| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੫. ਮਾਗਣ੍ਡਿਯਸੁਤ੍ਤવਣ੍ਣਨਾ
5. Māgaṇḍiyasuttavaṇṇanā
੨੦੭. ਦ੍વੇ ਮਾਗਣ੍ਡਿਯਾਤਿ ਦ੍વੇ ਮਾਗਣ੍ਡਿਯਨਾਮਕਾ। ਦੇવਗਬ੍ਭਸਦਿਸਨ੍ਤਿ ਦੇવਾਨਂ વਸਨਓવਰਕਸਦਿਸਂ। ਏਤਂ વੁਤ੍ਤਨ੍ਤਿ ‘‘ਭਾਰਦ੍વਾਜਗੋਤ੍ਤਸ੍ਸ ਬ੍ਰਾਹ੍ਮਣਸ੍ਸ ਅਗ੍ਯਾਗਾਰੇ ਤਿਣਸਨ੍ਥਾਰਕੇ’’ਤਿ ਏਤਂ વੁਤ੍ਤਂ। ਨ ਕੇવਲਂ ਤਂ ਦਿવਸਮੇવਾਤਿ ਯਂ ਦਿવਸਂ ਮਾਗਣ੍ਡਿਯੋ ਪਰਿਬ੍ਬਾਜਕੋ ਤਿਣਸਨ੍ਥਾਰਕਂ ਪਞ੍ਞਤ੍ਤਂ, ਨ ਕੇવਲਂ ਤਂ ਦਿવਸਮੇવ ਭਗવਾ ਯੇਨਞ੍ਞਤਰੋ વਨਸਣ੍ਡੋ, ਤੇਨੁਪਸਙ੍ਕਮੀਤਿ ਯੋਜਨਾ। ਗਾਮੂਪਚਾਰੇਤਿ ਗਾਮਸਮੀਪੇ। ਸਞ੍ਞਾਣਂ ਕਤ੍વਾਤਿ ਸਞ੍ਞਾਣਂ ਕਤ੍વਾ વਿਯ। ਨ ਹਿ ਭਗવਤੋ ਤਸ੍ਸ ਸਞ੍ਞਾਣਕਰਣੇ ਪਯੋਜਨਂ ਅਤ੍ਥਿ।
207.Dvemāgaṇḍiyāti dve māgaṇḍiyanāmakā. Devagabbhasadisanti devānaṃ vasanaovarakasadisaṃ. Etaṃ vuttanti ‘‘bhāradvājagottassa brāhmaṇassa agyāgāre tiṇasanthārake’’ti etaṃ vuttaṃ. Na kevalaṃ taṃ divasamevāti yaṃ divasaṃ māgaṇḍiyo paribbājako tiṇasanthārakaṃ paññattaṃ, na kevalaṃ taṃ divasameva bhagavā yenaññataro vanasaṇḍo, tenupasaṅkamīti yojanā. Gāmūpacāreti gāmasamīpe. Saññāṇaṃ katvāti saññāṇaṃ katvā viya. Na hi bhagavato tassa saññāṇakaraṇe payojanaṃ atthi.
ਸਮਣਸੇਯ੍ਯਾਨੁਰੂਪਨ੍ਤਿ ਸਮਣਸ੍ਸ ਅਨੁਚ੍ਛવਿਕਾ ਸੇਯ੍ਯਾ। ਪਾਸਂਸਤ੍ਥੋ ਹਿ ਅਯਂ ਰੂਪ-ਸਦ੍ਦੋ। ਤੇਨਾਹ ‘‘ਇਮਂ ਤਿਣਸਨ੍ਥਾਰਕ’’ਨ੍ਤਿਆਦਿ। ਅਨਾਕਿਣ੍ਣੋਤਿ વਿਲੁਲ਼ਿਤੋ ਅਘਟ੍ਟਿਤੋ। ਹਤ੍ਥਪਾਦਸੀਸੇਹਿ ਤਤ੍ਥ ਤਤ੍ਥ ਪਹਟੇਨ ਨ ਚਲਿਤੋ ਅਭਿਨ੍ਨੋ, ਅਚਲਿਤਤ੍ਤਾ ਏવ ਅਭਿਨ੍ਨਂ ਅਤ੍ਥਰਣਂ। ਪਰਿਚ੍ਛਿਨ੍ਦਿਤ੍વਾ ਪਞ੍ਞਤ੍ਤੋ વਿਯਾਤਿ ਅਯਂ ਛੇਕੇਨ ਚਿਤ੍ਤਕਾਰੇਨ ਚਿਨ੍ਤੇਤ੍વਾ ਤੁਲਿਕਾਯ ਪਰਿਚ੍ਛਿਨ੍ਨਲੇਖਾਯ ਪਰਿਚ੍ਛਿਨ੍ਦਿਤ੍વਾ ਲਿਖਿਤਾ ਚਿਤ੍ਤਕਤਸੇਯ੍ਯਾ વਿਯ। ਭੂਨਂ વੁਚ੍ਚਤਿ વਡ੍ਢਿਤਂ, ਤਂ ਹਨ੍ਤੀਤਿ ਭੂਨਹੁਨੋ। ਤੇਨਾਹ ‘‘ਹਤવਡ੍ਢਿਨੋ’’ਤਿ। ਤਂ ਪਨਾਯਂ ਚਕ੍ਖਾਦੀਸੁ ਸਂવਰવਿਧਾਨਂ વਡ੍ਢਿਹਨਨਂ ਮਞ੍ਞਤਿ। ਤੇਨਾਹ ‘‘ਮਰਿਯਾਦਕਾਰਕਸ੍ਸਾ’’ਤਿ। ਬ੍ਰੂਹੇਤਬ੍ਬਨ੍ਤਿ ਉਲ਼ਾਰવਿਸਯੂਪਹਾਰੇਨ વਡ੍ਢੇਤਬ੍ਬਂ ਪੀਣੇਤਬ੍ਬਂ। ਤਂ ਪਨ ਅਨਨੁਭੂਤਾਨੁਭવਨੇਨ ਹੋਤੀਤਿ ਆਹ ‘‘ਅਦਿਟ੍ਠਂ ਦਕ੍ਖਿਤਬ੍ਬ’’ਨ੍ਤਿ। ਅਨੁਭੂਤਂ ਪਨ ਅਪਣੀਤਂ ਹੋਤੀਤਿ વੁਤ੍ਤਂ ‘‘ਦਿਟ੍ਠਂ ਸਮਤਿਕ੍ਕਮਿਤਬ੍ਬ’’ਨ੍ਤਿ। ਸੇਸવਾਰੇਸੁਪਿ ਏਸੇવ ਨਯੋ। ਪਰਮਦਿਟ੍ਠਧਮ੍ਮਨਿਬ੍ਬਾਨવਾਦੀ ਕਿਰੇਸ ਪਰਿਬ੍ਬਾਜਕੋ, ਤਸ੍ਮਾ ਏવਂ ਛਸੁ ਦ੍વਾਰੇਸੁ વਡ੍ਢਿਂ ਪਞ੍ਞਪੇਤਿ। ਯਸ੍ਮਾ ਯਂ ਛਨ੍ਨਮ੍ਪਿ ਚਕ੍ਖਾਦੀਨਂ ਯਥਾਸਕਂ વਿਸਯਗ੍ਗਹਣਂ ਪਟਿਕ੍ਖਿਪਨ੍ਤੋ ਲੋਕਸ੍ਸ ਅવਡ੍ਢਿਤਂ વਿਨਾਸਮੇવ ਪਞ੍ਞਪੇਤਿ, ਤਸ੍ਮਾ ਸੋ ਸਯਮ੍ਪਿ વਡ੍ਢਿਹਤੋ ਹਤવਡ੍ਢਿਤੋ।
