| Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā |
9. мааг̇ан̣д̣ияасуд̇д̇анид̣̇д̣̇зсаван̣н̣анаа
9. Māgaṇḍiyasuttaniddesavaṇṇanā
70. навамз мааг̇ан̣д̣ияасуд̇д̇анид̣̇д̣̇зсз батамаг̇аат̇ааяа д̇аава аж̇абааланиг̇род̇хамуулз наанааруубаани нимминид̇ваа абхигаамам̣ ааг̇ад̇ам̣ маарад̇хийд̇арам̣ д̣̇исваана д̇ан̣хам̣ арад̇им̣ раг̇ан̃жа чанд̣̇амад̇д̇амби мзт̇унасмим̣ наахоси, гимзвид̣̇ам̣ имиссаа д̣̇ааригааяа муд̇д̇агарийсабун̣н̣ам̣ руубам̣ д̣̇исваа бхависсад̇и, саб̣б̣ат̇аа баад̣̇ааби нам̣ сампусид̇ум̣ на ижчз, гуд̇онзна сам̣васид̇унд̇и.
70. Navame māgaṇḍiyasuttaniddese paṭhamagāthāya tāva ajapālanigrodhamūle nānārūpāni nimminitvā abhikāmaṃ āgataṃ māradhītaraṃ disvāna taṇhaṃ aratiṃ ragañca chandamattampi methunasmiṃ nāhosi, kimevidaṃ imissā dārikāya muttakarīsapuṇṇaṃ rūpaṃ disvā bhavissati, sabbathā pādāpi naṃ samphusituṃ na icche, kutonena saṃvasitunti.
муд̇д̇абун̣н̣анд̇и аахаарауд̇увасзна вад̇т̇ибуданд̇арам̣ буурзд̇ваа тид̇амуд̇д̇зна буурид̇ам̣. гарийсабун̣н̣анд̇и баггаасаяасан̇каад̇з хздтаанаабхибидтиган̣дагамуулаанам̣ анд̇арз уб̣б̣зд̇хзна адтан̇г̇уламад̇д̇з анд̇аавасаанз тид̇аважжзна бун̣н̣ам̣. сзмхабун̣н̣анд̇и уд̣̇арабадалз тид̇азгабад̇д̇аббамаан̣зна сзмхзна буурид̇ам̣. рухирабун̣н̣анд̇и яаганасса хздтаабхааг̇ам̣ буурзд̇ваа хад̣̇аяаваггабабпаасаанам̣ убари т̇огам̣ т̇огам̣ баг̇гхаранд̇зна ваггахад̣̇аяаяаганабабпаасз д̇змаяамаанзна тид̇зна згабад̇д̇асса бууран̣амад̇д̇зна саннижид̇алохид̇асан̇каад̇зна жа гзсаломанакад̣̇анд̇аанам̣ мам̣савинимуд̇д̇адтаанан̃жзва т̇ад̣̇д̇хасугкажамман̃жа табзд̇ваа д̇хаманийж̇аалаанусаарзна саб̣б̣ам̣ убаад̣̇ин̣н̣агасарийрам̣ парид̇ваа тид̇асам̣саран̣алохид̇асан̇каад̇зна жа д̣̇увид̇хзна рухирзна бун̣н̣ам̣.
Muttapuṇṇanti āhārautuvasena vatthipuṭantaraṃ pūretvā ṭhitamuttena pūritaṃ. Karīsapuṇṇanti pakkāsayasaṅkhāte heṭṭhānābhipiṭṭhikaṇṭakamūlānaṃ antare ubbedhena aṭṭhaṅgulamatte antāvasāne ṭhitavaccena puṇṇaṃ. Semhapuṇṇanti udarapaṭale ṭhitaekapattappamāṇena semhena pūritaṃ. Ruhirapuṇṇanti yakanassa heṭṭhābhāgaṃ pūretvā hadayavakkapapphāsānaṃ upari thokaṃ thokaṃ paggharantena vakkahadayayakanapapphāse temayamānena ṭhitena ekapattassa pūraṇamattena sannicitalohitasaṅkhātena ca kesalomanakhadantānaṃ maṃsavinimuttaṭṭhānañceva thaddhasukkhacammañca ṭhapetvā dhamanījālānusārena sabbaṃ upādiṇṇakasarīraṃ pharitvā ṭhitasaṃsaraṇalohitasaṅkhātena ca duvidhena ruhirena puṇṇaṃ.
адтисан̇гхаад̇анд̇и сагаласарийрз хздтаа адтийнам̣ убаридтид̇аани саад̇хигаани д̇ийн̣и адтисад̇аани, д̇зхи адтийхи гхадид̇ам̣. нхаарусамб̣анд̇ханд̇и сагаласарийрз адтийни ааб̣анд̇хид̇ваа тид̇аани нава нхаарусад̇аани, д̇зхи нхааруухи самб̣анд̇хам̣ ааб̣анд̇хам̣. руд̇хирамам̣саавалзбананд̇и сам̣саран̣алохид̇зна жа саад̇хигаани д̇ийн̣и адтисад̇аани анулимбзд̇ваа тид̇зна навамам̣сабзсисад̇зна жа анулид̇д̇ам̣ сарийрам̣. жаммавинад̣̇д̇ханд̇и сагаласарийрам̣ барияонанд̇хид̇ваа баагадагиломагасса убари чавияаа хздтаа тид̇ам̣ жаммам̣, д̇зна жаммзна винад̣̇д̇хам̣ барияонад̣̇д̇хам̣. ‘‘жаммааванад̣̇д̇ха’’нд̇иби баал̣и. чавияаа бадижчаннанд̇и ад̇исукумачавияаа бадижчаннам̣ чаад̣̇зд̇ваа тид̇ам̣. чид̣̇д̣̇аавачид̣̇д̣̇анд̇и анзгачид̣̇д̣̇ам̣. уг̇гхаранд̇анд̇и агкимукаад̣̇ийхи уг̇гхаранд̇ам̣. баг̇гхаранд̇анд̇и ад̇хобхааг̇зна баг̇гхаранд̇ам̣. гимисан̇гханисзвид̇анд̇и суужимукаад̣̇ийхи наанаабаан̣агуласамуухзхи аасзвид̇ам̣. наанаагалималабарибууранд̇и анзгавид̇хзхи асужигодтаасзхи буурид̇ам̣.
Aṭṭhisaṅghātanti sakalasarīre heṭṭhā aṭṭhīnaṃ upariṭṭhitāni sādhikāni tīṇi aṭṭhisatāni, tehi aṭṭhīhi ghaṭitaṃ. Nhārusambandhanti sakalasarīre aṭṭhīni ābandhitvā ṭhitāni nava nhārusatāni, tehi nhārūhi sambandhaṃ ābandhaṃ. Rudhiramaṃsāvalepananti saṃsaraṇalohitena ca sādhikāni tīṇi aṭṭhisatāni anulimpetvā ṭhitena navamaṃsapesisatena ca anulittaṃ sarīraṃ. Cammavinaddhanti sakalasarīraṃ pariyonandhitvā pākaṭakilomakassa upari chaviyā heṭṭhā ṭhitaṃ cammaṃ, tena cammena vinaddhaṃ pariyonaddhaṃ. ‘‘Cammāvanaddha’’ntipi pāḷi. Chaviyā paṭicchannanti atisukhumachaviyā paṭicchannaṃ chādetvā ṭhitaṃ. Chiddāvachiddanti anekachiddaṃ. Uggharantanti akkhimukhādīhi uggharantaṃ. Paggharantanti adhobhāgena paggharantaṃ. Kimisaṅghanisevitanti sūcimukhādīhi nānāpāṇakulasamūhehi āsevitaṃ. Nānākalimalaparipūranti anekavidhehi asucikoṭṭhāsehi pūritaṃ.
71. д̇ад̇о мааг̇ан̣д̣ияо ‘‘баб̣б̣аж̇ид̇аа наама маанусагз гаамз бахааяа д̣̇иб̣б̣агаамад̇т̇ааяа баб̣б̣аж̇анд̇и, аяан̃жа д̣̇иб̣б̣зби гаамз на ижчад̇и, ид̣̇амби ид̇т̇ирад̇анам̣, гаа ну асса д̣̇идтий’’д̇и бужчид̇ум̣ д̣̇уд̇ияам̣ г̇аат̇амааха. д̇ад̇т̇а зд̇аад̣̇исам̣ жз рад̇ананд̇и д̣̇иб̣б̣ид̇т̇ирад̇анам̣ санд̇хааяа бхан̣ад̇и. нааринд̇и ад̇д̇ано д̇хийд̇арам̣ санд̇хааяа. д̣̇идтиг̇ад̇ам̣ сийлавад̇ам̣ ну ж̇ийвид̇анд̇и д̣̇идтин̃жа сийлан̃жа вад̇ан̃жа ж̇ийвид̇ан̃жа. бхавуубабад̇д̇ин̃жа вад̣̇зси гийд̣̇исанд̇и ад̇д̇ано бхавуубабад̇д̇им̣ ваа д̇увам̣ гийд̣̇исам̣ вад̣̇зси.
71. Tato māgaṇḍiyo ‘‘pabbajitā nāma mānusake kāme pahāya dibbakāmatthāya pabbajanti, ayañca dibbepi kāme na icchati, idampi itthiratanaṃ, kā nu assa diṭṭhī’’ti pucchituṃ dutiyaṃ gāthamāha. Tattha etādisaṃ ce ratananti dibbitthiratanaṃ sandhāya bhaṇati. Nārinti attano dhītaraṃ sandhāya. Diṭṭhigataṃ sīlavataṃ nu jīvitanti diṭṭhiñca sīlañca vatañca jīvitañca. Bhavūpapattiñca vadesi kīdisanti attano bhavūpapattiṃ vā tuvaṃ kīdisaṃ vadesi.
