| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. мад̇хурасуд̇д̇ам̣
4. Madhurasuttaṃ
317. звам̣ мз суд̇ам̣ – згам̣ самаяам̣ ааяасмаа махаагажжаано мад̇хурааяам̣ вихарад̇и г̇унд̣̇ааванз. ассоси ко рааж̇аа маад̇хуро аванд̇ибуд̇д̇о – ‘‘саман̣о калу, бхо, гажжаано мад̇хурааяам̣ 1 вихарад̇и г̇унд̣̇ааванз. д̇ам̣ ко бана бхаванд̇ам̣ гажжаанам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘бан̣д̣ид̇о вияад̇д̇о мзд̇хаавий б̣ахуссуд̇о жид̇д̇агат̇ий галяаан̣абадибхаано вуд̣̇д̇хо жзва арахаа жа’. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и. ат̇а ко рааж̇аа маад̇хуро аванд̇ибуд̇д̇о бхад̣̇раани бхад̣̇раани яаанаани яож̇аабзд̇ваа бхад̣̇рам̣ яаанам̣ абхирухид̇ваа бхад̣̇рзхи бхад̣̇рзхи яаанзхи мад̇хурааяа нияяааси махажжарааж̇аанубхаавзна ааяасманд̇ам̣ махаагажжаанам̣ д̣̇ассанааяа. яаавад̇игаа яаанасса бхууми яаанзна г̇анд̇ваа яаанаа бажжорохид̇ваа бад̇д̇игова язнааяасмаа махаагажжаано д̇знубасан̇гами; убасан̇гамид̇ваа ааяасмад̇аа махаагажжаанзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа маад̇хуро аванд̇ибуд̇д̇о ааяасманд̇ам̣ махаагажжаанам̣ зд̇ад̣̇авожа – ‘‘б̣раахман̣аа, бхо гажжаана, звамаахам̣су – ‘б̣раахман̣ова сздто ван̣н̣о, хийно ан̃н̃о ван̣н̣о; б̣раахман̣ова сугго ван̣н̣о, ган̣хо ан̃н̃о ван̣н̣о; б̣раахман̣аава суж̇жханд̇и, но аб̣раахман̣аа; б̣раахман̣аава б̣рахмуно буд̇д̇аа орасаа мукад̇о ж̇аад̇аа б̣рахмаж̇аа б̣рахманиммид̇аа б̣рахмад̣̇ааяаад̣̇аа’д̇и. ид̇ха бхавам̣ гажжаано гимагкааяий’’д̇и? ‘‘гхосоязва ко зсо, махаарааж̇а, логасмим̣ – ‘б̣раахман̣ова сздто ван̣н̣о, хийно ан̃н̃о ван̣н̣о; б̣раахман̣ова сугго ван̣н̣о, ган̣хо ан̃н̃о ван̣н̣о; б̣раахман̣аава суж̇жханд̇и, но аб̣раахман̣аа; б̣раахман̣аава б̣рахмуно буд̇д̇аа орасаа мукад̇о ж̇аад̇аа б̣рахмаж̇аа б̣рахманиммид̇аа б̣рахмад̣̇ааяаад̣̇аа’д̇и. д̇ад̣̇аминаабзд̇ам̣, махаарааж̇а, барияааязна взд̣̇ид̇аб̣б̣ам̣ яат̇аа гхосоязвзсо логасмим̣ – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
317. Evaṃ me sutaṃ – ekaṃ samayaṃ āyasmā mahākaccāno madhurāyaṃ viharati gundāvane. Assosi kho rājā mādhuro avantiputto – ‘‘samaṇo khalu, bho, kaccāno madhurāyaṃ 2 viharati gundāvane. Taṃ kho pana bhavantaṃ kaccānaṃ evaṃ kalyāṇo kittisaddo abbhuggato – ‘paṇḍito viyatto medhāvī bahussuto cittakathī kalyāṇapaṭibhāno vuddho ceva arahā ca’. Sādhu kho pana tathārūpānaṃ arahataṃ dassanaṃ hotī’’ti. Atha kho rājā mādhuro avantiputto bhadrāni bhadrāni yānāni yojāpetvā bhadraṃ yānaṃ abhiruhitvā bhadrehi bhadrehi yānehi madhurāya niyyāsi mahaccarājānubhāvena āyasmantaṃ mahākaccānaṃ dassanāya. Yāvatikā yānassa bhūmi yānena gantvā yānā paccorohitvā pattikova yenāyasmā mahākaccāno tenupasaṅkami; upasaṅkamitvā āyasmatā mahākaccānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho rājā mādhuro avantiputto āyasmantaṃ mahākaccānaṃ etadavoca – ‘‘brāhmaṇā, bho kaccāna, evamāhaṃsu – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’ti. Idha bhavaṃ kaccāno kimakkhāyī’’ti? ‘‘Ghosoyeva kho eso, mahārāja, lokasmiṃ – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’ti. Tadamināpetaṃ, mahārāja, pariyāyena veditabbaṃ yathā ghosoyeveso lokasmiṃ – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
318. ‘‘д̇ам̣ гим̣ ман̃н̃аси, махаарааж̇а, кад̇д̇ияасса жзби иж̇жхзяяа д̇ханзна ваа д̇хан̃н̃зна ваа раж̇ад̇зна ваа ж̇аад̇аруубзна ваа кад̇д̇ияобиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий… б̣раахман̣обиссаасса… взссобиссаасса… суд̣̇д̣̇обиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий’’д̇и? ‘‘кад̇д̇ияасса жзби, бхо гажжаана, иж̇жхзяяа д̇ханзна ваа д̇хан̃н̃зна ваа раж̇ад̇зна ваа ж̇аад̇аруубзна ваа кад̇д̇ияобиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий… б̣раахман̣обиссаасса… взссобиссаасса… суд̣̇д̣̇обиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий’’д̇и.
