| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
8. мад̇хубин̣д̣игасуд̇д̇ам̣
8. Madhupiṇḍikasuttaṃ
199. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа габилавад̇т̇ум̣ бин̣д̣ааяа баависи. габилавад̇т̇усмим̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна махааванам̣ д̇знубасан̇гами д̣̇иваавихаарааяа. махааванам̣ аж̇жхог̇аахзд̇ваа б̣злуваладтигааяа муулз д̣̇иваавихаарам̣ нисийд̣̇и. д̣̇ан̣д̣абаан̣иби ко сагго ж̇ан̇гхаавихаарам̣ 1 анужан̇гамамаано анувижарамаано язна махааванам̣ д̇знубасан̇гами. махааванам̣ аж̇жхог̇аахзд̇ваа язна б̣злуваладтигаа язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа д̣̇ан̣д̣амолуб̣бха згаманд̇ам̣ адтааси. згаманд̇ам̣ тид̇о ко д̣̇ан̣д̣абаан̣и сагго бхаг̇аванд̇ам̣ зд̇ад̣̇авожа – ‘‘гим̣ваад̣̇ий саман̣о гимагкааяий’’д̇и? ‘‘яат̇ааваад̣̇ий ко, аавусо, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа на гзнажи логз виг̇г̇аяха д̇идтад̇и, яат̇аа жа бана гаамзхи висам̣яуд̇д̇ам̣ вихаранд̇ам̣ д̇ам̣ б̣раахман̣ам̣ агат̇ам̣гат̇им̣ чиннагуггужжам̣ бхаваабхавз вийд̇ад̇ан̣хам̣ сан̃н̃аа наанусзнд̇и – звам̣ваад̣̇ий ко ахам̣, аавусо, звамагкааяий’’д̇и.
199. Evaṃ me sutaṃ – ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho bhagavā pubbaṇhasamayaṃ nivāsetvā pattacīvaramādāya kapilavatthuṃ piṇḍāya pāvisi. Kapilavatthusmiṃ piṇḍāya caritvā pacchābhattaṃ piṇḍapātapaṭikkanto yena mahāvanaṃ tenupasaṅkami divāvihārāya. Mahāvanaṃ ajjhogāhetvā beluvalaṭṭhikāya mūle divāvihāraṃ nisīdi. Daṇḍapāṇipi kho sakko jaṅghāvihāraṃ 2 anucaṅkamamāno anuvicaramāno yena mahāvanaṃ tenupasaṅkami. Mahāvanaṃ ajjhogāhetvā yena beluvalaṭṭhikā yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā daṇḍamolubbha ekamantaṃ aṭṭhāsi. Ekamantaṃ ṭhito kho daṇḍapāṇi sakko bhagavantaṃ etadavoca – ‘‘kiṃvādī samaṇo kimakkhāyī’’ti? ‘‘Yathāvādī kho, āvuso, sadevake loke samārake sabrahmake sassamaṇabrāhmaṇiyā pajāya sadevamanussāya na kenaci loke viggayha tiṭṭhati, yathā ca pana kāmehi visaṃyuttaṃ viharantaṃ taṃ brāhmaṇaṃ akathaṃkathiṃ chinnakukkuccaṃ bhavābhave vītataṇhaṃ saññā nānusenti – evaṃvādī kho ahaṃ, āvuso, evamakkhāyī’’ti.
‘‘звам̣ вуд̇д̇з д̣̇ан̣д̣абаан̣и сагго сийсам̣ огамбзд̇ваа , ж̇ивхам̣ ниллаал̣зд̇ваа, д̇ивисаакам̣ налаадигам̣ налаадз вудтаабзд̇ваа д̣̇ан̣д̣амолуб̣бха баггаами.
‘‘Evaṃ vutte daṇḍapāṇi sakko sīsaṃ okampetvā , jivhaṃ nillāḷetvā, tivisākhaṃ nalāṭikaṃ nalāṭe vuṭṭhāpetvā daṇḍamolubbha pakkāmi.
200. ат̇а ко бхаг̇аваа сааяанхасамаяам̣ бадисаллаанаа вудтид̇о язна ниг̇род̇хаараамо д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа бхигкуу ааманд̇зси – ‘‘ид̇хаахам̣, бхигкавз, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа габилавад̇т̇ум̣ бин̣д̣ааяа баависим̣. габилавад̇т̇усмим̣ бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна махааванам̣ д̇знубасан̇гамим̣ д̣̇иваавихаарааяа. махааванам̣ аж̇жхог̇аахзд̇ваа б̣злуваладтигааяа муулз д̣̇иваавихаарам̣ нисийд̣̇им̣. д̣̇ан̣д̣абаан̣иби ко, бхигкавз, сагго ж̇ан̇гхаавихаарам̣ анужан̇гамамаано анувижарамаано язна махааванам̣ д̇знубасан̇гами. махааванам̣ аж̇жхог̇аахзд̇ваа язна б̣злуваладтигаа язнаахам̣ д̇знубасан̇гами; убасан̇гамид̇ваа маяаа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа д̣̇ан̣д̣амолуб̣бха згаманд̇ам̣ адтааси. згаманд̇ам̣ тид̇о ко, бхигкавз, д̣̇ан̣д̣абаан̣и сагго мам̣ зд̇ад̣̇авожа – ‘гим̣ваад̣̇ий саман̣о гимагкааяий’д̇и?
