| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೪. ಮಧುಮಂಸದಾಯಕತ್ಥೇರಅಪದಾನಂ
4. Madhumaṃsadāyakattheraapadānaṃ
೧೦೬.
106.
‘‘ನಗರೇ ಬನ್ಧುಮತಿಯಾ, ಸೂಕರಿಕೋ ಅಹೋಸಹಂ।
‘‘Nagare bandhumatiyā, sūkariko ahosahaṃ;
೧೦೭.
107.
‘‘ಸನ್ನಿಪಾತಂ ಅಹಂ ಗನ್ತ್ವಾ, ಏಕಂ ಪತ್ತಂ ಗಹೇಸಹಂ।
‘‘Sannipātaṃ ahaṃ gantvā, ekaṃ pattaṃ gahesahaṃ;
ಪೂರಯಿತ್ವಾನ ತಂ ಪತ್ತಂ, ಭಿಕ್ಖುಸಙ್ಘಸ್ಸದಾಸಹಂ॥
Pūrayitvāna taṃ pattaṃ, bhikkhusaṅghassadāsahaṃ.
೧೦೮.
108.
‘‘ಯೋತ್ಥ ಥೇರತರೋ ಭಿಕ್ಖು, ನಿಯ್ಯಾದೇಸಿ ಮಮಂ ತದಾ।
‘‘Yottha therataro bhikkhu, niyyādesi mamaṃ tadā;
ಇಮಿನಾ ಪತ್ತಪೂರೇನ, ಲಭಸ್ಸು ವಿಪುಲಂ ಸುಖಂ॥
Iminā pattapūrena, labhassu vipulaṃ sukhaṃ.
೧೦೯.
109.
‘‘ದುವೇ ಸಮ್ಪತ್ತಿಯೋ ಭುತ್ವಾ, ಸುಕ್ಕಮೂಲೇನ ಚೋದಿತೋ।
‘‘Duve sampattiyo bhutvā, sukkamūlena codito;
ಪಚ್ಛಿಮೇ ವತ್ತಮಾನಮ್ಹಿ, ಕಿಲೇಸೇ ಝಾಪಯಿಸ್ಸತಿ॥
Pacchime vattamānamhi, kilese jhāpayissati.
೧೧೦.
110.
‘‘ತತ್ಥ ಚಿತ್ತಂ ಪಸಾದೇತ್ವಾ, ತಾವತಿಂಸಮಗಚ್ಛಹಂ।
‘‘Tattha cittaṃ pasādetvā, tāvatiṃsamagacchahaṃ;
ತತ್ಥ ಭುತ್ವಾ ಪಿವಿತ್ವಾ ಚ, ಲಭಾಮಿ ವಿಪುಲಂ ಸುಖಂ॥
Tattha bhutvā pivitvā ca, labhāmi vipulaṃ sukhaṃ.
೧೧೧.
111.
‘‘ಮಣ್ಡಪೇ ರುಕ್ಖಮೂಲೇ ವಾ, ಪುಬ್ಬಕಮ್ಮಂ ಅನುಸ್ಸರಿಂ।
‘‘Maṇḍape rukkhamūle vā, pubbakammaṃ anussariṃ;
ಅನ್ನಪಾನಾಭಿವಸ್ಸೋ ಮೇ, ಅಭಿವಸ್ಸತಿ ತಾವದೇ॥
Annapānābhivasso me, abhivassati tāvade.
೧೧೨.
112.
‘‘ಇದಂ ಪಚ್ಛಿಮಕಂ ಮಯ್ಹಂ, ಚರಿಮೋ ವತ್ತತೇ ಭವೋ।
‘‘Idaṃ pacchimakaṃ mayhaṃ, carimo vattate bhavo;
ಇಧಾಪಿ ಅನ್ನಪಾನಂ ಮೇ, ವಸ್ಸತೇ ಸಬ್ಬಕಾಲಿಕಂ॥
Idhāpi annapānaṃ me, vassate sabbakālikaṃ.
೧೧೩.
113.
ಸಬ್ಬಾಸವೇ ಪರಿಞ್ಞಾಯ, ವಿಹರಾಮಿ ಅನಾಸವೋ॥
Sabbāsave pariññāya, viharāmi anāsavo.
೧೧೪.
114.
‘‘ಏಕನವುತಿತೋ ಕಪ್ಪೇ, ಯಂ ದಾನಮದದಿಂ ತದಾ।
‘‘Ekanavutito kappe, yaṃ dānamadadiṃ tadā;
ದುಗ್ಗತಿಂ ನಾಭಿಜಾನಾಮಿ, ಮಧುದಾನಸ್ಸಿದಂ ಫಲಂ॥
Duggatiṃ nābhijānāmi, madhudānassidaṃ phalaṃ.
೧೧೫.
115.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೧೧೬.
116.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೧೧೭.
117.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಮಧುಮಂಸದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā madhumaṃsadāyako thero imā gāthāyo abhāsitthāti.
ಮಧುಮಂಸದಾಯಕತ್ಥೇರಸ್ಸಾಪದಾನಂ ಚತುತ್ಥಂ।
Madhumaṃsadāyakattherassāpadānaṃ catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಭದ್ದಾಲಿತ್ಥೇರಅಪದಾನಾದಿವಣ್ಣನಾ • 1-10. Bhaddālittheraapadānādivaṇṇanā