Samaṇaseyyānurūpanti samaṇassa anucchavikā seyyā. Pāsaṃsattho hi ayaṃ rūpa-saddo. Tenāha ‘‘imaṃ tiṇasanthāraka’’ntiādi. Anākiṇṇoti viluḷito aghaṭṭito. Hatthapādasīsehi tattha tattha pahaṭena na calito abhinno, acalitattā eva abhinnaṃ attharaṇaṃ. Paricchinditvā paññatto viyāti ayaṃ chekena cittakārena cintetvā tulikāya paricchinnalekhāya paricchinditvā likhitā cittakataseyyā viya. Bhūnaṃ vuccati vaḍḍhitaṃ, taṃ hantīti bhūnahuno. Tenāha ‘‘hatavaḍḍhino’’ti. Taṃ panāyaṃ cakkhādīsu saṃvaravidhānaṃ vaḍḍhihananaṃ maññati. Tenāha ‘‘mariyādakārakassā’’ti. Brūhetabbanti uḷāravisayūpahārena vaḍḍhetabbaṃ pīṇetabbaṃ. Taṃ pana ananubhūtānubhavanena hotīti āha ‘‘adiṭṭhaṃ dakkhitabba’’nti. Anubhūtaṃ pana apaṇītaṃ hotīti vuttaṃ ‘‘diṭṭhaṃ samatikkamitabba’’nti. Sesavāresupi eseva nayo. Paramadiṭṭhadhammanibbānavādī kiresa paribbājako, tasmā evaṃ chasu dvāresu vaḍḍhiṃ paññapeti. Yasmā yaṃ channampi cakkhādīnaṃ yathāsakaṃ visayaggahaṇaṃ paṭikkhipanto lokassa avaḍḍhitaṃ vināsameva paññapeti, tasmā so sayampi vaḍḍhihato hatavaḍḍhito.
ਸਂਕਿਲੇਸਤੋ ਆਰਕਤ੍ਤਾ ਅਰਿਯੋ ਨਿਯ੍ਯਾਨਿਕਧਮ੍ਮਭਾવਤੋ ਞਾਯੋ ਧਮ੍ਮੋ। વਜ੍ਜਲੇਸਸ੍ਸਪਿ ਅਭਾવਤੋ ਕੁਸਲੋ। ਤੇਨਾਹ ‘‘ਪਰਿਸੁਦ੍ਧੇ ਕਾਰਣਧਮ੍ਮੇ ਅਨવਜ੍ਜੇ’’ਤਿ। ਉਗ੍ਗਤਸ੍ਸਾਤਿ ਉਚ੍ਚਕੁਲੀਨਤਾਦਿਨਾ ਉਲ਼ਾਰਸ੍ਸ। ਮੁਖੇ ਆਰਕ੍ਖਂ ਠਪੇਤ੍વਾਤਿ ਮੁਖੇਨ ਸਂਯਤੋ ਹੁਤ੍વਾ। ਅਮ੍ਬਜਮ੍ਬੂਆਦੀਨਿ ਗਹੇਤ੍વਾ વਿਯ ਅਪੂਰਯਮਾਨੋਤਿ ਅਮ੍ਬਜਮ੍ਬੂਆਦੀਨਿ ਅਞ੍ਞਮਞ੍ਞવਿਸਦਿਸਾਨਿ વਿਯ ਪੂਰਣਕਥਾਨਯੇਨ ਯਂ ਕਿਞ੍ਚਿ ਅਕਥੇਤ੍વਾ। ਤੇਨਾਹ ‘‘ਮਯਾ ਕਥਿਤਨਿਯਾਮੇਨਾ’’ਤਿ।
Saṃkilesato ārakattā ariyo niyyānikadhammabhāvato ñāyo dhammo. Vajjalesassapi abhāvato kusalo. Tenāha ‘‘parisuddhe kāraṇadhamme anavajje’’ti. Uggatassāti uccakulīnatādinā uḷārassa. Mukhe ārakkhaṃ ṭhapetvāti mukhena saṃyato hutvā. Ambajambūādīni gahetvā viya apūrayamānoti ambajambūādīni aññamaññavisadisāni viya pūraṇakathānayena yaṃ kiñci akathetvā. Tenāha ‘‘mayā kathitaniyāmenā’’ti.