72. ид̇о бараа д̣̇вз г̇аат̇аа виссаж̇ж̇анабужчаанаязна бавад̇д̇ад̇д̇аа баагадасамб̣анд̇хааязва. д̇аасу батамаг̇аат̇ааяа сан̇кзбад̇т̇о – д̇асса маяхам̣ мааг̇ан̣д̣ияа д̣̇ваасадтид̣̇идтиг̇ад̇ад̇хаммзсу нижчинид̇ваа ‘‘ид̣̇амзва сажжам̣, могхаман̃н̃а’’нд̇и (ма. ни. 3.27, 301) звам̣ ид̣̇ам̣ вад̣̇аамийд̇и самуг̇г̇ахийд̇ам̣ на ход̇и над̇т̇и на виж̇ж̇ад̇и, гим̣ гааран̣аа? ахан̃хи бассанд̇о д̣̇идтийсу аад̣̇ийнавам̣ ган̃жи д̣̇идтим̣ аг̇г̇ахзд̇ваа сажжаани бавижинанд̇о аж̇жхад̇д̇ам̣ рааг̇аад̣̇ийнам̣ санд̇ибхаавзна аж̇жхад̇д̇асанд̇исан̇каад̇ам̣ ниб̣б̣аанамзва ад̣̇д̣̇асанд̇и.
72. Ito parā dve gāthā vissajjanapucchānayena pavattattā pākaṭasambandhāyeva. Tāsu paṭhamagāthāya saṅkhepattho – tassa mayhaṃ māgaṇḍiya dvāsaṭṭhidiṭṭhigatadhammesu nicchinitvā ‘‘idameva saccaṃ, moghamañña’’nti (ma. ni. 3.27, 301) evaṃ idaṃ vadāmīti samuggahītaṃ na hoti natthi na vijjati, kiṃ kāraṇā? Ahañhi passanto diṭṭhīsu ādīnavaṃ kañci diṭṭhiṃ aggahetvā saccāni pavicinanto ajjhattaṃ rāgādīnaṃ santibhāvena ajjhattasantisaṅkhātaṃ nibbānameva addasanti.
аад̣̇ийнаванд̇и убад̣̇д̣̇авам̣. сад̣̇угканд̇и гааяигад̣̇угкзна сад̣̇угкам̣. савигхаад̇анд̇и жзд̇асигад̣̇угкзна сахид̇ам̣. саубааяаасанд̇и убааяаасасахид̇ам̣. сабарил̣ааханд̇и сад̣̇арат̇ам̣. на ниб̣б̣ид̣̇ааяаад̇и на ваддз ниб̣б̣инд̣̇анад̇т̇ааяа. на вирааг̇ааяаад̇и на ваддз вирааг̇ад̇т̇ааяа. на нирод̇хааяаад̇и на ваддасса нирод̇хад̇т̇ааяа. на убасамааяаад̇и на ваддасса убасамад̇т̇ааяа. на абхин̃н̃ааяаад̇и на ваддасса абхиж̇аананад̇т̇ааяа. на самб̣од̇хааяаад̇и на гилзсанид̣̇д̣̇аавиг̇амзна ваддад̇о самб̣уж̇жханад̇т̇ааяа . на ниб̣б̣аанааяаад̇и на амад̇аниб̣б̣аанад̇т̇ааяа. зд̇т̇а бана ‘‘ниб̣б̣ид̣̇ааяаа’’д̇и вибассанаа. ‘‘вирааг̇ааяаа’’д̇и маг̇г̇о. ‘‘нирод̇хааяа убасамааяаа’’д̇и ниб̣б̣аанам̣. ‘‘абхин̃н̃ааяа самб̣од̇хааяаа’’д̇и маг̇г̇о. ‘‘ниб̣б̣аанааяаа’’д̇и ниб̣б̣аанамзва. звам̣ згасмим̣ таанз вибассанаа, д̇ийсу маг̇г̇о, д̇ийсу ниб̣б̣аанам̣ вуд̇д̇анд̇и звам̣ вавад̇т̇аанагат̇аа взд̣̇ид̇аб̣б̣аа. барияааязна бана саб̣б̣аанибзд̇аани маг̇г̇авзважанааниби ниб̣б̣аанавзважанааниби хонд̇иязва.
Ādīnavanti upaddavaṃ. Sadukkhanti kāyikadukkhena sadukkhaṃ. Savighātanti cetasikadukkhena sahitaṃ. Saupāyāsanti upāyāsasahitaṃ. Sapariḷāhanti sadarathaṃ. Na nibbidāyāti na vaṭṭe nibbindanatthāya. Na virāgāyāti na vaṭṭe virāgatthāya. Na nirodhāyāti na vaṭṭassa nirodhatthāya. Na upasamāyāti na vaṭṭassa upasamatthāya. Na abhiññāyāti na vaṭṭassa abhijānanatthāya. Na sambodhāyāti na kilesaniddāvigamena vaṭṭato sambujjhanatthāya . Na nibbānāyāti na amatanibbānatthāya. Ettha pana ‘‘nibbidāyā’’ti vipassanā. ‘‘Virāgāyā’’ti maggo. ‘‘Nirodhāya upasamāyā’’ti nibbānaṃ. ‘‘Abhiññāya sambodhāyā’’ti maggo. ‘‘Nibbānāyā’’ti nibbānameva. Evaṃ ekasmiṃ ṭhāne vipassanā, tīsu maggo, tīsu nibbānaṃ vuttanti evaṃ vavatthānakathā veditabbā. Pariyāyena pana sabbānipetāni maggavevacanānipi nibbānavevacanānipi hontiyeva.
аж̇жхад̇д̇ам̣ рааг̇асса санд̇инд̇и аж̇жхад̇д̇арааг̇асса санд̇абхаавзна ниб̣б̣уд̇абхаавзна аж̇жхад̇д̇асанд̇исан̇каад̇ам̣ ниб̣б̣аанам̣ ологзсим̣. д̣̇осасса санд̇инд̇иаад̣̇ийсуби зсзва наяо. бажинанд̇и нид̣̇д̣̇зсасса уд̣̇д̣̇зсабад̣̇ам̣. вижинанд̇од̇и сажжаани вад̣дхзнд̇о вибхаавзнд̇о. бавижинанд̇од̇и д̇аанзва бажжзгам̣ вибхаавзнд̇о . гзжи ‘‘г̇авзсанд̇о’’д̇и ван̣н̣аяанд̇и. ад̣̇ассанд̇и ологзсим̣. ад̣̇агкинд̇и винивиж̇жхим̣. апассинд̇и бан̃н̃ааяа пусим̣. бадивиж̇жхинд̇и н̃аан̣зна бажжагкам̣ агаасим̣.
Ajjhattaṃ rāgassa santinti ajjhattarāgassa santabhāvena nibbutabhāvena ajjhattasantisaṅkhātaṃ nibbānaṃ olokesiṃ. Dosassa santintiādīsupi eseva nayo. Pacinanti niddesassa uddesapadaṃ. Vicinantoti saccāni vaḍḍhento vibhāvento. Pavicinantoti tāneva paccekaṃ vibhāvento . Keci ‘‘gavesanto’’ti vaṇṇayanti. Adassanti olokesiṃ. Adakkhinti vinivijjhiṃ. Aphassinti paññāya phusiṃ. Paṭivijjhinti ñāṇena paccakkhaṃ akāsiṃ.
73. д̣̇уд̇ияаг̇аат̇ааяа сан̇кзбад̇т̇о – яаанимаани д̣̇идтиг̇ад̇аани д̇зхи д̇зхи сад̇д̇зхи винижчинид̇ваа г̇ахид̇ад̇д̇аа ‘‘винижчаяаа’’д̇и жа ад̇д̇ано бажжаязхи абхисан̇кад̇абхааваад̣̇инаа наязна ‘‘багаббид̇ааний’’д̇и жа вужжанд̇и, д̇з вз муний д̣̇идтиг̇ад̇ад̇хаммз аг̇г̇ахзд̇ваа аж̇жхад̇д̇асанд̇ийд̇и яамзд̇амад̇т̇ам̣ б̣рууси, аажигка мз, гат̇ам̣ ну д̇хийрзхи бавзд̣̇ид̇ам̣ д̇ам̣ гат̇ам̣ багаасид̇ам̣ д̇хийрзхийд̇и вад̣̇ад̇и.
73. Dutiyagāthāya saṅkhepattho – yānimāni diṭṭhigatāni tehi tehi sattehi vinicchinitvā gahitattā ‘‘vinicchayā’’ti ca attano paccayehi abhisaṅkhatabhāvādinā nayena ‘‘pakappitānī’’ti ca vuccanti, te ve munī diṭṭhigatadhamme aggahetvā ajjhattasantīti yametamatthaṃ brūsi, ācikkha me, kathaṃ nu dhīrehi paveditaṃ taṃ kathaṃ pakāsitaṃ dhīrehīti vadati.
имиссаа г̇аат̇ааяа нид̣̇д̣̇зсо уд̇д̇аанад̇т̇о табзд̇ваа барамад̇т̇абад̣̇ам̣. д̇ад̇т̇а яам̣ барамад̇т̇анд̇и яам̣ уд̇д̇амам̣ ниб̣б̣аанам̣.
Imissā gāthāya niddeso uttānattho ṭhapetvā paramatthapadaṃ. Tattha yaṃ paramatthanti yaṃ uttamaṃ nibbānaṃ.
