| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੭. ਮਧੁਪਿਣ੍ਡਿਕਤ੍ਥੇਰਅਪਦਾਨવਣ੍ਣਨਾ
7. Madhupiṇḍikattheraapadānavaṇṇanā
વਿવਨੇ ਕਾਨਨੇ ਦਿਸ੍વਾਤਿਆਦਿਕਂ ਆਯਸ੍ਮਤੋ ਮਧੁਪਿਣ੍ਡਿਕਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਸਿਦ੍ਧਤ੍ਥਸ੍ਸ ਭਗવਤੋ ਕਾਲੇ ਨੇਸਾਦਯੋਨਿਯਂ ਨਿਬ੍ਬਤ੍ਤੋ ਮਹਾਅਰਞ੍ਞੇ ਪਟਿવਸਤਿ। ਤਦਾ વਿવੇਕਾਭਿਰਤਿਯਾ ਸਮ੍ਪਤ੍ਤਂ ਸਿਦ੍ਧਤ੍ਥਂ ਭਗવਨ੍ਤਂ ਦਿਸ੍વਾ ਸਮਾਧਿਤੋ વੁਟ੍ਠਿਤਸ੍ਸ ਤਸ੍ਸ ਸੁਮਧੁਰਂ ਮਧੁਮਦਾਸਿ। ਤਤ੍ਥ ਚ ਪਸਨ੍ਨਮਾਨਸੋ વਨ੍ਦਿਤ੍વਾ ਪਕ੍ਕਾਮਿ। ਸੋ ਤੇਨੇવ ਪੁਞ੍ਞੇਨ ਸਮ੍ਪਤ੍ਤਿਂ ਅਨੁਭવਨ੍ਤੋ ਦੇવਮਨੁਸ੍ਸੇਸੁ ਸਂਸਰਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਤ੍ਥਰਿ ਪਸੀਦਿਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Vivane kānane disvātiādikaṃ āyasmato madhupiṇḍikattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto siddhatthassa bhagavato kāle nesādayoniyaṃ nibbatto mahāaraññe paṭivasati. Tadā vivekābhiratiyā sampattaṃ siddhatthaṃ bhagavantaṃ disvā samādhito vuṭṭhitassa tassa sumadhuraṃ madhumadāsi. Tattha ca pasannamānaso vanditvā pakkāmi. So teneva puññena sampattiṃ anubhavanto devamanussesu saṃsaritvā imasmiṃ buddhuppāde kulagehe nibbatto vuddhippatto satthari pasīditvā pabbajito nacirasseva arahā ahosi.
੩੭. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ વਿવਨੇ ਕਾਨਨੇ ਦਿਸ੍વਾਤਿਆਦਿਮਾਹ। ਤਤ੍ਥ વਿવਨੇਤਿ વਿਸੇਸੇਨ વਨਂ ਪਤ੍ਥਟਂ વਿવਨਂ, ਹਤ੍ਥਿਅਸ੍ਸਰਥਸਦ੍ਦੇਹਿ ਭੇਰਿਸਦ੍ਦੇਹਿ ਚ વਤ੍ਥੁਕਾਮਕਿਲੇਸਕਾਮੇਹਿ ਚ વਿਗਤਂ ਬ੍ਯਾਪਗਤਨ੍ਤਿ ਅਤ੍ਥੋ, ਕਾਨਨਸਙ੍ਖਾਤੇ ਮਹਾਅਰਞ੍ਞੇ વਿવਨੇਤਿ ਸਮ੍ਬਨ੍ਧੋ। ਓਸਧਿਂવ વਿਰੋਚਨ੍ਤਨ੍ਤਿ ਭવવਡ੍ਢਕਿਜਨਾਨਂ ਇਚ੍ਛਿਤਿਚ੍ਛਿਤਂ ਨਿਪ੍ਫਾਦੇਤੀਤਿ ਓਸਧਂ। ਓਜਾਨਿਬ੍ਬਤ੍ਤਿਕਾਰਣਂ ਪਟਿਚ੍ਚ ਯਾਯ ਤਾਰਕਾਯ ਉਗ੍ਗਤਾਯ ਉਦ੍ਧਰਨ੍ਤਿ ਗਣ੍ਹਨ੍ਤੀਤਿ ਸਾ ਓਸਧਿ। ਓਸਧਿਤਾਰਕਾ ਇવ વਿਰੋਚਨ੍ਤੀਤਿ વਤ੍ਤਬ੍ਬੇ ਗਾਥਾਬਨ੍ਧਸੁਖਤ੍ਥਂ ‘‘ਓਸਧਿਂવ વਿਰੋਚਨ੍ਤ’’ਨ੍ਤਿ ਚ વੁਤ੍ਤਂ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
37. So aparabhāge attano pubbakammaṃ saritvā somanassajāto pubbacaritāpadānaṃ pakāsento vivane kānane disvātiādimāha. Tattha vivaneti visesena vanaṃ patthaṭaṃ vivanaṃ, hatthiassarathasaddehi bherisaddehi ca vatthukāmakilesakāmehi ca vigataṃ byāpagatanti attho, kānanasaṅkhāte mahāaraññe vivaneti sambandho. Osadhiṃva virocantanti bhavavaḍḍhakijanānaṃ icchiticchitaṃ nipphādetīti osadhaṃ. Ojānibbattikāraṇaṃ paṭicca yāya tārakāya uggatāya uddharanti gaṇhantīti sā osadhi. Osadhitārakā iva virocantīti vattabbe gāthābandhasukhatthaṃ ‘‘osadhiṃva virocanta’’nti ca vuttaṃ. Sesaṃ sabbattha uttānamevāti.
ਮਧੁਪਿਣ੍ਡਿਕਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Madhupiṇḍikattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੭. ਮਧੁਪਿਣ੍ਡਿਕਤ੍ਥੇਰਅਪਦਾਨਂ • 7. Madhupiṇḍikattheraapadānaṃ