੨੦੮. ਫਲਸਮਾਪਤ੍ਤਿਯਾ વੁਟ੍ਠਿਤੋਤਿ ਦਿવਾવਿਹਾਰਤੋ વੁਟ੍ਠਿਤੋਤਿ ਅਤ੍ਥੋ। ਦਿવਾવਿਹਾਰੋਪਿ ਹਿ ‘‘ਪਟਿਸਲ੍ਲਾਨ’’ਨ੍ਤਿ વੁਚ੍ਚਤਿ ‘‘ਰਹੋਗਤਸ੍ਸ ਪਟਿਸਲ੍ਲੀਨਸ੍ਸ ਏવਂ ਚੇਤਸੋ ਪਰਿવਿਤਕ੍ਕੋ ਉਦਪਾਦੀ’’ਤਿਆਦੀਸੁ (ਪਾਰਾ॰ ੧੮)। ਭਗવਾ ਹਿ ਫਲਸਮਾਪਤ੍ਤਿਤੋ વੁਟ੍ਠਾਨੁਤ੍ਤਰਕਾਲਂ ਤੇਸਂ ਕਥਾਸਲ੍ਲਾਪਂ ਸੁਤ੍વਾ ਦਿવਾવਿਹਾਰਤੋ વੁਟ੍ਠਾਯ ਤਤ੍ਥ ਗਤੋ। ਸਂવੇਗੋ ਨਾਮ ਸਹੋਤ੍ਤਪ੍ਪਞਾਣਂ, ਤਂ ਨਿਬ੍ਬਿਨ੍ਦਨવਸੇਨਪਿ ਹੋਤਿ, ਸਂવੇਗਨਿਸ੍ਸਿਤਂ ਸਨ੍ਧਾਯਾਹ ‘‘ਪੀਤਿਸਂવੇਗੇਨ ਸਂવਿਗ੍ਗੋ’’ਤਿ। ਸੋ ਪਨ ਯਸ੍ਮਾ ਪੁਰਿਮਾવਤ੍ਥਾਯ ਚਲਨਂ ਹੋਤਿ ਚਿਤ੍ਤਸ੍ਸ, ਤਸ੍ਮਾ ਆਹ ‘‘ਚਲਿਤੋ ਕਮ੍ਪਿਤੋ’’ਤਿ। ਤਿਖਿਣਸੋਤੇਨ ਪੁਰਿਸੇਨਾਤਿ ਭਗવਨ੍ਤਂ ਸਨ੍ਧਾਯਾਹ।
208.Phalasamāpattiyāvuṭṭhitoti divāvihārato vuṭṭhitoti attho. Divāvihāropi hi ‘‘paṭisallāna’’nti vuccati ‘‘rahogatassa paṭisallīnassa evaṃ cetaso parivitakko udapādī’’tiādīsu (pārā. 18). Bhagavā hi phalasamāpattito vuṭṭhānuttarakālaṃ tesaṃ kathāsallāpaṃ sutvā divāvihārato vuṭṭhāya tattha gato. Saṃvego nāma sahottappañāṇaṃ, taṃ nibbindanavasenapi hoti, saṃveganissitaṃ sandhāyāha ‘‘pītisaṃvegena saṃviggo’’ti. So pana yasmā purimāvatthāya calanaṃ hoti cittassa, tasmā āha ‘‘calito kampito’’ti. Tikhiṇasotena purisenāti bhagavantaṃ sandhāyāha.
੨੦੯. ਧਮ੍ਮਦੇਸਨਂ ਆਰਭਿ ਯਥਾ વਿਨੇਯ੍ਯਦਮਨਕੁਸਲੋ વਸਨਟ੍ਠਾਨਟ੍ਠੇਨਾਤਿ ਇਦਂ ਆਰਮਿਤਬ੍ਬਭਾવਸ੍ਸ ਭਾવਲਕ੍ਖਣવਚਨਂ। ਆਰਮਤਿ ਏਤ੍ਥਾਤਿ ਆਰਾਮੋ, ਰੂਪਂ ਆਰਾਮੋ ਏਤਸ੍ਸਾਤਿ ਰੂਪਾਰਾਮਂ, ਤਤੋ ਏવ ਤਨ੍ਨਿਨ੍ਨਭਾવੇਨ ਰੂਪੇ ਰਤਨ੍ਤਿ ਰੂਪਰਤਂ, ਤੇਨ ਸਮ੍ਮੋ ਦੁਪ੍ਪਤ੍ਤਿਯਾ ਰੂਪੇਨ ਸਮ੍ਮੁਦਿਤਨ੍ਤਿ ਰੂਪਸਮ੍ਮੁਦਿਤਂ, ਤਦੇਤਂ ਤਦਭਿਹਤਜવਨਕਿਚ੍ਚਂ ਤਤ੍ਥ ਆਰੋਪੇਤ੍વਾ વੁਤ੍ਤਂ। ਦਨ੍ਤਨ੍ਤਿਆਦੀਸੁਪਿ ਏਸੇવ ਨਯੋ। ਦਨ੍ਤਂ ਦਮਿਤਂ। ਨਿਬ੍ਬਿਸੇવਨਨ੍ਤਿ વਿਗਤવਿਸੁਕਾਯਿਕਂ। ਗੁਤ੍ਤਨ੍ਤਿ ਸਤਿਯਾ ਗੁਤ੍ਤਂ। ਰਕ੍ਖਿਤਨ੍ਤਿ ਤਸ੍ਸੇવ વੇવਚਨਂ। ਸਂવੁਤਨ੍ਤਿ ਅਪਨੀਤਂ ਪવੇਸਨਿવਾਰਣੇਨ। ਤੇਨਾਹ ‘‘ਪਿਹਿਤ’’ਨ੍ਤਿ।
209.Dhammadesanaṃ ārabhi yathā vineyyadamanakusalo vasanaṭṭhānaṭṭhenāti idaṃ āramitabbabhāvassa bhāvalakkhaṇavacanaṃ. Āramati etthāti ārāmo, rūpaṃ ārāmo etassāti rūpārāmaṃ, tato eva tanninnabhāvena rūpe ratanti rūparataṃ, tena sammo duppattiyā rūpena sammuditanti rūpasammuditaṃ, tadetaṃ tadabhihatajavanakiccaṃ tattha āropetvā vuttaṃ. Dantantiādīsupi eseva nayo. Dantaṃ damitaṃ. Nibbisevananti vigatavisukāyikaṃ. Guttanti satiyā guttaṃ. Rakkhitanti tasseva vevacanaṃ. Saṃvutanti apanītaṃ pavesanivāraṇena. Tenāha ‘‘pihita’’nti.
