| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౧౦. మధురాసుత్తవణ్ణనా
10. Madhurāsuttavaṇṇanā
౨౨౦. దసమే పఞ్చిమే, భిక్ఖవే, ఆదీనవా మధురాయన్తి ఏకం సమయం భగవా భిక్ఖుసఙ్ఘపరివుతో చారికం చరమానో మధురానగరం సమ్పాపుణిత్వా అన్తోనగరం పవిసితుం ఆరభి. అథేకా మిచ్ఛాదిట్ఠికా యక్ఖినీ అచేలా హుత్వా ద్వే హత్థే పసారేత్వా జివ్హం నిల్లాలేత్వా దసబలస్స పురతో అట్ఠాసి. సత్థా అన్తోనగరం అప్పవిసిత్వా తతోవ నిక్ఖమిత్వా విహారం అగమాసి. మహాజనో ఖాదనీయభోజనీయఞ్చేవ సక్కారసమ్మానఞ్చ ఆదాయ విహారం గన్త్వా బుద్ధప్పముఖస్స భిక్ఖుసఙ్ఘస్స దానం అదాసి. సత్థా తస్స నగరస్స నిగ్గణ్హనత్థాయ ఇమం సుత్తం ఆరభి. తత్థ విసమాతి న సమతలా. బహురజాతి వాతపహరణకాలే ఉద్ధతేన రజక్ఖన్ధేన పరియోనద్ధా వియ హోతి. సేసం సబ్బత్థ ఉత్తానమేవాతి.
220. Dasame pañcime, bhikkhave, ādīnavā madhurāyanti ekaṃ samayaṃ bhagavā bhikkhusaṅghaparivuto cārikaṃ caramāno madhurānagaraṃ sampāpuṇitvā antonagaraṃ pavisituṃ ārabhi. Athekā micchādiṭṭhikā yakkhinī acelā hutvā dve hatthe pasāretvā jivhaṃ nillāletvā dasabalassa purato aṭṭhāsi. Satthā antonagaraṃ appavisitvā tatova nikkhamitvā vihāraṃ agamāsi. Mahājano khādanīyabhojanīyañceva sakkārasammānañca ādāya vihāraṃ gantvā buddhappamukhassa bhikkhusaṅghassa dānaṃ adāsi. Satthā tassa nagarassa niggaṇhanatthāya imaṃ suttaṃ ārabhi. Tattha visamāti na samatalā. Bahurajāti vātapaharaṇakāle uddhatena rajakkhandhena pariyonaddhā viya hoti. Sesaṃ sabbattha uttānamevāti.
అక్కోసకవగ్గో దుతియో.
Akkosakavaggo dutiyo.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౧౦. మధురాసుత్తం • 10. Madhurāsuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౩-౧౦. సీలసుత్తాదివణ్ణనా • 3-10. Sīlasuttādivaṇṇanā
