| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
3. мажжубхааяанаабхааяанабан̃хо
3. Maccubhāyanābhāyanapañho
3. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘саб̣б̣з д̇асанд̇и д̣̇ан̣д̣асса, саб̣б̣з бхааяанд̇и мажжуно’д̇и, буна бхан̣ид̇ам̣ ‘арахаа саб̣б̣абхаяамад̇игганд̇о’д̇и. гим̣ ну ко, бханд̇з нааг̇асзна, арахаа д̣̇ан̣д̣абхаяаа д̇асад̇и , нираяз ваа нзраяигаа сад̇д̇аа ж̇алид̇аа гут̇ид̇аа д̇ад̇д̇аа санд̇ад̇д̇аа д̇амхаа ж̇алид̇аг̇г̇иж̇аалагаа махаанираяаа жавамаанаа мажжуно бхааяанд̇и. яад̣̇и, бханд̇з нааг̇асзна, бхаг̇авад̇аа бхан̣ид̇ам̣ ‘саб̣б̣з д̇асанд̇и д̣̇ан̣д̣асса, саб̣б̣з бхааяанд̇и мажжуно’д̇и, д̇зна хи ‘арахаа саб̣б̣абхаяамад̇игганд̇о’д̇и яам̣ важанам̣, д̇ам̣ мижчаа. яад̣̇и бхаг̇авад̇аа бхан̣ид̇ам̣ ‘арахаа саб̣б̣абхаяамад̇игганд̇о’д̇и, д̇зна хи ‘саб̣б̣з д̇асанд̇и д̣̇ан̣д̣асса, саб̣б̣з бхааяанд̇и мажжуно’д̇и д̇амби важанам̣ мижчаа. аяам̣ убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
3. ‘‘Bhante nāgasena, bhāsitampetaṃ bhagavatā ‘sabbe tasanti daṇḍassa, sabbe bhāyanti maccuno’ti, puna bhaṇitaṃ ‘arahā sabbabhayamatikkanto’ti. Kiṃ nu kho, bhante nāgasena, arahā daṇḍabhayā tasati , niraye vā nerayikā sattā jalitā kuthitā tattā santattā tamhā jalitaggijālakā mahānirayā cavamānā maccuno bhāyanti. Yadi, bhante nāgasena, bhagavatā bhaṇitaṃ ‘sabbe tasanti daṇḍassa, sabbe bhāyanti maccuno’ti, tena hi ‘arahā sabbabhayamatikkanto’ti yaṃ vacanaṃ, taṃ micchā. Yadi bhagavatā bhaṇitaṃ ‘arahā sabbabhayamatikkanto’ti, tena hi ‘sabbe tasanti daṇḍassa, sabbe bhāyanti maccuno’ti tampi vacanaṃ micchā. Ayaṃ ubhato koṭiko pañho tavānuppatto, so tayā nibbāhitabbo’’ti.
‘‘нзд̇ам̣, махаарааж̇а, важанам̣ бхаг̇авад̇аа араханд̇з убаад̣̇ааяа бхан̣ид̇ам̣ ‘саб̣б̣з д̇асанд̇и д̣̇ан̣д̣асса, саб̣б̣з бхааяанд̇и мажжуно’д̇и. табид̇о арахаа д̇асмим̣ вад̇т̇усмим̣, самуухад̇о бхаяахзд̇у арахад̇о. яз д̇з, махаарааж̇а, сад̇д̇аа сагилзсаа, язсан̃жа ад̇химад̇д̇аа ад̇д̇аануд̣̇идти, яз жа сукад̣̇угкзсу уннад̇ааванад̇аа, д̇з убаад̣̇ааяа бхаг̇авад̇аа бхан̣ид̇ам̣ ‘саб̣б̣з д̇асанд̇и д̣̇ан̣д̣асса, саб̣б̣з бхааяанд̇и мажжуно’д̇и. арахад̇о, махаарааж̇а, саб̣б̣аг̇ад̇и убажчиннаа, яони вид̣̇д̇хам̣сид̇аа, бадисанд̇хи убахад̇аа, бхаг̇г̇аа паасугаа, самуухад̇аа саб̣б̣абхаваалаяаа, самужчиннаа саб̣б̣асан̇каараа, хад̇ам̣ гусалаагусалам̣, вихад̇аа авиж̇ж̇аа, аб̣ийж̇ам̣ вин̃н̃аан̣ам̣ гад̇ам̣, д̣̇ад̣дхаа саб̣б̣агилзсаа, ад̇ивад̇д̇аа логад̇хаммаа, д̇асмаа арахаа на д̇асад̇и саб̣б̣абхаязхи.