੨੧੦. ਉਪ੍ਪਜ੍ਜਨਪਰਿਲ਼ਾਹਨ੍ਤਿ ਉਪ੍ਪਜ੍ਜਨਕਿਲੇਸਪਰਿਲ਼ਾਹਂ। ਕਿਂ વਚਨਂ વਤ੍ਤਬ੍ਬਂ ਅਸ੍ਸਾਤਿ ਰੂਪਾਰਮ੍ਮਣਂ ਅਨੁਭવਿਤ੍વਾ ਸਮੁਦਯਾਦਿਪਹਾਨਂ ਪਰਿਗ੍ਗਣ੍ਹਿਤ੍વਾ ਪਰਿਨਿਬ੍ਬਿਨ੍ਦਿਤ੍વਾ વਿਰਜ੍ਜਿਤ੍વਾ ਯੋ વਿਮੁਤ੍ਤੋ, ਤਤ੍ਥ ਕਿਂ વੁਦ੍ਧਿਹਤਪਰਿਯਾਯੋ ਅવਸ੍ਸਂ ਲਭਤਿ ਨ ਲਭਤੀਤਿ ਪੁਚ੍ਛਤਿ। ਪਰਿਬ੍ਬਾਜਕੋ ਤਾਦਿਸੇ ਸਾਰਬਦ੍ਧવਿਮੁਤ੍ਤਿਕੇ વੁਦ੍ਧਿਹਤੋਤਿ ਨ વਦੇਯ੍ਯਾਤਿ ਆਹ ‘‘ਨ ਕਿਞ੍ਚਿ, ਭੋ, ਗੋਤਮਾ’’ਤਿ।
210.Uppajjanapariḷāhanti uppajjanakilesapariḷāhaṃ. Kiṃ vacanaṃ vattabbaṃ assāti rūpārammaṇaṃ anubhavitvā samudayādipahānaṃ pariggaṇhitvā parinibbinditvā virajjitvā yo vimutto, tattha kiṃ vuddhihatapariyāyo avassaṃ labhati na labhatīti pucchati. Paribbājako tādise sārabaddhavimuttike vuddhihatoti na vadeyyāti āha ‘‘na kiñci, bho, gotamā’’ti.
੨੧੧. ਤੇਤਿ ਤਯਾ, ਅਯਮੇવ વਾ ਪਾਠੋ। વਸ੍ਸਂ વਾਸੋ વਸ੍ਸਂ ਉਤ੍ਤਰਪਦਲੋਪੇਨ, વਸ੍ਸਿਤੁਂ ਅਰਹਤੀਤਿ વਸ੍ਸਿਕੋ, વਸ੍ਸਕਾਲੇ ਨਿવਾਸਾਨੁਚ੍ਛવਿਕੋਤਿ ਅਤ੍ਥੋ।
211.Teti tayā, ayameva vā pāṭho. Vassaṃ vāso vassaṃ uttarapadalopena, vassituṃ arahatīti vassiko, vassakāle nivāsānucchavikoti attho.
ਨਾਤਿਉਚ੍ਚੋ ਹੋਤਿ ਨਾਤਿਨੀਚੋਤਿ ਗਿਮ੍ਹਿਕੋ વਿਯ ਉਚ੍ਚੋ, ਹੇਮਨ੍ਤਿਕੋ વਿਯ ਨੀਚੋ ਨ ਹੋਤਿ, ਅਥ ਖੋ ਤਦੁਭਯવੇਮਜ੍ਝਲਕ੍ਖਣਤਾਯ ਨਾਤਿਉਚ੍ਚੋ ਹੋਤਿ ਨਾਤਿਨੀਚੋ। ਨਾਤਿਤਨੂਨੀਤਿ ਹੇਮਨ੍ਤਿਕਸ੍ਸ વਿਯ ਨ ਖੁਦ੍ਦਕਾਨਿ। ਨਾਤਿਬਹੂਨੀਤਿ ਗਿਮ੍ਹਿਕਸ੍ਸ વਿਯ ਨ ਅਤਿਬਹੂਨਿ। ਮਿਸ੍ਸਕਾਨੇવਾਤਿ ਹੇਮਨ੍ਤਿਕਗਿਮ੍ਹਿਕੇਸੁ વੁਤ੍ਤਲਕ੍ਖਣવੋਮਿਸ੍ਸਕਾਨਿ। ਉਣ੍ਹਪવੇਸਨਤ੍ਥਾਯਾਤਿ ਨਿਯੂਹੇਸੁ ਪੁਰੇਭਤ੍ਤਂ ਪਚ੍ਛਾਭਤ੍ਤਞ੍ਚ ਪਤਿਤਸੂਰਿਯੋਭਾਸવਸੇਨ ਉਣ੍ਹਸ੍ਸ ਅਬ੍ਭਨ੍ਤਰਪવੇਸਨਤ੍ਥਾਯ। ਭਿਤ੍ਤਿਨਿਯੂਹਾਨਿ ਨੀਹਰੀਯਨ੍ਤੀਤਿ ਦਕ੍ਖਿਣਪਸ੍ਸੇ ਭਿਤ੍ਤੀਸੁ ਨਿਯੂਹਾਨਿ ਨੀਹਰਿਤ੍વਾ ਕਰੀਯਨ੍ਤਿ। વਿਪੁਲਜਾਲਾਨੀਤਿ ਪੁਥੁਲਛਿਦ੍ਦਾਨਿ। ਉਦਕਯਨ੍ਤਾਨੀਤਿ ਉਦਕવਾਹਕਯਨ੍ਤਾਨਿ।
Nātiucco hoti nātinīcoti gimhiko viya ucco, hemantiko viya nīco na hoti, atha kho tadubhayavemajjhalakkhaṇatāya nātiucco hoti nātinīco. Nātitanūnīti hemantikassa viya na khuddakāni. Nātibahūnīti gimhikassa viya na atibahūni. Missakānevāti hemantikagimhikesu vuttalakkhaṇavomissakāni. Uṇhapavesanatthāyāti niyūhesu purebhattaṃ pacchābhattañca patitasūriyobhāsavasena uṇhassa abbhantarapavesanatthāya. Bhittiniyūhāni nīharīyantīti dakkhiṇapasse bhittīsu niyūhāni nīharitvā karīyanti. Vipulajālānīti puthulachiddāni. Udakayantānīti udakavāhakayantāni.