74. ат̇асса бхаг̇аваа яат̇аа язна убааязна д̇ам̣ бад̣̇ам̣ д̇хийрзхи багаасид̇ам̣, д̇ам̣ убааяам̣ сабадибагкам̣ д̣̇ассзнд̇о ‘‘на д̣̇идтияаа’’д̇и г̇аат̇амааха. д̇ад̇т̇а на д̣̇идтияаад̇иаад̣̇ийхи д̣̇идтисуд̇иадтасамаабад̇д̇ин̃аан̣аб̣аахирасийлаб̣б̣ад̇аани бадигкибад̇и. ‘‘суд̣̇д̇химаахаа’’д̇и зд̇т̇а вуд̇д̇ам̣ ааха-сад̣̇д̣̇ам̣ саб̣б̣ад̇т̇а нагаарзна сад̣̇д̇хим̣ яож̇зд̇ваа буримабад̣̇ад̇д̇аяам̣ нзд̇ваа ‘‘д̣̇идтияаа суд̣̇д̇хим̣ нааха на гат̇змий’’д̇и звамад̇т̇о взд̣̇ид̇аб̣б̣о. яат̇аа жзд̇т̇а, звам̣ уд̇д̇арабад̣̇зсуби. д̇ад̇т̇а жа ад̣̇идтияаа наахаад̇и д̣̇асавад̇т̇угам̣ саммаад̣̇идтим̣ винаа на гат̇зми. д̇ат̇аа ассуд̇ияаад̇и наван̇г̇ам̣ саванам̣ винаа. ан̃аан̣аад̇и гаммассагад̇асажжаануломиган̃аан̣ам̣ винаа. асийлад̇аад̇и баад̇имогкасам̣варам̣ винаа. аб̣б̣ад̇аад̇и д̇худ̇ан̇г̇авад̇ам̣ винаа. ноби д̇знаад̇и д̇зсу згамзгзна д̣̇идтиаад̣̇имад̇д̇знааби на гат̇змийд̇и звамад̇т̇о взд̣̇ид̇аб̣б̣о. зд̇з жа ниссаж̇ж̇а ануг̇г̇ахааяаад̇и зд̇з жа буримад̣̇идтиаад̣̇ибхзд̣̇з ган̣хабагкигз д̇хаммз самуг̇гхаад̇агаран̣зна ниссаж̇ж̇а, бажчимз ад̣̇идтиаад̣̇ибхзд̣̇з суггабагкигзби ад̇аммаяад̇аабаж̇ж̇анзна ануг̇г̇ахааяа. санд̇о аниссааяа бхавам̣ на ж̇аббзд̇и имааяа бадибад̇д̇ияаа рааг̇аад̣̇ивуубасамзна санд̇о жагкаад̣̇ийсу ган̃жи д̇хаммам̣ аниссааяа згамби бхавам̣ на ж̇аббз, абихзд̇ум̣ абад̇т̇зд̇ум̣ самад̇т̇о сияаа, аяамасса аж̇жхад̇д̇асанд̇ийд̇и ад̇хиббааяо.
74. Athassa bhagavā yathā yena upāyena taṃ padaṃ dhīrehi pakāsitaṃ, taṃ upāyaṃ sapaṭipakkhaṃ dassento ‘‘na diṭṭhiyā’’ti gāthamāha. Tattha na diṭṭhiyātiādīhi diṭṭhisutiaṭṭhasamāpattiñāṇabāhirasīlabbatāni paṭikkhipati. ‘‘Suddhimāhā’’ti ettha vuttaṃ āha-saddaṃ sabbattha nakārena saddhiṃ yojetvā purimapadattayaṃ netvā ‘‘diṭṭhiyā suddhiṃ nāha na kathemī’’ti evamattho veditabbo. Yathā cettha, evaṃ uttarapadesupi. Tattha ca adiṭṭhiyā nāhāti dasavatthukaṃ sammādiṭṭhiṃ vinā na kathemi. Tathā assutiyāti navaṅgaṃ savanaṃ vinā. Añāṇāti kammassakatasaccānulomikañāṇaṃ vinā. Asīlatāti pātimokkhasaṃvaraṃ vinā. Abbatāti dhutaṅgavataṃ vinā. Nopi tenāti tesu ekamekena diṭṭhiādimattenāpi na kathemīti evamattho veditabbo. Ete ca nissajja anuggahāyāti ete ca purimadiṭṭhiādibhede kaṇhapakkhike dhamme samugghātakaraṇena nissajja, pacchime adiṭṭhiādibhede sukkapakkhikepi atammayatāpajjanena anuggahāya. Santo anissāya bhavaṃ na jappeti imāya paṭipattiyā rāgādivūpasamena santo cakkhādīsu kañci dhammaṃ anissāya ekampi bhavaṃ na jappe, apihetuṃ apatthetuṃ samattho siyā, ayamassa ajjhattasantīti adhippāyo.
саванамби ижчид̇аб̣б̣анд̇и суд̇д̇аад̣̇ивасзна сун̣анамби ааган̇кид̇аб̣б̣ам̣. самбхаараа имз д̇хаммаад̇и саммаад̣̇идтиаад̣̇игаа имз д̇хаммаа убагаарадтзна самбхаараа хонд̇и . ган̣хабагкигаананд̇и агусалабагкз бхаваанам̣. самуг̇гхаад̇ад̇о бахаанам̣ ижчид̇аб̣б̣анд̇и саммаа хананад̇о самужчзд̣̇ад̇о бахаанам̣ ааган̇кид̇аб̣б̣ам̣. д̇зд̇хаад̇угзсу гусалзсу д̇хаммзсууд̇и гаамаруубааруубасан̇каад̇зсу д̇збхуумагзсу госалласамбхууд̇зсу. ад̇аммаяад̇аад̇и нид̇д̇ан̣хабхааво.
Savanampi icchitabbanti suttādivasena suṇanampi ākaṅkhitabbaṃ. Sambhārā ime dhammāti sammādiṭṭhiādikā ime dhammā upakāraṭṭhena sambhārā honti . Kaṇhapakkhikānanti akusalapakkhe bhavānaṃ. Samugghātato pahānaṃ icchitabbanti sammā hananato samucchedato pahānaṃ ākaṅkhitabbaṃ. Tedhātukesu kusalesu dhammesūti kāmarūpārūpasaṅkhātesu tebhūmakesu kosallasambhūtesu. Atammayatāti nittaṇhabhāvo.
75. звам̣ вуд̇д̇з важанад̇т̇ам̣ асаллагкзнд̇о мааг̇ан̣д̣ияо ‘‘но жз гираа’’д̇и г̇аат̇амааха. д̇ад̇т̇а д̣̇идтаад̣̇ийни вуд̇д̇анаяаанзва. ган̣хабагкигааниязва бана санд̇хааяа убхаяад̇рааби ааха. ааха-сад̣̇д̣̇ам̣ бана ‘‘но жз’’д̇и сад̣̇д̣̇зна яож̇зд̇ваа но жз гира ааха но жз гира гат̇зсийд̇и звам̣ ад̇т̇о д̣̇адтаб̣б̣о. момууханд̇и ад̇имуул̣хам̣, моханам̣ ваа. бажжзнд̇ийд̇и ж̇аананд̇и. имиссааби г̇аат̇ааяа нид̣̇д̣̇зсо уд̇д̇аано.
75. Evaṃ vutte vacanatthaṃ asallakkhento māgaṇḍiyo ‘‘no ce kirā’’ti gāthamāha. Tattha diṭṭhādīni vuttanayāneva. Kaṇhapakkhikāniyeva pana sandhāya ubhayatrāpi āha. Āha-saddaṃ pana ‘‘no ce’’ti saddena yojetvā no ce kira āha no ce kira kathesīti evaṃ attho daṭṭhabbo. Momūhanti atimūḷhaṃ, mohanaṃ vā. Paccentīti jānanti. Imissāpi gāthāya niddeso uttāno.
76. ат̇асса бхаг̇аваа д̇ам̣ д̣̇идтим̣ ниссааяа бужчам̣ бадигкибанд̇о ‘‘д̣̇идтин̃жа ниссааяаа’’д̇и г̇аат̇амааха. д̇ассад̇т̇о – д̇вам̣ мааг̇ан̣д̣ияа д̣̇идтим̣ ниссааяа бунаббунам̣ бужчамаано яаани д̇з д̣̇идтиг̇ад̇аани самуг̇г̇ахид̇аани, д̇зсвзва самуг̇г̇ахийд̇зсу бамохам̣ ааг̇ад̇о д̇вам̣ ид̇о жа маяаа вуд̇д̇ааж̇жхад̇д̇асанд̇ид̇о бадибад̇д̇ид̇о д̇хаммад̣̇зсанад̇о ваа ан̣умби яуд̇д̇асан̃н̃ам̣ на бассаси, д̇зна гааран̣зна д̇вам̣ имам̣ д̇хаммам̣ момуухад̇о бассасийд̇и.
76. Athassa bhagavā taṃ diṭṭhiṃ nissāya pucchaṃ paṭikkhipanto ‘‘diṭṭhiñca nissāyā’’ti gāthamāha. Tassattho – tvaṃ māgaṇḍiya diṭṭhiṃ nissāya punappunaṃ pucchamāno yāni te diṭṭhigatāni samuggahitāni, tesveva samuggahītesu pamohaṃ āgato tvaṃ ito ca mayā vuttaajjhattasantito paṭipattito dhammadesanato vā aṇumpi yuttasaññaṃ na passasi, tena kāraṇena tvaṃ imaṃ dhammaṃ momūhato passasīti.
лаг̇г̇анам̣ ниссааяа лаг̇г̇ананд̇и д̣̇идтилаг̇г̇анам̣ аллийяид̇ваа д̣̇идтилаг̇г̇анам̣. б̣анд̇хананд̇и д̣̇идтиб̣анд̇ханам̣. балиб̣од̇ханд̇и д̣̇идтибалиб̣од̇хам̣.
Lagganaṃ nissāya laggananti diṭṭhilagganaṃ allīyitvā diṭṭhilagganaṃ. Bandhananti diṭṭhibandhanaṃ. Palibodhanti diṭṭhipalibodhaṃ.
анд̇хагаарам̣ багканд̣̇осийд̇и б̣ахаланд̇хагаарам̣ бавидтоси. яуд̇д̇асан̃н̃анд̇и саман̣ад̇хаммз яуд̇д̇асан̃н̃ам̣. бад̇д̇асан̃н̃анд̇и саман̣ад̇хаммз бадилад̣̇д̇хасан̃н̃ам̣. лаг̇г̇анасан̃н̃анд̇и сан̃ж̇аанид̇асан̃н̃ам̣. гааран̣асан̃н̃анд̇и хзд̇усан̃н̃ам̣. таанасан̃н̃анд̇и гааран̣асан̃н̃ам̣. на бадилабхасийд̇и на винд̣̇аси. гуд̇о н̃аан̣анд̇и маг̇г̇ан̃аан̣ам̣ бана гзна гааран̣зна лабхиссаси. анижжам̣ ваад̇и худ̇ваа абхаавадтзна бан̃жагканд̇хаа анижжам̣. анижжасан̃н̃аануломам̣ ваад̇и ‘‘бан̃жагканд̇хаа анижжаа’’д̇и уббаннаа сан̃н̃аа анижжасан̃н̃аа, д̇ааяа сан̃н̃ааяа ануломам̣ аббадиггуулам̣ анижжасан̃н̃аануломам̣. гим̣ д̇ам̣? вибассанаан̃аан̣ам̣. д̣̇виннам̣ вибассанаан̃аан̣аанам̣ д̣̇угкаанад̇д̇асан̃н̃аануломаанамби зсзва наяо.
Andhakāraṃ pakkhandosīti bahalandhakāraṃ paviṭṭhosi. Yuttasaññanti samaṇadhamme yuttasaññaṃ. Pattasaññanti samaṇadhamme paṭiladdhasaññaṃ. Lagganasaññanti sañjānitasaññaṃ. Kāraṇasaññanti hetusaññaṃ. Ṭhānasaññanti kāraṇasaññaṃ. Na paṭilabhasīti na vindasi. Kuto ñāṇanti maggañāṇaṃ pana kena kāraṇena labhissasi. Aniccaṃ vāti hutvā abhāvaṭṭhena pañcakkhandhā aniccaṃ. Aniccasaññānulomaṃ vāti ‘‘pañcakkhandhā aniccā’’ti uppannā saññā aniccasaññā, tāya saññāya anulomaṃ appaṭikkūlaṃ aniccasaññānulomaṃ. Kiṃ taṃ? Vipassanāñāṇaṃ. Dvinnaṃ vipassanāñāṇānaṃ dukkhānattasaññānulomānampi eseva nayo.
77. звам̣ самуг̇г̇ахид̇зсу бамохзна мааг̇ан̣д̣ияасса виваад̣̇аабад̇д̇им̣ д̣̇ассзд̇ваа ид̣̇аани д̇зсу ан̃н̃зсу жа д̇хаммзсу виг̇ад̇аббамохасса ад̇д̇ано ниб̣б̣иваад̣̇ад̇ам̣ д̣̇ассзнд̇о ‘‘само висзсий’’д̇и г̇аат̇амааха. д̇ассад̇т̇о – яо звам̣ д̇ид̇хаа маанзна ваа д̣̇идтияаа ваа буг̇г̇алзна ваа ман̃н̃ад̇и, со д̇зна маанзна д̇ааяа ваа д̣̇идтияаа д̇зна ваа буг̇г̇алзна вивад̣̇зяяа. яо бана амхаад̣̇исо имаасу д̇ийсу вид̇хаасу авигамбамаано, само висзсийд̇и на д̇асса ход̇и, на жа хийнод̇и баатасзсо. имиссааби г̇аат̇ааяа нид̣̇д̣̇зсо уд̇д̇аанова.
77. Evaṃ samuggahitesu pamohena māgaṇḍiyassa vivādāpattiṃ dassetvā idāni tesu aññesu ca dhammesu vigatappamohassa attano nibbivādataṃ dassento ‘‘samo visesī’’ti gāthamāha. Tassattho – yo evaṃ tidhā mānena vā diṭṭhiyā vā puggalena vā maññati, so tena mānena tāya vā diṭṭhiyā tena vā puggalena vivadeyya. Yo pana amhādiso imāsu tīsu vidhāsu avikampamāno, samo visesīti na tassa hoti, na ca hīnoti pāṭhaseso. Imissāpi gāthāya niddeso uttānova.
78. гин̃жа бхияяо – ‘‘сажжанд̇и со’’д̇и г̇аат̇аа. д̇ассад̇т̇о – со зваруубо бахийнамаанад̣̇идтиго ‘‘маад̣̇исо ‘б̣аахид̇абаабад̇д̇аа’д̣̇инаа наязна б̣раахман̣о, ид̣̇амзва сажжа’’нд̇и гим̣ вад̣̇зяяа гим̣ вад̇т̇ум̣ бхан̣зяяа, гзна ваа гааран̣зна бхан̣зяяа, ‘‘маяхам̣ сажжам̣, д̇уяхам̣ мусаа’’д̇и ваа гзна маанзна д̣̇идтияаа буг̇г̇алзна ваа вивад̣̇зяяа. яасмим̣ маад̣̇исз кийн̣аасавз ‘‘сад̣̇исохамасмий’’д̇и бавад̇д̇ияаа самам̣ ваа, ид̇арад̣̇ваяабхаавзна бавад̇д̇ияаа висамам̣ ваа ман̃н̃ид̇ам̣ над̇т̇и, самаанаад̣̇ийсу гзна ваад̣̇ам̣ бадисам̣яуж̇зяяа бадибпарзяяаад̇и. имиссааби г̇аат̇ааяа нид̣̇д̣̇зсо уд̇д̇аано.
78. Kiñca bhiyyo – ‘‘saccanti so’’ti gāthā. Tassattho – so evarūpo pahīnamānadiṭṭhiko ‘‘mādiso ‘bāhitapāpattā’dinā nayena brāhmaṇo, idameva sacca’’nti kiṃ vadeyya kiṃ vatthuṃ bhaṇeyya, kena vā kāraṇena bhaṇeyya, ‘‘mayhaṃ saccaṃ, tuyhaṃ musā’’ti vā kena mānena diṭṭhiyā puggalena vā vivadeyya. Yasmiṃ mādise khīṇāsave ‘‘sadisohamasmī’’ti pavattiyā samaṃ vā, itaradvayabhāvena pavattiyā visamaṃ vā maññitaṃ natthi, samānādīsu kena vādaṃ paṭisaṃyujeyya paṭipphareyyāti. Imissāpi gāthāya niddeso uttāno.
79. нану згам̣сзнзва зваруубо буг̇г̇ало? ‘‘огам̣ бахааяаа’’д̇и г̇аат̇аа. д̇ад̇т̇а огам̣ бахааяаад̇и руубад̇хаад̇ваад̣̇ивин̃н̃аан̣ассогаасам̣ д̇ад̇ра чанд̣̇арааг̇аббахаанзна чад̣д̣зд̇ваа. анигзд̇асаарийд̇и руубанимид̇д̇анигзд̇аад̣̇ийни д̇ан̣хаавасзна асаранд̇о. г̇аамз агуб̣б̣ам̣ муни сант̇аваанийд̇и г̇аамз г̇ихисант̇аваани агаронд̇о. гаамзхи рид̇д̇од̇и гаамзсу чанд̣̇арааг̇аабхаавзна саб̣б̣агаамзхи бут̇убхууд̇о. абурагкараанод̇и ааяад̇им̣ ад̇д̇абхаавам̣ анабхиниб̣б̣ад̇д̇знд̇о. гат̇ам̣ на виг̇г̇аяха ж̇анзна гаяираад̇и ж̇анзна сад̣̇д̇хим̣ виг̇г̇аахигагат̇ам̣ на гат̇зяяа.
79. Nanu ekaṃseneva evarūpo puggalo? ‘‘Okaṃ pahāyā’’ti gāthā. Tattha okaṃ pahāyāti rūpadhātvādiviññāṇassokāsaṃ tatra chandarāgappahānena chaḍḍetvā. Aniketasārīti rūpanimittaniketādīni taṇhāvasena asaranto. Gāme akubbaṃ muni santhavānīti gāme gihisanthavāni akaronto. Kāmehi rittoti kāmesu chandarāgābhāvena sabbakāmehi puthubhūto. Apurakkharānoti āyatiṃ attabhāvaṃ anabhinibbattento. Kathaṃ na viggayha janena kayirāti janena saddhiṃ viggāhikakathaṃ na katheyya.
хаалид̣̇д̣̇агаанийд̇и звам̣наамаго г̇ахабад̇и. язнааяасмаа махаагажжаано д̇знубасан̇гамийд̇и язнаад̇и бхуммад̇т̇з гаран̣аважанам̣. д̇асмаа яад̇т̇а махаагажжаано, д̇ад̇т̇а убасан̇гамийд̇и звамзд̇т̇а ад̇т̇о д̣̇адтаб̣б̣о. язна ваа гааран̣зна махаагажжаано д̣̇звамануссзхи убасан̇гамид̇аб̣б̣о, д̇зна гааран̣зна убасан̇гамийд̇и звамзд̇т̇а ад̇т̇о д̣̇адтаб̣б̣о. гзна жа гааран̣зна махаагажжаано убасан̇гамид̇аб̣б̣о? наанаббагаараг̇ун̣ависзсаад̇хиг̇амаад̇хиббааязна, саад̣̇упалуубабхог̇аад̇хиббааязна д̣̇иж̇аг̇ан̣зхи нижжапалид̇амахааругко вияа. убасан̇гамийд̇и жа г̇ад̇од̇и вуд̇д̇ам̣ ход̇и. убасан̇гамид̇ваад̇и убасан̇гаманабарияосаанад̣̇ийбанам̣. ат̇а ваа звам̣ г̇ад̇о д̇ад̇о аасаннад̇арам̣ таанам̣ махаагажжаанасса самийбасан̇каад̇ам̣ г̇анд̇ваад̇иби вуд̇д̇ам̣ ход̇и.
Hāliddakānīti evaṃnāmako gahapati. Yenāyasmā mahākaccāno tenupasaṅkamīti yenāti bhummatthe karaṇavacanaṃ. Tasmā yattha mahākaccāno, tattha upasaṅkamīti evamettha attho daṭṭhabbo. Yena vā kāraṇena mahākaccāno devamanussehi upasaṅkamitabbo, tena kāraṇena upasaṅkamīti evamettha attho daṭṭhabbo. Kena ca kāraṇena mahākaccāno upasaṅkamitabbo? Nānappakāraguṇavisesādhigamādhippāyena, sāduphalūpabhogādhippāyena dijagaṇehi niccaphalitamahārukkho viya. Upasaṅkamīti ca gatoti vuttaṃ hoti. Upasaṅkamitvāti upasaṅkamanapariyosānadīpanaṃ. Atha vā evaṃ gato tato āsannataraṃ ṭhānaṃ mahākaccānassa samīpasaṅkhātaṃ gantvātipi vuttaṃ hoti.
абхиваад̣̇зд̇ваад̇и бан̃жабад̇идтид̇зна ванд̣̇ид̇ваа. ид̣̇аани язнад̇т̇зна махаагажжаанасса убадтаанам̣ ааг̇ад̇о, д̇ам̣ бужчид̇угаамо д̣̇асанакасамод̇хаанасамуж̇ж̇алам̣ ан̃ж̇алим̣ сираси бад̇идтаабзд̇ваа згаманд̇ам̣ нисийд̣̇и. згаманд̇анд̇и бхааванабум̣саганид̣̇д̣̇зсо ‘‘висамам̣ жанд̣̇имасуурияаа баривад̇д̇анд̇ий’’д̇иаад̣̇ийсу (а. ни. 4.7) вияа. д̇асмаа яат̇аа нисинно згаманд̇ам̣ нисинно ход̇и, звам̣ нисийд̣̇ийд̇и звамзд̇т̇а ад̇т̇о д̣̇адтаб̣б̣о. бхуммад̇т̇з ваа зд̇ам̣ убаяог̇аважанам̣. нисийд̣̇ийд̇и нисаж̇ж̇ам̣ габбзси. бан̣д̣ид̇аа хи д̣̇звамануссаа г̇арудтаанияам̣ убасан̇гамид̇ваа аасанагусалад̇ааяа згаманд̇ам̣ нисийд̣̇анд̇и. аяан̃жа г̇ахабад̇и д̇зсам̣ ан̃н̃ад̇аро, д̇асмаа згаманд̇ам̣ нисийд̣̇и.
Abhivādetvāti pañcapatiṭṭhitena vanditvā. Idāni yenatthena mahākaccānassa upaṭṭhānaṃ āgato, taṃ pucchitukāmo dasanakhasamodhānasamujjalaṃ añjaliṃ sirasi patiṭṭhāpetvā ekamantaṃ nisīdi. Ekamantanti bhāvanapuṃsakaniddeso ‘‘visamaṃ candimasūriyā parivattantī’’tiādīsu (a. ni. 4.7) viya. Tasmā yathā nisinno ekamantaṃ nisinno hoti, evaṃ nisīdīti evamettha attho daṭṭhabbo. Bhummatthe vā etaṃ upayogavacanaṃ. Nisīdīti nisajjaṃ kappesi. Paṇḍitā hi devamanussā garuṭṭhāniyaṃ upasaṅkamitvā āsanakusalatāya ekamantaṃ nisīdanti. Ayañca gahapati tesaṃ aññataro, tasmā ekamantaṃ nisīdi.
гат̇ам̣ нисинно жа бана згаманд̇ам̣ нисинно ход̇ийд̇и? ча нисаж̇ж̇ад̣̇осз важ̇ж̇зд̇ваа. сзяяат̇ид̣̇ам̣? ад̇ид̣̇уурам̣ ажжаасаннам̣ убариваад̇ам̣ уннад̇аббад̣̇зсам̣ ад̇исаммукам̣ ад̇ибажчаад̇и. ад̇ид̣̇уурз нисинно хи сажз гат̇зд̇угаамо ход̇и, ужжаасад̣̇д̣̇зна гат̇зд̇аб̣б̣ам̣ ход̇и. ажжаасаннз нисинно сан̇гхадданам̣ гарод̇и. убариваад̇з нисинно сарийраг̇анд̇хзна б̣аад̇хад̇и. уннад̇аббад̣̇зсз нисинно аг̇ааравам̣ багаасзд̇и. ад̇исаммукаа нисинно сажз д̣̇адтугаамо ход̇и, жагкунаа жагкум̣ аахажжа д̣̇адтаб̣б̣ам̣ ход̇и. ад̇ибажчаа нисинно сажз д̣̇адтугаамо ход̇и, г̇ийвам̣ басаарзд̇ваа д̣̇адтаб̣б̣ам̣ ход̇и. д̇асмаа аяамби зд̇з ча нисаж̇ж̇ад̣̇осз важ̇ж̇зд̇ваа нисийд̣̇и. д̇зна вуд̇д̇ам̣ – ‘‘згаманд̇ам̣ нисийд̣̇ий’’д̇и.
Kathaṃ nisinno ca pana ekamantaṃ nisinno hotīti? Cha nisajjadose vajjetvā. Seyyathidaṃ? Atidūraṃ accāsannaṃ uparivātaṃ unnatappadesaṃ atisammukhaṃ atipacchāti. Atidūre nisinno hi sace kathetukāmo hoti, uccāsaddena kathetabbaṃ hoti. Accāsanne nisinno saṅghaṭṭanaṃ karoti. Uparivāte nisinno sarīragandhena bādhati. Unnatappadese nisinno agāravaṃ pakāseti. Atisammukhā nisinno sace daṭṭhukāmo hoti, cakkhunā cakkhuṃ āhacca daṭṭhabbaṃ hoti. Atipacchā nisinno sace daṭṭhukāmo hoti, gīvaṃ pasāretvā daṭṭhabbaṃ hoti. Tasmā ayampi ete cha nisajjadose vajjetvā nisīdi. Tena vuttaṃ – ‘‘ekamantaṃ nisīdī’’ti.
зд̇ад̣̇авожаад̇и зд̇ам̣ авожа. вуд̇д̇амид̣̇ам̣ бханд̇з гажжаана бхаг̇авад̇аа адтагаваг̇г̇ияз мааг̇ан̣д̣ияабан̃хзд̇и адтагаваг̇г̇ияамхи мааг̇ан̣д̣ияабан̃хо наама ад̇т̇и, д̇асмим̣ бан̃хз.
Etadavocāti etaṃ avoca. Vuttamidaṃ bhante kaccāna bhagavatā aṭṭhakavaggiye māgaṇḍiyapañheti aṭṭhakavaggiyamhi māgaṇḍiyapañho nāma atthi, tasmiṃ pañhe.
руубад̇хаад̇ууд̇и руубагканд̇хо ад̇хиббзд̇о. руубад̇хаад̇урааг̇авиниб̣анд̇ханд̇и руубад̇хаад̇умхи рааг̇зна виниб̣ад̣̇д̇хам̣. вин̃н̃аан̣анд̇и гаммавин̃н̃аан̣ам̣. огасаарийд̇и г̇зхасаарий аалаяасаарий. гасмаа банзд̇т̇а ‘‘вин̃н̃аан̣ад̇хаад̇у ко г̇ахабад̇ий’’д̇и на вуд̇д̇анд̇и? саммохавигхаад̇ад̇т̇ам̣. ‘‘ого’’д̇и хи ад̇т̇ад̇о бажжаяо вужжад̇и, бурзж̇аад̇ан̃жа гаммавин̃н̃аан̣ам̣ бажчааж̇аад̇асса гаммавин̃н̃аан̣ассаби вибаагавин̃н̃аан̣ассаби, вибаагавин̃н̃аан̣ан̃жа вибаагавин̃н̃аан̣ассаби гаммавин̃н̃аан̣ассаби бажжаяо ход̇и, д̇асмаа ‘‘гад̇арам̣ ну ко ид̇ха вин̃н̃аан̣а’’нд̇и саммохо бхавзяяа. д̇асса вигхаад̇ад̇т̇ам̣ д̇ам̣ аг̇г̇ахзд̇ваа асамбхиннаава д̣̇зсанаа гад̇аад̇и. абижа вибаагааарамман̣авасзна жад̇ассо абхисан̇кааравин̃н̃аан̣адтид̇ияод̇и вуд̇д̇аад̇и д̇аа д̣̇ассзд̇умби ид̇ха вин̃н̃аан̣ам̣ на г̇ахид̇ам̣.
Rūpadhātūti rūpakkhandho adhippeto. Rūpadhāturāgavinibandhanti rūpadhātumhi rāgena vinibaddhaṃ. Viññāṇanti kammaviññāṇaṃ. Okasārīti gehasārī ālayasārī. Kasmā panettha ‘‘viññāṇadhātu kho gahapatī’’ti na vuttanti? Sammohavighātatthaṃ. ‘‘Oko’’ti hi atthato paccayo vuccati, purejātañca kammaviññāṇaṃ pacchājātassa kammaviññāṇassapi vipākaviññāṇassapi, vipākaviññāṇañca vipākaviññāṇassapi kammaviññāṇassapi paccayo hoti, tasmā ‘‘kataraṃ nu kho idha viññāṇa’’nti sammoho bhaveyya. Tassa vighātatthaṃ taṃ aggahetvā asambhinnāva desanā katāti. Apica vipākaārammaṇavasena catasso abhisaṅkhāraviññāṇaṭṭhitiyoti vuttāti tā dassetumpi idha viññāṇaṃ na gahitaṃ.
убаяубаад̣̇аанаад̇и д̇ан̣хуубаяад̣̇идтуубаяавасзна д̣̇вз убаяаа, гаамубаад̣̇аанаад̣̇ийни жад̇д̇аари убаад̣̇аанаани жа. жзд̇асо ад̇хидтаанаабхинивзсаанусаяаад̇и агусалажид̇д̇асса ад̇хидтаанабхууд̇аа жзва абхинивзсабхууд̇аа жа анусаяабхууд̇аа жа. д̇ат̇ааг̇ад̇ассаад̇и саммаасамб̣уд̣̇д̇хасса. саб̣б̣зсамби хи кийн̣аасаваанам̣ зд̇з бахийнаава, сад̇т̇у бана кийн̣аасавабхааво логз ад̇ибаагадод̇и убаримагодияаа звам̣ вуд̇д̇ам̣. вин̃н̃аан̣ад̇хаад̇уяаад̇и ид̇ха вин̃н̃аан̣ам̣ гасмаа г̇ахид̇ам̣? гилзсаббахаанад̣̇ассанад̇т̇ам̣. гилзсаа хи на гзвалам̣ жад̇уусуязва канд̇хзсу бахийнаа бахийяанд̇и, бан̃жасуби бахийяанд̇иязваад̇и гилзсаббахаанад̣̇ассанад̇т̇ам̣ г̇ахид̇ам̣. звам̣ ко г̇ахабад̇и аногасаарий ход̇ийд̇и звам̣ гаммавин̃н̃аан̣зна огам̣ асаранд̇зна аногасаарий наама ход̇и.
Upayupādānāti taṇhūpayadiṭṭhūpayavasena dve upayā, kāmupādānādīni cattāri upādānāni ca. Cetaso adhiṭṭhānābhinivesānusayāti akusalacittassa adhiṭṭhānabhūtā ceva abhinivesabhūtā ca anusayabhūtā ca. Tathāgatassāti sammāsambuddhassa. Sabbesampi hi khīṇāsavānaṃ ete pahīnāva, satthu pana khīṇāsavabhāvo loke atipākaṭoti uparimakoṭiyā evaṃ vuttaṃ. Viññāṇadhātuyāti idha viññāṇaṃ kasmā gahitaṃ? Kilesappahānadassanatthaṃ. Kilesā hi na kevalaṃ catūsuyeva khandhesu pahīnā pahīyanti, pañcasupi pahīyantiyevāti kilesappahānadassanatthaṃ gahitaṃ. Evaṃ kho gahapati anokasārī hotīti evaṃ kammaviññāṇena okaṃ asarantena anokasārī nāma hoti.
руубанимид̇д̇анигзд̇ависааравиниб̣анд̇хаад̇и руубамзва гилзсаанам̣ бажжаяадтзна нимид̇д̇ам̣, аарамман̣агирияасан̇каад̇зна ниваасадтзна нигзд̇анд̇и руубанимид̇д̇анигзд̇ам̣. висааро жа виниб̣анд̇хо жа висааравиниб̣анд̇хаа. убхаязнаби хи гилзсаанам̣ бад̇т̇адабхааво жа виниб̣анд̇ханабхааво жа вуд̇д̇о, руубанимид̇д̇анигзд̇з висааравиниб̣анд̇хаад̇и руубанимид̇д̇анигзд̇ависааравиниб̣анд̇хаа, д̇асмаа руубанимид̇д̇анигзд̇амхи уббаннзна гилзсависаарзна жзва гилзсавиниб̣анд̇ханзна жаад̇и ад̇т̇о. нигзд̇асаарийд̇и вужжад̇ийд̇и аарамман̣агаран̣авасзна ниваасадтаанадтзна нигзд̇асаарийд̇и вужжад̇и. бахийнаад̇и д̇з руубанимид̇д̇анигзд̇з гилзсависааравиниб̣анд̇хаа бахийнаа.
Rūpanimittaniketavisāravinibandhāti rūpameva kilesānaṃ paccayaṭṭhena nimittaṃ, ārammaṇakiriyasaṅkhātena nivāsaṭṭhena niketanti rūpanimittaniketaṃ. Visāro ca vinibandho ca visāravinibandhā. Ubhayenapi hi kilesānaṃ patthaṭabhāvo ca vinibandhanabhāvo ca vutto, rūpanimittanikete visāravinibandhāti rūpanimittaniketavisāravinibandhā, tasmā rūpanimittaniketamhi uppannena kilesavisārena ceva kilesavinibandhanena cāti attho. Niketasārīti vuccatīti ārammaṇakaraṇavasena nivāsaṭṭhānaṭṭhena niketasārīti vuccati. Pahīnāti te rūpanimittanikete kilesavisāravinibandhā pahīnā.
гасмаа банзд̇т̇а бан̃жагканд̇хаа жа ‘‘огаа’’д̇и вуд̇д̇аа, ча аарамман̣аани ‘‘нигзд̇а’’нд̇и? чанд̣̇арааг̇асса б̣алавад̣̇уб̣б̣алад̇ааяа. самаанзби хи зд̇зсам̣ аалаяадтзна висаяабхаавз огод̇и ниббарияааязна суд̣̇д̇хам̣ г̇зхамзва вужжад̇и, нигзд̇анд̇и ‘‘аж̇ж̇а асугадтаанз гийл̣иссаамаа’’д̇и гад̇асан̇гзд̇аанам̣ ниваасанадтаанам̣ уяяаанаад̣̇и. д̇ад̇т̇а яат̇аа буд̇д̇ад̣̇аарад̇ханад̇хан̃н̃абун̣н̣аг̇зхз чанд̣̇арааг̇о б̣алаваа ход̇и, звам̣ аж̇жхад̇д̇игзсу канд̇хзсу. яат̇аа бана уяяаанадтаанаад̣̇ийсу д̇ад̇о д̣̇уб̣б̣алад̇аро ход̇и, звам̣ б̣аахирзсу часу аарамман̣зсууд̇и чанд̣̇арааг̇асса б̣алавад̣̇уб̣б̣алад̇ааяа звам̣ д̣̇зсанаа гад̇аад̇и взд̣̇ид̇аб̣б̣аа.
Kasmā panettha pañcakkhandhā ca ‘‘okā’’ti vuttā, cha ārammaṇāni ‘‘niketa’’nti? Chandarāgassa balavadubbalatāya. Samānepi hi etesaṃ ālayaṭṭhena visayabhāve okoti nippariyāyena suddhaṃ gehameva vuccati, niketanti ‘‘ajja asukaṭṭhāne kīḷissāmā’’ti katasaṅketānaṃ nivāsanaṭṭhānaṃ uyyānādi. Tattha yathā puttadāradhanadhaññapuṇṇagehe chandarāgo balavā hoti, evaṃ ajjhattikesu khandhesu. Yathā pana uyyānaṭṭhānādīsu tato dubbalataro hoti, evaṃ bāhiresu chasu ārammaṇesūti chandarāgassa balavadubbalatāya evaṃ desanā katāti veditabbā.
сукид̇зсу сукид̇од̇и убадтаагзсу д̇ханад̇хан̃н̃алаабхаад̣̇ивасзна сукид̇зсу ‘‘ид̣̇аанаахам̣ манаабам̣ жийварам̣ манаабам̣ бхож̇анам̣ лабхиссаамий’’д̇и г̇зхассид̇асукзна сукид̇о ход̇и, д̇зхи бад̇д̇асамбад̇д̇им̣ ад̇д̇анаа анубхавамаано вияа жарад̇и. д̣̇угкид̇зсу д̣̇угкид̇од̇и д̇зсам̣ гзнажид̣̇зва гааран̣зна д̣̇угкз уббаннз саяам̣ д̣̇виг̇ун̣зна д̣̇угкзна д̣̇угкид̇о ход̇и. гижжагаран̣ийязсууд̇и гижжасан̇каад̇зсу гаран̣ийязсу. вояог̇ам̣ аабаж̇ж̇ад̇ийд̇и убаяог̇ам̣ саяам̣ д̇зсам̣ гижжаанам̣ гад̇д̇аб̣б̣ад̇ам̣ аабаж̇ж̇ад̇и.
Sukhitesu sukhitoti upaṭṭhākesu dhanadhaññalābhādivasena sukhitesu ‘‘idānāhaṃ manāpaṃ cīvaraṃ manāpaṃ bhojanaṃ labhissāmī’’ti gehassitasukhena sukhito hoti, tehi pattasampattiṃ attanā anubhavamāno viya carati. Dukkhitesu dukkhitoti tesaṃ kenacideva kāraṇena dukkhe uppanne sayaṃ dviguṇena dukkhena dukkhito hoti. Kiccakaraṇīyesūti kiccasaṅkhātesu karaṇīyesu. Voyogaṃ āpajjatīti upayogaṃ sayaṃ tesaṃ kiccānaṃ kattabbataṃ āpajjati.
гаамзсууд̇и вад̇т̇угаамзсу. звам̣ ко г̇ахабад̇и гаамзхи арид̇д̇о ход̇ийд̇и звам̣ гилзсагаамзхи арид̇д̇о ход̇и.
Kāmesūti vatthukāmesu. Evaṃ kho gahapati kāmehi aritto hotīti evaṃ kilesakāmehi aritto hoti.
анд̇о гаамаанам̣ бхаавзна ад̇ужчо. суггабагко д̇зсам̣ абхаавзна рид̇д̇о д̇ужчод̇и взд̣̇ид̇аб̣б̣о.
Anto kāmānaṃ bhāvena atuccho. Sukkapakkho tesaṃ abhāvena ritto tucchoti veditabbo.
бурагкараанод̇и ваддам̣ бурад̇о гурумаано. звам̣руубо сияанд̇иаад̣̇ийсу д̣̇ийгхарассагаал̣од̣̇аад̇аад̣̇ийсу руубзсу звам̣руубо наама бхавзяяанд̇и бад̇т̇зд̇и. сукаад̣̇ийсу взд̣̇анаасу звам̣взд̣̇ано наама. нийласан̃н̃аад̣̇ийсу сан̃н̃аасу звам̣сан̃н̃о наама. бун̃н̃аабхисан̇каараад̣̇ийсу сан̇каарзсу звам̣сан̇кааро наама. жагкувин̃н̃аан̣аад̣̇ийсу вин̃н̃аан̣зсу звам̣вин̃н̃аан̣о наама бхавзяяанд̇и бад̇т̇зд̇и.
Purakkharānoti vaṭṭaṃ purato kurumāno. Evaṃrūpo siyantiādīsu dīgharassakāḷodātādīsu rūpesu evaṃrūpo nāma bhaveyyanti pattheti. Sukhādīsu vedanāsu evaṃvedano nāma. Nīlasaññādīsu saññāsu evaṃsañño nāma. Puññābhisaṅkhārādīsu saṅkhāresu evaṃsaṅkhāro nāma. Cakkhuviññāṇādīsu viññāṇesu evaṃviññāṇo nāma bhaveyyanti pattheti.
абурагкараанод̇и ваддам̣ бурад̇о агурумаано. сахид̇ам̣ мз, асахид̇ам̣ д̇зд̇и д̇уяхам̣ важанам̣ асахид̇ам̣ асилидтам̣, маяхам̣ сахид̇ам̣ силидтам̣ мад̇хурам̣ мад̇хурабаанасад̣̇исам̣. ад̇хижин̣н̣ам̣ д̇з вибараавад̇д̇анд̇и яам̣ д̇уяхам̣ д̣̇ийгхзна гаалзна барижид̇ам̣ суббаг̇ун̣ам̣, д̇ам̣ мама ваад̣̇ам̣ ааг̇амма саб̣б̣ам̣ кан̣зна вибараавад̇д̇ам̣ нивад̇д̇ам̣. ааробид̇о д̇з ваад̣̇од̇и д̇уяхам̣ д̣̇осо маяаа ааробид̇о. жара ваад̣̇аббамогкааяаад̇и д̇ам̣ д̇ам̣ аажарияам̣ убасан̇гамид̇ваа уд̇д̇арам̣ бариязсанд̇о имасса ваад̣̇асса могкааяа жара аахин̣д̣а. ниб̣б̣зтзхи ваа сажз бахосийд̇и ат̇а саяамзва бахоси, ид̇хзва ниб̣б̣зтзхийд̇и.
Apurakkharānoti vaṭṭaṃ purato akurumāno. Sahitaṃ me, asahitaṃ teti tuyhaṃ vacanaṃ asahitaṃ asiliṭṭhaṃ, mayhaṃ sahitaṃ siliṭṭhaṃ madhuraṃ madhurapānasadisaṃ. Adhiciṇṇaṃ te viparāvattanti yaṃ tuyhaṃ dīghena kālena paricitaṃ suppaguṇaṃ, taṃ mama vādaṃ āgamma sabbaṃ khaṇena viparāvattaṃ nivattaṃ. Āropito te vādoti tuyhaṃ doso mayā āropito. Cara vādappamokkhāyāti taṃ taṃ ācariyaṃ upasaṅkamitvā uttaraṃ pariyesanto imassa vādassa mokkhāya cara āhiṇḍa. Nibbeṭhehi vā sace pahosīti atha sayameva pahosi, idheva nibbeṭhehīti.
80. со зваруубо ‘‘язхи вивид̇д̇о’’д̇и г̇аат̇аа. д̇ад̇т̇а язхийд̇и язхи д̣̇идтиг̇ад̇аад̣̇ийхи. вивид̇д̇о вижарзяяаад̇и рид̇д̇о жарзяяа. на д̇аани уг̇г̇аяха вад̣̇зяяа нааг̇од̇и ‘‘ааг̇ум̣ на гарод̇ий’’д̇иаад̣̇инаа (жуул̣ани. бхад̣̇раавуд̇хамаан̣авабужчаанид̣̇д̣̇зса 70; баарааяанаануг̇ийд̇инид̣̇д̣̇зса 102) наязна нааг̇о д̇аани д̣̇идтиг̇ад̇аани уг̇г̇ахзд̇ваа на жарзяяа. зламб̣уж̇анд̇и зласан̃н̃ид̇з амб̣умхи ж̇аад̇ам̣ ган̣даганаал̣ам̣ ваариж̇ам̣, бад̣̇уманд̇и вуд̇д̇ам̣ ход̇и. яат̇аа ж̇алзна бан̇гзна жануубалид̇д̇анд̇и д̇ам̣ бад̣̇умам̣ яат̇аа ж̇алзна жа бан̇гзна жа анубалид̇д̇ам̣ ход̇и. звам̣ муни санд̇иваад̣̇о аг̇ид̣̇д̇ход̇и звам̣ аж̇жхад̇д̇асанд̇иваад̣̇о муни г̇зд̇хаабхаавзна аг̇ид̣̇д̇хо. гаамз жа логз жа ануубалид̇д̇од̇и д̣̇увид̇хзби гаамз абааяаад̣̇игз жа логз д̣̇вийхи силзсзхи анубалид̇д̇о ход̇и.
80. So evarūpo ‘‘yehi vivitto’’ti gāthā. Tattha yehīti yehi diṭṭhigatādīhi. Vivitto vicareyyāti ritto careyya. Na tāniuggayha vadeyya nāgoti ‘‘āguṃ na karotī’’tiādinā (cūḷani. bhadrāvudhamāṇavapucchāniddesa 70; pārāyanānugītiniddesa 102) nayena nāgo tāni diṭṭhigatāni uggahetvā na careyya. Elambujanti elasaññite ambumhi jātaṃ kaṇṭakanāḷaṃ vārijaṃ, padumanti vuttaṃ hoti. Yathā jalena paṅkena canūpalittanti taṃ padumaṃ yathā jalena ca paṅkena ca anupalittaṃ hoti. Evaṃ muni santivādo agiddhoti evaṃ ajjhattasantivādo muni gedhābhāvena agiddho. Kāme ca loke ca anūpalittoti duvidhepi kāme apāyādike ca loke dvīhi silesehi anupalitto hoti.
ааг̇ум̣ на гарод̇ийд̇и агусалаад̣̇ид̣̇осам̣ на гарод̇и. на г̇ажчад̇ийд̇и аг̇ад̇ивасзна на г̇ажчад̇и. нааг̇ажчад̇ийд̇и бахийнагилзсз на убзд̇и. баабагаад̇и лаамагаа. агусалаад̇и агосалласамбхууд̇аа. д̇з гилзсз на бунзд̇ийд̇и яз гилзсаа бахийнаа, д̇з гилзсз буна на зд̇и. на бажжзд̇ийд̇и бади на убзд̇и. на бажжааг̇ажчад̇ийд̇и буна на нивад̇д̇ад̇и.
Āguṃ na karotīti akusalādidosaṃ na karoti. Na gacchatīti agativasena na gacchati. Nāgacchatīti pahīnakilese na upeti. Pāpakāti lāmakā. Akusalāti akosallasambhūtā. Te kilese na punetīti ye kilesā pahīnā, te kilese puna na eti. Na paccetīti paṭi na upeti. Na paccāgacchatīti puna na nivattati.
карад̣̇ан̣д̣од̇и карабад̇д̇ад̣̇ан̣д̣о парусад̣̇ан̣д̣о. жад̇д̇аг̇зд̇ход̇и виссадтаг̇зд̇хо. ванд̇аг̇зд̇ход̇и вамид̇аг̇зд̇хо. муд̇д̇аг̇зд̇ход̇и чиннаб̣анд̇ханаг̇зд̇хо. бахийнаг̇зд̇ход̇и баж̇ахид̇аг̇зд̇хо. бадиниссадтаг̇зд̇ход̇и яат̇аа на буна жид̇д̇ам̣ аарухад̇и, звам̣ бадивиссаж̇ж̇ид̇аг̇зд̇хо. убари вийд̇арааг̇аад̣̇ийсуби зсзва наяо. саб̣б̣аанзва д̇аани г̇ахид̇аг̇г̇ахан̣асса виссадтабхаававзважанаани.
Kharadaṇḍoti kharapattadaṇḍo pharusadaṇḍo. Cattagedhoti vissaṭṭhagedho. Vantagedhoti vamitagedho. Muttagedhoti chinnabandhanagedho. Pahīnagedhoti pajahitagedho. Paṭinissaṭṭhagedhoti yathā na puna cittaṃ āruhati, evaṃ paṭivissajjitagedho. Upari vītarāgādīsupi eseva nayo. Sabbāneva tāni gahitaggahaṇassa vissaṭṭhabhāvavevacanāni.
81. гин̃жа бхияяо – ‘‘на взд̣̇аг̇уу’’д̇и г̇аат̇аа. д̇ад̇т̇а на взд̣̇аг̇уу д̣̇идтияааяагод̇и жад̇умаг̇г̇авзд̣̇аг̇уу маад̣̇исо д̣̇идтияааяаго на ход̇и, д̣̇идтияаа г̇ажчанд̇о ваа, д̇ам̣ саарад̇о бажжзнд̇о ваа на ход̇и. д̇ад̇т̇а важанад̇т̇о – яааяад̇ийд̇и яааяаго. гаран̣аважанзна д̣̇идтияаа яааяад̇ийд̇и д̣̇идтияааяаго. убаяог̇ад̇т̇з саамиважанзнаби д̣̇идтияаа яаад̇ийд̇иби д̣̇идтияааяаго. на муд̇ияаа са маанамзд̇ийд̇и муд̇аруубаад̣̇ибхзд̣̇ааяа муд̇ияааби со маанам̣ на зд̇и. на хи д̇аммаяо сод̇и д̇ан̣хаад̣̇идтивасзна д̇аммаяо ход̇и д̇аббарааяан̣о, аяам̣ бана на д̇аад̣̇исо. на гаммунаа ноби суд̇зна нзяяод̇и бун̃н̃аабхисан̇каараад̣̇инаа гаммунаа ваа, суд̇асуд̣̇д̇хиаад̣̇инаа суд̇зна ваа со нзд̇аб̣б̣о на ход̇и. ануубанийд̇о са нивзсанзсууд̇и со д̣̇виннамби убаяаанам̣ бахийнад̇д̇аа саб̣б̣зсу д̇ан̣хаад̣̇идтинивзсанзсу анубанийд̇о.
81. Kiñca bhiyyo – ‘‘na vedagū’’ti gāthā. Tattha na vedagū diṭṭhiyāyakoti catumaggavedagū mādiso diṭṭhiyāyako na hoti, diṭṭhiyā gacchanto vā, taṃ sārato paccento vā na hoti. Tattha vacanattho – yāyatīti yāyako. Karaṇavacanena diṭṭhiyā yāyatīti diṭṭhiyāyako. Upayogatthe sāmivacanenapi diṭṭhiyā yātītipi diṭṭhiyāyako. Na mutiyā sa mānametīti mutarūpādibhedāya mutiyāpi so mānaṃ na eti. Na hi tammayo soti taṇhādiṭṭhivasena tammayo hoti tapparāyaṇo, ayaṃ pana na tādiso. Na kammunā nopisutena neyyoti puññābhisaṅkhārādinā kammunā vā, sutasuddhiādinā sutena vā so netabbo na hoti. Anūpanīto sa nivesanesūti so dvinnampi upayānaṃ pahīnattā sabbesu taṇhādiṭṭhinivesanesu anupanīto.