318. ‘‘Taṃ kiṃ maññasi, mahārāja, khattiyassa cepi ijjheyya dhanena vā dhaññena vā rajatena vā jātarūpena vā khattiyopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… brāhmaṇopissāssa… vessopissāssa… suddopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti? ‘‘Khattiyassa cepi, bho kaccāna, ijjheyya dhanena vā dhaññena vā rajatena vā jātarūpena vā khattiyopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… brāhmaṇopissāssa… vessopissāssa… suddopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti.
‘‘д̇ам̣ гим̣ ман̃н̃аси, махаарааж̇а, б̣раахман̣асса жзби иж̇жхзяяа д̇ханзна ваа д̇хан̃н̃зна ваа раж̇ад̇зна ваа ж̇аад̇аруубзна ваа б̣раахман̣обиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий… взссобиссаасса… суд̣̇д̣̇обиссаасса … кад̇д̇ияобиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий’’д̇и? ‘‘б̣раахман̣асса жзби, бхо гажжаана, иж̇жхзяяа д̇ханзна ваа д̇хан̃н̃зна ваа раж̇ад̇зна ваа ж̇аад̇аруубзна ваа б̣раахман̣обиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий… взссобиссаасса… суд̣̇д̣̇обиссаасса … кад̇д̇ияобиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий’’д̇и.
‘‘Taṃ kiṃ maññasi, mahārāja, brāhmaṇassa cepi ijjheyya dhanena vā dhaññena vā rajatena vā jātarūpena vā brāhmaṇopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… vessopissāssa… suddopissāssa … khattiyopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti? ‘‘Brāhmaṇassa cepi, bho kaccāna, ijjheyya dhanena vā dhaññena vā rajatena vā jātarūpena vā brāhmaṇopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… vessopissāssa… suddopissāssa … khattiyopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti.
‘‘д̇ам̣ гим̣ ман̃н̃аси, махаарааж̇а, взссасса жзби иж̇жхзяяа д̇ханзна ваа д̇хан̃н̃зна ваа раж̇ад̇зна ваа ж̇аад̇аруубзна ваа взссобиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий… суд̣̇д̣̇обиссаасса… кад̇д̇ияобиссаасса… б̣раахман̣обиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий’’д̇и? ‘‘взссасса жзби, бхо гажжаана, иж̇жхзяяа д̇ханзна ваа д̇хан̃н̃зна ваа раж̇ад̇зна ваа ж̇аад̇аруубзна ваа взссобиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий… суд̣̇д̣̇обиссаасса… кад̇д̇ияобиссаасса… б̣раахман̣обиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий’’д̇и.
‘‘Taṃ kiṃ maññasi, mahārāja, vessassa cepi ijjheyya dhanena vā dhaññena vā rajatena vā jātarūpena vā vessopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… suddopissāssa… khattiyopissāssa… brāhmaṇopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti? ‘‘Vessassa cepi, bho kaccāna, ijjheyya dhanena vā dhaññena vā rajatena vā jātarūpena vā vessopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… suddopissāssa… khattiyopissāssa… brāhmaṇopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti.
‘‘д̇ам̣ гим̣ ман̃н̃аси, махаарааж̇а, суд̣̇д̣̇асса жзби иж̇жхзяяа д̇ханзна ваа д̇хан̃н̃зна ваа раж̇ад̇зна ваа ж̇аад̇аруубзна ваа суд̣̇д̣̇обиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий… кад̇д̇ияобиссаасса… б̣раахман̣обиссаасса… взссобиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий’’д̇и? ‘‘суд̣̇д̣̇асса жзби, бхо гажжаана, иж̇жхзяяа д̇ханзна ваа д̇хан̃н̃зна ваа раж̇ад̇зна ваа ж̇аад̇аруубзна ваа суд̣̇д̣̇обиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ийд̇и… кад̇д̇ияобиссаасса… б̣раахман̣обиссаасса… взссобиссаасса буб̣б̣удтааяий бажчаанибаад̇ий гим̣гаарабадиссаавий манаабажаарий бияаваад̣̇ий’’д̇и.
‘‘Taṃ kiṃ maññasi, mahārāja, suddassa cepi ijjheyya dhanena vā dhaññena vā rajatena vā jātarūpena vā suddopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… khattiyopissāssa… brāhmaṇopissāssa… vessopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti? ‘‘Suddassa cepi, bho kaccāna, ijjheyya dhanena vā dhaññena vā rajatena vā jātarūpena vā suddopissāssa pubbuṭṭhāyī pacchānipātī kiṃkārapaṭissāvī manāpacārī piyavādīti… khattiyopissāssa… brāhmaṇopissāssa… vessopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti.