200. Atha kho bhagavā sāyanhasamayaṃ paṭisallānā vuṭṭhito yena nigrodhārāmo tenupasaṅkami; upasaṅkamitvā paññatte āsane nisīdi. Nisajja kho bhagavā bhikkhū āmantesi – ‘‘idhāhaṃ, bhikkhave, pubbaṇhasamayaṃ nivāsetvā pattacīvaramādāya kapilavatthuṃ piṇḍāya pāvisiṃ. Kapilavatthusmiṃ piṇḍāya caritvā pacchābhattaṃ piṇḍapātapaṭikkanto yena mahāvanaṃ tenupasaṅkamiṃ divāvihārāya. Mahāvanaṃ ajjhogāhetvā beluvalaṭṭhikāya mūle divāvihāraṃ nisīdiṃ. Daṇḍapāṇipi kho, bhikkhave, sakko jaṅghāvihāraṃ anucaṅkamamāno anuvicaramāno yena mahāvanaṃ tenupasaṅkami. Mahāvanaṃ ajjhogāhetvā yena beluvalaṭṭhikā yenāhaṃ tenupasaṅkami; upasaṅkamitvā mayā saddhiṃ sammodi. Sammodanīyaṃ kathaṃ sāraṇīyaṃ vītisāretvā daṇḍamolubbha ekamantaṃ aṭṭhāsi. Ekamantaṃ ṭhito kho, bhikkhave, daṇḍapāṇi sakko maṃ etadavoca – ‘kiṃvādī samaṇo kimakkhāyī’ti?
‘‘звам̣ вуд̇д̇з ахам̣, бхигкавз, д̣̇ан̣д̣абаан̣им̣ саггам̣ зд̇ад̣̇авожам̣ – яат̇ааваад̣̇ий ко, аавусо, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа на гзнажи логз виг̇г̇аяха д̇идтад̇и, яат̇аа жа бана гаамзхи висам̣яуд̇д̇ам̣ вихаранд̇ам̣ д̇ам̣ б̣раахман̣ам̣ агат̇ам̣гат̇им̣ чиннагуггужжам̣ бхаваабхавз вийд̇ад̇ан̣хам̣ сан̃н̃аа наанусзнд̇и – звам̣ваад̣̇ий ко ахам̣, аавусо, звамагкааяий’’д̇и. ‘‘звам̣ вуд̇д̇з бхигкавз, д̣̇ан̣д̣абаан̣и сагго сийсам̣ огамбзд̇ваа, ж̇ивхам̣ ниллаал̣зд̇ваа, д̇ивисаакам̣ налаадигам̣ налаадз вудтаабзд̇ваа д̣̇ан̣д̣амолуб̣бха баггаамий’’д̇и.
‘‘Evaṃ vutte ahaṃ, bhikkhave, daṇḍapāṇiṃ sakkaṃ etadavocaṃ – yathāvādī kho, āvuso, sadevake loke samārake sabrahmake sassamaṇabrāhmaṇiyā pajāya sadevamanussāya na kenaci loke viggayha tiṭṭhati, yathā ca pana kāmehi visaṃyuttaṃ viharantaṃ taṃ brāhmaṇaṃ akathaṃkathiṃ chinnakukkuccaṃ bhavābhave vītataṇhaṃ saññā nānusenti – evaṃvādī kho ahaṃ, āvuso, evamakkhāyī’’ti. ‘‘Evaṃ vutte bhikkhave, daṇḍapāṇi sakko sīsaṃ okampetvā, jivhaṃ nillāḷetvā, tivisākhaṃ nalāṭikaṃ nalāṭe vuṭṭhāpetvā daṇḍamolubbha pakkāmī’’ti.
201. звам̣ вуд̇д̇з ан̃н̃ад̇аро бхигку бхаг̇аванд̇ам̣ зд̇ад̣̇авожа – ‘‘гим̣ваад̣̇ий бана, бханд̇з, бхаг̇аваа сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа на гзнажи логз виг̇г̇аяха д̇идтад̇и? гат̇ан̃жа бана, бханд̇з, бхаг̇аванд̇ам̣ гаамзхи висам̣яуд̇д̇ам̣ вихаранд̇ам̣ д̇ам̣ б̣раахман̣ам̣ агат̇ам̣гат̇им̣ чиннагуггужжам̣ бхаваабхавз вийд̇ад̇ан̣хам̣ сан̃н̃аа наанусзнд̇ий’’д̇и? ‘‘яад̇онид̣̇аанам̣, бхигку, бурисам̣ бабан̃жасан̃н̃аасан̇каа самуд̣̇аажаранд̇и. зд̇т̇а жз над̇т̇и абхинанд̣̇ид̇аб̣б̣ам̣ абхивад̣̇ид̇аб̣б̣ам̣ аж̇жхосид̇аб̣б̣ам̣. зсзванд̇о рааг̇аанусаяаанам̣, зсзванд̇о бадигхаанусаяаанам̣, зсзванд̇о д̣̇идтаанусаяаанам̣ , зсзванд̇о вижигижчаанусаяаанам̣, зсзванд̇о маанаанусаяаанам̣, зсзванд̇о бхаварааг̇аанусаяаанам̣, зсзванд̇о авиж̇ж̇аанусаяаанам̣, зсзванд̇о д̣̇ан̣д̣аад̣̇аана-сад̇т̇аад̣̇аана-галаха-виг̇г̇аха-виваад̣̇а-д̇увам̣д̇увам̣-бзсун̃н̃а-мусааваад̣̇аанам̣. зд̇т̇зд̇з баабагаа агусалаа д̇хаммаа абарисзсаа нируж̇жханд̇ий’д̇и. ид̣̇амавожа бхаг̇аваа. ид̣̇ам̣ вад̇ваана суг̇ад̇о удтааяаасанаа вихаарам̣ баависи.
201. Evaṃ vutte aññataro bhikkhu bhagavantaṃ etadavoca – ‘‘kiṃvādī pana, bhante, bhagavā sadevake loke samārake sabrahmake sassamaṇabrāhmaṇiyā pajāya sadevamanussāya na kenaci loke viggayha tiṭṭhati? Kathañca pana, bhante, bhagavantaṃ kāmehi visaṃyuttaṃ viharantaṃ taṃ brāhmaṇaṃ akathaṃkathiṃ chinnakukkuccaṃ bhavābhave vītataṇhaṃ saññā nānusentī’’ti? ‘‘Yatonidānaṃ, bhikkhu, purisaṃ papañcasaññāsaṅkhā samudācaranti. Ettha ce natthi abhinanditabbaṃ abhivaditabbaṃ ajjhositabbaṃ. Esevanto rāgānusayānaṃ, esevanto paṭighānusayānaṃ, esevanto diṭṭhānusayānaṃ , esevanto vicikicchānusayānaṃ, esevanto mānānusayānaṃ, esevanto bhavarāgānusayānaṃ, esevanto avijjānusayānaṃ, esevanto daṇḍādāna-satthādāna-kalaha-viggaha-vivāda-tuvaṃtuvaṃ-pesuñña-musāvādānaṃ. Etthete pāpakā akusalā dhammā aparisesā nirujjhantī’ti. Idamavoca bhagavā. Idaṃ vatvāna sugato uṭṭhāyāsanā vihāraṃ pāvisi.
