| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. мажжубаасамуд̇д̇ибан̃хо
4. Maccupāsamuttipañho
4. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа –
4. ‘‘Bhante nāgasena, bhāsitampetaṃ bhagavatā –
‘‘‘на анд̇алигкз на самуд̣̇д̣̇амаж̇жхз, на баб̣б̣ад̇аанам̣ виварам̣ бависса;
‘‘‘Na antalikkhe na samuddamajjhe, na pabbatānaṃ vivaraṃ pavissa;
на виж̇ж̇ад̇ий со ж̇аг̇ад̇иббад̣̇зсо, яад̇т̇адтид̇о мужжзяяа мажжубаасаа’д̇и.
Na vijjatī so jagatippadeso, yatthaṭṭhito mucceyya maccupāsā’ti.
‘‘буна бхаг̇авад̇аа барид̇д̇аа жа уд̣̇д̣̇идтаа. сзяяат̇ид̣̇ам̣, рад̇анасуд̇д̇ам̣ мзд̇д̇асуд̇д̇ам̣ канд̇хабарид̇д̇ам̣ морабарид̇д̇ам̣ д̇хаж̇аг̇г̇абарид̇д̇ам̣ аадаанаадияабарид̇д̇ам̣ ан̇г̇улимаалабарид̇д̇ам̣. яад̣̇и, бханд̇з нааг̇асзна, аагаасаг̇ад̇оби самуд̣̇д̣̇амаж̇жхаг̇ад̇оби баасаад̣̇агудилзн̣аг̇ухаабаб̣бхаарад̣̇ариб̣илаг̇ири виварабаб̣б̣ад̇анд̇араг̇ад̇оби на мужжад̇и мажжубаасаа, д̇зна хи барид̇д̇агаммам̣ мижчаа. яад̣̇и барид̇д̇агаран̣зна мажжубаасаа баримуд̇д̇и бхавад̇и, д̇зна хи ‘на анд̇алигкз…бз… мажжубаасаа’д̇и д̇амби важанам̣ мижчаа. аяамби убхад̇о годиго бан̃хо г̇ан̣тид̇оби г̇ан̣тид̇аро д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
‘‘Puna bhagavatā parittā ca uddiṭṭhā. Seyyathidaṃ, ratanasuttaṃ mettasuttaṃ khandhaparittaṃ moraparittaṃ dhajaggaparittaṃ āṭānāṭiyaparittaṃ aṅgulimālaparittaṃ. Yadi, bhante nāgasena, ākāsagatopi samuddamajjhagatopi pāsādakuṭileṇaguhāpabbhāradaribilagiri vivarapabbatantaragatopi na muccati maccupāsā, tena hi parittakammaṃ micchā. Yadi parittakaraṇena maccupāsā parimutti bhavati, tena hi ‘na antalikkhe…pe… maccupāsā’ti tampi vacanaṃ micchā. Ayampi ubhato koṭiko pañho gaṇṭhitopi gaṇṭhitaro tavānuppatto, so tayā nibbāhitabbo’’ti.
‘‘бхаасид̇амбзд̇ам̣ , махаарааж̇а, бхаг̇авад̇аа ‘на анд̇алигкз…бз… мажжубаасаа’д̇и, барид̇д̇аа жа бхаг̇авад̇аа уд̣̇д̣̇идтаа, д̇ан̃жа бана саавасзсааяугасса ваяасамбаннасса абзд̇агаммааваран̣асса, над̇т̇и, махаарааж̇а, кийн̣ааяугасса тид̇ияаа гирияаа ваа убаггамо ваа.
‘‘Bhāsitampetaṃ , mahārāja, bhagavatā ‘na antalikkhe…pe… maccupāsā’ti, parittā ca bhagavatā uddiṭṭhā, tañca pana sāvasesāyukassa vayasampannassa apetakammāvaraṇassa, natthi, mahārāja, khīṇāyukassa ṭhitiyā kiriyā vā upakkamo vā.