‘‘Netaṃ, mahārāja, vacanaṃ bhagavatā arahante upādāya bhaṇitaṃ ‘sabbe tasanti daṇḍassa, sabbe bhāyanti maccuno’ti. Ṭhapito arahā tasmiṃ vatthusmiṃ, samūhato bhayahetu arahato. Ye te, mahārāja, sattā sakilesā, yesañca adhimattā attānudiṭṭhi, ye ca sukhadukkhesu unnatāvanatā, te upādāya bhagavatā bhaṇitaṃ ‘sabbe tasanti daṇḍassa, sabbe bhāyanti maccuno’ti. Arahato, mahārāja, sabbagati upacchinnā, yoni viddhaṃsitā, paṭisandhi upahatā, bhaggā phāsukā, samūhatā sabbabhavālayā, samucchinnā sabbasaṅkhārā, hataṃ kusalākusalaṃ, vihatā avijjā, abījaṃ viññāṇaṃ kataṃ, daḍḍhā sabbakilesā, ativattā lokadhammā, tasmā arahā na tasati sabbabhayehi.
‘‘ид̇ха, махаарааж̇а, ран̃н̃о жад̇д̇ааро махаамад̇д̇аа бхавзяяум̣ анурагкаа лад̣̇д̇хаяасаа виссаасигаа табид̇аа махад̇и иссарияз таанз. ат̇а рааж̇аа гисмин̃жи д̣̇зва гаран̣ийяз самуббаннз яаавад̇аа сагавиж̇ид̇з саб̣б̣аж̇анасса аан̣аабзяяа ‘саб̣б̣зва мз б̣алим̣ гаронд̇у, саад̇хзт̇а д̇умхз жад̇д̇ааро махаамад̇д̇аа д̇ам̣ гаран̣ийяа’нд̇и. аби ну ко, махаарааж̇а, д̇зсам̣ жад̇уннам̣ махаамад̇д̇аанам̣ б̣алибхаяаа санд̇аасо уббаж̇ж̇зяяаа’’д̇и? ‘‘на хи бханд̇з’’д̇и. ‘‘гзна гааран̣зна махаарааж̇аа’’д̇и. ‘‘табид̇аа д̇з, бханд̇з, ран̃н̃аа уд̇д̇амадтаанз, над̇т̇и д̇зсам̣ б̣али, самад̇игганд̇аб̣алино д̇з, авасзсз убаад̣̇ааяа ран̃н̃аа аан̣аабид̇ам̣ ‘саб̣б̣зва мз б̣алим̣ гаронд̇уу’д̇и. ‘‘звамзва ко, махаарааж̇а, нзд̇ам̣ важанам̣ бхаг̇авад̇аа араханд̇з убаад̣̇ааяа бхан̣ид̇ам̣, табид̇о арахаа д̇асмим̣ вад̇т̇усмим̣, самуухад̇о бхаяахзд̇у арахад̇о, яз д̇з, махаарааж̇а, сад̇д̇аа сагилзсаа, язсан̃жа ад̇химад̇д̇аа ад̇д̇аануд̣̇идти, яз жа сукад̣̇угкзсу уннад̇ааванад̇аа , д̇з убаад̣̇ааяа бхаг̇авад̇аа бхан̣ид̇ам̣ ‘саб̣б̣з д̇асанд̇и д̣̇ан̣д̣асса, саб̣б̣з бхааяанд̇и мажжуно’д̇и. д̇асмаа арахаа на д̇асад̇и саб̣б̣абхаязхий’’д̇и.
