| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
១០. មធុរាសុត្តវណ្ណនា
10. Madhurāsuttavaṇṇanā
២២០. ទសមេ បញ្ចិមេ, ភិក្ខវេ, អាទីនវា មធុរាយន្តិ ឯកំ សមយំ ភគវា ភិក្ខុសង្ឃបរិវុតោ ចារិកំ ចរមានោ មធុរានគរំ សម្បាបុណិត្វា អន្តោនគរំ បវិសិតុំ អារភិ។ អថេកា មិច្ឆាទិដ្ឋិកា យក្ខិនី អចេលា ហុត្វា ទ្វេ ហត្ថេ បសារេត្វា ជិវ្ហំ និល្លាលេត្វា ទសពលស្ស បុរតោ អដ្ឋាសិ។ សត្ថា អន្តោនគរំ អប្បវិសិត្វា តតោវ និក្ខមិត្វា វិហារំ អគមាសិ។ មហាជនោ ខាទនីយភោជនីយញ្ចេវ សក្ការសម្មានញ្ច អាទាយ វិហារំ គន្ត្វា ពុទ្ធប្បមុខស្ស ភិក្ខុសង្ឃស្ស ទានំ អទាសិ។ សត្ថា តស្ស នគរស្ស និគ្គណ្ហនត្ថាយ ឥមំ សុត្តំ អារភិ។ តត្ថ វិសមាតិ ន សមតលា។ ពហុរជាតិ វាតបហរណកាលេ ឧទ្ធតេន រជក្ខន្ធេន បរិយោនទ្ធា វិយ ហោតិ។ សេសំ សព្ពត្ថ ឧត្តានមេវាតិ។
220. Dasame pañcime, bhikkhave, ādīnavā madhurāyanti ekaṃ samayaṃ bhagavā bhikkhusaṅghaparivuto cārikaṃ caramāno madhurānagaraṃ sampāpuṇitvā antonagaraṃ pavisituṃ ārabhi. Athekā micchādiṭṭhikā yakkhinī acelā hutvā dve hatthe pasāretvā jivhaṃ nillāletvā dasabalassa purato aṭṭhāsi. Satthā antonagaraṃ appavisitvā tatova nikkhamitvā vihāraṃ agamāsi. Mahājano khādanīyabhojanīyañceva sakkārasammānañca ādāya vihāraṃ gantvā buddhappamukhassa bhikkhusaṅghassa dānaṃ adāsi. Satthā tassa nagarassa niggaṇhanatthāya imaṃ suttaṃ ārabhi. Tattha visamāti na samatalā. Bahurajāti vātapaharaṇakāle uddhatena rajakkhandhena pariyonaddhā viya hoti. Sesaṃ sabbattha uttānamevāti.
អក្កោសកវគ្គោ ទុតិយោ។
Akkosakavaggo dutiyo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១០. មធុរាសុត្តំ • 10. Madhurāsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៣-១០. សីលសុត្តាទិវណ្ណនា • 3-10. Sīlasuttādivaṇṇanā