‘‘яат̇аа махаарааж̇а мад̇асса ругкасса сугкасса гол̣аабасса ниснзхасса убаруд̣̇д̇хаж̇ийвид̇асса г̇ад̇ааяусан̇каарасса гумбхасахассзнаби уд̣̇агз аагиранд̇з аллад̇д̇ам̣ ваа баллавид̇ахарид̇абхааво ваа на бхавзяяа. звамзва ко, махаарааж̇а, бхзсаж̇ж̇абарид̇д̇агаммзна над̇т̇и кийн̣ааяугасса тид̇ияаа гирияаа ваа убаггамо ваа, яаани д̇аани, махаарааж̇а, махияаа осад̇хаани бхзсаж̇ж̇аани, д̇ааниби кийн̣ааяугасса агижжагараани бхаванд̇и. саавасзсааяугам̣, махаарааж̇а, ваяасамбаннам̣ абзд̇агаммааваран̣ам̣ барид̇д̇ам̣ рагкад̇и г̇обзд̇и, д̇ассад̇т̇ааяа бхаг̇авад̇аа барид̇д̇аа уд̣̇д̣̇идтаа.
‘‘Yathā mahārāja matassa rukkhassa sukkhassa koḷāpassa nisnehassa uparuddhajīvitassa gatāyusaṅkhārassa kumbhasahassenapi udake ākirante allattaṃ vā pallavitaharitabhāvo vā na bhaveyya. Evameva kho, mahārāja, bhesajjaparittakammena natthi khīṇāyukassa ṭhitiyā kiriyā vā upakkamo vā, yāni tāni, mahārāja, mahiyā osadhāni bhesajjāni, tānipi khīṇāyukassa akiccakarāni bhavanti. Sāvasesāyukaṃ, mahārāja, vayasampannaṃ apetakammāvaraṇaṃ parittaṃ rakkhati gopeti, tassatthāya bhagavatā parittā uddiṭṭhā.
‘‘яат̇аа, махаарааж̇а, гассаго барибаггз д̇хан̃н̃з мад̇з сассанаал̣з уд̣̇агаббавзсанам̣ ваарзяяа, яам̣ бана сассам̣ д̇арун̣ам̣ мзгхасаннибхам̣ ваяасамбаннам̣, д̇ам̣ уд̣̇агавад̣дхияаа вад̣дхад̇и. звамзва ко, махаарааж̇а, кийн̣ааяугасса бхзсаж̇ж̇абарид̇д̇агирияаа табид̇аа бадигкид̇д̇аа , яз бана д̇з мануссаа саавасзсааяугаа ваяасамбаннаа, д̇зсам̣ ад̇т̇ааяа барид̇д̇абхзсаж̇ж̇аани бхан̣ид̇аани, д̇з барид̇д̇абхзсаж̇ж̇зхи вад̣дханд̇ий’’д̇и.
‘‘Yathā, mahārāja, kassako paripakke dhaññe mate sassanāḷe udakappavesanaṃ vāreyya, yaṃ pana sassaṃ taruṇaṃ meghasannibhaṃ vayasampannaṃ, taṃ udakavaḍḍhiyā vaḍḍhati. Evameva kho, mahārāja, khīṇāyukassa bhesajjaparittakiriyā ṭhapitā paṭikkhittā , ye pana te manussā sāvasesāyukā vayasampannā, tesaṃ atthāya parittabhesajjāni bhaṇitāni, te parittabhesajjehi vaḍḍhantī’’ti.
‘‘яад̣̇и, бханд̇з нааг̇асзна, кийн̣ааяуго марад̇и, саавасзсааяуго ж̇ийвад̇и, д̇зна хи барид̇д̇абхзсаж̇ж̇аани нирад̇т̇агаани хонд̇ий’’д̇и? ‘‘д̣̇идтабуб̣б̣о бана д̇аяаа, махаарааж̇а, гожи рог̇о бхзсаж̇ж̇зхи бадинивад̇д̇ид̇о’’д̇и? ‘‘аама, бханд̇з, анзгасад̇аани д̣̇идтааний’’д̇и. ‘‘д̇зна хи, махаарааж̇а, ‘барид̇д̇абхзсаж̇ж̇агирияаа нирад̇т̇агаа’д̇и яам̣ важанам̣, д̇ам̣ мижчаа бхавад̇ий’’д̇и.