‘‘д̇ам̣ гим̣ ман̃н̃аси, махаарааж̇а, яад̣̇и звам̣ санд̇з, имз жад̇д̇ааро ван̣н̣аа самасамаа хонд̇и но ваа? гат̇ам̣ ваа д̇з зд̇т̇а ход̇ий’’д̇и? ‘‘ад̣̇д̇хаа ко, бхо гажжаана, звам̣ санд̇з, имз жад̇д̇ааро ван̣н̣аа самасамаа хонд̇и. нзсам̣ 3 зд̇т̇а гин̃жи наанаагаран̣ам̣ саманубассаамий’’д̇и. ‘‘иминааби ко зд̇ам̣, махаарааж̇а, барияааязна взд̣̇ид̇аб̣б̣ам̣ яат̇аа гхосо язвзсо логасмим̣ – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
‘‘Taṃ kiṃ maññasi, mahārāja, yadi evaṃ sante, ime cattāro vaṇṇā samasamā honti no vā? Kathaṃ vā te ettha hotī’’ti? ‘‘Addhā kho, bho kaccāna, evaṃ sante, ime cattāro vaṇṇā samasamā honti. Nesaṃ 4 ettha kiñci nānākaraṇaṃ samanupassāmī’’ti. ‘‘Imināpi kho etaṃ, mahārāja, pariyāyena veditabbaṃ yathā ghoso yeveso lokasmiṃ – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
319. ‘‘д̇ам̣ гим̣ ман̃н̃аси, махаарааж̇а, ид̇хасса кад̇д̇ияо баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий бисун̣аваажо парусаваажо сампаббалаабий абхиж̇жхаалу б̣яаабаннажид̇д̇о мижчаад̣̇идти 5 гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа но ваа? гат̇ам̣ ваа д̇з зд̇т̇а ход̇ий’’д̇и? ‘‘кад̇д̇ияоби хи, бхо гажжаана, баан̣аад̇ибаад̇ий ад̣̇иннаад̣̇ааяий гаамзсумижчаажаарий мусааваад̣̇ий бисун̣аваажо парусаваажо сампаббалаабий абхиж̇жхаалу б̣яаабаннажид̇д̇о мижчаад̣̇идти гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа. звам̣ мз зд̇т̇а ход̇и, зван̃жа бана мз зд̇ам̣ арахад̇ам̣ суд̇а’’нд̇и.
319. ‘‘Taṃ kiṃ maññasi, mahārāja, idhassa khattiyo pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhi 6 kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya no vā? Kathaṃ vā te ettha hotī’’ti? ‘‘Khattiyopi hi, bho kaccāna, pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya. Evaṃ me ettha hoti, evañca pana me etaṃ arahataṃ suta’’nti.
‘‘саад̇ху саад̇ху, махаарааж̇а! саад̇ху ко д̇з зд̇ам̣, махаарааж̇а, звам̣ ход̇и, саад̇ху жа бана д̇з зд̇ам̣ арахад̇ам̣ суд̇ам̣. д̇ам̣ гим̣ ман̃н̃аси, махаарааж̇а, ид̇хасса б̣раахман̣о…бз… ид̇хасса взссо…бз… ид̇хасса суд̣̇д̣̇о баан̣аад̇ибаад̇ий ад̣̇иннаад̣̇ааяий…бз… мижчаад̣̇идти гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа но ваа? гат̇ам̣ ваа д̇з зд̇т̇а ход̇ий’’д̇и? ‘‘суд̣̇д̣̇оби хи, бхо гажжаана, баан̣аад̇ибаад̇ий ад̣̇иннаад̣̇ааяий…бз… мижчаад̣̇идти гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇зяяа. звам̣ мз зд̇т̇а ход̇и, зван̃жа бана мз зд̇ам̣ арахад̇ам̣ суд̇а’’нд̇и.
‘‘Sādhu sādhu, mahārāja! Sādhu kho te etaṃ, mahārāja, evaṃ hoti, sādhu ca pana te etaṃ arahataṃ sutaṃ. Taṃ kiṃ maññasi, mahārāja, idhassa brāhmaṇo…pe… idhassa vesso…pe… idhassa suddo pāṇātipātī adinnādāyī…pe… micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya no vā? Kathaṃ vā te ettha hotī’’ti? ‘‘Suddopi hi, bho kaccāna, pāṇātipātī adinnādāyī…pe… micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya. Evaṃ me ettha hoti, evañca pana me etaṃ arahataṃ suta’’nti.