ਨੀਲੁਪ੍ਪਲਗਚ੍ਛਕੇ ਕਤ੍વਾਤਿ વਿਕਸਿਤੇਹਿ ਨੀਲੁਪ੍ਪਲੇਹਿ ਗਚ੍ਛਕੇ ਨਲ਼ਿਨਿਕੇ ਕਤ੍વਾ। ਗਨ੍ਧਕਲਲਨ੍ਤਿ ਗਨ੍ਧਮਿਸ੍ਸਕਕਦ੍ਦਮਂ। ਯਮਕਭਿਤ੍ਤੀਤਿ ਯੁਗਲ਼ਭਿਤ੍ਤਿ, ਤਸ੍ਸਾ ਅਨ੍ਤਰੇ ਨਾਲ਼ਿ, ਯਤੋ ਉਦਕਂ ਅਭਿਰੁਹਤਿ। ਲੋਹਨਾਲ਼ਿਨ੍ਤਿ ਲੋਹਮਯਯਨ੍ਤਨਾਲ਼ਿਂ। ਜਾਲਨ੍ਤਿ ਤਮ੍ਬਲੋਹਮਯਂ ਜਾਲਂ। ਹੇਟ੍ਠਾ ਯਨ੍ਤਂ ਪਰਿવਤ੍ਤੇਨ੍ਤੀਤਿ ਹੇਟ੍ਠਾਭਾਗੇ ਉਦਕਯਨ੍ਤਂ ਗਮੇਨ੍ਤਿ। ਉਦਕਫੁਸਿਤੇ ਤੇਮੇਨ੍ਤੇ વਿવਣ੍ਣਤਾ ਮਾਹੋਸੀਤਿ ਨੀਲਪਟਂ ਨਿવਾਸੇਤਿ। ਦਿવਾਕਾਲੇਤਿ ਦਿવਸવੇਲਾਯ। ਅਜ੍ਝਤ੍ਤਂ વੂਪਸਨ੍ਤਚਿਤ੍ਤੋ વਿਹਰਾਮੀਤਿ ਏਤੇਨ ਅਤ੍ਤਨੋ ਫਲਸਮਾਪਤ੍ਤਿવਿਹਾਰੋ ਭਗવਤਾ ਦਸ੍ਸਿਤੋਤਿ ਆਹ – ‘‘ਤਾਯ ਰਤਿਯਾ ਰਮਮਾਨੋਤਿ ਇਦਂ ਚਤੁਤ੍ਥਜ੍ਝਾਨਿਕਫਲਸਮਾਪਤ੍ਤਿਰਤਿਂ ਸਨ੍ਧਾਯ વੁਤ੍ਤ’’ਨ੍ਤਿ।
Nīluppalagacchake katvāti vikasitehi nīluppalehi gacchake naḷinike katvā. Gandhakalalanti gandhamissakakaddamaṃ. Yamakabhittīti yugaḷabhitti, tassā antare nāḷi, yato udakaṃ abhiruhati. Lohanāḷinti lohamayayantanāḷiṃ. Jālanti tambalohamayaṃ jālaṃ. Heṭṭhā yantaṃ parivattentīti heṭṭhābhāge udakayantaṃ gamenti. Udakaphusite temente vivaṇṇatā māhosīti nīlapaṭaṃ nivāseti. Divākāleti divasavelāya. Ajjhattaṃ vūpasantacitto viharāmīti etena attano phalasamāpattivihāro bhagavatā dassitoti āha – ‘‘tāya ratiyā ramamānoti idaṃ catutthajjhānikaphalasamāpattiratiṃ sandhāya vutta’’nti.
੨੧੨. ਮਹਾ ਚ ਨੇਸਂ ਪਪਞ੍ਚੋਤਿ ਨੇਸਂ ਰਾਜੂਨਂ ਮਹਾਪਪਞ੍ਚੋ ਰਾਜਿਦ੍ਧਿવਸੇਨ ਸਬ੍ਬਦਾ ਸਮ੍ਪਤ੍ਤਿવਿਸਯੋ ਚ, ਅਨੁਭવਿਤੁਂ ਨ ਲਭਨ੍ਤੀਤਿ ਅਧਿਪ੍ਪਾਯੋ। ਮਨ੍ਤੇ ਗવੇਸਨ੍ਤਾ વਿਚਰਨ੍ਤਿ, ਨ ਭੋਗਸੁਖਂ। ਗਣਨਾ ਨਾਮ ਅਚ੍ਛਿਨ੍ਨਗਣਨਾ, ਨ વਿਗਣਗਣਨਾ ਨ ਪਣਗਣਨਾ। ਆવਟ੍ਟੋਤਿ ਯਥਾਧਿਗਤੇ ਦਿਬ੍ਬੇ ਕਾਮੇ ਪਹਾਯ ਕਾਮਹੇਤੁ ਆવਟ੍ਟੋ ਨਿવਤ੍ਤੋ ਪਰਿવਤ੍ਤਿਤੋ ਭવੇਯ੍ਯ। ਏવਂ ਮਾਨੁਸਕਾ ਕਾਮਾਤਿ ਯਥਾ ਕੋਚਿ ਕੁਸਗ੍ਗੇਨ ਉਦਕਂ ਗਹੇਤ੍વਾ ਮਹਾਸਮੁਦ੍ਦੇ ਉਦਕਂ ਮਿਨੇਯ੍ਯ। ਤਤ੍ਥ ਮਹਾਸਮੁਦ੍ਦੇ ਉਦਕਮੇવ ਮਹਨ੍ਤਂ વਿਪੁਲਂ ਪਣੀਤਞ੍ਚ, ਏવਂ ਦਿਬ੍ਬਾਨਂ ਕਾਮਾਨਂ ਸਮੀਪੇ ਉਪਨਿਧਾਯ ਮਾਨੁਸਕਾ ਕਾਮਾ ਅਪ੍ਪਮਤ੍ਤਕਾ ਓਰਮਤ੍ਤਕਾ ਨਿਹੀਨਾ, ਦਿਬ੍ਬਾવ ਕਾਮਾ ਮਹਨ੍ਤਾ વਿਪੁਲਾ ਉਲ਼ਾਰਾ ਪਣੀਤਾ। ਸਮਧਿਗਯ੍ਹਾਤਿ ਸਮ੍ਮਾ ਅਧਿਗਮਨવਸੇਨ ਨਿਗ੍ਗਯ੍ਹ ਦਿਬ੍ਬਮ੍ਪਿ ਸੁਖਂ ਹੀਨਂ ਕਤ੍વਾ ਤਿਟ੍ਠਤਿ।
212.Mahāca nesaṃ papañcoti nesaṃ rājūnaṃ mahāpapañco rājiddhivasena sabbadā sampattivisayo ca, anubhavituṃ na labhantīti adhippāyo. Mante gavesantā vicaranti, na bhogasukhaṃ. Gaṇanā nāma acchinnagaṇanā, na vigaṇagaṇanā na paṇagaṇanā. Āvaṭṭoti yathādhigate dibbe kāme pahāya kāmahetu āvaṭṭo nivatto parivattito bhaveyya. Evaṃ mānusakā kāmāti yathā koci kusaggena udakaṃ gahetvā mahāsamudde udakaṃ mineyya. Tattha mahāsamudde udakameva mahantaṃ vipulaṃ paṇītañca, evaṃ dibbānaṃ kāmānaṃ samīpe upanidhāya mānusakā kāmā appamattakā oramattakā nihīnā, dibbāva kāmā mahantā vipulā uḷārā paṇītā. Samadhigayhāti sammā adhigamanavasena niggayha dibbampi sukhaṃ hīnaṃ katvā tiṭṭhati.