202. ат̇а ко д̇зсам̣ бхигкуунам̣ ажирабагганд̇асса бхаг̇авад̇о зд̇ад̣̇ахоси – ‘‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа, вид̇т̇аарзна ад̇т̇ам̣ авибхаж̇ид̇ваа, удтааяаасанаа вихаарам̣ бавидто – ‘яад̇онид̣̇аанам̣, бхигку, бурисам̣ бабан̃жасан̃н̃аасан̇каа самуд̣̇аажаранд̇и. зд̇т̇а жз над̇т̇д̇т̇т̇и абхинанд̣̇ид̇аб̣б̣ам̣ абхивад̣̇ид̇аб̣б̣ам̣ аж̇жхосид̇аб̣б̣ам̣. зсзванд̇о рааг̇аанусаяаанам̣…бз… зд̇т̇зд̇з баабагаа агусалаа д̇хаммаа абарисзсаа нируж̇жханд̇ий’д̇и . го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’’д̇и? ат̇а ко д̇зсам̣ бхигкуунам̣ зд̇ад̣̇ахоси – ‘‘аяам̣ ко ааяасмаа махаагажжаано сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа махаагажжаано д̇знубасан̇гамзяяаама; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчзяяаамаа’’д̇и.
202. Atha kho tesaṃ bhikkhūnaṃ acirapakkantassa bhagavato etadahosi – ‘‘idaṃ kho no, āvuso, bhagavā saṃkhittena uddesaṃ uddisitvā, vitthārena atthaṃ avibhajitvā, uṭṭhāyāsanā vihāraṃ paviṭṭho – ‘yatonidānaṃ, bhikkhu, purisaṃ papañcasaññāsaṅkhā samudācaranti. Ettha ce natthtththi abhinanditabbaṃ abhivaditabbaṃ ajjhositabbaṃ. Esevanto rāgānusayānaṃ…pe… etthete pāpakā akusalā dhammā aparisesā nirujjhantī’ti . Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’’ti? Atha kho tesaṃ bhikkhūnaṃ etadahosi – ‘‘ayaṃ kho āyasmā mahākaccāno satthu ceva saṃvaṇṇito sambhāvito ca viññūnaṃ sabrahmacārīnaṃ. Pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā mahākaccāno tenupasaṅkameyyāma; upasaṅkamitvā āyasmantaṃ mahākaccānaṃ etamatthaṃ paṭipuccheyyāmā’’ti.
ат̇а ко д̇з бхигкуу язнааяасмаа махаагажжаано д̇знубасан̇гамим̣су; убасан̇гамид̇ваа ааяасмад̇аа махаагажжаанзна сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу ааяасманд̇ам̣ махаагажжаанам̣ зд̇ад̣̇авожум̣ – ‘‘ид̣̇ам̣ ко но, аавусо гажжаана, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘яад̇онид̣̇аанам̣, бхигку, бурисам̣ бабан̃жасан̃н̃аасан̇каа самуд̣̇аажаранд̇и. зд̇т̇а жз над̇т̇и абхинанд̣̇ид̇аб̣б̣ам̣ абхивад̣̇ид̇аб̣б̣ам̣ аж̇жхосид̇аб̣б̣ам̣. зсзванд̇о рааг̇аанусаяаанам̣…бз… зд̇т̇зд̇з баабагаа агусалаа д̇хаммаа абарисзсаа нируж̇жханд̇ий’д̇и. д̇зсам̣ но, аавусо гажжаана, амхаагам̣ ажирабагганд̇асса бхаг̇авад̇о зд̇ад̣̇ахоси – ‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘‘яад̇онид̣̇аанам̣, бхигку, бурисам̣ бабан̃жасан̃н̃аасан̇каа самуд̣̇аажаранд̇и. зд̇т̇а жз над̇т̇и абхинанд̣̇ид̇аб̣б̣ам̣ абхивад̣̇ид̇аб̣б̣ам̣ аж̇жхосид̇аб̣б̣ам̣. зсзванд̇о рааг̇аанусаяаанам̣…бз… зд̇т̇зд̇з баабагаа агусалаа д̇хаммаа абарисзсаа нируж̇жханд̇ий’’д̇и. го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаад̇и? д̇зсам̣ но, аавусо гажжаана, амхаагам̣ зд̇ад̣̇ахоси – ‘аяам̣ ко ааяасмаа махаагажжаано сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣, баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа махаагажжаано д̇знубасан̇гамзяяаама; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчзяяаамаа’д̇и. вибхаж̇ад̇ааяасмаа махаагажжаано’’д̇и.
Atha kho te bhikkhū yenāyasmā mahākaccāno tenupasaṅkamiṃsu; upasaṅkamitvā āyasmatā mahākaccānena saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho te bhikkhū āyasmantaṃ mahākaccānaṃ etadavocuṃ – ‘‘idaṃ kho no, āvuso kaccāna, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘yatonidānaṃ, bhikkhu, purisaṃ papañcasaññāsaṅkhā samudācaranti. Ettha ce natthi abhinanditabbaṃ abhivaditabbaṃ ajjhositabbaṃ. Esevanto rāgānusayānaṃ…pe… etthete pāpakā akusalā dhammā aparisesā nirujjhantī’ti. Tesaṃ no, āvuso kaccāna, amhākaṃ acirapakkantassa bhagavato etadahosi – ‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘‘yatonidānaṃ, bhikkhu, purisaṃ papañcasaññāsaṅkhā samudācaranti. Ettha ce natthi abhinanditabbaṃ abhivaditabbaṃ ajjhositabbaṃ. Esevanto rāgānusayānaṃ…pe… etthete pāpakā akusalā dhammā aparisesā nirujjhantī’’ti. Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyāti? Tesaṃ no, āvuso kaccāna, amhākaṃ etadahosi – ‘ayaṃ kho āyasmā mahākaccāno satthu ceva saṃvaṇṇito sambhāvito ca viññūnaṃ sabrahmacārīnaṃ, pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā mahākaccāno tenupasaṅkameyyāma; upasaṅkamitvā āyasmantaṃ mahākaccānaṃ etamatthaṃ paṭipuccheyyāmā’ti. Vibhajatāyasmā mahākaccāno’’ti.