‘‘саад̇ху саад̇ху, махаарааж̇а! саад̇ху ко д̇з зд̇ам̣, махаарааж̇а, звам̣ ход̇и, саад̇ху жа бана д̇з зд̇ам̣ арахад̇ам̣ суд̇ам̣. д̇ам̣ гим̣ ман̃н̃аси, махаарааж̇а, яад̣̇и звам̣ санд̇з, имз жад̇д̇ааро ван̣н̣аа самасамаа хонд̇и но ваа? гат̇ам̣ ваа д̇з зд̇т̇а ход̇ий’’д̇и? ‘‘ад̣̇д̇хаа ко, бхо гажжаана, звам̣ санд̇з, имз жад̇д̇ааро ван̣н̣аа самасамаа хонд̇и. нзсам̣ зд̇т̇а гин̃жи наанаагаран̣ам̣ саманубассаамий’’д̇и. ‘‘иминааби ко зд̇ам̣, махаарааж̇а, барияааязна взд̣̇ид̇аб̣б̣ам̣ яат̇аа гхосо язвзсо логасмим̣ – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
‘‘Sādhu sādhu, mahārāja! Sādhu kho te etaṃ, mahārāja, evaṃ hoti, sādhu ca pana te etaṃ arahataṃ sutaṃ. Taṃ kiṃ maññasi, mahārāja, yadi evaṃ sante, ime cattāro vaṇṇā samasamā honti no vā? Kathaṃ vā te ettha hotī’’ti? ‘‘Addhā kho, bho kaccāna, evaṃ sante, ime cattāro vaṇṇā samasamā honti. Nesaṃ ettha kiñci nānākaraṇaṃ samanupassāmī’’ti. ‘‘Imināpi kho etaṃ, mahārāja, pariyāyena veditabbaṃ yathā ghoso yeveso lokasmiṃ – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
320. ‘‘д̇ам̣ гим̣ ман̃н̃аси, махаарааж̇а, ид̇хасса кад̇д̇ияо баан̣аад̇ибаад̇аа бадивирад̇о, ад̣̇иннаад̣̇аанаа бадивирад̇о, гаамзсумижчаажаараа бадивирад̇о, мусааваад̣̇аа бадивирад̇о, бисун̣ааяа ваажааяа бадивирад̇о, парусааяа ваажааяа бадивирад̇о, сампаббалаабаа бадивирад̇о, анабхиж̇жхаалу аб̣яаабаннажид̇д̇о саммаад̣̇идти 7 гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа но ваа? гат̇ам̣ ваа д̇з зд̇т̇а ход̇ий’’д̇и? ‘‘кад̇д̇ияоби хи, бхо гажжаана, баан̣аад̇ибаад̇аа бадивирад̇о, ад̣̇иннаад̣̇аанаа бадивирад̇о, гаамзсумижчаажаараа бадивирад̇о, мусааваад̣̇аа бадивирад̇о, бисун̣ааяа ваажааяа бадивирад̇о, парусааяа ваажааяа бадивирад̇о, сампаббалаабаа бадивирад̇о, анабхиж̇жхаалу аб̣яаабаннажид̇д̇о саммаад̣̇идти гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа. звам̣ мз зд̇т̇а ход̇и, зван̃жа бана мз зд̇ам̣ арахад̇ам̣ суд̇а’’нд̇и.
320. ‘‘Taṃ kiṃ maññasi, mahārāja, idhassa khattiyo pāṇātipātā paṭivirato, adinnādānā paṭivirato, kāmesumicchācārā paṭivirato, musāvādā paṭivirato, pisuṇāya vācāya paṭivirato, pharusāya vācāya paṭivirato, samphappalāpā paṭivirato, anabhijjhālu abyāpannacitto sammādiṭṭhi 8 kāyassa bhedā paraṃ maraṇā sugatiṃ saggaṃ lokaṃ upapajjeyya no vā? Kathaṃ vā te ettha hotī’’ti? ‘‘Khattiyopi hi, bho kaccāna, pāṇātipātā paṭivirato, adinnādānā paṭivirato, kāmesumicchācārā paṭivirato, musāvādā paṭivirato, pisuṇāya vācāya paṭivirato, pharusāya vācāya paṭivirato, samphappalāpā paṭivirato, anabhijjhālu abyāpannacitto sammādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjeyya. Evaṃ me ettha hoti, evañca pana me etaṃ arahataṃ suta’’nti.
‘‘саад̇ху саад̇ху, махаарааж̇а! саад̇ху ко д̇з зд̇ам̣, махаарааж̇а, звам̣ ход̇и, саад̇ху жа бана д̇з зд̇ам̣ арахад̇ам̣ суд̇ам̣. д̇ам̣ гим̣ ман̃н̃аси, махаарааж̇а, ид̇хасса б̣раахман̣о, ид̇хасса взссо, ид̇хасса суд̣̇д̣̇о баан̣аад̇ибаад̇аа бадивирад̇о ад̣̇иннаад̣̇аанаа бадивирад̇о…бз… саммаад̣̇идти гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа но ваа? гат̇ам̣ ваа д̇з зд̇т̇а ход̇ий’’д̇и? ‘‘суд̣̇д̣̇оби хи, бхо гажжаана, баан̣аад̇ибаад̇аа бадивирад̇о, ад̣̇иннаад̣̇аанаа бадивирад̇о…бз… саммаад̣̇идти гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇зяяа. звам̣ мз зд̇т̇а ход̇и, зван̃жа бана мз зд̇ам̣ арахад̇ам̣ суд̇а’’нд̇и.
