| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੪. ਮਧੁਰਸੁਤ੍ਤવਣ੍ਣਨਾ
4. Madhurasuttavaṇṇanā
੩੧੭. ਮਧੁਰਾਯਨ੍ਤਿ ਉਤ੍ਤਰਮਧੁਰਾਯਂ। ਗੁਨ੍ਦਾવਨੇਤਿ ਕਾਲ਼ਸਿਪ੍ਪਲਿવਨੇ। ਅਤਿਮੁਤ੍ਤਕવਨੇਤਿ ਚ વਦਨ੍ਤਿ। ਚਤੂਸੁ વਣ੍ਣੇਸੁ ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ। ਪਣ੍ਡਰੋਤਿ ਪਰਿਸੁਦ੍ਧੋ। ਕਾਲ਼ਕੋਤਿ ਅਪਰਿਸੁਦ੍ਧੋ। ਜਾਤਿਗੋਤ੍ਤਾਦਿਪਞ੍ਞਾਪਨਟ੍ਠਾਨੇਸੂਤਿ ਜਾਤਿਗੋਤ੍ਤਾਦਿવਸੇਨ ਸੁਦ੍ਧਚਿਨ੍ਤਾਯਂ ਬ੍ਰਾਹ੍ਮਣਾ ਏવ ਸੁਦ੍ਧਜਾਤਿਕਾ, ਨ ਇਤਰੇਤਿ ਅਧਿਪ੍ਪਾਯੋ। ਸਂਸਾਰਤੋ વਾ ਸੁਦ੍ਧਚਿਨ੍ਤਾਯਂ ਬ੍ਰਾਹ੍ਮਣਾવ ਸੁਜ੍ਝਨ੍ਤਿ વੇਦવਿਹਿਤਸ੍ਸ ਸੁਦ੍ਧવਿਧਿਨੋ ਅਞ੍ਞੇਸਂ ਅવਿਸਯਤ੍ਤਾਤਿ ਅਧਿਪ੍ਪਾਯੋ। ਤਂ ਪਨੇਤਂ ਤੇਸਂ વਿਰੁਜ੍ਝਤਿ ਖਤ੍ਤਿਯવੇਸ੍ਸਾਨਮ੍ਪਿ ਮਨ੍ਤਜ੍ਝੇਨਸ੍ਸ ਅਨੁਞ੍ਞਾਤਤ੍ਤਾ, ਮਨ੍ਤਜ੍ਝੇਨવਿਧਿਨਾ ਚ ਸਂਸਾਰਸੁਦ੍ਧਿਯਾਭਾવਤੋ। ਪੁਤ੍ਤਾ ਨਾਮ ਅਨੋਰਸਾਪਿ ਹੋਨ੍ਤਿ, ਨ ਤਥਾ ਇਮੇਤਿ ਆਹ ‘‘ਓਰਸਾ’’ਤਿ। ਉਰੇ ਸਂવਡ੍ਢਿਤਪੁਤ੍ਤੋਪਿ ‘‘ਓਰਸ’’ਨ੍ਤਿ વੁਚ੍ਚਤਿ। ਇਮੇ ਪਨ ਮੁਖਤੋ ਨਿਗ੍ਗਤੋ ਹੁਤ੍વਾ ਉਰੇ ਸਂવਡ੍ਢਾਤਿ ਦਸ੍ਸੇਤੁਂ ‘‘ਓਰਸਾ ਮੁਖਤੋ ਜਾਤਾ’’ਤਿ વੁਤ੍ਤਂ। ਤਤੋ ਏવ ਬ੍ਰਹ੍ਮਤੋ ਜਾਤਾਤਿ ਬ੍ਰਹ੍ਮਜਾ, ਬ੍ਰਹ੍ਮਸਮ੍ਭੂਤਾਪਿ ‘‘ਬ੍ਰਹ੍ਮਜਾ’’ਤਿ વੁਚ੍ਚਨ੍ਤਿ, ਨ ਤਥਾ ਇਮੇ। ਇਮੇ ਪਨ ਪਚ੍ਚਕ੍ਖਤੋ ਬ੍ਰਹ੍ਮੁਨਾ ਨਿਮ੍ਮਿਤਾਤਿ ਬ੍ਰਹ੍ਮਨਿਮ੍ਮਿਤਾ, ਤਤੋ ਏવ ਬ੍ਰਹ੍ਮਤੋ ਲਦ੍ਧਬ੍ਬવਿਜ੍ਜਾਦਿਦਾਯਜ੍ਜਦਾਯਾਦਾਤਿ ਬ੍ਰਹ੍ਮਦਾਯਾਦਾਤਿ ਸਬ੍ਬਮੇਤਂ ਬ੍ਰਾਹ੍ਮਣਾਨਂ ਕਤ੍ਥਨਾਪਲਾਪਸਦਿਸਂ વਿਞ੍ਞੂਨਂ ਅਪ੍ਪਮਾਣਂ ਅવਿਮਦ੍ਦਕ੍ਖਮਂ વਾਚਾવਤ੍ਥੁਮਤ੍ਤਂ ਬ੍ਰਹ੍ਮਕੁਤ੍ਤਸ੍ਸੇવ ਅਭਾવਤੋ। ਯਂ ਪਨੇਤ੍ਥ વਤ੍ਤਬ੍ਬਂ, ਤਂ વਿਸੁਦ੍ਧਿਮਗ੍ਗવਣ੍ਣਨਾਯਂ વੁਤ੍ਤਮੇવ। ਤੇਨਾਹ ‘‘ਘੋਸੋਯੇવਾ’’ਤਿਆਦਿ। વੋਹਾਰਮਤ੍ਤਮੇવੇਤਨ੍ਤਿ ਏਤਂ ‘‘ਬ੍ਰਾਹ੍ਮਣੋવ ਸੇਟ੍ਠੋ વਣ੍ਣੋ’’ਤਿਆਦਿ વਚਨਮਤ੍ਤਮੇવ, ਨ ਤਸ੍ਸ ਅਤ੍ਥੋ ਤੇਹਿ ਅਧਿਪ੍ਪੇਤਪ੍ਪਕਾਰੋ ਅਤ੍ਥਿ।
317.Madhurāyanti uttaramadhurāyaṃ. Gundāvaneti kāḷasippalivane. Atimuttakavaneti ca vadanti. Catūsu vaṇṇesu brāhmaṇova seṭṭho vaṇṇo. Paṇḍaroti parisuddho. Kāḷakoti aparisuddho. Jātigottādipaññāpanaṭṭhānesūti jātigottādivasena suddhacintāyaṃ brāhmaṇā eva suddhajātikā, na itareti adhippāyo. Saṃsārato