‘‘Yadi, bhante nāgasena, khīṇāyuko marati, sāvasesāyuko jīvati, tena hi parittabhesajjāni niratthakāni hontī’’ti? ‘‘Diṭṭhapubbo pana tayā, mahārāja, koci rogo bhesajjehi paṭinivattito’’ti? ‘‘Āma, bhante, anekasatāni diṭṭhānī’’ti. ‘‘Tena hi, mahārāja, ‘parittabhesajjakiriyā niratthakā’ti yaṃ vacanaṃ, taṃ micchā bhavatī’’ti.
‘‘д̣̇иссанд̇и , бханд̇з нааг̇асзна, взж̇ж̇аанам̣ убаггамаа бхзсаж̇ж̇абаанаанулзбаа, д̇зна д̇зсам̣ убаггамзна рог̇о бадинивад̇д̇ад̇ий’’д̇и. ‘‘барид̇д̇аанамби, махаарааж̇а, бавад̇д̇ийяамаанаанам̣ сад̣̇д̣̇о суяяад̇и, ж̇ивхаа сугкад̇и, хад̣̇аяам̣ б̣яааваддад̇и, ган̣то аад̇урад̇и. д̇зна д̇зсам̣ бавад̇д̇зна саб̣б̣з б̣яаад̇хаяо вуубасаманд̇и, саб̣б̣аа ийд̇ияо абаг̇ажчанд̇ийд̇и.
‘‘Dissanti , bhante nāgasena, vejjānaṃ upakkamā bhesajjapānānulepā, tena tesaṃ upakkamena rogo paṭinivattatī’’ti. ‘‘Parittānampi, mahārāja, pavattīyamānānaṃ saddo suyyati, jivhā sukkhati, hadayaṃ byāvaṭṭati, kaṇṭho āturati. Tena tesaṃ pavattena sabbe byādhayo vūpasamanti, sabbā ītiyo apagacchantīti.
‘‘д̣̇идтабуб̣б̣о бана д̇аяаа, махаарааж̇а, гожи ахинаа д̣̇адто манд̇абад̣̇зна висам̣ баад̇ийяамаано висам̣ жигкассанд̇о уд̣̇д̇хамад̇хо аажамаяамаано’’д̇и? ‘‘аама, бханд̇з , аж̇ж̇зд̇арахиби д̇ам̣ логз вад̇д̇ад̇ий’’д̇и. ‘‘д̇зна хи, махаарааж̇а, ‘барид̇д̇абхзсаж̇ж̇агирияаа нирад̇т̇агаа’д̇и яам̣ важанам̣, д̇ам̣ мижчаа бхавад̇и. гад̇абарид̇д̇ан̃хи, махаарааж̇а, бурисам̣ д̣ам̣сид̇угаамо ахи на д̣ам̣сад̇и, вивадам̣ мукам̣ бид̣̇ахад̇и, жораанам̣ угкид̇д̇алаг̇ул̣амби на самбхавад̇и, д̇з лаг̇ул̣ам̣ мун̃жид̇ваа бзмам̣ гаронд̇и, губид̇оби хад̇т̇инааг̇о самааг̇анд̇ваа убарамад̇и, баж̇ж̇алид̇амахаааг̇г̇игканд̇хоби убаг̇анд̇ваа ниб̣б̣ааяад̇и, висам̣ халаахаламби кааяид̇ам̣ аг̇ад̣̇ам̣ самбаж̇ж̇ад̇и, аахаарад̇т̇ам̣ ваа парад̇и, вад̇хагаа ханд̇угаамаа убаг̇анд̇ваа д̣̇аасабхууд̇аа самбаж̇ж̇анд̇и, агганд̇оби баасо на сам̣варад̇и 1.
‘‘Diṭṭhapubbo pana tayā, mahārāja, koci ahinā daṭṭho mantapadena visaṃ pātīyamāno visaṃ cikkhassanto uddhamadho ācamayamāno’’ti? ‘‘Āma, bhante , ajjetarahipi taṃ loke vattatī’’ti. ‘‘Tena hi, mahārāja, ‘parittabhesajjakiriyā niratthakā’ti yaṃ vacanaṃ, taṃ micchā bhavati. Kataparittañhi, mahārāja, purisaṃ ḍaṃsitukāmo ahi na ḍaṃsati, vivaṭaṃ mukhaṃ pidahati, corānaṃ ukkhittalaguḷampi na sambhavati, te laguḷaṃ muñcitvā pemaṃ karonti, kupitopi hatthināgo samāgantvā uparamati, pajjalitamahāaggikkhandhopi upagantvā nibbāyati, visaṃ halāhalampi khāyitaṃ agadaṃ sampajjati, āhāratthaṃ vā pharati, vadhakā hantukāmā upagantvā dāsabhūtā sampajjanti, akkantopi pāso na saṃvarati 2.