203. ‘‘сзяяат̇ааби, аавусо, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва муулам̣, ад̇иггамма канд̇хам̣, саакаабалаасз саарам̣ бариязсид̇аб̣б̣ам̣ ман̃н̃зяяа; звам̣самбад̣̇амид̣̇ам̣ ааяасманд̇аанам̣ сад̇т̇ари саммукийбхууд̇з, д̇ам̣ бхаг̇аванд̇ам̣ ад̇исид̇ваа , амхз зд̇амад̇т̇ам̣ бадибужчид̇аб̣б̣ам̣ ман̃н̃ат̇а. со хаавусо, бхаг̇аваа ж̇аанам̣ ж̇аанаад̇и, бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о, вад̇д̇аа бавад̇д̇аа, ад̇т̇асса ниннзд̇аа, амад̇асса д̣̇аад̇аа, д̇хаммассаамий д̇ат̇ааг̇ад̇о. со жзва банзд̇асса гаало ахоси, яам̣ бхаг̇аванд̇ам̣язва зд̇амад̇т̇ам̣ бадибужчзяяаат̇а. яат̇аа во бхаг̇аваа б̣яаагарзяяа д̇ат̇аа нам̣ д̇хаарзяяаат̇аа’’д̇и. ‘‘ад̣̇д̇хаавусо гажжаана, бхаг̇аваа ж̇аанам̣ ж̇аанаад̇и, бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о, вад̇д̇аа бавад̇д̇аа, ад̇т̇асса ниннзд̇аа, амад̇асса д̣̇аад̇аа, д̇хаммассаамий д̇ат̇ааг̇ад̇о. со жзва банзд̇асса гаало ахоси, яам̣ бхаг̇аванд̇ам̣язва зд̇амад̇т̇ам̣ бадибужчзяяаама. яат̇аа но бхаг̇аваа б̣яаагарзяяа д̇ат̇аа нам̣ д̇хаарзяяаама. аби жааяасмаа махаагажжаано сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣, баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. вибхаж̇ад̇ааяасмаа махаагажжаано аг̇арум̣ гад̇ваа’’д̇и 3. ‘‘д̇зна хаавусо, сун̣аат̇а, саад̇хугам̣ манасигарот̇а, бхаасиссаамий’’д̇и. ‘‘звамаавусо’’д̇и ко д̇з бхигкуу ааяасмад̇о махаагажжаанасса бажжассосум̣. ааяасмаа махаагажжаано зд̇ад̣̇авожа –
203. ‘‘Seyyathāpi, āvuso, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva mūlaṃ, atikkamma khandhaṃ, sākhāpalāse sāraṃ pariyesitabbaṃ maññeyya; evaṃsampadamidaṃ āyasmantānaṃ satthari sammukhībhūte, taṃ bhagavantaṃ atisitvā , amhe etamatthaṃ paṭipucchitabbaṃ maññatha. So hāvuso, bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto, vattā pavattā, atthassa ninnetā, amatassa dātā, dhammassāmī tathāgato. So ceva panetassa kālo ahosi, yaṃ bhagavantaṃyeva etamatthaṃ paṭipuccheyyātha. Yathā vo bhagavā byākareyya tathā naṃ dhāreyyāthā’’ti. ‘‘Addhāvuso kaccāna, bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto, vattā pavattā, atthassa ninnetā, amatassa dātā, dhammassāmī tathāgato. So ceva panetassa kālo ahosi, yaṃ bhagavantaṃyeva etamatthaṃ paṭipuccheyyāma. Yathā no bhagavā byākareyya tathā naṃ dhāreyyāma. Api cāyasmā mahākaccāno satthu ceva saṃvaṇṇito sambhāvito ca viññūnaṃ sabrahmacārīnaṃ, pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Vibhajatāyasmā mahākaccāno agaruṃ katvā’’ti 4. ‘‘Tena hāvuso, suṇātha, sādhukaṃ manasikarotha, bhāsissāmī’’ti. ‘‘Evamāvuso’’ti kho te bhikkhū āyasmato mahākaccānassa paccassosuṃ. Āyasmā mahākaccāno etadavoca –
204. ‘‘яам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘яад̇онид̣̇аанам̣, бхигку, бурисам̣ бабан̃жасан̃н̃аасан̇каа самуд̣̇аажаранд̇и . зд̇т̇а жз над̇т̇и абхинанд̣̇ид̇аб̣б̣ам̣ абхивад̣̇ид̇аб̣б̣ам̣ аж̇жхосид̇аб̣б̣ам̣, зсзванд̇о рааг̇аанусаяаанам̣…бз… зд̇т̇зд̇з баабагаа агусалаа д̇хаммаа абарисзсаа нируж̇жханд̇ий’д̇и, имасса ко ахам̣, аавусо, бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса звам̣ вид̇т̇аарзна ад̇т̇ам̣ ааж̇аанаами –
204. ‘‘Yaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘yatonidānaṃ, bhikkhu, purisaṃ papañcasaññāsaṅkhā samudācaranti . Ettha ce natthi abhinanditabbaṃ abhivaditabbaṃ ajjhositabbaṃ, esevanto rāgānusayānaṃ…pe… etthete pāpakā akusalā dhammā aparisesā nirujjhantī’ti, imassa kho ahaṃ, āvuso, bhagavatā saṃkhittena uddesassa uddiṭṭhassa vitthārena atthaṃ avibhattassa evaṃ vitthārena atthaṃ ājānāmi –