੨੧੩. ਆਰੋਗ੍ਯਹੇਤੁਕਂ ਸੁਖਂ ਅਸ੍ਸ ਅਤ੍ਥੀਤਿ ਸੁਖੀ, ਤਂ ਪਨਸ੍ਸ ਰੋਗવਿਗਮਤੋવਾਤਿ ਆਹ ‘‘ਪਠਮਂ ਦੁਕ੍ਖਿਤੋ ਪਚ੍ਛਾ ਸੁਖਿਤੋ’’ਤਿ। ਸੇਰੀ ਨਾਮ ਅਤ੍ਤਾਧੀਨવੁਤ੍ਤੀਤਿ ਆਹ ‘‘ਸੇਰੀ ਏਕਕੋ ਭવੇਯ੍ਯਾ’’ਤਿ। ਅਤ੍ਤਨੋ વਸੋ ਸਯਂવਸੋ, ਸੋ ਏਤਸ੍ਸ ਅਤ੍ਥੀਤਿ ਸਯਂવਸੀ। ਅਙ੍ਗਾਰਕਪਲ੍ਲਂ વਿਯ ਕਾਮવਤ੍ਥੁਪਰਿਲ਼ਾਹਹੇਤੁਤੋ। ਤਚ੍ਛੇਤ੍વਾਤਿ ਘਟ੍ਟੇਤ੍વਾ, ਕਣ੍ਡੂਯਿਤ੍વਾਤਿ ਅਤ੍ਥੋ।
213. Ārogyahetukaṃ sukhaṃ assa atthīti sukhī, taṃ panassa rogavigamatovāti āha ‘‘paṭhamaṃ dukkhito pacchā sukhito’’ti. Serī nāma attādhīnavuttīti āha ‘‘serī ekako bhaveyyā’’ti. Attano vaso sayaṃvaso, so etassa atthīti sayaṃvasī. Aṅgārakapallaṃ viya kāmavatthupariḷāhahetuto. Tacchetvāti ghaṭṭetvā, kaṇḍūyitvāti attho.
੨੧੪. ਯੇਨ ਕਾਯੋ ਮਧੁਰਕਜਾਤੋ ਹੋਤਿ, ਤਂ ਕਿਰ ਕੁਟ੍ਠਂ ਛવਿਂ વਿਨਾਸੇਤਿ, ਚਮ੍ਮਂ ਛਿਦ੍ਦਜਾਤਂ વਿਯ ਹੋਤਿ। ਤੇਨੇવਾਹ ‘‘ਉਪਹਤਕਾਯਪ੍ਪਸਾਦੋ’’ਤਿ। ਪਚ੍ਚਲਤ੍ਥਾਤਿ ਪਟਿਲਭਿ। ਅવਿਜ੍ਜਾਭਿਭੂਤਤਾਯ વਿਰੋਧਿਪਚ੍ਚਯਸਮਾਯੋਗੇਨ ਪਞ੍ਞਿਨ੍ਦ੍ਰਿਯਸ੍ਸ ਉਪਹਤਤ੍ਤਾ। ਆਯਤਿਂ ਦੁਕ੍ਖਫਲਤਾਯ ਏਤਰਹਿ ਚ ਕਿਲੇਸਦੁਕ੍ਖਬਹੁਲਤਾਯ ਕਾਮਾਨਂ ਦੁਕ੍ਖਸਮ੍ਫਸ੍ਸਤਾ, ਤਦੁਭਯਸਂਯੁਤ੍ਤੇਸੁ ਤੇਸੁ ਚ ਤਂ ਅਸਲ੍ਲਕ੍ਖਿਤ੍વਾ ਏਕਨ੍ਤਸੁਖਾਭਿਨਿવੇਸੋ વਿਪਰੀਤਸਞ੍ਞਾਯ, ਨ ਕੇવਲਾਯ ਸੁਖવੇਦਨਾਯ ਸੁਖਾਤਿ ਪવਤ੍ਤਸਞ੍ਞੀ।
214. Yena kāyo madhurakajāto hoti, taṃ kira kuṭṭhaṃ chaviṃ vināseti, cammaṃ chiddajātaṃ viya hoti. Tenevāha ‘‘upahatakāyappasādo’’ti. Paccalatthāti paṭilabhi. Avijjābhibhūtatāya virodhipaccayasamāyogena paññindriyassa upahatattā. Āyatiṃ dukkhaphalatāya etarahi ca kilesadukkhabahulatāya kāmānaṃ dukkhasamphassatā, tadubhayasaṃyuttesu tesu ca taṃ asallakkhitvā ekantasukhābhiniveso viparītasaññāya, na kevalāya sukhavedanāya sukhāti pavattasaññī.
੨੧੫. ਤਾਨੀਤਿ ਕੁਟ੍ਠਸਰੀਰੇ વਣਮੁਖਾਨਿ। ਅਸੁਚੀਨੀਤਿ ਅਸੁਭਾਨਿ। ਦੁਗ੍ਗਨ੍ਧਾਨੀਤਿ વਿਸ੍ਸਗਨ੍ਧਾਨਿ। ਪੂਤੀਨੀਤਿ ਕੁਣਪਭੂਤਾਨਿ। ਇਦਾਨੀਤਿ ਏਤਰਹਿ। ਨਖੇਹਿ વਿਪ੍ਪਤਚ੍ਛਨਅਗ੍ਗਿਪਰਿਤਾਪਨੇਹਿ ਅਤਿਨਿਪ੍ਪੀਲ਼ਨਕਾਲੇ ਪਾਣਕਾ…ਪੇ॰… ਪਗ੍ਘਰਨ੍ਤਿ, ਤੇਨ વੇਦਨਾ ਤਨੁਕਾ ਹੋਤਿ। ਏવਨ੍ਤਿ વੁਤ੍ਤਨਯੇਨ વੇਦਨਾਯ ਤਨੁਕਭਾવਤੋ।
215.Tānīti kuṭṭhasarīre vaṇamukhāni. Asucīnīti asubhāni. Duggandhānīti vissagandhāni. Pūtīnīti kuṇapabhūtāni. Idānīti etarahi. Nakhehi vippatacchanaaggiparitāpanehi atinippīḷanakāle pāṇakā…pe… paggharanti, tena vedanā tanukā hoti. Evanti vuttanayena vedanāya tanukabhāvato.