‘‘Sādhu sādhu, mahārāja! Sādhu kho te etaṃ, mahārāja, evaṃ hoti, sādhu ca pana te etaṃ arahataṃ sutaṃ. Taṃ kiṃ maññasi, mahārāja, idhassa brāhmaṇo, idhassa vesso, idhassa suddo pāṇātipātā paṭivirato adinnādānā paṭivirato…pe… sammādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjeyya no vā? Kathaṃ vā te ettha hotī’’ti? ‘‘Suddopi hi, bho kaccāna, pāṇātipātā paṭivirato, adinnādānā paṭivirato…pe… sammādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjeyya. Evaṃ me ettha hoti, evañca pana me etaṃ arahataṃ suta’’nti.
‘‘саад̇ху саад̇ху, махаарааж̇а! саад̇ху ко д̇з зд̇ам̣, махаарааж̇а, звам̣ ход̇и, саад̇ху жа бана д̇з зд̇ам̣ арахад̇ам̣ суд̇ам̣. д̇ам̣ гим̣ ман̃н̃аси, махаарааж̇а, яад̣̇и звам̣ санд̇з, имз жад̇д̇ааро ван̣н̣аа самасамаа хонд̇и но ваа? гат̇ам̣ ваа д̇з зд̇т̇а ход̇ий’’д̇и? ‘‘ад̣̇д̇хаа ко, бхо гажжаана, звам̣ санд̇з, имз жад̇д̇ааро ван̣н̣аа самасамаа хонд̇и. нзсам̣ зд̇т̇а гин̃жи наанаагаран̣ам̣ саманубассаамий’’д̇и . ‘‘иминааби ко зд̇ам̣, махаарааж̇а, барияааязна взд̣̇ид̇аб̣б̣ам̣ яат̇аа гхосо язвзсо логасмим̣ – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
‘‘Sādhu sādhu, mahārāja! Sādhu kho te etaṃ, mahārāja, evaṃ hoti, sādhu ca pana te etaṃ arahataṃ sutaṃ. Taṃ kiṃ maññasi, mahārāja, yadi evaṃ sante, ime cattāro vaṇṇā samasamā honti no vā? Kathaṃ vā te ettha hotī’’ti? ‘‘Addhā kho, bho kaccāna, evaṃ sante, ime cattāro vaṇṇā samasamā honti. Nesaṃ ettha kiñci nānākaraṇaṃ samanupassāmī’’ti . ‘‘Imināpi kho etaṃ, mahārāja, pariyāyena veditabbaṃ yathā ghoso yeveso lokasmiṃ – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
321. ‘‘д̇ам̣ гим̣ ман̃н̃аси, махаарааж̇а, ид̇ха кад̇д̇ияо санд̇хим̣ ваа чинд̣̇зяяа, ниллобам̣ ваа харзяяа, згааг̇ааригам̣ ваа гарзяяа, барибант̇з ваа д̇идтзяяа, барад̣̇аарам̣ ваа г̇ажчзяяа, д̇ан̃жз д̇з бурисаа г̇ахзд̇ваа д̣̇ассзяяум̣ – ‘аяам̣ д̇з, д̣̇зва, жоро ааг̇ужаарий. имасса яам̣ ижчаси д̇ам̣ д̣̇ан̣д̣ам̣ бан̣зхий’д̇и. гинд̇и нам̣ гарзяяаасий’’д̇и? ‘‘гхаад̇зяяаама ваа, бхо гажжаана, ж̇аабзяяаама ваа баб̣б̣ааж̇зяяаама ваа яат̇аабажжаяам̣ ваа гарзяяаама. д̇ам̣ гисса хзд̇у? яаа хисса , бхо гажжаана, буб̣б̣з ‘кад̇д̇ияо’д̇и саман̃н̃аа саасса анд̇арахид̇аа; жород̇взва сан̇кяам̣ 9 г̇ажчад̇ий’’д̇и.
321. ‘‘Taṃ kiṃ maññasi, mahārāja, idha khattiyo sandhiṃ vā chindeyya, nillopaṃ vā hareyya, ekāgārikaṃ vā kareyya, paripanthe vā tiṭṭheyya, paradāraṃ vā gaccheyya, tañce te purisā gahetvā dasseyyuṃ – ‘ayaṃ te, deva, coro āgucārī. Imassa yaṃ icchasi taṃ daṇḍaṃ paṇehī’ti. Kinti naṃ kareyyāsī’’ti? ‘‘Ghāteyyāma vā, bho kaccāna, jāpeyyāma vā pabbājeyyāma vā yathāpaccayaṃ vā kareyyāma. Taṃ kissa hetu? Yā hissa , bho kaccāna, pubbe ‘khattiyo’ti samaññā sāssa antarahitā; corotveva saṅkhyaṃ 10 gacchatī’’ti.