‘‘суд̇абуб̣б̣ам̣ бана д̇аяаа, махаарааж̇а, ‘морасса гад̇абарид̇д̇асса сад̇д̇авассасад̇аани луд̣̇д̣̇аго наасагки баасам̣ убанзд̇ум̣, агад̇абарид̇д̇асса д̇ам̣ язва д̣̇ивасам̣ баасам̣ убанзсий’’д̇и ? ‘‘аама, бханд̇з, суяяад̇и, аб̣бхуг̇г̇ад̇о со сад̣̇д̣̇о сад̣̇звагз логз’’д̇и. ‘‘д̇зна хи, махаарааж̇а ‘барид̇д̇абхзсаж̇ж̇агирияаа нирад̇т̇агаа’д̇и яам̣ важанам̣, д̇ам̣ мижчаа бхавад̇и.
‘‘Sutapubbaṃ pana tayā, mahārāja, ‘morassa kataparittassa sattavassasatāni luddako nāsakkhi pāsaṃ upanetuṃ, akataparittassa taṃ yeva divasaṃ pāsaṃ upanesī’’ti ? ‘‘Āma, bhante, suyyati, abbhuggato so saddo sadevake loke’’ti. ‘‘Tena hi, mahārāja ‘parittabhesajjakiriyā niratthakā’ti yaṃ vacanaṃ, taṃ micchā bhavati.
‘‘суд̇абуб̣б̣ам̣ бана д̇аяаа, махаарааж̇а, ‘д̣̇аанаво бхарияам̣ барирагканд̇о самуг̇г̇з багкибид̇ваа г̇илид̇ваа гужчинаа барихарад̇и, ат̇зго виж̇ж̇аад̇харо д̇асса д̣̇аанавасса мукзна бависид̇ваа д̇ааяа сад̣̇д̇хим̣ абхирамад̇и, яад̣̇аа со д̣̇аанаво ан̃н̃ааси, ат̇а самуг̇г̇ам̣ вамид̇ваа вивари, саха самуг̇г̇з вивадз виж̇ж̇аад̇харо яат̇аагаамам̣ 3 баггаамий’’д̇и? ‘‘аама, бханд̇з, суяяад̇и, аб̣бхуг̇г̇ад̇о соби сад̣̇д̣̇о сад̣̇звагз логз’’д̇и. ‘‘нану со, махаарааж̇а, виж̇ж̇аад̇харо барид̇д̇аб̣алзна 4 г̇ахан̣аа муд̇д̇о’’д̇и. ‘‘аама бханд̇з’’д̇и. ‘‘д̇зна хи, махаарааж̇а, ад̇т̇и барид̇д̇аб̣алам̣.
‘‘Sutapubbaṃ pana tayā, mahārāja, ‘dānavo bhariyaṃ parirakkhanto samugge pakkhipitvā gilitvā kucchinā pariharati, atheko vijjādharo tassa dānavassa mukhena pavisitvā tāya saddhiṃ abhiramati, yadā so dānavo aññāsi, atha samuggaṃ vamitvā vivari, saha samugge vivaṭe vijjādharo yathākāmaṃ 5 pakkāmī’’ti? ‘‘Āma, bhante, suyyati, abbhuggato sopi saddo sadevake loke’’ti. ‘‘Nanu so, mahārāja, vijjādharo parittabalena 6 gahaṇā mutto’’ti. ‘‘Āma bhante’’ti. ‘‘Tena hi, mahārāja, atthi parittabalaṃ.
‘‘суд̇абуб̣б̣ам̣ бана д̇аяаа, махаарааж̇а, ‘абароби виж̇ж̇аад̇харо б̣аараан̣асиран̃н̃о анд̇збурз махзсияаа сад̣̇д̇хим̣ самбад̣̇удто 7 г̇ахан̣аббад̇д̇о самаано кан̣зна ад̣̇ассанам̣ г̇ад̇о манд̇аб̣алзнаа’’д̇и. ‘‘аама, бханд̇з, суяяад̇ий’’д̇и. ‘‘нану со, махаарааж̇а, виж̇ж̇аад̇харо барид̇д̇аб̣алзна г̇ахан̣аа муд̇д̇о’’д̇и? ‘‘аама бханд̇з’’д̇и. ‘‘д̇зна хи, махаарааж̇а, ад̇т̇и барид̇д̇аб̣ала’’нд̇и.