ਆਰੋਗ੍ਯਭਾવੇ ਧਨਲਾਭਾਦਿਲਾਭੁਪ੍ਪਤ੍ਤਿਤੋ, ਅਸਤਿ ਚ ਆਰੋਗ੍ਯੇ ਲਾਭਸ੍ਸ ਨਿਰਤ੍ਥਕਭਾવਤੋ, ਦਿਟ੍ਠਧਮ੍ਮਿਕਾਦਿਸਬ੍ਬਸਮ੍ਪਤ੍ਤੀਨਂ ਲਾਭਸ੍ਸ ਨਿਮਿਤ੍ਤਭਾવਤੋ ਚ ਆਰੋਗ੍ਯਪਰਮਾ ਲਾਭਾ। ਨਿਬ੍ਬਾਨੇ ਸੁਖੁਪ੍ਪਤ੍ਤਿਤੋ, ਅਸਤਿ ਚ ਨਿਬ੍ਬਾਨਾਧਿਗਮੇ ਤਾਦਿਸਸ੍ਸ ਸੁਖਸ੍ਸ ਅਨੁਪਲਬ੍ਭਨਤੋ, ਸਬ੍ਬਸਙ੍ਖਤવਿવਿਤ੍ਤਤ੍ਤਾ ਚ ਸਬ੍ਬਸੋ ਚ ਸਂਸਾਰਦੁਕ੍ਖਾਭਾવਤੋ, ਅਧਿਗਤੇ ਚ ਤਸ੍ਮਿਂ ਸਕਲવਟ੍ਟਦੁਕ੍ਖਾਭਾવਤੋ ਚ ਨਿਬ੍ਬਾਨਂ ਪਰਮਂ ਸੁਖਂ। ਪੁਬ੍ਬਭਾਗਮਗ੍ਗਾਨਨ੍ਤਿ ਕਾਯਾਨੁਪਸ੍ਸਨਾਦਿਭੇਦਭਿਨ੍ਨਾਨਂ ਅਰਿਯਮਗ੍ਗਸ੍ਸ ਪੁਬ੍ਬਭਾਗਿਯਾਨਂ ਮਗ੍ਗਾਨਂ। ਤੇਸਞ੍ਚ ਅਮਤਗਾਮਿਤਾ ਨਾਮ ਤਨ੍ਨਿਨ੍ਨਤਾવਸੇਨੇવ ਸਚ੍ਛਿਕਿਰਿਯਾવਸੇਨਾਤਿ ਆਹ ‘‘ਪੁਬ੍ਬਭਾਗਗਮਨੇਨੇવ ਅਮਤਗਾਮਿਨ’’ਨ੍ਤਿ। ਅਟ੍ਠਙ੍ਗਿਕੋ ਅਰਿਯਮਗ੍ਗੋ ਖੇਮੋ ਸਬ੍ਬਪਰਿਸ੍ਸਯਸਮੁਗ੍ਘਾਤਨੇਨ ਅਨੁਪਦ੍ਦੁਤਤ੍ਤਾ, ਤਂਸਮਙ੍ਗੀਨਂ ਸਬ੍ਬਸੋ ਅਨੁਪਦ੍ਦੁਤਤ੍ਤਾ ਤਂਸਮਙ੍ਗੀਨਂ ਸਬ੍ਬਸੋ ਅਨੁਪਦ੍ਦવਹੇਤੁਤੋ ਚ। ਲਦ੍ਧਿવਸੇਨ ਗਹਿਤਾਤਿ ਸਸ੍ਸਤવਾਦਾਦੀਹਿ ਕੇવਲਂ ਤੇਸਂ ਲਦ੍ਧਿવਸੇਨ ਤਥਾ ਗਹਿਤਾ। ਖੇਮਅਮਤਗਾਮਿਨਨ੍ਤਿ ਇਮਿਨਾ ਹਿ ‘‘ਖੇਮਂਅਮਤਗਾਮਿਨ’’ਨ੍ਤਿ વਿਭਤ੍ਤਿਅਲੋਪੇਨ ਨਿਦ੍ਦੇਸੋ, ਅਤ੍ਥੋ ਪਨ વਿਭਤ੍ਤਿਲੋਪੇਨ ਦਟ੍ਠਬ੍ਬੋਤਿ ਦਸ੍ਸੇਤਿ।
Ārogyabhāve dhanalābhādilābhuppattito, asati ca ārogye lābhassa niratthakabhāvato, diṭṭhadhammikādisabbasampattīnaṃ lābhassa nimittabhāvato ca ārogyaparamā lābhā. Nibbāne sukhuppattito, asati ca nibbānādhigame tādisassa sukhassa anupalabbhanato, sabbasaṅkhatavivittattā ca sabbaso ca saṃsāradukkhābhāvato, adhigate ca tasmiṃ sakalavaṭṭadukkhābhāvato ca nibbānaṃ paramaṃ sukhaṃ. Pubbabhāgamaggānanti kāyānupassanādibhedabhinnānaṃ ariyamaggassa pubbabhāgiyānaṃ maggānaṃ. Tesañca amatagāmitā nāma tanninnatāvaseneva sacchikiriyāvasenāti āha ‘‘pubbabhāgagamaneneva amatagāmina’’nti. Aṭṭhaṅgiko ariyamaggo khemo sabbaparissayasamugghātanena anupaddutattā, taṃsamaṅgīnaṃ sabbaso anupaddutattā taṃsamaṅgīnaṃ sabbaso anupaddavahetuto ca. Laddhivasena gahitāti sassatavādādīhi kevalaṃ tesaṃ laddhivasena tathā gahitā. Khemaamatagāminanti iminā hi ‘‘khemaṃamatagāmina’’nti vibhattialopena niddeso, attho pana vibhattilopena daṭṭhabboti dasseti.
੨੧੬. ਅਨੋਮਜ੍ਜਤੀਤਿ ਅਨੁ ਅਨੁ ਓਮਜ੍ਜਤਿ। ਅਪਰਾਪਰਂ ਹਤ੍ਥਂ ਹੇਟ੍ਠਾ ਓਤਾਰੇਨ੍ਤੋ ਮਜ੍ਜਤਿ।
216.Anomajjatīti anu anu omajjati. Aparāparaṃ hatthaṃ heṭṭhā otārento majjati.
