| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. मधुमंसदायकत्थेरअपदानं
4. Madhumaṃsadāyakattheraapadānaṃ
१०६.
106.
‘‘नगरे बन्धुमतिया, सूकरिको अहोसहं।
‘‘Nagare bandhumatiyā, sūkariko ahosahaṃ;
१०७.
107.
‘‘सन्निपातं अहं गन्त्वा, एकं पत्तं गहेसहं।
‘‘Sannipātaṃ ahaṃ gantvā, ekaṃ pattaṃ gahesahaṃ;
पूरयित्वान तं पत्तं, भिक्खुसङ्घस्सदासहं॥
Pūrayitvāna taṃ pattaṃ, bhikkhusaṅghassadāsahaṃ.
१०८.
108.
‘‘योत्थ थेरतरो भिक्खु, निय्यादेसि ममं तदा।
‘‘Yottha therataro bhikkhu, niyyādesi mamaṃ tadā;
इमिना पत्तपूरेन, लभस्सु विपुलं सुखं॥
Iminā pattapūrena, labhassu vipulaṃ sukhaṃ.
१०९.
109.
‘‘दुवे सम्पत्तियो भुत्वा, सुक्कमूलेन चोदितो।
‘‘Duve sampattiyo bhutvā, sukkamūlena codito;
पच्छिमे वत्तमानम्हि, किलेसे झापयिस्सति॥
Pacchime vattamānamhi, kilese jhāpayissati.
११०.
110.
‘‘तत्थ चित्तं पसादेत्वा, तावतिंसमगच्छहं।
‘‘Tattha cittaṃ pasādetvā, tāvatiṃsamagacchahaṃ;
तत्थ भुत्वा पिवित्वा च, लभामि विपुलं सुखं॥
Tattha bhutvā pivitvā ca, labhāmi vipulaṃ sukhaṃ.
१११.
111.
‘‘मण्डपे रुक्खमूले वा, पुब्बकम्मं अनुस्सरिं।
‘‘Maṇḍape rukkhamūle vā, pubbakammaṃ anussariṃ;
अन्नपानाभिवस्सो मे, अभिवस्सति तावदे॥
Annapānābhivasso me, abhivassati tāvade.
११२.
112.
‘‘इदं पच्छिमकं मय्हं, चरिमो वत्तते भवो।
‘‘Idaṃ pacchimakaṃ mayhaṃ, carimo vattate bhavo;
इधापि अन्नपानं मे, वस्सते सब्बकालिकं॥
Idhāpi annapānaṃ me, vassate sabbakālikaṃ.
११३.
113.
सब्बासवे परिञ्ञाय, विहरामि अनासवो॥
Sabbāsave pariññāya, viharāmi anāsavo.
११४.
114.
‘‘एकनवुतितो कप्पे, यं दानमददिं तदा।
‘‘Ekanavutito kappe, yaṃ dānamadadiṃ tadā;
दुग्गतिं नाभिजानामि, मधुदानस्सिदं फलं॥
Duggatiṃ nābhijānāmi, madhudānassidaṃ phalaṃ.
११५.
115.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
११६.
116.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
११७.
117.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा मधुमंसदायको थेरो इमा गाथायो अभासित्थाति।
Itthaṃ sudaṃ āyasmā madhumaṃsadāyako thero imā gāthāyo abhāsitthāti.
मधुमंसदायकत्थेरस्सापदानं चतुत्थं।
Madhumaṃsadāyakattherassāpadānaṃ catutthaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १-१०. भद्दालित्थेरअपदानादिवण्णना • 1-10. Bhaddālittheraapadānādivaṇṇanā