‘‘д̇ам̣ гим̣ ман̃н̃аси, махаарааж̇а, ид̇ха б̣раахман̣о, ид̇ха взссо, ид̇ха суд̣̇д̣̇о санд̇хим̣ ваа чинд̣̇зяяа, ниллобам̣ ваа харзяяа, згааг̇ааригам̣ ваа гарзяяа, барибант̇з ваа д̇идтзяяа, барад̣̇аарам̣ ваа г̇ажчзяяа, д̇ан̃жз д̇з бурисаа г̇ахзд̇ваа д̣̇ассзяяум̣ – ‘аяам̣ д̇з, д̣̇зва, жоро ааг̇ужаарий. имасса яам̣ ижчаси д̇ам̣ д̣̇ан̣д̣ам̣ бан̣зхий’д̇и. гинд̇и нам̣ гарзяяаасий’’д̇и? ‘‘гхаад̇зяяаама ваа, бхо гажжаана, ж̇аабзяяаама ваа баб̣б̣ааж̇зяяаама ваа яат̇аабажжаяам̣ ваа гарзяяаама. д̇ам̣ гисса хзд̇у? яаа хисса, бхо гажжаана, буб̣б̣з ‘суд̣̇д̣̇о’д̇и саман̃н̃аа саасса анд̇арахид̇аа; жород̇взва сан̇кяам̣ г̇ажчад̇ий’’д̇и.
‘‘Taṃ kiṃ maññasi, mahārāja, idha brāhmaṇo, idha vesso, idha suddo sandhiṃ vā chindeyya, nillopaṃ vā hareyya, ekāgārikaṃ vā kareyya, paripanthe vā tiṭṭheyya, paradāraṃ vā gaccheyya, tañce te purisā gahetvā dasseyyuṃ – ‘ayaṃ te, deva, coro āgucārī. Imassa yaṃ icchasi taṃ daṇḍaṃ paṇehī’ti. Kinti naṃ kareyyāsī’’ti? ‘‘Ghāteyyāma vā, bho kaccāna, jāpeyyāma vā pabbājeyyāma vā yathāpaccayaṃ vā kareyyāma. Taṃ kissa hetu? Yā hissa, bho kaccāna, pubbe ‘suddo’ti samaññā sāssa antarahitā; corotveva saṅkhyaṃ gacchatī’’ti.
‘‘д̇ам̣ гим̣ ман̃н̃аси, махаарааж̇а, яад̣̇и звам̣ санд̇з, имз жад̇д̇ааро ван̣н̣аа самасамаа хонд̇и но ваа? гат̇ам̣ ваа д̇з зд̇т̇а ход̇ий’’д̇и? ‘‘ад̣̇д̇хаа ко, бхо гажжаана, звам̣ санд̇з, имз жад̇д̇ааро ван̣н̣аа самасамаа хонд̇и. нзсам̣ зд̇т̇а гин̃жи наанаагаран̣ам̣ саманубассаамий’’д̇и. ‘‘иминааби ко зд̇ам̣, махаарааж̇а, барияааязна взд̣̇ид̇аб̣б̣ам̣ яат̇аа гхосо язвзсо логасмим̣ – ‘б̣раахман̣ова сздто ван̣н̣о, хийно ан̃н̃о ван̣н̣о…бз… б̣рахмад̣̇ааяаад̣̇аа’’’д̇и.
‘‘Taṃ kiṃ maññasi, mahārāja, yadi evaṃ sante, ime cattāro vaṇṇā samasamā honti no vā? Kathaṃ vā te ettha hotī’’ti? ‘‘Addhā kho, bho kaccāna, evaṃ sante, ime cattāro vaṇṇā samasamā honti. Nesaṃ ettha kiñci nānākaraṇaṃ samanupassāmī’’ti. ‘‘Imināpi kho etaṃ, mahārāja, pariyāyena veditabbaṃ yathā ghoso yeveso lokasmiṃ – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
322. ‘‘д̇ам̣ гим̣ ман̃н̃аси, махаарааж̇а, ид̇ха кад̇д̇ияо гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о асса вирад̇о баан̣аад̇ибаад̇аа, вирад̇о ад̣̇иннаад̣̇аанаа, вирад̇о мусааваад̣̇аа, рад̇д̇уубарад̇о, згабхад̇д̇иго, б̣рахмажаарий, сийлаваа, галяаан̣ад̇хаммо? гинд̇и нам̣ гарзяяаасий’’д̇и? ‘‘абхиваад̣̇зяяаама ваа 11, бхо гажжаана, бажжудтзяяаама ваа аасанзна ваа ниманд̇зяяаама абхиниманд̇зяяаама ваа нам̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзхи д̇хаммигам̣ ваа асса рагкааваран̣аг̇уд̇д̇им̣ сам̣вид̣̇ахзяяаама. д̇ам̣ гисса хзд̇у? яаа хисса, бхо гажжаана, буб̣б̣з ‘кад̇д̇ияо’д̇и саман̃н̃аа саасса анд̇арахид̇аа; саман̣од̇взва сан̇кяам̣ г̇ажчад̇ий’’д̇и.
322. ‘‘Taṃ kiṃ maññasi, mahārāja, idha khattiyo kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito assa virato pāṇātipātā, virato adinnādānā, virato musāvādā, rattūparato, ekabhattiko, brahmacārī, sīlavā, kalyāṇadhammo? Kinti naṃ kareyyāsī’’ti? ‘‘Abhivādeyyāma vā 12, bho kaccāna, paccuṭṭheyyāma vā āsanena vā nimanteyyāma abhinimanteyyāma vā naṃ cīvarapiṇḍapātasenāsanagilānappaccayabhesajjaparikkhārehi dhammikaṃ vā assa rakkhāvaraṇaguttiṃ saṃvidaheyyāma. Taṃ kissa hetu? Yā hissa, bho kaccāna, pubbe ‘khattiyo’ti samaññā sāssa antarahitā; samaṇotveva saṅkhyaṃ gacchatī’’ti.
