| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೧೦. ಮಧುರಾಸುತ್ತವಣ್ಣನಾ
10. Madhurāsuttavaṇṇanā
೨೨೦. ದಸಮೇ ಪಞ್ಚಿಮೇ, ಭಿಕ್ಖವೇ, ಆದೀನವಾ ಮಧುರಾಯನ್ತಿ ಏಕಂ ಸಮಯಂ ಭಗವಾ ಭಿಕ್ಖುಸಙ್ಘಪರಿವುತೋ ಚಾರಿಕಂ ಚರಮಾನೋ ಮಧುರಾನಗರಂ ಸಮ್ಪಾಪುಣಿತ್ವಾ ಅನ್ತೋನಗರಂ ಪವಿಸಿತುಂ ಆರಭಿ। ಅಥೇಕಾ ಮಿಚ್ಛಾದಿಟ್ಠಿಕಾ ಯಕ್ಖಿನೀ ಅಚೇಲಾ ಹುತ್ವಾ ದ್ವೇ ಹತ್ಥೇ ಪಸಾರೇತ್ವಾ ಜಿವ್ಹಂ ನಿಲ್ಲಾಲೇತ್ವಾ ದಸಬಲಸ್ಸ ಪುರತೋ ಅಟ್ಠಾಸಿ। ಸತ್ಥಾ ಅನ್ತೋನಗರಂ ಅಪ್ಪವಿಸಿತ್ವಾ ತತೋವ ನಿಕ್ಖಮಿತ್ವಾ ವಿಹಾರಂ ಅಗಮಾಸಿ। ಮಹಾಜನೋ ಖಾದನೀಯಭೋಜನೀಯಞ್ಚೇವ ಸಕ್ಕಾರಸಮ್ಮಾನಞ್ಚ ಆದಾಯ ವಿಹಾರಂ ಗನ್ತ್ವಾ ಬುದ್ಧಪ್ಪಮುಖಸ್ಸ ಭಿಕ್ಖುಸಙ್ಘಸ್ಸ ದಾನಂ ಅದಾಸಿ। ಸತ್ಥಾ ತಸ್ಸ ನಗರಸ್ಸ ನಿಗ್ಗಣ್ಹನತ್ಥಾಯ ಇಮಂ ಸುತ್ತಂ ಆರಭಿ। ತತ್ಥ ವಿಸಮಾತಿ ನ ಸಮತಲಾ। ಬಹುರಜಾತಿ ವಾತಪಹರಣಕಾಲೇ ಉದ್ಧತೇನ ರಜಕ್ಖನ್ಧೇನ ಪರಿಯೋನದ್ಧಾ ವಿಯ ಹೋತಿ। ಸೇಸಂ ಸಬ್ಬತ್ಥ ಉತ್ತಾನಮೇವಾತಿ।
220. Dasame pañcime, bhikkhave, ādīnavā madhurāyanti ekaṃ samayaṃ bhagavā bhikkhusaṅghaparivuto cārikaṃ caramāno madhurānagaraṃ sampāpuṇitvā antonagaraṃ pavisituṃ ārabhi. Athekā micchādiṭṭhikā yakkhinī acelā hutvā dve hatthe pasāretvā jivhaṃ nillāletvā dasabalassa purato aṭṭhāsi. Satthā antonagaraṃ appavisitvā tatova nikkhamitvā vihāraṃ agamāsi. Mahājano khādanīyabhojanīyañceva sakkārasammānañca ādāya vihāraṃ gantvā buddhappamukhassa bhikkhusaṅghassa dānaṃ adāsi. Satthā tassa nagarassa niggaṇhanatthāya imaṃ suttaṃ ārabhi. Tattha visamāti na samatalā. Bahurajāti vātapaharaṇakāle uddhatena rajakkhandhena pariyonaddhā viya hoti. Sesaṃ sabbattha uttānamevāti.
ಅಕ್ಕೋಸಕವಗ್ಗೋ ದುತಿಯೋ।
Akkosakavaggo dutiyo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧೦. ಮಧುರಾಸುತ್ತಂ • 10. Madhurāsuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೩-೧೦. ಸೀಲಸುತ್ತಾದಿವಣ್ಣನಾ • 3-10. Sīlasuttādivaṇṇanā