੨੧੭. ਛੇਕਨ੍ਤਿ ਘਨਭਾવੇਨ વੀਤਂ। ਘਨਮਟ੍ਠਭਾવੇਨ ਸੁਨ੍ਦਰਂ ਹੋਤੀਤਿ ਆਹ ‘‘ਸਮ੍ਪਨ੍ਨ’’ਨ੍ਤਿ। ਸਾਧੂਹਿ ਪਰਮਪ੍ਪਿਚ੍ਛਸਨ੍ਤੁਟ੍ਠੇਹਿ ਲਾਤੋ ਗਹਿਤੋਤਿ ਸਾਹੁਲ਼ਿ। ਸਙ੍ਕਾਰਚੋਲ਼ਕਂ ਨਿਚ੍ਚਕਾਲ਼ਕਂ।
217.Chekanti ghanabhāvena vītaṃ. Ghanamaṭṭhabhāvena sundaraṃ hotīti āha ‘‘sampanna’’nti. Sādhūhi paramappicchasantuṭṭhehi lāto gahitoti sāhuḷi. Saṅkāracoḷakaṃ niccakāḷakaṃ.
੨੧੮. ਤਤ੍ਥ ਤਤ੍ਥ ਰੁਜਨਟ੍ਠੇਨ વਿਬਾਧਨਟ੍ਠੇਨ ਰੋਗੋવ ਭੂਤੋ। વਿਪਸ੍ਸਨਾਞਾਣੇਨਪਿ ਸਿਖਾਪ੍ਪਤ੍ਤੇਨ ਆਰੋਗ੍ਯਂ ਏਕਦੇਸੇਨ ਪਸ੍ਸਤਿ, ਨਿਬ੍ਬਾਨਞ੍ਚ વਟ੍ਟਪਟਿਪਕ੍ਖਤੋਤਿ ਆਹ ‘‘વਿਪਸ੍ਸਨਾਞਾਣਞ੍ਚੇવਾ’’ਤਿ।
218. Tattha tattha rujanaṭṭhena vibādhanaṭṭhena rogova bhūto. Vipassanāñāṇenapi sikhāppattena ārogyaṃ ekadesena passati, nibbānañca vaṭṭapaṭipakkhatoti āha ‘‘vipassanāñāṇañcevā’’ti.
੨੧੯. ਅਨ੍ਤਰਾਤਿ ਪਠਮੁਪ੍ਪਤ੍ਤਿ ਜਰਾਮਰਣਾਨਂ વੇਮਜ੍ਝੇ। ਉਪਹਤੋਤਿ ਪਿਤ੍ਤਸੇਮ੍ਹਾਦਿਦੋਸੇਹਿ ਦੂਸਿਤਭਾવੇਨ ਕਥਿਤੋ। ਪਿਤ੍ਤਾਦਿਦੋਸੇ ਪਨ ਭੇਸਜ੍ਜਸੇવਨਾਯ ਨਿવਤ੍ਤੇਨ੍ਤੋ ਉਪਹਤਂ ਪਟਿਪਾਕਤਿਕਂ ਕਰੋਨ੍ਤੋ ਚਕ੍ਖੂਨਿ ਉਪ੍ਪਾਦੇਤਿ ਨਾਮ। વਿਨਟ੍ਠਾਨੀਤਿ ਅਨੁਪ੍ਪਤ੍ਤਿਧਮ੍ਮਤਂ ਆਪਨ੍ਨਾਨਿ।
219.Antarāti paṭhamuppatti jarāmaraṇānaṃ vemajjhe. Upahatoti pittasemhādidosehi dūsitabhāvena kathito. Pittādidose pana bhesajjasevanāya nivattento upahataṃ paṭipākatikaṃ karonto cakkhūni uppādeti nāma. Vinaṭṭhānīti anuppattidhammataṃ āpannāni.
੨੨੦. ਪੁਬ੍ਬੇ વੁਤ੍ਤੇ ਸਾਹੁਲ਼ਿਯਚੀਰੇ। વਟ੍ਟੇ ਅਨੁਗਤਚਿਤ੍ਤੇਨਾਤਿ ਅਨਮਤਗ੍ਗੇ ਸਂਸਾਰવਟ੍ਟੇ ਅਨਾਦੀਨવਦਸ੍ਸਿਤਾਯ ਅਨੁਗਾਮਿਚਿਤ੍ਤੇਨ।
220.Pubbe vutte sāhuḷiyacīre. Vaṭṭe anugatacittenāti anamatagge saṃsāravaṭṭe anādīnavadassitāya anugāmicittena.
੨੨੧. ਧਮ੍ਮਸ੍ਸਾਤਿ ਨਿਬ੍ਬਾਨਸ੍ਸ। ਅਨੁਧਮ੍ਮਨ੍ਤਿ ਅਨੁਰੂਪਂ ਨਿਯ੍ਯਾਨਧਮ੍ਮਂ। ਤੇਨਾਹ ‘‘ਅਨੁਚ੍ਛવਿਕਂ ਪਟਿਪਦ’’ਨ੍ਤਿ। ਪਞ੍ਚਕ੍ਖਨ੍ਧੇਤਿ ਪਞ੍ਚੁਪਾਦਾਨਕ੍ਖਨ੍ਧੇ ਦਸ੍ਸੇਤਿ। ‘‘ਦੀਘਰਤ੍ਤਂ વਤ, ਭੋ’’ਤਿਆਦਿਨਾ ਪਾਲ਼ਿਯਂ વਿવਟ੍ਟਂ ਦਸ੍ਸਿਤਂ। ਤੇਨਾਹ ‘‘ਉਪਾਦਾਨਨਿਰੋਧਾਤਿ વਿવਟ੍ਟਂ ਦਸ੍ਸੇਨ੍ਤੋ’’ਤਿ। ਸੇਸਂ ਸੁવਿਞ੍ਞੇਯ੍ਯਮੇવ।
221.Dhammassāti nibbānassa. Anudhammanti anurūpaṃ niyyānadhammaṃ. Tenāha ‘‘anucchavikaṃ paṭipada’’nti. Pañcakkhandheti pañcupādānakkhandhe dasseti. ‘‘Dīgharattaṃ vata, bho’’tiādinā pāḷiyaṃ vivaṭṭaṃ dassitaṃ. Tenāha ‘‘upādānanirodhāti vivaṭṭaṃ dassento’’ti. Sesaṃ suviññeyyameva.
ਮਾਗਣ੍ਡਿਯਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Māgaṇḍiyasuttavaṇṇanāya līnatthappakāsanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੫. ਮਾਗਣ੍ਡਿਯਸੁਤ੍ਤਂ • 5. Māgaṇḍiyasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੫. ਮਾਗਣ੍ਡਿਯਸੁਤ੍ਤવਣ੍ਣਨਾ • 5. Māgaṇḍiyasuttavaṇṇanā