‘‘д̇ам̣ гим̣ ман̃н̃аси, махаарааж̇а, ид̇ха б̣раахман̣о, ид̇ха взссо, ид̇ха суд̣̇д̣̇о гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ид̇о асса вирад̇о баан̣аад̇ибаад̇аа, вирад̇о ад̣̇иннаад̣̇аанаа вирад̇о мусааваад̣̇аа, рад̇д̇уубарад̇о, згабхад̇д̇иго, б̣рахмажаарий, сийлаваа, галяаан̣ад̇хаммо? гинд̇и нам̣ гарзяяаасий’’д̇и? ‘‘абхиваад̣̇зяяаама ваа, бхо гажжаана, бажжудтзяяаама ваа аасанзна ваа ниманд̇зяяаама абхиниманд̇зяяаама ваа нам̣ жийварабин̣д̣абаад̇асзнаасанаг̇илаанаббажжаяабхзсаж̇ж̇абаригкаарзхи д̇хаммигам̣ ваа асса рагкааваран̣аг̇уд̇д̇им̣ сам̣вид̣̇ахзяяаама. д̇ам̣ гисса хзд̇у? яаа хисса, бхо гажжаана, буб̣б̣з ‘суд̣̇д̣̇о’д̇и саман̃н̃аа саасса анд̇арахид̇аа; саман̣од̇взва сан̇кяам̣ г̇ажчад̇ий’’д̇и.
‘‘Taṃ kiṃ maññasi, mahārāja, idha brāhmaṇo, idha vesso, idha suddo kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito assa virato pāṇātipātā, virato adinnādānā virato musāvādā, rattūparato, ekabhattiko, brahmacārī, sīlavā, kalyāṇadhammo? Kinti naṃ kareyyāsī’’ti? ‘‘Abhivādeyyāma vā, bho kaccāna, paccuṭṭheyyāma vā āsanena vā nimanteyyāma abhinimanteyyāma vā naṃ cīvarapiṇḍapātasenāsanagilānappaccayabhesajjaparikkhārehi dhammikaṃ vā assa rakkhāvaraṇaguttiṃ saṃvidaheyyāma. Taṃ kissa hetu? Yā hissa, bho kaccāna, pubbe ‘suddo’ti samaññā sāssa antarahitā; samaṇotveva saṅkhyaṃ gacchatī’’ti.
‘‘д̇ам̣ гим̣ ман̃н̃аси, махаарааж̇а, яад̣̇и звам̣ санд̇з, имз жад̇д̇ааро ван̣н̣аа самасамаа хонд̇и но ваа? гат̇ам̣ ваа д̇з зд̇т̇а ход̇ий’’д̇и? ‘‘ад̣̇д̇хаа ко, бхо гажжаана, звам̣ санд̇з, имз жад̇д̇ааро ван̣н̣аа самасамаа хонд̇и. нзсам̣ зд̇т̇а гин̃жи наанаагаран̣ам̣ саманубассаамий’’д̇и. ‘‘иминааби ко зд̇ам̣, махаарааж̇а, барияааязна взд̣̇ид̇аб̣б̣ам̣ яат̇аа гхосо язвзсо логасмим̣ – ‘б̣раахман̣ова сздто ван̣н̣о, хийно ан̃н̃о ван̣н̣о; б̣раахман̣ова сугго ван̣н̣о, ган̣хо ан̃н̃о ван̣н̣о; б̣раахман̣аава суж̇жханд̇и, но аб̣раахман̣аа; б̣раахман̣аава б̣рахмуно буд̇д̇аа орасаа мукад̇о ж̇аад̇аа б̣рахмаж̇аа б̣рахманиммид̇аа б̣рахмад̣̇ааяаад̣̇аа’’’д̇и.
‘‘Taṃ kiṃ maññasi, mahārāja, yadi evaṃ sante, ime cattāro vaṇṇā samasamā honti no vā? Kathaṃ vā te ettha hotī’’ti? ‘‘Addhā kho, bho kaccāna, evaṃ sante, ime cattāro vaṇṇā samasamā honti. Nesaṃ ettha kiñci nānākaraṇaṃ samanupassāmī’’ti. ‘‘Imināpi kho etaṃ, mahārāja, pariyāyena veditabbaṃ yathā ghoso yeveso lokasmiṃ – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’’’ti.