‘‘Idha, mahārāja, rañño cattāro mahāmattā bhaveyyuṃ anurakkhā laddhayasā vissāsikā ṭhapitā mahati issariye ṭhāne. Atha rājā kismiñci deva karaṇīye samuppanne yāvatā sakavijite sabbajanassa āṇāpeyya ‘sabbeva me baliṃ karontu, sādhetha tumhe cattāro mahāmattā taṃ karaṇīya’nti. Api nu kho, mahārāja, tesaṃ catunnaṃ mahāmattānaṃ balibhayā santāso uppajjeyyā’’ti? ‘‘Na hi bhante’’ti. ‘‘Kena kāraṇena mahārājā’’ti. ‘‘Ṭhapitā te, bhante, raññā uttamaṭṭhāne, natthi tesaṃ bali, samatikkantabalino te, avasese upādāya raññā āṇāpitaṃ ‘sabbeva me baliṃ karontū’ti. ‘‘Evameva kho, mahārāja, netaṃ vacanaṃ bhagavatā arahante upādāya bhaṇitaṃ, ṭhapito arahā tasmiṃ vatthusmiṃ, samūhato bhayahetu arahato, ye te, mahārāja, sattā sakilesā, yesañca adhimattā attānudiṭṭhi, ye ca sukhadukkhesu unnatāvanatā , te upādāya bhagavatā bhaṇitaṃ ‘sabbe tasanti daṇḍassa, sabbe bhāyanti maccuno’ti. Tasmā arahā na tasati sabbabhayehī’’ti.
‘‘нзд̇ам̣, бханд̇з нааг̇асзна, важанам̣ саавасзсам̣, ниравасзсаважанамзд̇ам̣ ‘саб̣б̣з’д̇и. д̇ад̇т̇а мз уд̇д̇арим̣ гааран̣ам̣ б̣руухи д̇ам̣ важанам̣ бад̇идтаабзд̇у’’нд̇и.
‘‘Netaṃ, bhante nāgasena, vacanaṃ sāvasesaṃ, niravasesavacanametaṃ ‘sabbe’ti. Tattha me uttariṃ kāraṇaṃ brūhi taṃ vacanaṃ patiṭṭhāpetu’’nti.
‘‘ид̇ха, махаарааж̇а, г̇аамз г̇аамассаамиго аан̣аабагам̣ аан̣аабзяяа ‘зхи, бхо аан̣аабага, яаавад̇аа г̇аамз г̇аамигаа, д̇з саб̣б̣з сийгхам̣ мама санд̇игз саннибаад̇зхий’д̇и. со ‘саад̇ху саамий’д̇и самбадижчид̇ваа г̇аамамаж̇жхз тад̇ваа д̇игкад̇д̇ум̣ сад̣̇д̣̇амануссаавзяяа ‘яаавад̇аа г̇аамз г̇аамигаа, д̇з саб̣б̣з сийгхасийгхам̣ саамино санд̇игз саннибад̇анд̇уу’д̇и. д̇ад̇о д̇з г̇аамигаа аан̣аабагасса важанзна д̇урид̇ад̇урид̇аа саннибад̇ид̇ваа г̇аамассаамигасса аарожзнд̇и ‘саннибад̇ид̇аа, саами, саб̣б̣з г̇аамигаа, яам̣ д̇з гаран̣ийяам̣ д̇ам̣ гарохий’д̇и. ид̇и со, махаарааж̇а, г̇аамассаамиго гудибурисз саннибаад̇знд̇о саб̣б̣з г̇аамигз аан̣аабзд̇и, д̇з жа аан̣ад̇д̇аа на саб̣б̣з саннибад̇анд̇и, гудибурисаа язва саннибад̇анд̇и, ‘зд̇д̇агаа язва мз г̇аамигаа’д̇и г̇аамассаамиго жа д̇ат̇аа самбадижчад̇и, ан̃н̃з б̣ахуд̇араа анааг̇ад̇аа ид̇т̇ибурисаа д̣̇аасид̣̇аасаа бхад̇агаа гаммагараа г̇аамигаа г̇илаанаа г̇омахим̣саа аж̇зл̣агаа суваанаа, яз анааг̇ад̇аа, саб̣б̣з д̇з аг̇ан̣ид̇аа, гудибурисз язва убаад̣̇ааяа аан̣аабид̇ад̇д̇аа ‘саб̣б̣з саннибад̇анд̇уу’д̇и. звамзва ко, махаарааж̇а, нзд̇ам̣ важанам̣ бхаг̇авад̇аа араханд̇з убаад̣̇ааяа бхан̣ид̇ам̣, табид̇о арахаа д̇асмим̣ вад̇т̇усмим̣, самуухад̇о бхаяахзд̇у арахад̇о, яз д̇з, махаарааж̇а, сад̇д̇аа сагилзсаа, язсан̃жа ад̇химад̇д̇аа ад̇д̇аануд̣̇идти, яз жа сукад̣̇угкзсу уннад̇ааванад̇аа, д̇з убаад̣̇ааяа бхаг̇авад̇аа бхан̣ид̇ам̣ ‘саб̣б̣з д̇асанд̇и д̣̇ан̣д̣асса, саб̣б̣з бхааяанд̇и мажжуно’д̇и . д̇асмаа арахаа на д̇асад̇и саб̣б̣абхаязхи.