‘‘жагкун̃жаавусо, бадижжа руубз жа уббаж̇ж̇ад̇и жагкувин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа, яам̣ взд̣̇зд̇и д̇ам̣ сан̃ж̇аанаад̇и , яам̣ сан̃ж̇аанаад̇и д̇ам̣ вид̇аггзд̇и, яам̣ вид̇аггзд̇и д̇ам̣ бабан̃жзд̇и, яам̣ бабан̃жзд̇и д̇ад̇онид̣̇аанам̣ бурисам̣ бабан̃жасан̃н̃аасан̇каа самуд̣̇аажаранд̇и ад̇ийд̇аанааг̇ад̇абажжуббаннзсу жагкувин̃н̃зяязсу руубзсу. сод̇ан̃жаавусо, бадижжа сад̣̇д̣̇з жа уббаж̇ж̇ад̇и сод̇авин̃н̃аан̣ам̣…бз… гхаанан̃жаавусо, бадижжа г̇анд̇хз жа уббаж̇ж̇ад̇и гхаанавин̃н̃аан̣ам̣…бз… ж̇ивхан̃жаавусо, бадижжа расз жа уббаж̇ж̇ад̇и ж̇ивхаавин̃н̃аан̣ам̣…бз… гааяан̃жаавусо, бадижжа подтаб̣б̣з жа уббаж̇ж̇ад̇и гааяавин̃н̃аан̣ам̣…бз… манан̃жаавусо, бадижжа д̇хаммз жа уббаж̇ж̇ад̇и мановин̃н̃аан̣ам̣, д̇ин̣н̣ам̣ сан̇г̇ад̇и пассо, пассабажжаяаа взд̣̇анаа, яам̣ взд̣̇зд̇и д̇ам̣ сан̃ж̇аанаад̇и, яам̣ сан̃ж̇аанаад̇и д̇ам̣ вид̇аггзд̇и, яам̣ вид̇аггзд̇и д̇ам̣ бабан̃жзд̇и, яам̣ бабан̃жзд̇и д̇ад̇онид̣̇аанам̣ бурисам̣ бабан̃жасан̃н̃аасан̇каа самуд̣̇аажаранд̇и ад̇ийд̇аанааг̇ад̇абажжуббаннзсу мановин̃н̃зяязсу д̇хаммзсу.
‘‘Cakkhuñcāvuso, paṭicca rūpe ca uppajjati cakkhuviññāṇaṃ, tiṇṇaṃ saṅgati phasso, phassapaccayā vedanā, yaṃ vedeti taṃ sañjānāti , yaṃ sañjānāti taṃ vitakketi, yaṃ vitakketi taṃ papañceti, yaṃ papañceti tatonidānaṃ purisaṃ papañcasaññāsaṅkhā samudācaranti atītānāgatapaccuppannesu cakkhuviññeyyesu rūpesu. Sotañcāvuso, paṭicca sadde ca uppajjati sotaviññāṇaṃ…pe… ghānañcāvuso, paṭicca gandhe ca uppajjati ghānaviññāṇaṃ…pe… jivhañcāvuso, paṭicca rase ca uppajjati jivhāviññāṇaṃ…pe… kāyañcāvuso, paṭicca phoṭṭhabbe ca uppajjati kāyaviññāṇaṃ…pe… manañcāvuso, paṭicca dhamme ca uppajjati manoviññāṇaṃ, tiṇṇaṃ saṅgati phasso, phassapaccayā vedanā, yaṃ vedeti taṃ sañjānāti, yaṃ sañjānāti taṃ vitakketi, yaṃ vitakketi taṃ papañceti, yaṃ papañceti tatonidānaṃ purisaṃ papañcasaññāsaṅkhā samudācaranti atītānāgatapaccuppannesu manoviññeyyesu dhammesu.
‘‘со вад̇аавусо, жагкусмим̣ сад̇и руубз сад̇и жагкувин̃н̃аан̣з сад̇и пассабан̃н̃ад̇д̇им̣ бан̃н̃аабзссад̇ийд̇и – таанамзд̇ам̣ виж̇ж̇ад̇и. пассабан̃н̃ад̇д̇ияаа сад̇и взд̣̇анаабан̃н̃ад̇д̇им̣ бан̃н̃аабзссад̇ийд̇и – таанамзд̇ам̣ виж̇ж̇ад̇и. взд̣̇анаабан̃н̃ад̇д̇ияаа сад̇и сан̃н̃аабан̃н̃ад̇д̇им̣ бан̃н̃аабзссад̇ийд̇и – таанамзд̇ам̣ виж̇ж̇ад̇и. сан̃н̃аабан̃н̃ад̇д̇ияаа сад̇и вид̇аггабан̃н̃ад̇д̇им̣ бан̃н̃аабзссад̇ийд̇и – таанамзд̇ам̣ виж̇ж̇ад̇и. вид̇аггабан̃н̃ад̇д̇ияаа сад̇и бабан̃жасан̃н̃аасан̇каасамуд̣̇аажаран̣абан̃н̃ад̇д̇им̣ бан̃н̃аабзссад̇ийд̇и – таанамзд̇ам̣ виж̇ж̇ад̇и. со вад̇аавусо, сод̇асмим̣ сад̇и сад̣̇д̣̇з сад̇и…бз… гхаанасмим̣ сад̇и г̇анд̇хз сад̇и…бз… ж̇ивхааяа сад̇и расз сад̇и…бз… гааяасмим̣ сад̇и подтаб̣б̣з сад̇и…бз… манасмим̣ сад̇и д̇хаммз сад̇и мановин̃н̃аан̣з сад̇и пассабан̃н̃ад̇д̇им̣ бан̃н̃аабзссад̇ийд̇и – таанамзд̇ам̣ виж̇ж̇ад̇и. пассабан̃н̃ад̇д̇ияаа сад̇и взд̣̇анаабан̃н̃ад̇д̇им̣ бан̃н̃аабзссад̇ийд̇и – таанамзд̇ам̣ виж̇ж̇ад̇и. взд̣̇анаабан̃н̃ад̇д̇ияаа сад̇и сан̃н̃аабан̃н̃ад̇д̇им̣ бан̃н̃аабзссад̇ийд̇и – таанамзд̇ам̣ виж̇ж̇ад̇и. сан̃н̃аабан̃н̃ад̇д̇ияаа сад̇и вид̇аггабан̃н̃ад̇д̇им̣ бан̃н̃аабзссад̇ийд̇и – таанамзд̇ам̣ виж̇ж̇ад̇и. вид̇аггабан̃н̃ад̇д̇ияаа сад̇и бабан̃жасан̃н̃аасан̇каасамуд̣̇аажаран̣абан̃н̃ад̇д̇им̣ бан̃н̃аабзссад̇ийд̇и – таанамзд̇ам̣ виж̇ж̇ад̇и.
‘‘So vatāvuso, cakkhusmiṃ sati rūpe sati cakkhuviññāṇe sati phassapaññattiṃ paññāpessatīti – ṭhānametaṃ vijjati. Phassapaññattiyā sati vedanāpaññattiṃ paññāpessatīti – ṭhānametaṃ vijjati. Vedanāpaññattiyā sati saññāpaññattiṃ paññāpessatīti – ṭhānametaṃ vijjati. Saññāpaññattiyā sati vitakkapaññattiṃ paññāpessatīti – ṭhānametaṃ vijjati. Vitakkapaññattiyā sati papañcasaññāsaṅkhāsamudācaraṇapaññattiṃ paññāpessatīti – ṭhānametaṃ vijjati. So vatāvuso, sotasmiṃ sati sadde sati…pe… ghānasmiṃ sati gandhe sati…pe… jivhāya sati rase sati…pe… kāyasmiṃ sati phoṭṭhabbe sati…pe… manasmiṃ sati dhamme sati manoviññāṇe sati phassapaññattiṃ paññāpessatīti – ṭhānametaṃ vijjati. Phassapaññattiyā sati vedanāpaññattiṃ paññāpessatīti – ṭhānametaṃ vijjati. Vedanāpaññattiyā sati saññāpaññattiṃ paññāpessatīti – ṭhānametaṃ vijjati. Saññāpaññattiyā sati vitakkapaññattiṃ paññāpessatīti – ṭhānametaṃ vijjati. Vitakkapaññattiyā sati papañcasaññāsaṅkhāsamudācaraṇapaññattiṃ paññāpessatīti – ṭhānametaṃ vijjati.
‘‘со вад̇аавусо, жагкусмим̣ асад̇и руубз асад̇и жагкувин̃н̃аан̣з асад̇и пассабан̃н̃ад̇д̇им̣ бан̃н̃аабзссад̇ийд̇и – нзд̇ам̣ таанам̣ виж̇ж̇ад̇и. пассабан̃н̃ад̇д̇ияаа асад̇и взд̣̇анаабан̃н̃ад̇д̇им̣ бан̃н̃аабзссад̇ийд̇и – нзд̇ам̣ таанам̣ виж̇ж̇ад̇и. взд̣̇анаабан̃н̃ад̇д̇ияаа асад̇и сан̃н̃аабан̃н̃ад̇д̇им̣ бан̃н̃аабзссад̇ийд̇и – нзд̇ам̣ таанам̣ виж̇ж̇ад̇и. сан̃н̃аабан̃н̃ад̇д̇ияаа асад̇и вид̇аггабан̃н̃ад̇д̇им̣ бан̃н̃аабзссад̇ийд̇и – нзд̇ам̣ таанам̣ виж̇ж̇ад̇и. вид̇аггабан̃н̃ад̇д̇ияаа асад̇и бабан̃жасан̃н̃аасан̇каасамуд̣̇аажаран̣абан̃н̃ад̇д̇им̣ бан̃н̃аабзссад̇ийд̇и – нзд̇ам̣ таанам̣ виж̇ж̇ад̇и. со вад̇аавусо, сод̇асмим̣ асад̇и сад̣̇д̣̇з асад̇и…бз… гхаанасмим̣ асад̇и г̇анд̇хз асад̇и…бз… ж̇ивхааяа асад̇и расз асад̇и…бз… гааяасмим̣ асад̇и подтаб̣б̣з асад̇и…бз… манасмим̣ асад̇и д̇хаммз асад̇и мановин̃н̃аан̣з асад̇и пассабан̃н̃ад̇д̇им̣ бан̃н̃аабзссад̇ийд̇и – нзд̇ам̣ таанам̣ виж̇ж̇ад̇и. пассабан̃н̃ад̇д̇ияаа асад̇и взд̣̇анаабан̃н̃ад̇д̇им̣ бан̃н̃аабзссад̇ийд̇и – нзд̇ам̣ таанам̣ виж̇ж̇ад̇и. взд̣̇анаабан̃н̃ад̇д̇ияаа асад̇и сан̃н̃аабан̃н̃ад̇д̇им̣ бан̃н̃аабзссад̇ийд̇и – нзд̇ам̣ таанам̣ виж̇ж̇ад̇и. сан̃н̃аабан̃н̃ад̇д̇ияаа асад̇и вид̇аггабан̃н̃ад̇д̇им̣ бан̃н̃аабзссад̇ийд̇и – нзд̇ам̣ таанам̣ виж̇ж̇ад̇и. вид̇аггабан̃н̃ад̇д̇ияаа асад̇и бабан̃жасан̃н̃аасан̇каасамуд̣̇аажаран̣абан̃н̃ад̇д̇им̣ бан̃н̃аабзссад̇ийд̇и – нзд̇ам̣ таанам̣ виж̇ж̇ад̇и.
‘‘So vatāvuso, cakkhusmiṃ asati rūpe asati cakkhuviññāṇe asati phassapaññattiṃ paññāpessatīti – netaṃ ṭhānaṃ vijjati. Phassapaññattiyā asati vedanāpaññattiṃ paññāpessatīti – netaṃ ṭhānaṃ vijjati. Vedanāpaññattiyā asati saññāpaññattiṃ paññāpessatīti – netaṃ ṭhānaṃ vijjati. Saññāpaññattiyā asati vitakkapaññattiṃ paññāpessatīti – netaṃ ṭhānaṃ vijjati. Vitakkapaññattiyā asati papañcasaññāsaṅkhāsamudācaraṇapaññattiṃ paññāpessatīti – netaṃ ṭhānaṃ vijjati. So vatāvuso, sotasmiṃ asati sadde asati…pe… ghānasmiṃ asati gandhe asati…pe… jivhāya asati rase asati…pe… kāyasmiṃ asati phoṭṭhabbe asati…pe… manasmiṃ asati dhamme asati manoviññāṇe asati phassapaññattiṃ paññāpessatīti – netaṃ ṭhānaṃ vijjati. Phassapaññattiyā asati vedanāpaññattiṃ paññāpessatīti – netaṃ ṭhānaṃ vijjati. Vedanāpaññattiyā asati saññāpaññattiṃ paññāpessatīti – netaṃ ṭhānaṃ vijjati. Saññāpaññattiyā asati vitakkapaññattiṃ paññāpessatīti – netaṃ ṭhānaṃ vijjati. Vitakkapaññattiyā asati papañcasaññāsaṅkhāsamudācaraṇapaññattiṃ paññāpessatīti – netaṃ ṭhānaṃ vijjati.
‘‘яам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘яад̇онид̣̇аанам̣, бхигку, бурисам̣ бабан̃жасан̃н̃аасан̇каа самуд̣̇аажаранд̇и зд̇т̇а жз над̇т̇и абхинанд̣̇ид̇аб̣б̣ам̣ абхивад̣̇ид̇аб̣б̣ам̣ аж̇жхосид̇аб̣б̣ам̣ зсзванд̇о рааг̇аанусаяаанам̣…бз… зд̇т̇зд̇з баабагаа агусалаа д̇хаммаа абарисзсаа нируж̇жханд̇ий’д̇и, имасса ко ахам̣, аавусо, бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса звам̣ вид̇т̇аарзна ад̇т̇ам̣ ааж̇аанаами. ааган̇камаанаа жа бана д̇умхз ааяасманд̇о бхаг̇аванд̇ам̣язва убасан̇гамид̇ваа зд̇амад̇т̇ам̣ бадибужчзяяаат̇а. яат̇аа но бхаг̇аваа б̣яаагарод̇и д̇ат̇аа нам̣ д̇хаарзяяаат̇аа’’д̇и.
‘‘Yaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘yatonidānaṃ, bhikkhu, purisaṃ papañcasaññāsaṅkhā samudācaranti ettha ce natthi abhinanditabbaṃ abhivaditabbaṃ ajjhositabbaṃ esevanto rāgānusayānaṃ…pe… etthete pāpakā akusalā dhammā aparisesā nirujjhantī’ti, imassa kho ahaṃ, āvuso, bhagavatā saṃkhittena uddesassa uddiṭṭhassa vitthārena atthaṃ avibhattassa evaṃ vitthārena atthaṃ ājānāmi. Ākaṅkhamānā ca pana tumhe āyasmanto bhagavantaṃyeva upasaṅkamitvā etamatthaṃ paṭipuccheyyātha. Yathā no bhagavā byākaroti tathā naṃ dhāreyyāthā’’ti.
205. ат̇а ко д̇з бхигкуу ааяасмад̇о махаагажжаанасса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘яам̣ ко но, бханд̇з, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘яад̇онид̣̇аанам̣, бхигку, бурисам̣ бабан̃жасан̃н̃аасан̇каа самуд̣̇аажаранд̇и. зд̇т̇а жз над̇т̇и абхинанд̣̇ид̇аб̣б̣ам̣ абхивад̣̇ид̇аб̣б̣ам̣ аж̇жхосид̇аб̣б̣ам̣. зсзванд̇о рааг̇аанусаяаанам̣…бз… зд̇т̇зд̇з баабагаа агусалаа д̇хаммаа абарисзсаа нируж̇жханд̇ий’д̇и. д̇зсам̣ но, бханд̇з, амхаагам̣ ажирабагганд̇асса бхаг̇авад̇о зд̇ад̣̇ахоси – ‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто – ‘‘яад̇онид̣̇аанам̣, бхигку, бурисам̣ бабан̃жасан̃н̃аасан̇каа самуд̣̇аажаранд̇и. зд̇т̇а жз над̇т̇и абхинанд̣̇ид̇аб̣б̣ам̣ абхивад̣̇ид̇аб̣б̣ам̣ аж̇жхосид̇аб̣б̣ам̣. зсзванд̇о рааг̇аанусаяаанам̣, зсзванд̇о бадигхаанусаяаанам̣, зсзванд̇о д̣̇идтаанусаяаанам̣, зсзванд̇о вижигижчаанусаяаанам̣, зсзванд̇о маанаанусаяаанам̣, зсзванд̇о бхаварааг̇аанусаяаанам̣ , зсзванд̇о авиж̇ж̇аанусаяаанам̣, зсзванд̇о д̣̇ан̣д̣аад̣̇аана-сад̇т̇аад̣̇аана-галаха-виг̇г̇аха-виваад̣̇ад̇увам̣д̇увам̣-бзсун̃н̃а-мусааваад̣̇аанам̣. зд̇т̇зд̇з баабагаа агусалаа д̇хаммаа абарисзсаа нируж̇жханд̇ий’’д̇и. го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’д̇и? д̇зсам̣ но, бханд̇з, амхаагам̣ зд̇ад̣̇ахоси – ‘аяам̣ ко ааяасмаа махаагажжаано сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣, баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣, яам̣нууна маяам̣ язнааяасмаа махаагажжаано д̇знубасан̇гамзяяаама; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчзяяаамаа’д̇и. ат̇а ко маяам̣, бханд̇з, язнааяасмаа махаагажжаано д̇знубасан̇гамимха; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчимха. д̇зсам̣ но, бханд̇з, ааяасмад̇аа махаагажжаанзна имзхи аагаарзхи имзхи бад̣̇зхи имзхи б̣яан̃ж̇анзхи ад̇т̇о вибхад̇д̇о’’д̇и. ‘‘бан̣д̣ид̇о, бхигкавз, махаагажжаано; махаабан̃н̃о, бхигкавз, махаагажжаано. мам̣ жзби д̇умхз, бхигкавз, зд̇амад̇т̇ам̣ бадибужчзяяаат̇а, ахамби д̇ам̣ звамзвам̣ б̣яаагарзяяам̣ яат̇аа д̇ам̣ махаагажжаанзна б̣яаагад̇ам̣. зсо жзвзд̇асса ад̇т̇о. зван̃жа 5 нам̣ д̇хаарзт̇аа’’д̇и.
205. Atha kho te bhikkhū āyasmato mahākaccānassa bhāsitaṃ abhinanditvā anumoditvā uṭṭhāyāsanā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘yaṃ kho no, bhante, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘yatonidānaṃ, bhikkhu, purisaṃ papañcasaññāsaṅkhā samudācaranti. Ettha ce natthi abhinanditabbaṃ abhivaditabbaṃ ajjhositabbaṃ. Esevanto rāgānusayānaṃ…pe… etthete pāpakā akusalā dhammā aparisesā nirujjhantī’ti. Tesaṃ no, bhante, amhākaṃ acirapakkantassa bhagavato etadahosi – ‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – ‘‘yatonidānaṃ, bhikkhu, purisaṃ papañcasaññāsaṅkhā samudācaranti. Ettha ce natthi abhinanditabbaṃ abhivaditabbaṃ ajjhositabbaṃ. Esevanto rāgānusayānaṃ, esevanto paṭighānusayānaṃ, esevanto diṭṭhānusayānaṃ, esevanto vicikicchānusayānaṃ, esevanto mānānusayānaṃ, esevanto bhavarāgānusayānaṃ , esevanto avijjānusayānaṃ, esevanto daṇḍādāna-satthādāna-kalaha-viggaha-vivādatuvaṃtuvaṃ-pesuñña-musāvādānaṃ. Etthete pāpakā akusalā dhammā aparisesā nirujjhantī’’ti. Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’ti? Tesaṃ no, bhante, amhākaṃ etadahosi – ‘ayaṃ kho āyasmā mahākaccāno satthu ceva saṃvaṇṇito sambhāvito ca viññūnaṃ sabrahmacārīnaṃ, pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ, yaṃnūna mayaṃ yenāyasmā mahākaccāno tenupasaṅkameyyāma; upasaṅkamitvā āyasmantaṃ mahākaccānaṃ etamatthaṃ paṭipuccheyyāmā’ti. Atha kho mayaṃ, bhante, yenāyasmā mahākaccāno tenupasaṅkamimha; upasaṅkamitvā āyasmantaṃ mahākaccānaṃ etamatthaṃ paṭipucchimha. Tesaṃ no, bhante, āyasmatā mahākaccānena imehi ākārehi imehi padehi imehi byañjanehi attho vibhatto’’ti. ‘‘Paṇḍito, bhikkhave, mahākaccāno; mahāpañño, bhikkhave, mahākaccāno. Maṃ cepi tumhe, bhikkhave, etamatthaṃ paṭipuccheyyātha, ahampi taṃ evamevaṃ byākareyyaṃ yathā taṃ mahākaccānena byākataṃ. Eso cevetassa attho. Evañca 6 naṃ dhārethā’’ti.
звам̣ вуд̇д̇з ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘сзяяат̇ааби, бханд̇з, бурисо ж̇игхажчаад̣̇уб̣б̣аляабарзд̇о мад̇хубин̣д̣игам̣ ад̇хиг̇ажчзяяа, со яад̇о яад̇о сааязяяа, лабхзт̇зва саад̣̇урасам̣ асзжанагам̣. звамзва ко, бханд̇з, жзд̇асо бхигку д̣̇аб̣б̣аж̇аад̇иго, яад̇о яад̇о имасса д̇хаммабарияааяасса бан̃н̃ааяа ад̇т̇ам̣ убабаригкзяяа, лабхзт̇зва ад̇д̇аманад̇ам̣, лабхзт̇зва жзд̇асо басаад̣̇ам̣. го наамо аяам̣ 7, бханд̇з, д̇хаммабарияааяо’’д̇и? ‘‘д̇асмаад̇иха д̇вам̣, аананд̣̇а, имам̣ д̇хаммабарияааяам̣ мад̇хубин̣д̣игабарияааяо д̇взва нам̣ д̇хаарзхий’’д̇и.
Evaṃ vutte āyasmā ānando bhagavantaṃ etadavoca – ‘‘seyyathāpi, bhante, puriso jighacchādubbalyapareto madhupiṇḍikaṃ adhigaccheyya, so yato yato sāyeyya, labhetheva sādurasaṃ asecanakaṃ. Evameva kho, bhante, cetaso bhikkhu dabbajātiko, yato yato imassa dhammapariyāyassa paññāya atthaṃ upaparikkheyya, labhetheva attamanataṃ, labhetheva cetaso pasādaṃ. Ko nāmo ayaṃ 8, bhante, dhammapariyāyo’’ti? ‘‘Tasmātiha tvaṃ, ānanda, imaṃ dhammapariyāyaṃ madhupiṇḍikapariyāyo tveva naṃ dhārehī’’ti.
ид̣̇амавожа бхаг̇аваа. ад̇д̇амано ааяасмаа аананд̣̇о бхаг̇авад̇о бхаасид̇ам̣ абхинанд̣̇ийд̇и.
Idamavoca bhagavā. Attamano āyasmā ānando bhagavato bhāsitaṃ abhinandīti.
мад̇хубин̣д̣игасуд̇д̇ам̣ нидтид̇ам̣ адтамам̣.
Madhupiṇḍikasuttaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. мад̇хубин̣д̣игасуд̇д̇аван̣н̣анаа • 8. Madhupiṇḍikasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 8. мад̇хубин̣д̣игасуд̇д̇аван̣н̣анаа • 8. Madhupiṇḍikasuttavaṇṇanā