323. звам̣ вуд̇д̇з, рааж̇аа маад̇хуро аванд̇ибуд̇д̇о ааяасманд̇ам̣ махаагажжаанам̣ зд̇ад̣̇авожа – ‘‘абхигганд̇ам̣, бхо гажжаана, абхигганд̇ам̣, бхо гажжаана! сзяяат̇ааби, бхо гажжаана, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и; звамзвам̣ бход̇аа гажжаанзна анзгабарияааязна д̇хаммо багаасид̇о. зсаахам̣ бхаванд̇ам̣ гажжаанам̣ саран̣ам̣ г̇ажчаами д̇хамман̃жа бхигкусан̇гхан̃жа . убаасагам̣ мам̣ бхавам̣ гажжаано д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. ‘‘маа ко мам̣ д̇вам̣, махаарааж̇а, саран̣ам̣ аг̇амааси. д̇амзва д̇вам̣ 13 бхаг̇аванд̇ам̣ саран̣ам̣ г̇ажча яамахам̣ саран̣ам̣ г̇ад̇о’’д̇и. ‘‘гахам̣ бана, бхо гажжаана, зд̇арахи со бхаг̇аваа вихарад̇и арахам̣ саммаасамб̣уд̣̇д̇хо’’д̇и? ‘‘бариниб̣б̣уд̇о ко, махаарааж̇а, зд̇арахи со бхаг̇аваа арахам̣ саммаасамб̣уд̣̇д̇хо’’д̇и. ‘‘сажзби маяам̣, бхо гажжаана, сун̣зяяаама д̇ам̣ бхаг̇аванд̇ам̣ д̣̇асасу яож̇анзсу, д̣̇асаби маяам̣ яож̇анаани г̇ажчзяяаама д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇хам̣. сажзби маяам̣, бхо гажжаана, сун̣зяяаама д̇ам̣ бхаг̇аванд̇ам̣ вийсад̇ияаа яож̇анзсу, д̇им̣сааяа яож̇анзсу, жад̇д̇аарийсааяа яож̇анзсу, бан̃н̃аасааяа яож̇анзсу, бан̃н̃аасамби маяам̣ яож̇анаани г̇ажчзяяаама д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇хам̣. яож̇анасад̇з жзби маяам̣ бхо гажжаана, сун̣зяяаама д̇ам̣ бхаг̇аванд̇ам̣, яож̇анасад̇амби маяам̣ г̇ажчзяяаама д̇ам̣ бхаг̇аванд̇ам̣ д̣̇ассанааяа араханд̇ам̣ саммаасамб̣уд̣̇д̇хам̣. яад̇о жа, бхо гажжаана, бариниб̣б̣уд̇о со бхаг̇аваа, бариниб̣б̣уд̇амби маяам̣ бхаг̇аванд̇ам̣ саран̣ам̣ г̇ажчаама д̇хамман̃жа бхигкусан̇гхан̃жа. убаасагам̣ мам̣ бхавам̣ гажжаано д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
323. Evaṃ vutte, rājā mādhuro avantiputto āyasmantaṃ mahākaccānaṃ etadavoca – ‘‘abhikkantaṃ, bho kaccāna, abhikkantaṃ, bho kaccāna! Seyyathāpi, bho kaccāna, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ bhotā kaccānena anekapariyāyena dhammo pakāsito. Esāhaṃ bhavantaṃ kaccānaṃ saraṇaṃ gacchāmi dhammañca bhikkhusaṅghañca . Upāsakaṃ maṃ bhavaṃ kaccāno dhāretu ajjatagge pāṇupetaṃ saraṇaṃ gata’’nti. ‘‘Mā kho maṃ tvaṃ, mahārāja, saraṇaṃ agamāsi. Tameva tvaṃ 14 bhagavantaṃ saraṇaṃ gaccha yamahaṃ saraṇaṃ gato’’ti. ‘‘Kahaṃ pana, bho kaccāna, etarahi so bhagavā viharati arahaṃ sammāsambuddho’’ti? ‘‘Parinibbuto kho, mahārāja, etarahi so bhagavā arahaṃ sammāsambuddho’’ti. ‘‘Sacepi mayaṃ, bho kaccāna, suṇeyyāma taṃ bhagavantaṃ dasasu yojanesu, dasapi mayaṃ yojanāni gaccheyyāma taṃ bhagavantaṃ dassanāya arahantaṃ sammāsambuddhaṃ. Sacepi mayaṃ, bho kaccāna, suṇeyyāma taṃ bhagavantaṃ vīsatiyā yojanesu, tiṃsāya yojanesu, cattārīsāya yojanesu, paññāsāya yojanesu, paññāsampi mayaṃ yojanāni gaccheyyāma taṃ bhagavantaṃ dassanāya arahantaṃ sammāsambuddhaṃ. Yojanasate cepi mayaṃ bho kaccāna, suṇeyyāma taṃ bhagavantaṃ, yojanasatampi mayaṃ gaccheyyāma taṃ bhagavantaṃ dassanāya arahantaṃ sammāsambuddhaṃ. Yato ca, bho kaccāna, parinibbuto so bhagavā, parinibbutampi mayaṃ bhagavantaṃ saraṇaṃ gacchāma dhammañca bhikkhusaṅghañca. Upāsakaṃ maṃ bhavaṃ kaccāno dhāretu ajjatagge pāṇupetaṃ saraṇaṃ gata’’nti.
мад̇хурасуд̇д̇ам̣ нидтид̇ам̣ жад̇уд̇т̇ам̣.
Madhurasuttaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. мад̇хурасуд̇д̇аван̣н̣анаа • 4. Madhurasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. мад̇хурасуд̇д̇аван̣н̣анаа • 4. Madhurasuttavaṇṇanā
