| Library / Tipiṭaka / തിപിടക • Tipiṭaka / അപദാനപാളി • Apadānapāḷi |
൬. മഗ്ഗദത്തികത്ഥേരഅപദാനം
6. Maggadattikattheraapadānaṃ
൨൬.
26.
‘‘അനോമദസ്സീ ഭഗവാ, ദ്വിപദിന്ദോ നരാസഭോ;
‘‘Anomadassī bhagavā, dvipadindo narāsabho;
ദിട്ഠധമ്മസുഖത്ഥായ, അബ്ഭോകാസമ്ഹി ചങ്കമി.
Diṭṭhadhammasukhatthāya, abbhokāsamhi caṅkami.
൨൭.
27.
‘‘ഉദ്ധതേ പാദേ പുപ്ഫാനി, സോഭം മുദ്ധനി തിട്ഠരേ;
‘‘Uddhate pāde pupphāni, sobhaṃ muddhani tiṭṭhare;
പസന്നചിത്തോ സുമനോ, വന്ദിത്വാ പുപ്ഫമോകിരിം.
Pasannacitto sumano, vanditvā pupphamokiriṃ.
൨൮.
28.
‘‘വീസകപ്പസഹസ്സമ്ഹി, ഇതോ പഞ്ച ജനാ അഹും;
‘‘Vīsakappasahassamhi, ito pañca janā ahuṃ;
പുപ്ഫച്ഛദനിയാ നാമ, ചക്കവത്തീ മഹബ്ബലാ.
Pupphacchadaniyā nāma, cakkavattī mahabbalā.
൨൯.
29.
‘‘പടിസമ്ഭിദാ ചതസ്സോ…പേ॰… കതം ബുദ്ധസ്സ സാസനം’’.
‘‘Paṭisambhidā catasso…pe… kataṃ buddhassa sāsanaṃ’’.
ഇത്ഥം സുദം ആയസ്മാ മഗ്ഗദത്തികോ ഥേരോ ഇമാ ഗാഥായോ അഭാസിത്ഥാതി.
Itthaṃ sudaṃ āyasmā maggadattiko thero imā gāthāyo abhāsitthāti.
മഗ്ഗദത്തികത്ഥേരസ്സാപദാനം ഛട്ഠം.
Maggadattikattherassāpadānaṃ chaṭṭhaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / അപദാന-അട്ഠകഥാ • Apadāna-aṭṭhakathā / ൬. മഗ്ഗദത്തികത്ഥേരഅപദാനവണ്ണനാ • 6. Maggadattikattheraapadānavaṇṇanā