‘‘Idha, mahārāja, gāme gāmassāmiko āṇāpakaṃ āṇāpeyya ‘ehi, bho āṇāpaka, yāvatā gāme gāmikā, te sabbe sīghaṃ mama santike sannipātehī’ti. So ‘sādhu sāmī’ti sampaṭicchitvā gāmamajjhe ṭhatvā tikkhattuṃ saddamanussāveyya ‘yāvatā gāme gāmikā, te sabbe sīghasīghaṃ sāmino santike sannipatantū’ti. Tato te gāmikā āṇāpakassa vacanena turitaturitā sannipatitvā gāmassāmikassa ārocenti ‘sannipatitā, sāmi, sabbe gāmikā, yaṃ te karaṇīyaṃ taṃ karohī’ti. Iti so, mahārāja, gāmassāmiko kuṭipurise sannipātento sabbe gāmike āṇāpeti, te ca āṇattā na sabbe sannipatanti, kuṭipurisā yeva sannipatanti, ‘ettakā yeva me gāmikā’ti gāmassāmiko ca tathā sampaṭicchati, aññe bahutarā anāgatā itthipurisā dāsidāsā bhatakā kammakarā gāmikā gilānā gomahiṃsā ajeḷakā suvānā, ye anāgatā, sabbe te agaṇitā, kuṭipurise yeva upādāya āṇāpitattā ‘sabbe sannipatantū’ti. Evameva kho, mahārāja, netaṃ vacanaṃ bhagavatā arahante upādāya bhaṇitaṃ, ṭhapito arahā tasmiṃ vatthusmiṃ, samūhato bhayahetu arahato, ye te, mahārāja, sattā sakilesā, yesañca adhimattā attānudiṭṭhi, ye ca sukhadukkhesu unnatāvanatā, te upādāya bhagavatā bhaṇitaṃ ‘sabbe tasanti daṇḍassa, sabbe bhāyanti maccuno’ti . Tasmā arahā na tasati sabbabhayehi.
‘‘ад̇т̇и, махаарааж̇а, саавасзсам̣ важанам̣ саавасзсо ад̇т̇о, ад̇т̇и саавасзсам̣ важанам̣ ниравасзсо ад̇т̇о, ад̇т̇и ниравасзсам̣ важанам̣ саавасзсо ад̇т̇о, ад̇т̇и ниравасзсам̣ важанам̣ ниравасзсо ад̇т̇о. д̇зна д̇зна ад̇т̇о самбадижчид̇аб̣б̣о.
‘‘Atthi, mahārāja, sāvasesaṃ vacanaṃ sāvaseso attho, atthi sāvasesaṃ vacanaṃ niravaseso attho, atthi niravasesaṃ vacanaṃ sāvaseso attho, atthi niravasesaṃ vacanaṃ niravaseso attho. Tena tena attho sampaṭicchitabbo.
‘‘бан̃жавид̇хзхи, махаарааж̇а, гааран̣зхи ад̇т̇о самбадижчид̇аб̣б̣о аахажжабад̣̇зна расзна аажарияавам̣сзна 1 ад̇хиббааяаа гааран̣уд̇д̇арияад̇ааяа. зд̇т̇а хи аахажжабад̣̇анд̇и суд̇д̇ам̣ ад̇хиббзд̇ам̣. расод̇и суд̇д̇аануломам̣. аажарияавам̣сод̇и аажарияаваад̣̇о. ад̇хиббааяод̇и ад̇д̇ано мад̇и. гааран̣уд̇д̇арияад̇аад̇и имзхи жад̇уухи самзнд̇ам̣ 2 гааран̣ам̣. имзхи ко, махаарааж̇а, бан̃жахи гааран̣зхи ад̇т̇о самбадижчид̇аб̣б̣о. звамзсо бан̃хо сувинижчид̇о ход̇ий’’д̇и.
‘‘Pañcavidhehi, mahārāja, kāraṇehi attho sampaṭicchitabbo āhaccapadena rasena ācariyavaṃsena 3 adhippāyā kāraṇuttariyatāya. Ettha hi āhaccapadanti suttaṃ adhippetaṃ. Rasoti suttānulomaṃ. Ācariyavaṃsoti ācariyavādo. Adhippāyoti attano mati. Kāraṇuttariyatāti imehi catūhi samentaṃ 4 kāraṇaṃ. Imehi kho, mahārāja, pañcahi kāraṇehi attho sampaṭicchitabbo. Evameso pañho suvinicchito hotī’’ti.
‘‘ход̇у, бханд̇з нааг̇асзна, д̇ат̇аа д̇ам̣ самбадижчаами. табид̇о ход̇у арахаа д̇асмим̣ вад̇т̇усмим̣, д̇асанд̇у авасзсаа сад̇д̇аа, нираяз бана нзраяигаа сад̇д̇аа д̣̇угкаа д̇иб̣б̣аа гадугаа взд̣̇анаа взд̣̇аяамаанаа ж̇алид̇абаж̇ж̇алид̇асаб̣б̣ан̇г̇абажжан̇г̇аа рун̣н̣агаарун̃н̃аганд̣̇ид̇абарид̣̇звид̇алаалаббид̇амукаа асаяхад̇иб̣б̣ад̣̇угкаабхибхууд̇аа ад̇аан̣аа асаран̣аа асаран̣ийбхууд̇аа анаббасогаад̇ураа анд̇имабажчимаг̇ад̇игаа зганд̇асогабарааяан̣аа ун̣хад̇икин̣ажан̣д̣акарад̇абанад̇зж̇аванд̇о бхиймабхаяаж̇анаганинаад̣̇амахаасад̣̇д̣̇аа сам̣сиб̣б̣ид̇ачаб̣б̣ид̇хаж̇аалаамаалаагулаа саманд̇аа сад̇аяож̇анаанупаран̣ажживзг̇аа гад̣̇арияаа д̇абанаа махаанираяаа жавамаанаа мажжуно бхааяанд̇ий’’д̇и? ‘‘аама, махаарааж̇аа’’д̇и.
‘‘Hotu, bhante nāgasena, tathā taṃ sampaṭicchāmi. Ṭhapito hotu arahā tasmiṃ vatthusmiṃ, tasantu avasesā sattā, niraye pana nerayikā sattā dukkhā tibbā kaṭukā vedanā vedayamānā jalitapajjalitasabbaṅgapaccaṅgā ruṇṇakāruññakanditaparidevitalālappitamukhā asayhatibbadukkhābhibhūtā atāṇā asaraṇā asaraṇībhūtā anappasokāturā antimapacchimagatikā ekantasokaparāyaṇā uṇhatikhiṇacaṇḍakharatapanatejavanto bhīmabhayajanakaninādamahāsaddā saṃsibbitachabbidhajālāmālākulā samantā satayojanānupharaṇaccivegā kadariyā tapanā mahānirayā cavamānā maccuno bhāyantī’’ti? ‘‘Āma, mahārājā’’ti.
‘‘нану, бханд̇з нааг̇асзна, нираяо зганд̇ад̣̇угкавзд̣̇анийяо, гисса бана д̇з нзраяигаа сад̇д̇аа зганд̇ад̣̇угкавзд̣̇анийяаа нираяаа жавамаанаа мажжуно бхааяанд̇и, гисса нираяз раманд̇ий’’д̇и? ‘‘на д̇з, махаарааж̇а, нзраяигаа сад̇д̇аа нираяз раманд̇и, мун̃жид̇угаамаава д̇з нираяаа. маран̣ассзва со 5, махаарааж̇а, аанубхааво, язна д̇зсам̣ санд̇аасо уббаж̇ж̇ад̇ий’’д̇и. ‘‘зд̇ам̣ ко, бханд̇з нааг̇асзна, на сад̣̇д̣̇ахаами, яам̣ мужжид̇угаамаанам̣ жуд̇ияаа санд̇аасо уббаж̇ж̇ад̇ийд̇и, хаасанийяам̣ , бханд̇з нааг̇асзна, д̇ам̣ таанам̣, яам̣ д̇з бад̇т̇ид̇ам̣ лабханд̇и, гааран̣зна мам̣ сан̃н̃аабзхий’’д̇и.
‘‘Nanu, bhante nāgasena, nirayo ekantadukkhavedanīyo, kissa pana te nerayikā sattā ekantadukkhavedanīyā nirayā cavamānā maccuno bhāyanti, kissa niraye ramantī’’ti? ‘‘Na te, mahārāja, nerayikā sattā niraye ramanti, muñcitukāmāva te nirayā. Maraṇasseva so 6, mahārāja, ānubhāvo, yena tesaṃ santāso uppajjatī’’ti. ‘‘Etaṃ kho, bhante nāgasena, na saddahāmi, yaṃ muccitukāmānaṃ cutiyā santāso uppajjatīti, hāsanīyaṃ , bhante nāgasena, taṃ ṭhānaṃ, yaṃ te patthitaṃ labhanti, kāraṇena maṃ saññāpehī’’ti.
‘‘маран̣анд̇и ко, махаарааж̇а, зд̇ам̣ ад̣̇идтасажжаанам̣ д̇аасанийяадтаанам̣, зд̇т̇ааяам̣ ж̇ано д̇асад̇и жа уб̣б̣иж̇ж̇ад̇и жа. яо жа, махаарааж̇а, ган̣хасаббасса бхааяад̇и, со маран̣асса бхааяанд̇о ган̣хасаббасса бхааяад̇и. яо жа хад̇т̇исса бхааяад̇и…бз… сийхасса…бз… б̣яаг̇гхасса…бз… д̣̇ийбисса…бз… ажчасса…бз… д̇аражчасса…бз… махим̣сасса…бз… г̇аваяасса…бз… аг̇г̇исса…бз… уд̣̇агасса…бз… каан̣угасса…бз… ган̣дагасса бхааяад̇и. яо жа сад̇д̇ияаа бхааяад̇и, со маран̣асса бхааяанд̇о сад̇д̇ияаа бхааяад̇и. маран̣ассзва со 7, махаарааж̇а, сарасасабхаавад̇зж̇о 8, д̇асса сарасасабхаавад̇зж̇зна сагилзсаа сад̇д̇аа маран̣асса д̇асанд̇и бхааяанд̇и, мужжид̇угаамааби, махаарааж̇а, нзраяигаа сад̇д̇аа маран̣асса д̇асанд̇и бхааяанд̇и.
‘‘Maraṇanti kho, mahārāja, etaṃ adiṭṭhasaccānaṃ tāsanīyaṭṭhānaṃ, etthāyaṃ jano tasati ca ubbijjati ca. Yo ca, mahārāja, kaṇhasappassa bhāyati, so maraṇassa bhāyanto kaṇhasappassa bhāyati. Yo ca hatthissa bhāyati…pe… sīhassa…pe… byagghassa…pe… dīpissa…pe… acchassa…pe… taracchassa…pe… mahiṃsassa…pe… gavayassa…pe… aggissa…pe… udakassa…pe… khāṇukassa…pe… kaṇṭakassa bhāyati. Yo ca sattiyā bhāyati, so maraṇassa bhāyanto sattiyā bhāyati. Maraṇasseva so 9, mahārāja, sarasasabhāvatejo 10, tassa sarasasabhāvatejena sakilesā sattā maraṇassa tasanti bhāyanti, muccitukāmāpi, mahārāja, nerayikā sattā maraṇassa tasanti bhāyanti.
