| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
9. мааг̇ан̣д̣ияасуд̇д̇аван̣н̣анаа
9. Māgaṇḍiyasuttavaṇṇanā
842. д̣̇исваана д̇ан̣ханд̇и мааг̇ан̣д̣ияасуд̇д̇ам̣. гаа уббад̇д̇и? згам̣ самаяам̣ бхаг̇аваа саавад̇т̇ияам̣ вихаранд̇о бажжуусасамаяз б̣уд̣̇д̇хажагкунаа логам̣ вологзнд̇о гуруусу гаммаасад̇хамманиг̇амаваасино мааг̇ан̣д̣ияасса наама б̣раахман̣асса сабаж̇аабад̇игасса арахад̇д̇уубаниссаяам̣ д̣̇исваа д̇аавад̣̇зва саавад̇т̇ид̇о д̇ад̇т̇а г̇анд̇ваа гаммаасад̇хаммасса авид̣̇уурз ан̃н̃ад̇арасмим̣ ванасан̣д̣з нисийд̣̇и суван̣н̣обхаасам̣ мун̃жамаано. мааг̇ан̣д̣ияоби д̇ан̇кан̣ам̣ д̇ад̇т̇а мукад̇хованад̇т̇ам̣ г̇ад̇о суван̣н̣обхаасам̣ д̣̇исваа ‘‘гим̣ ид̣̇а’’нд̇и ид̇о жид̇о жа бзгкамаано бхаг̇аванд̇ам̣ д̣̇исваа ад̇д̇амано ахоси. д̇асса гира д̇хийд̇аа суван̣н̣аван̣н̣аа, д̇ам̣ б̣ахуу кад̇д̇ияагумаараад̣̇аяо ваараяанд̇аа на лабханд̇и. б̣раахман̣о звам̣лад̣̇д̇хиго ход̇и ‘‘саман̣ассзва нам̣ суван̣н̣аван̣н̣асса д̣̇ассаамий’’д̇и. со бхаг̇аванд̇ам̣ д̣̇исваа ‘‘аяам̣ мз д̇хийд̇ааяа самаанаван̣н̣о, имасса нам̣ д̣̇ассаамий’’д̇и жид̇д̇ам̣ уббаад̣̇зси. д̇асмаа д̣̇исваава ад̇д̇амано ахоси. со взг̇зна гхарам̣ г̇анд̇ваа б̣раахман̣им̣ ааха – ‘‘бход̇и бход̇и маяаа д̇хийд̇ааяа самаанаван̣н̣о бурисо д̣̇идто, алан̇гарохи д̣̇ааригам̣, д̇асса нам̣ д̣̇ассаамаа’’д̇и. б̣раахман̣ияаа д̣̇ааригам̣ г̇анд̇ход̣̇агзна нхаабзд̇ваа вад̇т̇абубпаалан̇гаараад̣̇ийхи алан̇гаронд̇ияаа зва бхаг̇авад̇о бхигкаажааравзлаа самбад̇д̇аа. ат̇а бхаг̇аваа гаммаасад̇хаммам̣ бин̣д̣ааяа баависи.
842.Disvānataṇhanti māgaṇḍiyasuttaṃ. Kā uppatti? Ekaṃ samayaṃ bhagavā sāvatthiyaṃ viharanto paccūsasamaye buddhacakkhunā lokaṃ volokento kurūsu kammāsadhammanigamavāsino māgaṇḍiyassa nāma brāhmaṇassa sapajāpatikassa arahattūpanissayaṃ disvā tāvadeva sāvatthito tattha gantvā kammāsadhammassa avidūre aññatarasmiṃ vanasaṇḍe nisīdi suvaṇṇobhāsaṃ muñcamāno. Māgaṇḍiyopi taṅkhaṇaṃ tattha mukhadhovanatthaṃ gato suvaṇṇobhāsaṃ disvā ‘‘kiṃ ida’’nti ito cito ca pekkhamāno bhagavantaṃ disvā attamano ahosi. Tassa kira dhītā suvaṇṇavaṇṇā, taṃ bahū khattiyakumārādayo vārayantā na labhanti. Brāhmaṇo evaṃladdhiko hoti ‘‘samaṇasseva naṃ suvaṇṇavaṇṇassa dassāmī’’ti. So bhagavantaṃ disvā ‘‘ayaṃ me dhītāya samānavaṇṇo, imassa naṃ dassāmī’’ti cittaṃ uppādesi. Tasmā disvāva attamano ahosi. So vegena gharaṃ gantvā brāhmaṇiṃ āha – ‘‘bhoti bhoti mayā dhītāya samānavaṇṇo puriso diṭṭho, alaṅkarohi dārikaṃ, tassa naṃ dassāmā’’ti. Brāhmaṇiyā dārikaṃ gandhodakena nhāpetvā vatthapupphālaṅkārādīhi alaṅkarontiyā eva bhagavato bhikkhācāravelā sampattā. Atha bhagavā kammāsadhammaṃ piṇḍāya pāvisi.
