| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
7. мад̇хубин̣д̣игад̇т̇зраабад̣̇аанаван̣н̣анаа
7. Madhupiṇḍikattheraapadānavaṇṇanā
виванз гаананз д̣̇исваад̇иаад̣̇игам̣ ааяасмад̇о мад̇хубин̣д̣игад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз нзсаад̣̇аяонияам̣ ниб̣б̣ад̇д̇о махаааран̃н̃з бадивасад̇и. д̇ад̣̇аа вивзгаабхирад̇ияаа самбад̇д̇ам̣ сид̣̇д̇хад̇т̇ам̣ бхаг̇аванд̇ам̣ д̣̇исваа самаад̇хид̇о вудтид̇асса д̇асса сумад̇хурам̣ мад̇хумад̣̇ааси. д̇ад̇т̇а жа басаннамаанасо ванд̣̇ид̇ваа баггаами. со д̇знзва бун̃н̃зна самбад̇д̇им̣ анубхаванд̇о д̣̇звамануссзсу сам̣сарид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вуд̣̇д̇хиббад̇д̇о сад̇т̇ари басийд̣̇ид̇ваа баб̣б̣аж̇ид̇о нажирассзва арахаа ахоси.
Vivane kānane disvātiādikaṃ āyasmato madhupiṇḍikattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle nesādayoniyaṃ nibbatto mahāaraññe paṭivasati. Tadā vivekābhiratiyā sampattaṃ siddhatthaṃ bhagavantaṃ disvā samādhito vuṭṭhitassa tassa sumadhuraṃ madhumadāsi. Tattha ca pasannamānaso vanditvā pakkāmi. So teneva puññena sampattiṃ anubhavanto devamanussesu saṃsaritvā imasmiṃ buddhuppāde kulagehe nibbatto vuddhippatto satthari pasīditvā pabbajito nacirasseva arahā ahosi.
37. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о виванз гаананз д̣̇исваад̇иаад̣̇имааха. д̇ад̇т̇а виванзд̇и висзсзна ванам̣ бад̇т̇адам̣ виванам̣, хад̇т̇иассарат̇асад̣̇д̣̇зхи бхзрисад̣̇д̣̇зхи жа вад̇т̇угаамагилзсагаамзхи жа виг̇ад̇ам̣ б̣яаабаг̇ад̇анд̇и ад̇т̇о, гаананасан̇каад̇з махаааран̃н̃з виванзд̇и самб̣анд̇хо. осад̇хим̣ва вирожанд̇анд̇и бхававад̣дхагиж̇анаанам̣ ижчид̇ижчид̇ам̣ нибпаад̣̇зд̇ийд̇и осад̇хам̣. ож̇ааниб̣б̣ад̇д̇игааран̣ам̣ бадижжа яааяа д̇аарагааяа уг̇г̇ад̇ааяа уд̣̇д̇харанд̇и г̇ан̣ханд̇ийд̇и саа осад̇хи. осад̇хид̇аарагаа ива вирожанд̇ийд̇и вад̇д̇аб̣б̣з г̇аат̇ааб̣анд̇хасукад̇т̇ам̣ ‘‘осад̇хим̣ва вирожанд̇а’’нд̇и жа вуд̇д̇ам̣. сзсам̣ саб̣б̣ад̇т̇а уд̇д̇аанамзваад̇и.
37. So aparabhāge attano pubbakammaṃ saritvā somanassajāto pubbacaritāpadānaṃ pakāsento vivane kānane disvātiādimāha. Tattha vivaneti visesena vanaṃ patthaṭaṃ vivanaṃ, hatthiassarathasaddehi bherisaddehi ca vatthukāmakilesakāmehi ca vigataṃ byāpagatanti attho, kānanasaṅkhāte mahāaraññe vivaneti sambandho. Osadhiṃva virocantanti bhavavaḍḍhakijanānaṃ icchiticchitaṃ nipphādetīti osadhaṃ. Ojānibbattikāraṇaṃ paṭicca yāya tārakāya uggatāya uddharanti gaṇhantīti sā osadhi. Osadhitārakā iva virocantīti vattabbe gāthābandhasukhatthaṃ ‘‘osadhiṃva virocanta’’nti ca vuttaṃ. Sesaṃ sabbattha uttānamevāti.
мад̇хубин̣д̣игад̇т̇зраабад̣̇аанаван̣н̣анаа самад̇д̇аа.
Madhupiṇḍikattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 7. мад̇хубин̣д̣игад̇т̇зраабад̣̇аанам̣ • 7. Madhupiṇḍikattheraapadānaṃ