‘‘ид̇ха, махаарааж̇а, бурисасса гааяз мзд̣̇о г̇ан̣ти уббаж̇ж̇зяяа. со д̇зна рог̇зна д̣̇угкид̇о убад̣̇д̣̇аваа баримужжид̇угаамо бхисаггам̣ саллагад̇д̇ам̣ ааманд̇аабзяяа. д̇асса важанам̣ со бхисагго саллагад̇д̇о самбадижчид̇ваа д̇асса рог̇асса уд̣̇д̇харан̣ааяа убагаран̣ам̣ убадтаабзяяа, сад̇т̇агам̣ д̇икин̣ам̣ гарзяяа , яамагасалаагаа 11 аг̇г̇имхи багкибзяяа, кааралаван̣ам̣ нисад̣̇ааяа бисаабзяяа, аби ну ко, махаарааж̇а, д̇асса аад̇урасса д̇икин̣асад̇т̇агажчзд̣̇анзна яамагасалаагаад̣̇аханзна кааралон̣аббавзсанзна д̇аасо уббаж̇ж̇зяяаа’’д̇и? ‘‘аама бханд̇з’’д̇и. ‘‘ид̇и, махаарааж̇а, д̇асса аад̇урасса рог̇аа мужжид̇угаамассааби взд̣̇анаабхаяаа санд̇аасо уббаж̇ж̇ад̇и. звамзва ко, махаарааж̇а, нираяаа мужжид̇угаамаанамби нзраяигаанам̣ сад̇д̇аанам̣ маран̣абхаяаа санд̇аасо уббаж̇ж̇ад̇и.
‘‘Idha, mahārāja, purisassa kāye medo gaṇṭhi uppajjeyya. So tena rogena dukkhito upaddavā parimuccitukāmo bhisakkaṃ sallakattaṃ āmantāpeyya. Tassa vacanaṃ so bhisakko sallakatto sampaṭicchitvā tassa rogassa uddharaṇāya upakaraṇaṃ upaṭṭhāpeyya, satthakaṃ tikhiṇaṃ kareyya , yamakasalākā 12 aggimhi pakkhipeyya, khāralavaṇaṃ nisadāya pisāpeyya, api nu kho, mahārāja, tassa āturassa tikhiṇasatthakacchedanena yamakasalākādahanena khāraloṇappavesanena tāso uppajjeyyā’’ti? ‘‘Āma bhante’’ti. ‘‘Iti, mahārāja, tassa āturassa rogā muccitukāmassāpi vedanābhayā santāso uppajjati. Evameva kho, mahārāja, nirayā muccitukāmānampi nerayikānaṃ sattānaṃ maraṇabhayā santāso uppajjati.
‘‘ид̇ха, махаарааж̇а, бурисо иссараабараад̇хиго б̣ад̣̇д̇хо сан̇калигаб̣анд̇ханзна г̇аб̣бхз багкид̇д̇о баримужжид̇угаамо асса, д̇амзнам̣ со иссаро можзд̇угаамо баггосаабзяяа. аби ну ко, махаарааж̇а, д̇асса иссараабараад̇хигасса бурисасса ‘гад̇ад̣̇осо аха’нд̇и ж̇аананд̇асса иссарад̣̇ассанзна санд̇аасо уббаж̇ж̇зяяаа’’д̇и? ‘‘аама бханд̇з’’д̇и. ‘‘ид̇и, махаарааж̇а, д̇асса иссараабараад̇хигасса бурисасса баримужжид̇угаамаассааби иссарабхаяаа санд̇аасо уббаж̇ж̇ад̇и. звамзва ко, махаарааж̇а, нираяаа мужжид̇угаамаанамби нзраяигаанам̣ сад̇д̇аанам̣ маран̣абхаяаа санд̇аасо уббаж̇ж̇ад̇ий’’д̇и.