д̇зби ко д̇хийд̇арам̣ г̇ахзд̇ваа бхаг̇авад̇о нисинногаасам̣ аг̇амам̣су. д̇ад̇т̇а бхаг̇аванд̇ам̣ ад̣̇исваа б̣раахман̣ий ид̇о жид̇о жа вилогзнд̇ий бхаг̇авад̇о нисаж̇ж̇адтаанам̣ д̇ин̣асант̇аарагам̣ ад̣̇д̣̇аса. б̣уд̣̇д̇хаанан̃жа ад̇хидтаанаб̣алзна нисинногаасо бад̣̇анигкзбо жа аб̣яаагулаа хонд̇и. саа б̣раахман̣ам̣ ааха – ‘‘зса, б̣раахман̣а, д̇асса д̇ин̣асант̇ааро’’д̇и? ‘‘аама, бход̇ий’’д̇и. ‘‘д̇зна хи, б̣раахман̣а, амхаагам̣ ааг̇аманагаммам̣ на самбаж̇ж̇иссад̇ий’’д̇и. ‘‘гасмаа бход̇ий’’д̇и? ‘‘басса, б̣раахман̣а, аб̣яаагуло д̇ин̣асант̇ааро, нзсо гаамабхог̇ино барибхуд̇д̇о’’д̇и. б̣раахман̣о ‘‘маа, бход̇и ман̇г̇алз бариязсияамаанз аваман̇г̇алам̣ абхан̣ий’’д̇и ааха. бунаби б̣раахман̣ий ид̇о жид̇о жа вижаранд̇ий бхаг̇авад̇о бад̣̇анигкзбам̣ д̣̇исваа б̣раахман̣ам̣ ааха ‘‘аяам̣ д̇асса бад̣̇анигкзбо’’д̇и? ‘‘аама, бход̇ий’’д̇и. ‘‘басса, б̣раахман̣а, бад̣̇анигкзбам̣, нааяам̣ сад̇д̇о гаамзсу г̇ад̇хид̇о’’д̇и. ‘‘гат̇ам̣ д̇вам̣ бход̇и ж̇аанаасий’’д̇и жа вуд̇д̇аа ад̇д̇ано н̃аан̣аб̣алам̣ д̣̇ассзнд̇ий ааха –
Tepi kho dhītaraṃ gahetvā bhagavato nisinnokāsaṃ agamaṃsu. Tattha bhagavantaṃ adisvā brāhmaṇī ito cito ca vilokentī bhagavato nisajjaṭṭhānaṃ tiṇasanthārakaṃ addasa. Buddhānañca adhiṭṭhānabalena nisinnokāso padanikkhepo ca abyākulā honti. Sā brāhmaṇaṃ āha – ‘‘esa, brāhmaṇa, tassa tiṇasanthāro’’ti? ‘‘Āma, bhotī’’ti. ‘‘Tena hi, brāhmaṇa, amhākaṃ āgamanakammaṃ na sampajjissatī’’ti. ‘‘Kasmā bhotī’’ti? ‘‘Passa, brāhmaṇa, abyākulo tiṇasanthāro, neso kāmabhogino paribhutto’’ti. Brāhmaṇo ‘‘mā, bhoti maṅgale pariyesiyamāne avamaṅgalaṃ abhaṇī’’ti āha. Punapi brāhmaṇī ito cito ca vicarantī bhagavato padanikkhepaṃ disvā brāhmaṇaṃ āha ‘‘ayaṃ tassa padanikkhepo’’ti? ‘‘Āma, bhotī’’ti. ‘‘Passa, brāhmaṇa, padanikkhepaṃ, nāyaṃ satto kāmesu gadhito’’ti. ‘‘Kathaṃ tvaṃ bhoti jānāsī’’ti ca vuttā attano ñāṇabalaṃ dassentī āha –
‘‘рад̇д̇асса хи уггудигам̣ бад̣̇ам̣ бхавз,
‘‘Rattassa hi ukkuṭikaṃ padaṃ bhave,
д̣̇удтасса ход̇и анугад̣дхид̇ам̣ бад̣̇ам̣;
Duṭṭhassa hoti anukaḍḍhitaṃ padaṃ;
муул̣хасса ход̇и сахасаанубийл̣ид̇ам̣,
Mūḷhassa hoti sahasānupīḷitaṃ,
виваддажчад̣̇асса ид̣̇амийд̣̇исам̣ бад̣̇а’’нд̇и. (а. ни. адта. 1.1.260-261; д̇ха. ба. адта. 1.2 саамаавад̇ийвад̇т̇у; висуд̣̇д̇хи. 1.45);
Vivaṭṭacchadassa idamīdisaṃ pada’’nti. (a. ni. aṭṭha. 1.1.260-261; dha. pa. aṭṭha. 1.2 sāmāvatīvatthu; visuddhi. 1.45);
аяан̃жарахи д̇зсам̣ гат̇аа виббагад̇аа, ат̇а бхаг̇аваа гад̇абхад̇д̇агижжо д̇амзва ванасан̣д̣ам̣ ааг̇ад̇о. б̣раахман̣ий бхаг̇авад̇о варалагкан̣акажид̇ам̣ б̣яаамаббабхаабаригкид̇д̇ам̣ руубам̣ д̣̇исваа б̣раахман̣ам̣ ааха – ‘‘зса д̇аяаа, б̣раахман̣а, д̣̇идто’’д̇и? ‘‘аама бход̇ий’’д̇и. ‘‘ааг̇ад̇агаммам̣ на самбаж̇ж̇иссад̇зва, зваруубо наама гаамз барибхун̃ж̇иссад̇ийд̇и нзд̇ам̣ таанам̣ виж̇ж̇ад̇ий’’д̇и. д̇зсам̣ звам̣ вад̣̇анд̇аанан̃н̃зва бхаг̇аваа д̇ин̣асант̇аарагз нисийд̣̇и. ат̇а б̣раахман̣о д̇хийд̇арам̣ ваамзна хад̇т̇зна г̇ахзд̇ваа гаман̣д̣алум̣ д̣̇агкин̣зна хад̇т̇зна г̇ахзд̇ваа бхаг̇аванд̇ам̣ убасан̇гамид̇ваа ‘‘бхо, баб̣б̣аж̇ид̇а, д̇ван̃жа суван̣н̣аван̣н̣о аяан̃жа д̣̇ааригаа, анужчавигаа зсаа д̇ава, имаахам̣ бход̇о бхарияам̣ босааванад̇т̇ааяа д̣̇аммий’’д̇и вад̇ваа бхаг̇авад̇о санд̇игам̣ г̇анд̇ваа д̣̇аад̇угаамо адтааси. бхаг̇аваа б̣раахман̣ам̣ анаалабид̇ваа ан̃н̃зна сад̣̇д̇хим̣ саллабамаано вияа ‘‘д̣̇исваана д̇ан̣ха’’нд̇и имам̣ г̇аат̇ам̣ абхааси.
Ayañcarahi tesaṃ kathā vippakatā, atha bhagavā katabhattakicco tameva vanasaṇḍaṃ āgato. Brāhmaṇī bhagavato varalakkhaṇakhacitaṃ byāmappabhāparikkhittaṃ rūpaṃ disvā brāhmaṇaṃ āha – ‘‘esa tayā, brāhmaṇa, diṭṭho’’ti? ‘‘Āma bhotī’’ti. ‘‘Āgatakammaṃ na sampajjissateva, evarūpo nāma kāme paribhuñjissatīti netaṃ ṭhānaṃ vijjatī’’ti. Tesaṃ evaṃ vadantānaññeva bhagavā tiṇasanthārake nisīdi. Atha brāhmaṇo dhītaraṃ vāmena hatthena gahetvā kamaṇḍaluṃ dakkhiṇena hatthena gahetvā bhagavantaṃ upasaṅkamitvā ‘‘bho, pabbajita, tvañca suvaṇṇavaṇṇo ayañca dārikā, anucchavikā esā tava, imāhaṃ bhoto bhariyaṃ posāvanatthāya dammī’’ti vatvā bhagavato santikaṃ gantvā dātukāmo aṭṭhāsi. Bhagavā brāhmaṇaṃ anālapitvā aññena saddhiṃ sallapamāno viya ‘‘disvāna taṇha’’nti imaṃ gāthaṃ abhāsi.
д̇ассад̇т̇о – аж̇абааланиг̇род̇хамуулз наанааруубаани нимминид̇ваа абхигаамамааг̇ад̇ам̣ маарад̇хийд̇арам̣ д̣̇исваана д̇ан̣хам̣ арад̇им̣ раг̇ан̃жа чанд̣̇амад̇д̇амби мз мзт̇унасмим̣ наахоси, гимзвид̣̇ам̣ имиссаа д̣̇ааригааяа муд̇д̇агарийсабун̣н̣ам̣ руубам̣ д̣̇исваа бхависсад̇и саб̣б̣ат̇аа баад̣̇ааби нам̣ сампусид̇ум̣ на ижчз, гуд̇онзна сам̣васид̇унд̇и.
Tassattho – ajapālanigrodhamūle nānārūpāni nimminitvā abhikāmamāgataṃ māradhītaraṃ disvāna taṇhaṃ aratiṃ ragañca chandamattampi me methunasmiṃ nāhosi, kimevidaṃ imissā dārikāya muttakarīsapuṇṇaṃ rūpaṃ disvā bhavissati sabbathā pādāpi naṃ samphusituṃ na icche, kutonena saṃvasitunti.
843. д̇ад̇о мааг̇ан̣д̣ияо ‘‘баб̣б̣аж̇ид̇аа наама маанусагз гаамз бахааяа д̣̇иб̣б̣агаамад̇т̇ааяа баб̣б̣аж̇анд̇и, аяан̃жа д̣̇иб̣б̣зби гаамз на ижчад̇и, ид̣̇амби ид̇т̇ирад̇анам̣, гаа ну асса д̣̇идтий’’д̇и бужчид̇ум̣ д̣̇уд̇ияам̣ г̇аат̇амааха. д̇ад̇т̇а зд̇аад̣̇исам̣ жз рад̇ананд̇и д̣̇иб̣б̣ид̇т̇ирад̇анам̣ санд̇хааяа бхан̣ад̇и, нааринд̇и ад̇д̇ано д̇хийд̇арам̣ санд̇хааяа. д̣̇идтиг̇ад̇ам̣ сийлавад̇ам̣ ну ж̇ийвид̇анд̇и д̣̇идтин̃жа сийлан̃жа вад̇ан̃жа ж̇ийвид̇ан̃жа. бхавуубабад̇д̇ин̃жа вад̣̇зси гийд̣̇исанд̇и ад̇д̇ано бхавуубабад̇д̇ин̃жа гийд̣̇исам̣ вад̣̇асийд̇и.
843. Tato māgaṇḍiyo ‘‘pabbajitā nāma mānusake kāme pahāya dibbakāmatthāya pabbajanti, ayañca dibbepi kāme na icchati, idampi itthiratanaṃ, kā nu assa diṭṭhī’’ti pucchituṃ dutiyaṃ gāthamāha. Tattha etādisaṃ ce ratananti dibbitthiratanaṃ sandhāya bhaṇati, nārinti attano dhītaraṃ sandhāya. Diṭṭhigataṃ sīlavataṃ nu jīvitanti diṭṭhiñca sīlañca vatañca jīvitañca. Bhavūpapattiñca vadesi kīdisanti attano bhavūpapattiñca kīdisaṃ vadasīti.
844. ид̇о бараа д̣̇вз г̇аат̇аа висаж̇ж̇анабужчаанаязна бавад̇д̇ад̇д̇аа баагадасамб̣анд̇хааязва. д̇аасу батамаг̇аат̇ааяа сан̇кзбад̇т̇о – д̇асса маяхам̣, мааг̇ан̣д̣ияа, д̣̇ваасадтид̣̇идтиг̇ад̇ад̇хаммзсу нижчинид̇ваа ‘‘ид̣̇амзва сажжам̣, могхаман̃н̃а’’нд̇и звам̣ ид̣̇ам̣ вад̣̇аамийд̇и самуг̇г̇ахид̇ам̣ на ход̇и над̇т̇и на виж̇ж̇ад̇и. гим̣гааран̣аа ? ахан̃хи бассанд̇о д̣̇идтийсу аад̣̇ийнавам̣ ган̃жи д̣̇идтим̣ аг̇г̇ахзд̇ваа сажжаани бавижинанд̇о аж̇жхад̇д̇ам̣ рааг̇аад̣̇ийнам̣ санд̇ибхаавзна аж̇жхад̇д̇асанд̇исан̇каад̇ам̣ ниб̣б̣аанамзва ад̣̇д̣̇асанд̇и.
844. Ito parā dve gāthā visajjanapucchānayena pavattattā pākaṭasambandhāyeva. Tāsu paṭhamagāthāya saṅkhepattho – tassa mayhaṃ, māgaṇḍiya, dvāsaṭṭhidiṭṭhigatadhammesu nicchinitvā ‘‘idameva saccaṃ, moghamañña’’nti evaṃ idaṃ vadāmīti samuggahitaṃ na hoti natthi na vijjati. Kiṃkāraṇā ? Ahañhi passanto diṭṭhīsu ādīnavaṃ kañci diṭṭhiṃ aggahetvā saccāni pavicinanto ajjhattaṃ rāgādīnaṃ santibhāvena ajjhattasantisaṅkhātaṃ nibbānameva addasanti.
845. д̣̇уд̇ияаг̇аат̇ааяа сан̇кзбад̇т̇о – яаанимаани д̣̇идтиг̇ад̇аани д̇зхи д̇зхи сад̇д̇зхи винижчинид̇ваа г̇ахид̇ад̇д̇аа винижчаяаад̇и жа ад̇д̇ано бажжаязхи абхисан̇кад̇абхааваад̣̇инаа наязна багаббид̇аани жаад̇и вужжанд̇и. д̇з д̇вам̣ муни д̣̇идтиг̇ад̇ад̇хаммз аг̇г̇ахзд̇ваа аж̇жхад̇д̇асанд̇ийд̇и яамзд̇амад̇т̇ам̣ б̣рууси, аажигка мз, гат̇ам̣ ну д̇хийрзхи бавзд̣̇ид̇ам̣ гат̇ам̣ багаасид̇ам̣ д̇хийрзхи д̇ам̣ бад̣̇анд̇и.
845. Dutiyagāthāya saṅkhepattho – yānimāni diṭṭhigatāni tehi tehi sattehi vinicchinitvā gahitattā vinicchayāti ca attano paccayehi abhisaṅkhatabhāvādinā nayena pakappitāni cāti vuccanti. Te tvaṃ muni diṭṭhigatadhamme aggahetvā ajjhattasantīti yametamatthaṃ brūsi, ācikkha me, kathaṃ nu dhīrehi paveditaṃ kathaṃ pakāsitaṃ dhīrehi taṃ padanti.
846. ат̇асса бхаг̇аваа яат̇аа язна убааязна д̇ам̣ бад̣̇ам̣ д̇хийрзхи багаасид̇ам̣, д̇ам̣ убааяам̣ сабадибагкам̣ д̣̇ассзнд̇о ‘‘на д̣̇идтияаа’’д̇и г̇аат̇амааха. д̇ад̇т̇а ‘‘на д̣̇идтияаа’’д̇иаад̣̇ийхи д̣̇идтисуд̇иадтасамаабад̇д̇ин̃аан̣аб̣аахирасийлаб̣б̣ад̇аани бадигкибад̇и. ‘‘суд̣̇д̇химаахаа’’д̇и зд̇т̇а вуд̇д̇ам̣ ааха-сад̣̇д̣̇ам̣ саб̣б̣ад̇т̇а нагаарзна сад̣̇д̇хим̣ яож̇зд̇ваа бурисаб̣яад̇д̇аяам̣ гад̇ваа ‘‘д̣̇идтияаа суд̣̇д̇хим̣ наахам̣ гат̇змий’’д̇и звамад̇т̇о взд̣̇ид̇аб̣б̣о. яат̇аа жзд̇т̇а, звам̣ уд̇д̇арабад̣̇зсуби. д̇ад̇т̇а жа ад̣̇идтияаа наахаад̇и д̣̇асавад̇т̇угам̣ саммаад̣̇идтим̣ винаа на гат̇зми. д̇ат̇аа ассуд̇ияаад̇и наван̇г̇ам̣ саванам̣ винаа. ан̃аан̣аад̇и гаммасса гад̇асажжаануломиган̃аан̣ам̣ винаа. асийлад̇аад̇и баад̇имогкасам̣варам̣ винаа. аб̣б̣ад̇аад̇и д̇худ̇ан̇г̇авад̇ам̣ винаа. ноби д̇знаад̇и д̇зсу згамзгзна д̣̇идтиаад̣̇имад̇д̇знааби но гат̇змийд̇и звамад̇т̇о взд̣̇ид̇аб̣б̣о. зд̇з жа ниссаж̇ж̇а ануг̇г̇ахааяаад̇и зд̇з жа буримз д̣̇идтиаад̣̇ибхзд̣̇з ган̣хабагкияз д̇хаммз самуг̇гхаад̇агаран̣зна ниссаж̇ж̇а, бажчимз ад̣̇идтиаад̣̇ибхзд̣̇з суггабагкияз ад̇аммаяад̇аабаж̇ж̇анзна ануг̇г̇ахааяа. санд̇о аниссааяа бхавам̣ на ж̇аббзд̇и имааяа бадибад̇д̇ияаа рааг̇аад̣̇ивуубасамзна санд̇о жагкаад̣̇ийсу ган̃жи д̇хаммам̣ аниссааяа згамби бхавам̣ абихзд̇ум̣ абад̇т̇зд̇ум̣ самад̇т̇о сияаа, аяамасса аж̇жхад̇д̇асанд̇ийд̇и ад̇хиббааяо.
846. Athassa bhagavā yathā yena upāyena taṃ padaṃ dhīrehi pakāsitaṃ, taṃ upāyaṃ sapaṭipakkhaṃ dassento ‘‘na diṭṭhiyā’’ti gāthamāha. Tattha ‘‘na diṭṭhiyā’’tiādīhi diṭṭhisutiaṭṭhasamāpattiñāṇabāhirasīlabbatāni paṭikkhipati. ‘‘Suddhimāhā’’ti ettha vuttaṃ āha-saddaṃ sabbattha nakārena saddhiṃ yojetvā purisabyattayaṃ katvā ‘‘diṭṭhiyā suddhiṃ nāhaṃ kathemī’’ti evamattho veditabbo. Yathā cettha, evaṃ uttarapadesupi. Tattha ca adiṭṭhiyā nāhāti dasavatthukaṃ sammādiṭṭhiṃ vinā na kathemi. Tathā assutiyāti navaṅgaṃ savanaṃ vinā. Añāṇāti kammassa katasaccānulomikañāṇaṃ vinā. Asīlatāti pātimokkhasaṃvaraṃ vinā. Abbatāti dhutaṅgavataṃ vinā. Nopi tenāti tesu ekamekena diṭṭhiādimattenāpi no kathemīti evamattho veditabbo. Ete ca nissajja anuggahāyāti ete ca purime diṭṭhiādibhede kaṇhapakkhiye dhamme samugghātakaraṇena nissajja, pacchime adiṭṭhiādibhede sukkapakkhiye atammayatāpajjanena anuggahāya. Santo anissāya bhavaṃ najappeti imāya paṭipattiyā rāgādivūpasamena santo cakkhādīsu kañci dhammaṃ anissāya ekampi bhavaṃ apihetuṃ apatthetuṃ samattho siyā, ayamassa ajjhattasantīti adhippāyo.
847. звам̣ вуд̇д̇з важанад̇т̇ам̣ асаллагкзнд̇о мааг̇ан̣д̣ияо ‘‘но жз гираа’’д̇и г̇аат̇амааха. д̇ад̇т̇а д̣̇идтаад̣̇ийни вуд̇д̇анаяаанзва. ган̣хабагкияааниязва бана санд̇хааяа убхаяад̇рааби ааха. ааха-сад̣̇д̣̇ам̣ бана ножзгира-сад̣̇д̣̇зна яож̇зд̇ваа ‘‘но жз гирааха но жз гира гат̇зсий’’д̇и звам̣ ад̇т̇о д̣̇адтаб̣б̣о. момуханд̇и ад̇имуул̣хам̣, моханам̣ ваа. бажжзнд̇ийд̇и ж̇аананд̇и.
847. Evaṃ vutte vacanatthaṃ asallakkhento māgaṇḍiyo ‘‘no ce kirā’’ti gāthamāha. Tattha diṭṭhādīni vuttanayāneva. Kaṇhapakkhiyāniyeva pana sandhāya ubhayatrāpi āha. Āha-saddaṃ pana nocekira-saddena yojetvā ‘‘no ce kirāha no ce kira kathesī’’ti evaṃ attho daṭṭhabbo. Momuhanti atimūḷhaṃ, mohanaṃ vā. Paccentīti jānanti.
848. ат̇асса бхаг̇аваа д̇ам̣ д̣̇идтим̣ ниссааяа бужчам̣ бадигкибанд̇о ‘‘д̣̇идтин̃жа ниссааяаа’’д̇и г̇аат̇амааха. д̇ассад̇т̇о – д̇вам̣, мааг̇ан̣д̣ияа, д̣̇идтим̣ ниссааяа бунаббунам̣ бужчамаано яаани д̇з д̣̇идтиг̇ад̇аани самуг̇г̇ахид̇аани, д̇зсвзва самуг̇г̇ахийд̇зсу звам̣ бамохам̣ ааг̇ад̇о, ид̇о жа маяаа вуд̇д̇ааж̇жхад̇д̇асанд̇ид̇о бадибад̇д̇ид̇о д̇хаммад̣̇зсанад̇о ваа ан̣умби яуд̇д̇асан̃н̃ам̣ на бассаси, д̇зна гааран̣зна д̇вам̣ имам̣ д̇хаммам̣ момухад̇о бассасийд̇и.
848. Athassa bhagavā taṃ diṭṭhiṃ nissāya pucchaṃ paṭikkhipanto ‘‘diṭṭhiñca nissāyā’’ti gāthamāha. Tassattho – tvaṃ, māgaṇḍiya, diṭṭhiṃ nissāya punappunaṃ pucchamāno yāni te diṭṭhigatāni samuggahitāni, tesveva samuggahītesu evaṃ pamohaṃ āgato, ito ca mayā vuttaajjhattasantito paṭipattito dhammadesanato vā aṇumpi yuttasaññaṃ na passasi, tena kāraṇena tvaṃ imaṃ dhammaṃ momuhato passasīti.
849. звам̣ самуг̇г̇ахид̇зсу бамохзна мааг̇ан̣д̣ияасса виваад̣̇аабад̇д̇им̣ д̣̇ассзд̇ваа ид̣̇аани д̇зсу ан̃н̃зсу жа д̇хаммзсу виг̇ад̇аббамохасса ад̇д̇ано ниб̣б̣иваад̣̇ад̇ам̣ д̣̇ассзнд̇о ‘‘само висзсий’’д̇и г̇аат̇амааха. д̇ассад̇т̇о – яо звам̣ д̇ивид̇хамаанзна ваа д̣̇идтияаа ваа ман̃н̃ад̇и, со д̇зна маанзна д̇ааяа д̣̇идтияаа д̇зна ваа буг̇г̇алзна вивад̣̇зяяа. яо бана амхаад̣̇исо имаасу д̇ийсу вид̇хаасу авигамбамаано, само висзсийд̇и на д̇асса ход̇и, на жа хийнод̇и баатасзсо.
849. Evaṃ samuggahitesu pamohena māgaṇḍiyassa vivādāpattiṃ dassetvā idāni tesu aññesu ca dhammesu vigatappamohassa attano nibbivādataṃ dassento ‘‘samo visesī’’ti gāthamāha. Tassattho – yo evaṃ tividhamānena vā diṭṭhiyā vā maññati, so tena mānena tāya diṭṭhiyā tena vā puggalena vivadeyya. Yo pana amhādiso imāsu tīsu vidhāsu avikampamāno, samo visesīti na tassa hoti, na ca hīnoti pāṭhaseso.
850. гин̃жа бхияяо – сажжанд̇и сод̇и г̇аат̇аа. д̇ассад̇т̇о – со зваруубо бахийнамаанад̣̇идтиго маад̣̇исо б̣аахид̇абаабад̇д̇аад̣̇инаа наязна б̣раахман̣о ‘‘ид̣̇амзва сажжа’’нд̇и гим̣ вад̣̇зяяа гим̣ вад̇т̇ум̣ бхан̣зяяа, гзна ваа гааран̣зна бхан̣зяяа, ‘‘маяхам̣ сажжам̣, д̇уяхам̣ мусаа’’д̇и ваа гзна маанзна д̣̇идтияаа буг̇г̇алзна ваа вивад̣̇зяяа? яасмим̣ маад̣̇исз кийн̣аасавз ‘‘сад̣̇исохамасмий’’д̇и бавад̇д̇ияаа самам̣ ваа, ид̇арад̣̇ваяабхаавзна бавад̇д̇ияаа висамам̣ ваа ман̃н̃ид̇ам̣ над̇т̇и, со самаанаад̣̇ийсу гзна ваад̣̇ам̣ бадисам̣яуж̇зяяа бадибпарзяяаад̇и. нану згам̣сзнзва зваруубо буг̇г̇ало – огам̣ бахааяаад̇и г̇аат̇аа?
850. Kiñca bhiyyo – saccanti soti gāthā. Tassattho – so evarūpo pahīnamānadiṭṭhiko mādiso bāhitapāpattādinā nayena brāhmaṇo ‘‘idameva sacca’’nti kiṃ vadeyya kiṃ vatthuṃ bhaṇeyya, kena vā kāraṇena bhaṇeyya, ‘‘mayhaṃ saccaṃ, tuyhaṃ musā’’ti vā kena mānena diṭṭhiyā puggalena vā vivadeyya? Yasmiṃ mādise khīṇāsave ‘‘sadisohamasmī’’ti pavattiyā samaṃ vā, itaradvayabhāvena pavattiyā visamaṃ vā maññitaṃ natthi, so samānādīsu kena vādaṃ paṭisaṃyujeyya paṭipphareyyāti. Nanu ekaṃseneva evarūpo puggalo – okaṃ pahāyāti gāthā?
851. д̇ад̇т̇а огам̣ бахааяаад̇и руубавад̇т̇аад̣̇ивин̃н̃аан̣асса огаасам̣ д̇ад̇ра чанд̣̇арааг̇аббахаанзна чад̣д̣зд̇ваа. анигзд̇асаарийд̇и руубанимид̇д̇анигзд̇аад̣̇ийни д̇ан̣хаавасзна асаранд̇о. г̇аамз агуб̣б̣ам̣ муни сант̇аваанийд̇и г̇аамз г̇ихисант̇аваани агаронд̇о. гаамзхи рид̇д̇од̇и гаамзсу чанд̣̇арааг̇аабхаавзна саб̣б̣агаамзхи бут̇убхууд̇о. абурзгкараанод̇и ааяад̇им̣ ад̇д̇абхаавам̣ анабхиниб̣б̣ад̇д̇знд̇о. гат̇ам̣ на виг̇г̇аяха ж̇анзна гаяираад̇и ж̇анзна сад̣̇д̇хим̣ виг̇г̇аахигагат̇ам̣ на гат̇зяяа. со зваруубо – язхи вивид̇д̇од̇и г̇аат̇аа.
851. Tattha okaṃ pahāyāti rūpavatthādiviññāṇassa okāsaṃ tatra chandarāgappahānena chaḍḍetvā. Aniketasārīti rūpanimittaniketādīni taṇhāvasena asaranto. Gāme akubbaṃ muni santhavānīti gāme gihisanthavāni akaronto. Kāmehi rittoti kāmesu chandarāgābhāvena sabbakāmehi puthubhūto. Apurekkharānoti āyatiṃ attabhāvaṃ anabhinibbattento. Kathaṃ na viggayha janena kayirāti janena saddhiṃ viggāhikakathaṃ na katheyya. So evarūpo – yehi vivittoti gāthā.
852. д̇ад̇т̇а язхийд̇и язхи д̣̇идтиг̇ад̇зхи. вивид̇д̇о вижарзяяаад̇и рид̇д̇о жарзяяа. на д̇аани уг̇г̇аяха вад̣̇зяяа нааг̇од̇и ‘‘ааг̇ум̣ на гарод̇ий’’д̇иаад̣̇инаа (жуул̣ани. бхад̣̇раавуд̇хамаан̣авабужчаанид̣̇д̣̇зса 70; баарааяанаануг̇ийд̇иг̇аат̇аанид̣̇д̣̇зса 102) наязна нааг̇о д̇аани д̣̇идтиг̇ад̇аани уг̇г̇ахзд̇ваа на вад̣̇зяяа. ж̇аламб̣уж̇анд̇и ж̇аласан̃н̃ид̇з амб̣умхи ж̇аад̇ам̣ ган̣даганаал̣ам̣ ваариж̇ам̣, бад̣̇уманд̇и вуд̇д̇ам̣ ход̇и. яат̇аа ж̇алзна бан̇гзна жа нуубалид̇д̇анд̇и д̇ам̣ бад̣̇умам̣ яат̇аа ж̇алзна жа бан̇гзна жа анубалид̇д̇ам̣ ход̇и, звам̣ муни санд̇иваад̣̇о аг̇ид̣̇д̇ход̇и звам̣ аж̇жхад̇д̇асанд̇иваад̣̇о муни г̇зд̇хаабхаавзна аг̇ид̣̇д̇хо. гаамз жа логз жа ануубалид̇д̇од̇и д̣̇увид̇хзби гаамз абааяаад̣̇игз жа логз д̣̇вийхиби лзбзхи анубалид̇д̇о ход̇и.
852. Tattha yehīti yehi diṭṭhigatehi. Vivitto vicareyyāti ritto careyya. Na tāni uggayha vadeyya nāgoti ‘‘āguṃ na karotī’’tiādinā (cūḷani. bhadrāvudhamāṇavapucchāniddesa 70; pārāyanānugītigāthāniddesa 102) nayena nāgo tāni diṭṭhigatāni uggahetvā na vadeyya. Jalambujanti jalasaññite ambumhi jātaṃ kaṇṭakanāḷaṃ vārijaṃ, padumanti vuttaṃ hoti. Yathā jalena paṅkena ca nūpalittanti taṃ padumaṃ yathā jalena ca paṅkena ca anupalittaṃ hoti, evaṃ muni santivādo agiddhoti evaṃ ajjhattasantivādo muni gedhābhāvena agiddho. Kāmeca loke caanūpalittoti duvidhepi kāme apāyādike ca loke dvīhipi lepehi anupalitto hoti.
853. гин̃жа бхияяо – на взд̣̇аг̇ууд̇и г̇аат̇аа. д̇ад̇т̇а на взд̣̇аг̇уу д̣̇идтияааяагод̇и жад̇умаг̇г̇авзд̣̇аг̇уу маад̣̇исо д̣̇идтияааяаго на ход̇и, д̣̇идтияаа г̇ажчанд̇о ваа, д̇ам̣ саарад̇о бажжзнд̇о ваа на ход̇и. д̇ад̇т̇а важанад̇т̇о – яааяад̇ийд̇и яааяаго, гаран̣аважанзна д̣̇идтияаа яаад̇ийд̇и д̣̇идтияааяаго. убаяог̇ад̇т̇з саамиважанзна д̣̇идтияаа яаад̇ийд̇иби д̣̇идтияааяаго. на муд̇ияаа са маанамзд̇ийд̇и муд̇аруубаад̣̇ибхзд̣̇ааяа муд̇ияааби со маанам̣ на зд̇и. на хи д̇аммаяо сод̇и д̇ан̣хаад̣̇идтивасзна д̇аммаяо ход̇и д̇аббарааяан̣о, аяам̣ бана на д̇аад̣̇исо. на гаммунаа ноби суд̇зна нзяяод̇и бун̃н̃аабхисан̇каараад̣̇инаа гаммунаа ваа суд̇асуд̣̇д̇хиаад̣̇инаа суд̇зна ваа со нзд̇аб̣б̣о на ход̇и. ануубанийд̇о са нивзсанзсууд̇и со д̣̇виннамби убаяаанам̣ бахийнад̇д̇аа саб̣б̣зсу д̇ан̣хаад̣̇идтинивзсанзсу ануубанийд̇о. д̇асса жа звам̣вид̇хасса – сан̃н̃аавирад̇д̇ассаад̇и г̇аат̇аа.
853. Kiñca bhiyyo – na vedagūti gāthā. Tattha na vedagū diṭṭhiyāyakoti catumaggavedagū mādiso diṭṭhiyāyako na hoti, diṭṭhiyā gacchanto vā, taṃ sārato paccento vā na hoti. Tattha vacanattho – yāyatīti yāyako, karaṇavacanena diṭṭhiyā yātīti diṭṭhiyāyako. Upayogatthe sāmivacanena diṭṭhiyā yātītipi diṭṭhiyāyako. Na mutiyā sa mānametīti mutarūpādibhedāya mutiyāpi so mānaṃ na eti. Na hi tammayo soti taṇhādiṭṭhivasena tammayo hoti tapparāyaṇo, ayaṃ pana na tādiso. Na kammunā nopi sutena neyyoti puññābhisaṅkhārādinā kammunā vā sutasuddhiādinā sutena vā so netabbo na hoti. Anūpanīto sa nivesanesūti so dvinnampi upayānaṃ pahīnattā sabbesu taṇhādiṭṭhinivesanesu anūpanīto. Tassa ca evaṃvidhassa – saññāvirattassāti gāthā.
854. д̇ад̇т̇а сан̃н̃аавирад̇д̇ассаад̇и нзгкаммасан̃н̃аабуб̣б̣ан̇г̇амааяа бхааванааяа бахийнагаамаад̣̇исан̃н̃асса. иминаа бад̣̇зна убхад̇обхааг̇авимуд̇д̇о самат̇аяааниго ад̇хиббзд̇о. бан̃н̃аавимуд̇д̇ассаад̇и вибассанаабуб̣б̣ан̇г̇амааяа бхааванааяа саб̣б̣агилзсзхи вимуд̇д̇асса. иминаа сугкавибассаго ад̇хиббзд̇о. сан̃н̃ан̃жа д̣̇идтин̃жа яз аг̇г̇ахзсум̣, д̇з гхаддаяанд̇аа вижаранд̇и логзд̇и яз гаамасан̃н̃аад̣̇игам̣ сан̃н̃ам̣ аг̇г̇ахзсум̣, д̇з висзсад̇о г̇ахадтаа гаамаад̇хигаран̣ам̣, яз жа д̣̇идтим̣ аг̇г̇ахзсум̣, д̇з висзсад̇о баб̣б̣аж̇ид̇аа д̇хаммаад̇хигаран̣ам̣ ан̃н̃аман̃н̃ам̣ гхаддзнд̇аа вижаранд̇ийд̇и. сзсамзд̇т̇а яам̣ авуд̇д̇ам̣, д̇ам̣ вуд̇д̇аанусаарзнзва взд̣̇ид̇аб̣б̣ам̣. д̣̇зсанаабарияосаанз б̣раахман̣о жа б̣раахман̣ий жа баб̣б̣аж̇ид̇ваа арахад̇д̇ам̣ баабун̣им̣сууд̇и.
854. Tattha saññāvirattassāti nekkhammasaññāpubbaṅgamāya bhāvanāya pahīnakāmādisaññassa. Iminā padena ubhatobhāgavimutto samathayāniko adhippeto. Paññāvimuttassāti vipassanāpubbaṅgamāya bhāvanāya sabbakilesehi vimuttassa. Iminā sukkhavipassako adhippeto. Saññañca diṭṭhiñca ye aggahesuṃ, te ghaṭṭayantā vicaranti loketi ye kāmasaññādikaṃ saññaṃ aggahesuṃ, te visesato gahaṭṭhā kāmādhikaraṇaṃ, ye ca diṭṭhiṃ aggahesuṃ, te visesato pabbajitā dhammādhikaraṇaṃ aññamaññaṃ ghaṭṭentā vicarantīti. Sesamettha yaṃ avuttaṃ, taṃ vuttānusāreneva veditabbaṃ. Desanāpariyosāne brāhmaṇo ca brāhmaṇī ca pabbajitvā arahattaṃ pāpuṇiṃsūti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа мааг̇ан̣д̣ияасуд̇д̇аван̣н̣анаа нидтид̇аа.
Suttanipāta-aṭṭhakathāya māgaṇḍiyasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 9. мааг̇ан̣д̣ияасуд̇д̇ам̣ • 9. Māgaṇḍiyasuttaṃ