vā suddhacintāyaṃ brāhmaṇāva sujjhanti vedavihitassa suddhavidhino aññesaṃ avisayattāti adhippāyo. Taṃ panetaṃ tesaṃ virujjhati khattiyavessānampi mantajjhenassa anuññātattā, mantajjhenavidhinā ca saṃsārasuddhiyābhāvato. Puttā nāma anorasāpi honti, na tathā imeti āha ‘‘orasā’’ti. Ure saṃvaḍḍhitaputtopi ‘‘orasa’’nti vuccati. Ime pana mukhato niggato hutvā ure saṃvaḍḍhāti dassetuṃ ‘‘orasā mukhato jātā’’ti vuttaṃ. Tato eva brahmato jātāti brahmajā, brahmasambhūtāpi ‘‘brahmajā’’ti vuccanti, na tathā ime. Ime pana paccakkhato brahmunā nimmitāti brahmanimmitā, tato eva brahmato laddhabbavijjādidāyajjadāyādāti brahmadāyādāti sabbametaṃ brāhmaṇānaṃ katthanāpalāpasadisaṃ viññūnaṃ appamāṇaṃ avimaddakkhamaṃ vācāvatthumattaṃ brahmakuttasseva abhāvato. Yaṃ panettha vattabbaṃ, taṃ visuddhimaggavaṇṇanāyaṃ vuttameva. Tenāha ‘‘ghosoyevā’’tiādi. Vohāramattamevetanti etaṃ ‘‘brāhmaṇova seṭṭho vaṇṇo’’tiādi vacanamattameva, na tassa attho tehi adhippetappakāro atthi.
੩੧੮. ਸਮਿਜ੍ਝੇਯ੍ਯਾਤਿ ਦਿਟ੍ਠਿਦੀਪਨવਸੇਨ ਅਤ੍ਤਨੋ ਅਜ੍ਝਾਸਯੋ ਨਿਪ੍ਫਜ੍ਜੇਯ੍ਯ। ਤੇਨਾਹ ‘‘ਮਨੋਰਥੋ ਪੂਰੇਯ੍ਯਾ’’ਤਿ। ਖਤ੍ਤਿਯੋਪੀਤਿ ਪਰਖਤ੍ਤਿਯੋਪਿ । ਅਸ੍ਸਾਤਿ ਸਮਿਦ੍ਧਧਨਾਦਿਂ ਪਤ੍ਤਸ੍ਸ। ਤੇਨਾਹ – ‘‘ਇਸ੍ਸਰਿਯਸਮ੍ਪਤ੍ਤਸ੍ਸਾ’’ਤਿ ਨੇਸਨ੍ਤਿ ਏਤੇਸਂ ਚਤੁਨ੍ਨਂ વਣ੍ਣਾਨਂ ਏਤ੍ਥ ਪੁਬ੍ਬੁਟ੍ਠਾਯਿਭਾવਾਦਿਨਾ ਇਤਰੇਹਿ ਉਪਚਰਿਤਬ੍ਬਤਾਯ ਨ ਕਿਞ੍ਚਿ ਨਾਨਾਕਰਣਨ੍ਤਿ ਯੋਜਨਾ।
318.Samijjheyyāti diṭṭhidīpanavasena attano ajjhāsayo nipphajjeyya. Tenāha ‘‘manoratho pūreyyā’’ti. Khattiyopīti parakhattiyopi . Assāti samiddhadhanādiṃ pattassa. Tenāha – ‘‘issariyasampattassā’’ti nesanti etesaṃ catunnaṃ vaṇṇānaṃ ettha pubbuṭṭhāyibhāvādinā itarehi upacaritabbatāya na kiñci nānākaraṇanti yojanā.
੩੨੨. ਅਹਂ ਚੀવਰਾਦੀਹਿ ਉਪਟ੍ਠਾਕੋ, ਤੁਮ੍ਹਾਕਂ ਇਚ੍ਛਿਤਚ੍ਛਿਤਕ੍ਖਣੇ વਦੇਯ੍ਯਾਥ ਯੇਨਤ੍ਥੋਤਿ ਯੋਜਨਾ। ਚੋਰਾਦਿਉਪਦ੍ਦવਨਿਸੇਧਨੇਨ ਰਕ੍ਖਾਗੁਤ੍ਤਿ, ਦਾਨਾਦਿਨਿਮਿਤ੍ਤਉਪਦ੍ਦવਨਿਸੇਧਨੇਨ ਆવਰਣਗੁਤ੍ਤਿ। ਪਚ੍ਚੁਪ੍ਪਨ੍ਨਾਨਤ੍ਥਨਿਸੇਧਨੇਨ વਾ ਰਕ੍ਖਾਗੁਤ੍ਤਿ, ਆਗਾਮਿਅਨਤ੍ਥਨਿਸੇਧਨੇਨ ਆવਰਣਗੁਤ੍ਤਿ। ਏਤ੍ਥ ਚ ਖਤ੍ਤਿਯਾਦੀਸੁ ਯੋ ਯੋ ਇਸ੍ਸਰੋ, ਤਸ੍ਸ ਇਤਰੇਨ ਅਨੁવਤ੍ਤੇਤਬ੍ਬਭਾવੇ, ਕੁਸਲਾਕੁਸਲਕਰਣੇਨ ਨੇਸਂ વਸੇਨ ਲਦ੍ਧਬ੍ਬਅਭਿਸਮ੍ਪਰਾਯੇ, ਪਬ੍ਬਜਿਤੇਹਿ ਲਦ੍ਧਬ੍ਬਸਾਮੀਚਿਕਿਰਿਯਾਯ ਚ ਅਣੁਮਤ੍ਤੋਪਿ વਿਸੇਸੋ ਨਤ੍ਥਿ, ਤਸ੍ਮਾ ਸੋ વਿਸੇਸਾਭਾવੋ ਪਾਲ਼ਿਯਂ ਤਤ੍ਥ ਤਤ੍ਥ વਾਰੇ ‘‘ਏવਂ ਸਨ੍ਤੇ’’ਤਿਆਦਿਨਾ વਿਭਾવਿਤੋ। ਸੇਸਂ ਸੁવਿਞ੍ਞੇਯ੍ਯਮੇવ।
322. Ahaṃ cīvarādīhi upaṭṭhāko, tumhākaṃ icchitacchitakkhaṇe vadeyyātha yenatthoti yojanā. Corādiupaddavanisedhanena rakkhāgutti, dānādinimittaupaddavanisedhanena āvaraṇagutti. Paccuppannānatthanisedhanena vā rakkhāgutti, āgāmianatthanisedhanena āvaraṇagutti. Ettha ca khattiyādīsu yo yo issaro, tassa itarena anuvattetabbabhāve, kusalākusalakaraṇena nesaṃ vasena laddhabbaabhisamparāye, pabbajitehi laddhabbasāmīcikiriyāya ca aṇumattopi viseso natthi, tasmā so visesābhāvo pāḷiyaṃ tattha tattha vāre ‘‘evaṃ sante’’tiādinā vibhāvito. Sesaṃ suviññeyyameva.
ਮਧੁਰਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Madhurasuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੪. ਮਧੁਰਸੁਤ੍ਤਂ • 4. Madhurasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੪. ਮਧੁਰਸੁਤ੍ਤવਣ੍ਣਨਾ • 4. Madhurasuttavaṇṇanā