‘‘Idha, mahārāja, puriso issarāparādhiko baddho saṅkhalikabandhanena gabbhe pakkhitto parimuccitukāmo assa, tamenaṃ so issaro mocetukāmo pakkosāpeyya. Api nu kho, mahārāja, tassa issarāparādhikassa purisassa ‘katadoso aha’nti jānantassa issaradassanena santāso uppajjeyyā’’ti? ‘‘Āma bhante’’ti. ‘‘Iti, mahārāja, tassa issarāparādhikassa purisassa parimuccitukāmāssāpi issarabhayā santāso uppajjati. Evameva kho, mahārāja, nirayā muccitukāmānampi nerayikānaṃ sattānaṃ maraṇabhayā santāso uppajjatī’’ti.
‘‘абарамби , бханд̇з, уд̇д̇арим̣ гааран̣ам̣ б̣руухи, язнаахам̣ гааран̣зна огаббзяяа’’нд̇и. ‘‘ид̇ха, махаарааж̇а, бурисо д̣̇адтависзна аасийвисзна д̣̇адто бхавзяяа, со д̇зна висавигаарзна бад̇зяяа уббад̇зяяа ваддзяяа баваддзяяа, ат̇ан̃н̃ад̇аро бурисо б̣алаванд̇зна манд̇абад̣̇зна д̇ам̣ д̣̇адтависам̣ аасийвисам̣ аанзд̇ваа д̇ам̣ д̣̇адтависам̣ бажжаажамаабзяяа, аби ну ко, махаарааж̇а, д̇асса висаг̇ад̇асса бурисасса д̇асмим̣ д̣̇адтависз саббз сод̇т̇ихзд̇у убаг̇ажчанд̇з санд̇аасо уббаж̇ж̇зяяаа’’д̇и? ‘‘аама бханд̇з’’д̇и. ид̇и, махаарааж̇а, д̇ат̇ааруубз ахимхи сод̇т̇ихзд̇уби убаг̇ажчанд̇з д̇асса санд̇аасо уббаж̇ж̇ад̇и. звамзва ко, махаарааж̇а, нираяаа мужжид̇угаамаанамби нзраяигаанам̣ санд̇аанам̣ маран̣абхаяаа санд̇аасо уббаж̇ж̇ад̇и. анидтам̣, махаарааж̇а, саб̣б̣асад̇д̇аанам̣ маран̣ам̣, д̇асмаа нзраяигаа сад̇д̇аа нираяаа баримужжид̇угаамааби мажжуно бхааяанд̇ий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Aparampi , bhante, uttariṃ kāraṇaṃ brūhi, yenāhaṃ kāraṇena okappeyya’’nti. ‘‘Idha, mahārāja, puriso daṭṭhavisena āsīvisena daṭṭho bhaveyya, so tena visavikārena pateyya uppateyya vaṭṭeyya pavaṭṭeyya, athaññataro puriso balavantena mantapadena taṃ daṭṭhavisaṃ āsīvisaṃ ānetvā taṃ daṭṭhavisaṃ paccācamāpeyya, api nu kho, mahārāja, tassa visagatassa purisassa tasmiṃ daṭṭhavise sappe sotthihetu upagacchante santāso uppajjeyyā’’ti? ‘‘Āma bhante’’ti. Iti, mahārāja, tathārūpe ahimhi sotthihetupi upagacchante tassa santāso uppajjati. Evameva kho, mahārāja, nirayā muccitukāmānampi nerayikānaṃ santānaṃ maraṇabhayā santāso uppajjati. Aniṭṭhaṃ, mahārāja, sabbasattānaṃ maraṇaṃ, tasmā nerayikā sattā nirayā parimuccitukāmāpi maccuno bhāyantī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
мажжубхааяанаабхааяанабан̃хо д̇ад̇ияо.
Maccubhāyanābhāyanapañho tatiyo.
Footnotes:
