੍ਪਕਸ੍ਮਿਂ ਪਣ੍ਣਸਾਕਮਤ੍ਤਸ੍ਮਿਮ੍ਪਿ ਸਂવਿਭਾਗਂ ਕਤ੍વਾ ਦਦਨ੍ਤੋવ ਸੋ ਧਮ੍ਮਂ ਚਰਤਿ। ਸਤਂ ਸਹਸ੍ਸਾਨਨ੍ਤਿ ਸਹਸ੍ਸਂ ਸਹਸ੍ਸਂ ਕਤ੍વਾ ਗਣਿਤਾਨਂ ਪੁਰਿਸਾਨਂ ਸਤਂ, ਸਤਸਹਸ੍ਸਨ੍ਤਿ ਅਤ੍ਥੋ। ਸਹਸ੍ਸਯਾਗਿਨਨ੍ਤਿ ਭਿਕ੍ਖੁਸਹਸ੍ਸਸ੍ਸ વਾ ਯਾਗੋ ਕਹਾਪਣਸਹਸ੍ਸੇਨ વਾ ਨਿਬ੍ਬਤ੍ਤਿਤੋ ਯਾਗੋਪਿ ਸਹਸ੍ਸਯਾਗੋ। ਸੋ ਏਤੇਸਂ ਅਤ੍ਥੀਤਿ ਸਹਸ੍ਸਯਾਗਿਨੋ, ਤੇਸਂ ਸਹਸ੍ਸਯਾਗਿਨਂ। ਏਤੇਨ ਦਸਨ੍ਨਂ વਾ ਭਿਕ੍ਖੁਕੋਟੀਨਂ ਦਸਨ੍ਨਂ વਾ ਕਹਾਪਣਕੋਟੀਨਂ ਪਿਣ੍ਡਪਾਤੋ ਦਸ੍ਸਿਤੋ ਹੋਤਿ। ਯੇ ਏਤ੍ਤਕਂ ਦਦਨ੍ਤਿ, ਤੇ ਕਲਮ੍ਪਿ ਨਗ੍ਘਨ੍ਤਿ ਤਥਾવਿਧਸ੍ਸਾਤਿ ਆਹ। ਯ੍વਾਯਂ ਸਮੁਞ੍ਜਕਂ ਚਰਨ੍ਤੋਪਿ ਧਮ੍ਮਂ ਚਰਤਿ, ਦਾਰਂ ਪੋਸੇਨ੍ਤੋਪਿ, ਅਪ੍ਪਕਸ੍ਮਿਂ ਦਦਨ੍ਤੋਪਿ, ਤਥਾવਿਧਸ੍ਸ ਏਤੇ ਸਹਸ੍ਸਯਾਗਿਨੋ ਕਲਮ੍ਪਿ ਨਗ੍ਘਨ੍ਤਿ। ਯਂ ਤੇਨ ਦਲਿਦ੍ਦੇਨ ਏਕਪਟਿવੀਸਕਮਤ੍ਤਮ੍ਪਿ ਸਲਾਕਭਤ੍ਤਮਤ੍ਤਮ੍ਪਿ વਾ ਦਿਨ੍ਨਂ, ਤਸ੍ਸ ਦਾਨਸ੍ਸ ਸਬ੍ਬੇਸਮ੍ਪਿ ਤੇਸਂ ਦਾਨਂ ਕਲਂ ਨਗ੍ਘਤੀਤਿ। ਕਲਂ ਨਾਮ ਸੋਲ਼ਸਭਾਗੋਪਿ ਸਤਭਾਗੋਪਿ ਸਹਸ੍ਸਭਾਗੋਪਿ। ਇਧ ਸਤਭਾਗੋ ਗਹਿਤੋ। ਯਂ ਤੇਨ ਦਾਨਂ ਦਿਨ੍ਨਂ, ਤਸ੍ਮਿਂ ਸਤਧਾ વਿਭਤ੍ਤੇ ਇਤਰੇਸਂ ਦਸਕੋਟਿਸਹਸ੍ਸਦਾਨਂ ਤਤੋ ਏਕਕੋਟ੍ਠਾਸਮ੍ਪਿ ਨਗ੍ਘਤੀਤਿ ਆਹ।
Duranvayoti duranugamano, duppūroti attho. Dhammaṃ careti dasakusalakammapathadhammaṃ carati. Yopi samuñjakañcareti yo api khalamaṇḍalādisodhanapalālapoṭhanādivasena samuñjakañcarati. Dārañca posanti dārañca posanto. Dadaṃ appakasminti appakasmiṃ paṇṇasākamattasmimpi saṃvibhāgaṃ katvā dadantova so dhammaṃ carati. Sataṃ sahassānanti sahassaṃ sahassaṃ katvā gaṇitānaṃ purisānaṃ sataṃ, satasahassanti attho. Sahassayāginanti bhikkhusahassassa vā yāgo kahāpaṇasahassena vā nibbattito yāgopi sahassayāgo. So etesaṃ atthīti sahassayāgino, tesaṃ sahassayāginaṃ. Etena dasannaṃ vā bhikkhukoṭīnaṃ dasannaṃ vā