‘‘Sutapubbaṃ pana tayā, mahārāja, ‘aparopi vijjādharo bārāṇasirañño antepure mahesiyā saddhiṃ sampaduṭṭho 8 gahaṇappatto samāno khaṇena adassanaṃ gato mantabalenā’’ti. ‘‘Āma, bhante, suyyatī’’ti. ‘‘Nanu so, mahārāja, vijjādharo parittabalena gahaṇā mutto’’ti? ‘‘Āma bhante’’ti. ‘‘Tena hi, mahārāja, atthi parittabala’’nti.
‘‘бханд̇з нааг̇асзна, ‘гим̣ саб̣б̣з язва барид̇д̇ам̣ рагкад̇ий’д̇и? ‘‘згажжз, махаарааж̇а, рагкад̇и, згажжз на рагкад̇ий’’д̇и. ‘‘д̇зна хи, бханд̇з нааг̇асзна, барид̇д̇ам̣ на саб̣б̣ад̇т̇ига’’нд̇и? ‘‘аби ну ко, махаарааж̇а, бхож̇анам̣ саб̣б̣зсам̣ ж̇ийвид̇ам̣ рагкад̇ий’’д̇и? ‘‘згажжз, бханд̇з , рагкад̇и, згажжз на рагкад̇ий’’д̇и. ‘‘гим̣ гааран̣аа’’д̇и. ‘‘яад̇о, бханд̇з, згажжз д̇ам̣ язва бхож̇анам̣ ад̇ибхун̃ж̇ид̇ваа висуужигааяа маранд̇ий’’д̇и. ‘‘д̇зна хи, махаарааж̇а, бхож̇анам̣ на саб̣б̣зсам̣ ж̇ийвид̇ам̣ рагкад̇ий’’д̇и? ‘‘д̣̇вийхи, бханд̇з нааг̇асзна, гааран̣зхи бхож̇анам̣ ж̇ийвид̇ам̣ харад̇и ад̇ибхуд̇д̇зна ваа усмаад̣̇уб̣б̣алад̇ааяа ваа, ааяуд̣̇ад̣̇ам̣, бханд̇з нааг̇асзна, бхож̇анам̣ д̣̇урубажаарзна ж̇ийвид̇ам̣ харад̇ий’’д̇и. ‘‘звамзва ко, махаарааж̇а, барид̇д̇ам̣ згажжз рагкад̇и, згажжз на рагкад̇и.
‘‘Bhante nāgasena, ‘kiṃ sabbe yeva parittaṃ rakkhatī’ti? ‘‘Ekacce, mahārāja, rakkhati, ekacce na rakkhatī’’ti. ‘‘Tena hi, bhante nāgasena, parittaṃ na sabbatthika’’nti? ‘‘Api nu kho, mahārāja, bhojanaṃ sabbesaṃ jīvitaṃ rakkhatī’’ti? ‘‘Ekacce, bhante , rakkhati, ekacce na rakkhatī’’ti. ‘‘Kiṃ kāraṇā’’ti. ‘‘Yato, bhante, ekacce taṃ yeva bhojanaṃ atibhuñjitvā visūcikāya marantī’’ti. ‘‘Tena hi, mahārāja, bhojanaṃ na sabbesaṃ jīvitaṃ rakkhatī’’ti? ‘‘Dvīhi, bhante nāgasena, kāraṇehi bhojanaṃ jīvitaṃ harati atibhuttena vā usmādubbalatāya vā, āyudadaṃ, bhante nāgasena, bhojanaṃ durupacārena jīvitaṃ haratī’’ti. ‘‘Evameva kho, mahārāja, parittaṃ ekacce rakkhati, ekacce na rakkhati.