муд̇аруубзна ваад̇и зд̇т̇а муд̇аруубам̣ наама г̇анд̇харасаподтаб̣б̣аани. маанам̣ нзд̇ийд̇и асмимаанам̣ на зд̇и. на убзд̇ийд̇и самийбам̣ на зд̇и. на убаг̇ажчад̇ийд̇и убаг̇анд̇ваа на д̇идтад̇и. д̇аммаяод̇и д̇аббагад̇о.
Mutarūpena vāti ettha mutarūpaṃ nāma gandharasaphoṭṭhabbāni. Mānaṃ netīti asmimānaṃ na eti. Na upetīti samīpaṃ na eti. Na upagacchatīti upagantvā na tiṭṭhati. Tammayoti tappakato.
82. д̇асса жа звам̣вид̇хасса ‘‘сан̃н̃аавирад̇д̇ассаа’’д̇и г̇аат̇аа. д̇ад̇т̇а сан̃н̃аавирад̇д̇ассаад̇и нзгкаммасан̃н̃аабуб̣б̣ан̇г̇амааяа бхааванааяа бахийнагаамаад̣̇исан̃н̃асса. иминаа бад̣̇зна убхад̇обхааг̇авимуд̇д̇о самат̇аяааниго ад̇хиббзд̇о. бан̃н̃аавимуд̇д̇ассаад̇и вибассанаабуб̣б̣ан̇г̇амааяа бхааванааяа саб̣б̣агилзсзхи вимуд̇д̇асса. иминаа сугкавибассаго ад̇хиббзд̇о. сан̃н̃ан̃жа д̣̇идтин̃жа яз аг̇г̇ахзсум̣, д̇з гхаддамаанаа вижаранд̇и логзд̇и яз бана гаамасан̃н̃аад̣̇игам̣ сан̃н̃ам̣ аг̇г̇ахзсум̣, д̇з висзсад̇о г̇ахадтаа гаамаад̇хигаран̣ам̣, яз жа д̣̇идтим̣ аг̇г̇ахзсум̣, д̇з висзсад̇о баб̣б̣аж̇ид̇аа д̇хаммаад̇хигаран̣ам̣ ан̃н̃аман̃н̃ам̣ гхаддзнд̇аа вижаранд̇ийд̇и.
82. Tassa ca evaṃvidhassa ‘‘saññāvirattassā’’ti gāthā. Tattha saññāvirattassāti nekkhammasaññāpubbaṅgamāya bhāvanāya pahīnakāmādisaññassa. Iminā padena ubhatobhāgavimutto samathayāniko adhippeto. Paññāvimuttassāti vipassanāpubbaṅgamāya bhāvanāya sabbakilesehi vimuttassa. Iminā sukkhavipassako adhippeto. Saññañca diṭṭhiñca ye aggahesuṃ, te ghaṭṭamānā vicaranti loketi ye pana kāmasaññādikaṃ saññaṃ aggahesuṃ, te visesato gahaṭṭhā kāmādhikaraṇaṃ, ye ca diṭṭhiṃ aggahesuṃ, te visesato pabbajitā dhammādhikaraṇaṃ aññamaññaṃ ghaṭṭentā vicarantīti.
яо самат̇абуб̣б̣ан̇г̇амам̣ арияамаг̇г̇ам̣ бхаавзд̇ийд̇и яо буг̇г̇ало самат̇абуб̣б̣ан̇г̇амам̣ бурзжааригам̣ гад̇ваа сахавибассанам̣ арияамаг̇г̇ам̣ бхаавзд̇и, батамам̣ самаад̇хим̣ уббаад̣̇зд̇ваа бажчаа сахавибассанам̣ арияамаг̇г̇ам̣ уббаад̣̇зд̇ийд̇и ад̇т̇о. д̇асса аад̣̇ид̇од̇и д̇асса буг̇г̇аласса батамаж̇жхаанаад̣̇ид̇о. убаад̣̇ааяаад̇и бадижжа ааг̇амма. г̇ант̇аа вигкамбхийд̇аа хонд̇ийд̇и г̇ант̇аа д̣̇уурийгад̇аа бхаванд̇и. арахад̇д̇з бад̇д̇зд̇и арахад̇д̇апалам̣ бад̇д̇з. арахад̇од̇и арахад̇д̇апалз тид̇асса. г̇ант̇аа жа мохаа жаад̇иаад̣̇аяо саб̣б̣з гилзсаа бахийнаа хонд̇и.
Yo samathapubbaṅgamaṃ ariyamaggaṃ bhāvetīti yo puggalo samathapubbaṅgamaṃ purecārikaṃ katvā sahavipassanaṃ ariyamaggaṃ bhāveti, paṭhamaṃ samādhiṃ uppādetvā pacchā sahavipassanaṃ ariyamaggaṃ uppādetīti attho. Tassa āditoti tassa puggalassa paṭhamajjhānādito. Upādāyāti paṭicca āgamma. Ganthā vikkhambhītā hontīti ganthā dūrīkatā bhavanti. Arahatte patteti arahattaphalaṃ patte. Arahatoti arahattaphale ṭhitassa. Ganthā ca mohā cātiādayo sabbe kilesā pahīnā honti.
яо вибассанаабуб̣б̣ан̇г̇амам̣ арияамаг̇г̇ам̣ бхаавзд̇ийд̇и яо буг̇г̇ало вибассанам̣ буб̣б̣ан̇г̇амам̣ бурзжааригам̣ гад̇ваа арияамаг̇г̇ам̣ бхаавзд̇и, батамам̣ вибассанам̣ уббаад̣̇зд̇ваа бажчаа арияамаг̇г̇асамбаяуд̇д̇ам̣ самаад̇хим̣ бхаавзд̇ийд̇и ад̇т̇о. д̇асса аад̣̇ид̇о убаад̣̇ааяаад̇и д̇асса буг̇г̇аласса вибассанад̇о бадтааяа вибассанам̣ бадижжа. мохаа вигкамбхид̇аа хонд̇ийд̇и зд̇т̇а вигкамбхид̇аад̇и д̣̇уурам̣ баабид̇аа сан̃н̃аавасзна. гхаддзнд̇ийд̇и яз гаамасан̃н̃аад̣̇им̣ г̇ан̣ханд̇и, д̇з сан̃н̃аавасзна бийл̣знд̇и. сан̇гхаддзнд̇ийд̇и д̇ад̇о д̇ад̇о бийл̣знд̇и . ид̣̇аани гхаддзнд̇з д̣̇ассзд̇ум̣ ‘‘рааж̇ааноби рааж̇уухи вивад̣̇анд̇ий’’д̇иаад̣̇инаа наязна вид̇т̇ааро вуд̇д̇о. ан̃н̃аман̃н̃ам̣ баан̣ийхиби убаггаманд̇ийд̇и зд̇т̇а ан̃н̃аман̃н̃ам̣ хад̇т̇зхи бахаранд̇и. лзд̣д̣уухийд̇и габаалакан̣д̣зхи. д̣̇ан̣д̣зхийд̇и ад̣дхад̣̇ан̣д̣агзхи. сад̇т̇зхийд̇и убхад̇од̇хаарзхи сад̇т̇зхи.
Yo vipassanāpubbaṅgamaṃ ariyamaggaṃ bhāvetīti yo puggalo vipassanaṃ pubbaṅgamaṃ purecārikaṃ katvā ariyamaggaṃ bhāveti, paṭhamaṃ vipassanaṃ uppādetvā pacchā ariyamaggasampayuttaṃ samādhiṃ bhāvetīti attho. Tassa ādito upādāyāti tassa puggalassa vipassanato paṭṭhāya vipassanaṃ paṭicca. Mohā vikkhambhitā hontīti ettha vikkhambhitāti dūraṃ pāpitā saññāvasena. Ghaṭṭentīti ye kāmasaññādiṃ gaṇhanti, te saññāvasena pīḷenti. Saṅghaṭṭentīti tato tato pīḷenti . Idāni ghaṭṭente dassetuṃ ‘‘rājānopirājūhi vivadantī’’tiādinā nayena vitthāro vutto. Aññamaññaṃ pāṇīhipi upakkamantīti ettha aññamaññaṃ hatthehi paharanti. Leḍḍūhīti kapālakhaṇḍehi. Daṇḍehīti aḍḍhadaṇḍakehi. Satthehīti ubhatodhārehi satthehi.
абхисан̇каараанам̣ аббахийнад̇д̇аад̇и бун̃н̃аад̣̇иабхисан̇каараанам̣ аббахийнабхаавзна. г̇ад̇ияаа гхаддзнд̇ийд̇и г̇анд̇аб̣б̣ааяа бад̇идтаабхууд̇ааяа г̇ад̇ияаа бийл̣знд̇и гхадданам̣ аабаж̇ж̇анд̇и. нираяаад̣̇ийсуби зсзва наяо. сзсамзд̇т̇а вуд̇д̇анаяад̇д̇аа уд̇д̇аанамзва.
Abhisaṅkhārānaṃ appahīnattāti puññādiabhisaṅkhārānaṃ appahīnabhāvena. Gatiyā ghaṭṭentīti gantabbāya patiṭṭhābhūtāya gatiyā pīḷenti ghaṭṭanaṃ āpajjanti. Nirayādīsupi eseva nayo. Sesamettha vuttanayattā uttānameva.
сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа
Saddhammappajjotikāya mahāniddesaṭṭhakathāya
мааг̇ан̣д̣ияасуд̇д̇анид̣̇д̣̇зсаван̣н̣анаа нидтид̇аа.
Māgaṇḍiyasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 9. мааг̇ан̣д̣ияасуд̇д̇анид̣̇д̣̇зсо • 9. Māgaṇḍiyasuttaniddeso