kahāpaṇakoṭīnaṃ piṇḍapāto dassito hoti. Ye ettakaṃ dadanti, te kalampi nagghanti tathāvidhassāti āha. Yvāyaṃ samuñjakaṃ carantopi dhammaṃ carati, dāraṃ posentopi, appakasmiṃ dadantopi, tathāvidhassa ete sahassayāgino kalampi nagghanti. Yaṃ tena daliddena ekapaṭivīsakamattampi salākabhattamattampi vā dinnaṃ, tassa dānassa sabbesampi tesaṃ dānaṃ kalaṃ nagghatīti. Kalaṃ nāma soḷasabhāgopi satabhāgopi sahassabhāgopi. Idha satabhāgo gahito. Yaṃ tena dānaṃ dinnaṃ, tasmiṃ satadhā vibhatte itaresaṃ dasakoṭisahassadānaṃ tato ekakoṭṭhāsampi nagghatīti āha.
ਏવਂ ਤਥਾਗਤੇ ਦਾਨਸ੍ਸ ਅਗ੍ਘਂ ਕਰੋਨ੍ਤੇ ਸਮੀਪੇ ਠਿਤਾ ਦੇવਤਾ ਚਿਨ੍ਤੇਸਿ – ‘‘ਏવਂ ਭਗવਾ ਮਹਨ੍ਤਂ ਦਾਨਂ ਪਾਦੇਨ ਪવਟ੍ਟੇਤ੍વਾ ਰਤਨਸਤਿਕੇ વਿਯ ਨਰਕੇ ਪਕ੍ਖਿਪਨ੍ਤੋ ਇਦਂ ਏવਂ ਪਰਿਤ੍ਤਕਂ ਦਾਨਂ ਚਨ੍ਦਮਣ੍ਡਲੇ ਪਹਰਨ੍ਤੋ વਿਯ ਉਕ੍ਖਿਪਤਿ, ਕਥਂ ਨੁ ਖੋ ਏਤਂ ਮਹਪ੍ਫਲਤਰ’’ਨ੍ਤਿ ਜਾਨਨਤ੍ਥਂ ਗਾਥਾਯ ਅਜ੍ਝਭਾਸਿ। ਤਤ੍ਥ ਕੇਨਾਤਿ ਕੇਨ ਕਾਰਣੇਨ। ਮਹਗ੍ਗਤੋਤਿ ਮਹਤ੍ਤਂ ਗਤੋ, વਿਪੁਲਸ੍ਸੇਤਂ વੇવਚਨਂ। ਸਮੇਨ ਦਿਨ੍ਨਸ੍ਸਾਤਿ ਸਮੇਨ ਦਿਨ੍ਨਸ੍ਸ ਦਾਨਸ੍ਸ। ਅਥਸ੍ਸਾ ਭਗવਾ ਦਾਨਂ વਿਭਜਿਤ੍વਾ ਦਸ੍ਸੇਨ੍ਤੋ ਦਦਨ੍ਤਿ ਹੇਕੇਤਿਆਦਿਮਾਹ। ਤਤ੍ਥ વਿਸਮੇ ਨਿવਿਟ੍ਠਾਤਿ વਿਸਮੇ ਕਾਯવਚੀਮਨੋਕਮ੍ਮੇ ਪਤਿਟ੍ਠਿਤਾ ਹੁਤ੍વਾ। ਛੇਤ੍વਾਤਿ ਪੋਥੇਤ੍વਾ। વਧਿਤ੍વਾਤਿ ਮਾਰੇਤ੍વਾ। ਸੋਚਯਿਤ੍વਾਤਿ ਪਰਂ ਸੋਕਸਮਪ੍ਪਿਤਂ ਕਤ੍વਾ। ਅਸ੍ਸੁਮੁਖਾਤਿ ਅਸ੍ਸੁਮੁਖਸਮ੍ਮਿਸ੍ਸਾ। ਪਰਂ ਰੋਦਾਪੇਤ੍વਾ ਦਿਨ੍ਨਦਾਨਞ੍ਹਿ ਅਸ੍ਸੁਮੁਖਦਾਨਨ੍ਤਿ વੁਚ੍ਚਤਿ। ਸਦਣ੍ਡਾਤਿ ਦਣ੍ਡੇਨ ਤਜ੍ਜੇਤ੍વਾ ਪਹਰਿਤ੍વਾ ਦਿਨ੍ਨਦਕ੍ਖਿਣਾ ਸਦਣ੍ਡਾਤਿ વੁਚ੍ਚਤਿ। ਏવਨ੍ਤਿ ਨਾਹਂ ਸਮ੍ਮਾਸਮ੍ਬੁਦ੍ਧਤਾਯ ਮਹਾਦਾਨਂ ਗਹੇਤ੍વਾ ਅਪ੍ਪਫਲਂ ਨਾਮ ਕਾਤੁਂ ਸਕ੍ਕੋਮਿ ਪਰਿਤ੍ਤਕਦਾਨਂ વਾ ਮਹਪ੍ਫਲਂ ਨਾਮ। ਇਦਂ ਪਨ ਮਹਾਦਾਨਂ ਅਤ੍ਤਨੋ ਉਪ੍ਪਤ੍ਤਿਯਾ ਅਪਰਿਸੁਦ੍ਧਤਾਯ ਏવਂ ਅਪ੍ਪਫਲਂ ਨਾਮ ਹੋਤਿ, ਇਤਰਂ ਪਰਿਤ੍ਤਦਾਨਂ ਅਤ੍ਤਨੋ ਉਪ੍ਪਤ੍ਤਿਯਾ ਪਰਿਸੁਦ੍ਧਤਾਯ ਏવਂ ਮਹਪ੍ਫਲਂ ਨਾਮਾਤਿ ਇਮਮਤ੍ਥਂ ਦਸ੍ਸੇਨ੍ਤੋ ਏવਨ੍ਤਿਆਦਿਮਾਹਾਤਿ। ਦੁਤਿਯਂ।
Evaṃ tathāgate dānassa agghaṃ karonte samīpe ṭhitā devatā cintesi – ‘‘evaṃ bhagavā mahantaṃ dānaṃ pādena pavaṭṭetvā ratanasatike viya narake pakkhipanto idaṃ evaṃ parittakaṃ dānaṃ candamaṇḍale paharanto viya ukkhipati, kathaṃ nu kho etaṃ mahapphalatara’’nti jānanatthaṃ gāthāya ajjhabhāsi. Tattha kenāti kena kāraṇena. Mahaggatoti mahattaṃ gato, vipulassetaṃ vevacanaṃ. Samena dinnassāti samena dinnassa dānassa. Athassā bhagavā dānaṃ vibhajitvā dassento dadanti heketiādimāha. Tattha visame niviṭṭhāti visame kāyavacīmanokamme patiṭṭhitā hutvā. Chetvāti pothetvā. Vadhitvāti māretvā. Socayitvāti paraṃ sokasamappitaṃ katvā. Assumukhāti assumukhasammissā. Paraṃ rodāpetvā dinnadānañhi assumukhadānanti vuccati. Sadaṇḍāti daṇḍena tajjetvā paharitvā dinnadakkhiṇā sadaṇḍāti vuccati. Evanti nāhaṃ sammāsambuddhatāya mahādānaṃ gahetvā appaphalaṃ nāma kātuṃ sakkomi parittakadānaṃ vā mahapphalaṃ nāma. Idaṃ pana mahādānaṃ attano uppattiyā aparisuddhatāya evaṃ appaphalaṃ nāma hoti, itaraṃ parittadānaṃ attano uppattiyā parisuddhatāya evaṃ mahapphalaṃ nāmāti imamatthaṃ dassento evantiādimāhāti. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਮਚ੍ਛਰਿਸੁਤ੍ਤਂ • 2. Maccharisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਮਚ੍ਛਰਿਸੁਤ੍ਤવਣ੍ਣਨਾ • 2. Maccharisuttavaṇṇanā