‘‘д̇ийхи, махаарааж̇а, гааран̣зхи барид̇д̇ам̣ на рагкад̇и гаммааваран̣зна, гилзсааваран̣зна, асад̣̇д̣̇аханад̇ааяа. сад̇д̇аанурагкан̣ам̣, махаарааж̇а, барид̇д̇ам̣ ад̇д̇анаа гад̇зна аарагкам̣ ж̇ахад̇и, яат̇аа, махаарааж̇а, маад̇аа буд̇д̇ам̣ гужчиг̇ад̇ам̣ босзд̇и, хид̇зна убажаарзна ж̇анзд̇и, ж̇анаяид̇ваа асужималасин̇гхаан̣игамабанзд̇ваа уд̇д̇амаварасуг̇анд̇хам̣ убалимбад̇и, со абарзна самаязна барзсам̣ буд̇д̇з аггосанд̇з ваа бахаранд̇з ваа бахаарам̣ д̣̇зд̇и. д̇з д̇асса гуж̇жхид̇ваа барисааяа аагад̣дхид̇ваа д̇ам̣ г̇ахзд̇ваа саамино убанзнд̇и, яад̣̇и бана д̇ассаа буд̇д̇о абарад̣̇д̇хо ход̇и взлаад̇ивад̇д̇о. ат̇а нам̣ саамино мануссаа аагад̣дхаяамаанаа д̣̇ан̣д̣амуг̇г̇араж̇аан̣умудтийхи д̇аал̣знд̇и бот̇знд̇и, аби ну ко, махаарааж̇а, д̇асса маад̇аа лабхад̇и аагад̣дханабаригад̣дханам̣ г̇аахам̣ саамино убанаяанам̣ гаад̇у’’нд̇и? ‘‘на хи бханд̇з’’д̇и. ‘‘гзна гааран̣зна, махаарааж̇аа’’д̇и. ‘‘ад̇д̇ано, бханд̇з, абараад̇хзнаа’’д̇и. ‘‘звамзва ко, махаарааж̇а, сад̇д̇аанам̣ аарагкам̣ барид̇д̇ам̣ ад̇д̇ано абараад̇хзна ван̃жхам̣ гарод̇ий’’д̇и 9. ‘‘саад̇ху, бханд̇з нааг̇асзна, сувинижчид̇о бан̃хо, г̇аханам̣ аг̇аханам̣ гад̇ам̣, анд̇хагааро аалого гад̇о, винивзтид̇ам̣ д̣̇идтиж̇аалам̣, д̇вам̣ г̇ан̣иварабаварамаасаж̇ж̇аа’’д̇и.
‘‘Tīhi, mahārāja, kāraṇehi parittaṃ na rakkhati kammāvaraṇena, kilesāvaraṇena, asaddahanatāya. Sattānurakkhaṇaṃ, mahārāja, parittaṃ attanā katena ārakkhaṃ jahati, yathā, mahārāja, mātā puttaṃ kucchigataṃ poseti, hitena upacārena janeti, janayitvā asucimalasiṅghāṇikamapanetvā uttamavarasugandhaṃ upalimpati, so aparena samayena paresaṃ putte akkosante vā paharante vā pahāraṃ deti. Te tassa kujjhitvā parisāya ākaḍḍhitvā taṃ gahetvā sāmino upanenti, yadi pana tassā putto aparaddho hoti velātivatto. Atha naṃ sāmino manussā ākaḍḍhayamānā daṇḍamuggarajāṇumuṭṭhīhi tāḷenti pothenti, api nu kho, mahārāja, tassa mātā labhati ākaḍḍhanaparikaḍḍhanaṃ gāhaṃ sāmino upanayanaṃ kātu’’nti? ‘‘Na hi bhante’’ti. ‘‘Kena kāraṇena, mahārājā’’ti. ‘‘Attano, bhante, aparādhenā’’ti. ‘‘Evameva kho, mahārāja, sattānaṃ ārakkhaṃ parittaṃ attano aparādhena vañjhaṃ karotī’’ti 10. ‘‘Sādhu, bhante nāgasena, suvinicchito pañho, gahanaṃ agahanaṃ kataṃ, andhakāro āloko kato, viniveṭhitaṃ diṭṭhijālaṃ, tvaṃ gaṇivarapavaramāsajjā’’ti.
мажжубаасамуд̇д̇ибан̃хо жад̇уд̇т̇о.
Maccupāsamuttipañho catuttho.
Footnotes:
